انتظر مولودتي الاولى وورقة الطلاق

الله يعينج 00 انا مو عارفه شو الوضع اللى انت عايشته بس صبري يمكن مع المولودة الجديدة يتبدل حاله 00ترى الطلاق موب سهل وخصوصن بوجود طفل صبري موب علشانجج ولا علشانه علشان ها المولودة اللى مالها ذنب صدقيني مع الايام والصبر راح تكسبين زووجج انا اقولج من واقع تجربه اول سنه زواج تكون صعبه بعدين كل شيء يتغير وخصوصن مع العيال 00 ما بقى غير ادعي لج الله يسخرة لج ولبنته ولا يفرق بينكم ويجعل الحب بقلوووبكم

هدي أعصابج و طولي بالج

انتي في عندج بنت

شو رأي زوجج في الموضوع

حاولي ناقشية

عزيزتي انا مااعرف الموضوع ولاظروف طلاقكم
لكن اشوف لو تناقشون موضوع الطلاق قبل لايتم واذا ماحصل نصيب في رجوعكم
فوكلي امرك لله
ربي يرزق الناس بالذريه وينزل معاه الرزقه وربي يكفله بكل شئ سوا كنتوا يالاهل مع بعض او كل واحد لحاله

وكلي امرك لله
واستخيري
وربي يسهلها من عنده

مشكورات خواتي عالرد اتصلي وقالي لا تخلين الشيطان يفرق مبينا لو مب عشانه عشان بنتنه لو استوا فيها شي محد بيندم غيري وغيرج الله يهديه بس

بغيت اعرف العين والحسد يسوي ها الشي ؟؟؟؟؟؟؟؟

اكيد حبيبتي العين والحسد يسون كذا اذا والله زوجك مدلعك ومبسطك ويحبك ويخاف عليك او انتي قاعده تحكين عند وحده الله ماعطها مثل اللي عندك اكيد حسدتك والحسد عيوني مذكور بالقراءن

حبيبتي فكري زين قبل الطلاق والله مو سهل انتي فكري كيف تبين تتخلين عن ضناك وبكره لو كبرت وخذها بعد ماتعلقتي فيها ماراح احد يمنعه بنته وهو بحسب القانون احق بل حضانه

وبعدين لو تركها معاك البنت تحتاج تربيه ورعايه ومراقبه ومهما كنتي حازمه وشديده ماتقدرين عليها خصوصآ في سن مثل المراهقه

ادعي الله انه يهديه ويصلحه وصدقيني الرجال بعد مايجيه ولد او بنت ينعدل حاله بس انت ادعي ربك بكل فرض وتهجدي باليل وادعيه الله انه يصلحه ويسخره لك مابينك وبين ربك حجاب وانا احس لما قلتي انه يقول لاتخلين الشيطان بينا ولو مو عشاني عشان البنت صدقيني ندمان والرجال ماراح يوضح غلطه او ندمه يحس فيها بضعف وانتي حبيبتي اول ماتقومين بالسلامه وتطلعين من النفاس سافري انتي وياه مكه اخذو عمره وادعي ربك يصلحه وبعد اهله حاولي تتقربين منهم بتلاقين صعوبه يمكن اول شيء بس حاولي لو مو عشانهم عشان بيتك

الله يوفقك ويفرج كربك وكرب كل مسلم

كل صاحب نعمة محسود أصلان .... انتي صلي استخارة و ربي يكتب لج اللي فيه خير

ربنا يرقق قلب زوجج
اختي فكري زين لان الطلاق مب سهل واذا بالطلاق بتفتكي من مشاكلكم ففكري في المشاكل اللي بتجيج بعد الطلاق والناس ما ترحم ابد

خليج مع زوجج وصبري عليه وان شاء الله تتبدل الاحوال
وربنا ما ينسى احد

لا حول ولا قوه الا بالله

«®°·.¸.•°°·.¸¸.•°°·.¸.•°®»غاليتى ام امنيه جعل الله ايامك كلها سعيده من ناحيه مناقشه الموضوع انا اقول غلطتى كان الاجدر تنتظرى لعل الله يبدل من حال الى حال وبعدين الله يقومك با السلامه وتفرحى فى بنتك وشوفى هو بيتغير او لا ترى البنون زينه الحيااه وبعدين حطى فى راسك هذه الكلمات اللى انا فى حياتى مااشيه عليها(0 اللى الله كاتبه بيصير لو تجمعت الدنياء كلها) وبشرينا اذا ولدتى وبشرينا بعوده المياه الى مجاريها ولكى تحيتى ودمتى اختك توتى ,,,,«®°·.¸.•°°·.¸¸.•°°·.¸.•°®»

اختي في الله ارجو ان تسمعي نصيحتي لك فهي لوجه الله

استهدي بالله وانتي اللحين مع الحمل اعصابج وتفكيرج متشتت حاولي تسترجعين تفكيرج بالقرار اللي انت متخذته تراه صعب وااايد لاتنسين ان المرأة اذا تحمل تكون نفسيتها تعبانه وايد يمكن تكونين متنسيه في زوجج او اهل زوجج وتشوفين المشكله البسيطه كبيره وتضخمينها ترى عندي وحده من هلي مرت بنفسج الحاله بالضبط لكن بحكمة اهلها تحسفت ان هي كانت تبغي الطلاق من زوجها وبعد الولاده تسال نفسها انا ليش كنت اكره اهل زوجي صدقيني انتي اللي تمرين فيه حالة نفسيه من تغييرات فسيلوجيه تحدث في الجسم .

وقرري انج تراجعين نفسج يا حبيبتي وبعدين لاتحطين في بالج موضوع العين والحسد لان الحسد على كثر ماتؤمنين به على كثره تنحسدين واخذيها معلومه علميه مدروسه من اخت تحب لج الخير من غير ماتشوفج وكل اللي يصير لج خير باذن الله ...

عليج بهاذي الفتره انج تصلين وتدعين ربج ان يلين قلبج وقلب زوجج واهله عليج لاتنسين ياحبيبتي حصني نفسج واذكري اذكار النهار والليل وهذا اعضم تحصين من العين والحسد وعليج بالدعاء في صلواتج الخمس وفي قعدتج ادعي

بهذا الدعاء :

لكي تنجي من المشاكل مع زوجك او اهل زوجك فادعي في كل سجود وانت موقنة بالاجابة
( اللهم انشر بيني وبين زوجي المودة والرحمة وابعد عنا الشقاق والنفاق وسوء الاخلاق) والنتيجة )

فتااااااااااااااااااااااااااكة باذن الله.

دعاء للزوج وتسخيره من الله لك حتى تذيبي ذلك الجبل الجليدي عليك أن تمطريه بدعوات حارة :

اللهم كما كانت الأرض هامدة جامدة خامدة لا حياة فيها ولا نبات فأنزلت عليها الماء فاهتزت وربت وأنبتت من كل زوج بهيج ، وكما أنبت الزرع بالماء أنبت محبتي في قلب زوجي واهله وسخرهم لي حتى تغنني به عن غيره .


ارجوج ان تراجعين نفسك وتتراجعي عن قرارك الخاطئ

تحياتي لك

اختك في الله / الموناليزا

ام امنيه.....حبيبتي الانسان وقت المشاكل وكثرتها مايفكر في الحل الصح يفكر بالفكه وبس واخرها بيندم

هو اكيد محد يقدر يساعدك غير رب العالمين ثم انتي.....انتي شوفي نفسك ايش تبين من زوجك ..شوفي مقدرا حبك له واحترامك...اتخيلي حياتك من غيره..وين تشوفين نفسك...هل تشوفي انك راح تكونين قويه ..موظفه...معتمده على نفسك في كل الظروف...ومعتمده ان عندك اهل بيساعدونك مع بنتك..وطيب وبعدين ..مصيرك بتتزوجين مره ثانيه..صح؟

فكرتي في مصير بنتك بعدها .؟..................حبيبتي احينا تكون نار الزوج ارحم ب100000 من العيشه مع لقب مطلقه

واحيانا يكون الطلاق رحمه للطرفين او واحد منهم....بس كل الموضوع يعتمد عليك انتي....فما قدامك غير الدعاء وصلاة الاستخاره..فما خاب من استخار....وان شاء الله ربي يقدم كل الخير

معليش طولت عليك ..اتمنى اسمع اخبار حلوة مع ولاده البنوته..وقدامك العافيه

اختك روز

ما بيدي شي لج غير الدعاء اختي
الله يفرج همج ويبعد عنج كل شر
الله يهديه ان شاء الله ويصلح حال زوجج .. فكري في البنت اكثر اختي ولا تنسين صلاة الاستخاره واللي فيه خير لج عسى ربي يجدمه امين

الله يكون في العون

هلا حبيبتي أم أمنية

بصراحة انا حس فيج واييييييييييييييييييييييييييييييدلأني مريييييييييييييييت بهالمرحلة وخاصة بعد ماربيت ببنتي
نصحتي لج يا الغالية
قبل اي قرار تتخذينه شوفي محاسن وسيئات ريلج ومعاليج من اهله حاولي تكسبين ريلج بكل طرق
بعدن انتي في بداية حياتج يعني عدج يبالج وقت
والله يسهل عليج


( أنظري لمصائب الغير تهون عليك مشكلتك):cry::cry::cry::cry::cry:

السلام عليكم ورحمة الله وبركاته

هلا بيكي أختي...

أختي بعد سنة بس تريدي الطلاق ؟!

هذه معركتك و لازم تكسبيها...علشان خاطر بنتك...ليش تنحرم من حنان أبوها و لعبها معاه و تربيته لها ؟

أنا عارفة إنه معاد ولادتك في هذا الشهر...و يمكن الله قوّمك بالسلامة...

بس بعد الولادة راح تحسي كيف تحتاجي زوجك أكثر و أكثر...

الله يهديكي بس...

و إن شاء الله نسمع عنك كل خير قريب...

طيب ليش حملتي اذا كانت المشاكل موجودة؟؟؟؟؟؟؟؟

انا ضد فكرة الطلاق ومافي زوج كامل

والزوجة لازم تضحي وتصبر

اختي مو عارفة بايش انصحك بس احيانا الطلاق يكون راحة للطرفين

انتي قلتي في البداية انه ماكانت له ردة فعل لمن طلبتي الطلاق كأنه يبي الفكة مثل ما ذكرتي وبعدن قال لا تخلين الشيطان يخرب بيتكم

انتي من وجهة نظرك ايش رأيه بخصوص الطلاق ؟ هل هو ضده ام معاه ... هل لازال متمسك فيك وفي بنتكم الجاية ؟

اختي احيانا الواحد يتسرع نتيجة لضغوطات الحياة وبعدين يندم انتي لازم تجلسين معاه وتتفقون سواء على الصلح او على الأقل على الانفصال المؤقت عشان يصير عندكم فرصة تفكرون

اذا هو متمسك فيك وراغب انه يتغير للأحسن لازم تتفاهمون على هالشي ويكون معاكم ناس اكبر منكم عشان لو احتد النقاش وعشان كل واحد يتلزم باللي يقوله قدام الثاني

الله يسوي اللي فيه الخير لك ولبنتك .... وماخاب من استشار

[size=6]السلام عليكم و رحمة الله و بركاته،،،

اختي ترا كل الرياييل ضعفاء جدام اهلهم (خصوصا الام و الخوات)، كل الرياييل و منهم ريليي،، لأني عايشة وياهم ف نفس البيت العين عليه ( سارت، حطت، نشت، تغدت، طلعت، قالت، يدلعها، عاطنها ويه، حتى مرة امه قالت له اشكره ف ويهي انه الرياال لازم يأدب حرمته و يحط على راسها شريكه!!!!!!!!!!!! انا مثلج ايام الحمل ما كان ف مخي غير فكرة الأنفصال و لعيشه عند أهلي ابرك، بس يوم شفت الولد و شفت كيف زوجي متعلق فيه غمظني ريلي و فكرت فالموضوع عدل ،،،، و قلت حرام احرمه من ولده،،، و احرم الولد من ابوه ،،،، و بعدين تميت اقرأ مواضيع المنتدي و مشاركات البنات،، و الله العظيم اني جربت معظم كلامهم و طلع كله صح في صح،، و نصايحهم عين العقل،،، ،،، اثبتي و حاربي و حافظي على زوجج و عيالج،،،، لأن رايي الشخصي هذا العيب مب في زوجج فقط هذا عيب شرعي في كل الرياييل،، ،، صعب وايد صعب تكسبين اهل ريلج،، خصوصا اذا هم ما ابدو حسن نيه،، بس حاولي عالأقل تبتعدين عن التصادم و ياهم (((( ملاحظه : اهل الزوج وايد يغارون من زوجة ولدهم خصوصا اذا حسوا انه يحبها و يبديها عليهم )))) لا تلومين الريال ساعات يكون بين جنه و نار ،،، بين امه ( الي هي جنته تحت اقدامها)) و بين زوجته حبيبته ،،

و سامحيني طولت عليج ،، ،،، يمكن طريت اشياء وايد خاصة و تعتبر من اسرار البيوت بس صدقين ان كل بنت عايشة و اهل ريلها مرت بهذي الامور بشكل أو بآخر.....

الله يصبرج،، و يعينج و يهديج ،،، [/size]

انا مع كلام البنات

لا تتسرعين

ما عليك من اهل زوجك

اهم شي زوجك نفسه

و بعدين اذا كان زوجك نفسه زين خلاص

تفادي اي مشاكل مع اهله

زوريهم و ادي الواجب فقط

لكن لا تحتكين فيهم و خليك رسميه اذا كانوا يسببون مشاكل

نصيحه مجربه

و بعدين ترا المعلومه اللي قالوا البنات ان الرجال يتغيربعد ما يرزقه ربي طفل

صحيحه الى درجه كبيره

استخيري ربك ثم فكري

اختي انتي نسيتي اهم نقطه انج حامل ... و الحامل تتغير نفسيتها و تحس بالاكتئاب و الضيج دايما و هذا كله بسبب الهرمونات... و يكونون حساسات لاي نقطه ...ممكن اي اتفه سبب يخليهم يعصبون يتضايجون يصيحون بسبب او من غير سبب ....

ارجعي لبيتك و لا تهدمين بيتك بسبب نفسيتج المتغيره بسبب الحمل و هرمونات الحمل...و حتى بعد الولاده لا تقكرين في هذا الموضوع ارجعي لبيتج و قولي لزوجك انك تعبانه نفسيه بسبب تاثير هرمونات الحمل و الطلب الي طلبتيه من من خاطرج ... و اجلي هذي الفكره لين تولدين بالسلامه و تعدي مرحه ما بعد الولاده و ممكن يزيد هذا الشعور عندج بعد الولاده بفتره لان وايد من الحريم يصييبهم اكتئاب ما بعد الولاده

لا تاخذين قرار مصيري مثل هذا في وقت حرج مثل هذا الوقت ...انتي حامل و هذا كله بفعل الهرمونات لا تستعجلين اختي و بعدين راح تندمين ....و ان شاء الله الاوضاع راح تتغير بعد ما تولدين بالسلامه ان شاء الله