حمل وقمل

السلام عليكم ورحمة الله وبركاته

عندي مشكلة مسببتلي أزمة وإحراج من كشف المستور.. بس شاسوي حاولت بكذا شي بس لين الحين مكانك سر..
انا مدرسة .. عاد تعرفون الطالبات لازم حد فيهم يكون فيها قمل .. عاد انا اشعرفني..
ولما رديت البيت تصدقون شو صار لي؟!!!!!
حسيت بحكة خفيفة في راسي جان احكه عادي.. واللا تطلعلي قملة اشكبرهاااااااااااااااا..
خفت ومشطت شعري واللا يطلعون لي ربعها بعد.. شوي والدمعة تنزل من عيني..
فقلت اسير الصيدلية وادورلي على دوا
وسرت وراواني الصيدلاني شامبو ورش.
عاد سألته اذا عادي الحامل تستخدمه.. بقق لي عينه وقال أكيد لأ
بس قلتله شاسوي عيل؟..فقرا الورقة الموجودة مع علبة الشامبو وقال انهم ما كاتبين اي شي عن استخدام الحامل.
فيمكن يضر ويمكن لأ
وانا اشتريته .. لكن قلبي ناغزني واخاف على جنيني
فدورت في الانترنت عن وصفات طبيعية .. وتعبت وما حصلت شي مفيد في هالمواقع العربية..
لكن قريت ان زيت الزيتون يفيد.. شو رايكم.. ساعدوني الله يوفقكم