ساعدوني كيف اتزهب بهالمبلغ

كل البنات المواطنات ماعليهم كلام لكن شو رايك
تجربي خولة لان مكياجها روعه وتروح جميع انحاء الدوله وانا عرسي قريب وحجزت عندها وانا سويت بروفه
وشفت اكثر من عروس متمكيجه عندها والله غير وازيدك معلومه هي تعطي دورات في فن المكياج وبصراحه سمعت انها حتى اليوم التي تمكيج العروس فيه ماتخليها تتريا الشعر يخلص وتشوف وتشرف على النهايه ودائما تساعدهم في الافكار يعني اسم على مسمى خبيره

هلا حبيبتي مشكوره الغاليه عالرد

22 زائر و محد عطاني رايه ؟؟؟ الله يسامحكم


حبوبه خوله ... كم تاخذ تعديل العروس ؟؟

و البروفه كم تاخذ عليها و ان شاء الله بشوفها بس اتريا ردودكم

الله يسامحكم ما تبون تساعدوننا !!!

أهم شي شوفي الأشياء الأساسية.. الفستان اذا ما تقدرين لا تفصلين استأجري.. لا تكثرين عطور ولا قمصان نوم ولا كريمات جسم ولا مكياج.. اشتري بالمعقول اللي تحتاجينه لشهرين.. ما أظن تحتاجين وايد..أنا واااااااااااااااااااااايد كثرت ولا استخدمت ربع اللي اشتريته!!!! و بعدين تراج بتطلعين وياه ان شاءالله و بتشترين اللي في خاطرج ولا تتكدرين :)

مشكوره الغاليخ على ردج

انا قلت 6000 بخليها للعطور و الكريمات و الاكسسوارات و المكياج ..... اشرايج اوكي جي ....؟؟

20.000 للذهب و 4000 للثياب الصراحه ماادري جي صح و الا غلط !!

استغلي وقت تخفيضات الماركات هذا أولا
بعدين ركزي على الاشياء الاساسية واذا خلصتي منها ابدأي بالاشياء الثانية

عنوني الذهب اذا يجيك هدايا قللي من شراءه

شوفي أنا توني معرسة من 3 شهور.. و لين ألحين ما خلصت الا غرشة عطر وحده!!! ييبي 2 و بس أكيد عندج من أول لا تعقينهم.. و أكيد بتحصلين هدايا.. اهتمي في العبي و الشنط و الجواتي.. بس بعد لا تكثرين.. المكياج شوفي هالشهرين شكثر تتستهلكين و اشتري على القد.. اهتمي باللبس خاصة اذا كنتي اتداومين أو تدرسين.. ييبي أشياء كشخه للطلعة و أشياء تناسب الدوام.. أنا غلطت و يبت معظم الجواتي كعوب و ما رمت ألبسهم للدوام!
قمصان نوم لا تكثرين!!! أنا يبت يمكن 40 و أول شهر بس لبست 4!!!!!!!!!! يعني لا تتوقعين كل ليله بتلبسين شي شكل الا اذا كنتي ناوية ترقدين فيهم.. أنا كنت ما أقدر صراحة كله بجامات!!!!
أنا اشتريت يمييييييييييييييييييييييييييع الاكسسوارات ولا لبست شي!!!!!!
كل وحدة غير أدري.. بس نصيحتي لا تكثرين.. انقالتلي وايد هالكلمه بس ما سمعت و كثرت و ألحين ندمت!!! :down:

هند

تسلمين الغاليه على مرورج

meaw

ماشاء الله عليج اختي نصيحتج صحيحه ....ز و انا اسمع بعد بس ما آخذ بكلامهم

بس الاغلبيه يقولون لي كثري بالذهب ...... فماادري اشرايج ؟؟


بس ابي اسال ذهب داماس نفس الذهب اللي يبيعونه برع بالمحلات الثانيه و الا تختلف الجوده ؟؟؟

خلاص ان شاء الله بحاول برتب اموري و بقسم بيزاتي عاللي يكفيني و ان شاء الله خير

يزاج الله خير حبوبه

عادي الشيخه ولا تزعلين
انا بعد نفسج زهبتي 40000 ولاني صرفت المهر كله وما خليت منه فلس حمر ما بقى لي غيرهم والله الحين ولازم اتزهب بهم ..

7000 درهم

خليتها للذهب (( طقم ذهب ابيض حلو وبسيط + طقم ذهب اصفر صغيرون حلو لاني اصلا ما البس الذهب الاصفر وايد + 3 خواتم ذهب ابيض ومابغي اكثر لان عندي الحين وايد وهاذيلا بس زياده عدد وبعدين حطي في بالج انج بتحصلين ذهب كهدايا العرس فما يحتاي تتشرين منه وايد ))


3000

لقمصان النوم (( ابا اخذ 10 اكثر شي والحين شاريه 5 بـ 700 درهم تقريبا من نعومي ولاسنزا ويمنى )) + ملابس داخليه + ملابس دلع للبيت من تنانير قصيره وبناطلين وجلابيات ناعمه خفيفه وبيجامات وهالسوالف من اللي يعيبج

1000 درهم

للفوط وطقم الروب ونعال البيت وتقدرين تاخذين بارخص بس على حسب الماركه اللي انتي تبينها


3000 درهم

للمخاوير والجلابيات والصراحه انا ماحب البسهم وايد فأكتفي بأربع مخاوير وجلابيتين بس لاني اصلا بسكن بروحي


3000 درهم

للبدل وفي بالي بس اخذ 7 الحين واي شي اباه ترى عقب العرس السوق ما بيطير عني


3500 درهم

للعبي والشيل ومابغي اكثر منهن وايد لان موضتهن تطيح بسرعه يعني حاطه في بالي طقم واحد عباه وشيله + عباه مفتوحه + عباه اسلاميه + 4 شيل من الاختيار الاول وسيدتي الجميله

500 بس للاكسسورات والشباصات

1000 للجواتي

1000 للشنط

1000 للمكياج
لان عندي وايد من قبل

2500
للدخون والعطورات وهالسوالف


1000 حق لوازم الاستحمام والكريمات والمنظفات ومن هالسوالف اللي ما تخلص

300 تقريبا حق السشوار ومكينه ازالة الشعر

والله مادري اكيد ناسيه شي بس شوفي كله ظهر تقريبا 27800 والباقي لاجار الفستان والمكياج

والله مادري اذا يناسبج او لا بس اتمنى اني اكون افدتج بشي:smile:

الغاليه اذا بالنسبه لفستان العرس اقدر اساعدج فيه انتي بس طرشيلي عالخاص وبتفاهم وياج

أمـــل مفقود


ماشاء الله عليج الصراحه كفيتي و وفيتي

بس بقولج نقطه بالنسبه للذهب نحن عندنا الاهل ما يرضون يشترون ذهب اقل من 15.000 و هنيه المشكله اللي انا فيها

و خاصة يبون يشترون لي المرتعشه و هالسوالف غير الاطقم و تعرفين الذهب نار الحينه

يعطيج العافيه حبيبتي و ان شاء الله الاشياء الثانيه بستفيد فيها منج

عادي الشيخه اهلي شرات هلج وزياده بعد انهم قالوا لي انا مب اقل من 15000 الا قالوا لي الذهب خلي له 20000 بس بعد تدرين انا من النوع اللي ماحب البس ذهب وايد واكثر شي احب البس الاكسسورات الي شرات لون لبسي وعشان جذا ما اهتميت له وايد خاصه انه عندي من قبل وايد مثل ما خبرتج وادري اني بحصل وايد عقب العرس بعد

في النهايه شوفي اللي يعيبج وان شاء الله بترومين تسوين ميزانيتج باحتياجاتج الخاصه صدقيني

الله يوفقج الغاليه

مشكوره الغاليه و ما تقصرين ....

و ان شاء الله باخذ بس احتياجاتي و ان شاء الله ما يصير الا الخير

يزاكم الله خير عالرد و التجاوب ويايه يعطيكم العافيه