شعور غريب!!!

[grade="FF4500 4B0082 0000FF 000000 F4A460"]عزيزتي حلوة المحيا لا تخافين بنتج تحبج وتعرفج بس مو ذاك الزود

لانه توها صغيره وانتي مضطره انج تخلينها مع الوالده وقت طويل

تخيلي انها طول الليل نايمه وول ما تصحى تودينها للوالده لين المغرب او لين العصر

تراه وقت طويل وشعور طبيعي انه بنتج تتصرف هالتصرفات وتكون تعودت على الرضاعه الصناعيه

بس انتي لا تهملينها تمي لميها ورضعيها قد ما تقدرين واي وقت انتي معاها حاولي ما تهدينها

دوم خلج جنبها وشوي شوي بتتعود وبتعرفج اكثر وان شاء الله اكون افدتج.[/grade]

الله يعينج والله انا نفسج بالضبط كأنج تتكلمين عني انا

انا اطلع من البيت الساعة 9 اودي ولدي عند امي واسير الجامعة ... وارد 3 ايام في الاسبوع الساعة 4 العصر ويومين ارد 5 :(

حالتنا صعبة والله ويا هالدراسة ..

ونفس ماقلتي صح ولدي يضحكلي يوم الاعبه بس احس انه يحب امي اكثر ويعرفها اكثر

يعني من يسمع صوتها على طول يلتفت لها ..

ويوم ابا ارضعة ما احسه يبا صدري بالذات في الليل وقت الرقاد يكون يصيح بس اقرب صدري منه يسكر حلجة وياخذ المصاصة وينام..

اصلاً احس انه حليبي نشف ..

انتي من تردين عوضي الوقت كله ويا بنتج لاعبيها وشليها .. لا تخلينها

والويك اند استغليه وياها يعني مب تطلعين وتخلينها..

هلا والله بالحلوين

تسلمون يالغاليات على الرد

meemo0o ان شاء الله بحاول لكن من التعب يوم ارجع ما عندي وقت اللعبها الله المستعان مشكورة حبيبتي

عيون والله يالغالية الله يعينا على عيالنا عيل كيف امهات لازم انضحي عشانهم ونتحمل التعب عشان الله قال الجنة تحت اقدام الامهات

خواتي حلوة المحيا و عيون أبوظبي

ما عبيه بعدهم صغار و ما يعرفون .. يعني أحين انتوا تعرفون لما كان عمركم سنة أو سنتين .. أمكم كانت وياكم ولا لا .. باجر بيكبرون و ينسون

بعدين شو يعني يحب امي أكثر و يعرفها .. ترى أمج أمه .. كلكم واحد ..

و ربي يوفقكم ان شاء الله

لا تحاتين عزيزتي أبداً ولا تشيلين هم ... إن شاء الله بعد التخرج جابلي مهاري 24 ساعة وعوضيها عن هالأيام اللي كنتي فيها بعيدة عنها .. وإن شالله بتتعلق فيج ولا بتهدج وبتقولج يا ماما :yes:

حبيبتي حلوة المحيا كل الموظفات او الطالبات تقريبا يعانون نفس المشكلة وانا يو م كنت طالبة بالجامعة كنت احس بنفس الشعور


ومع كذا كنت احاول اعوضها اول ماارجع للبيت واقضي معها اكثر وقت ممكن ولكن وبصراحة مازالت تحب امي اكثر مني

وامي بعد تحبها غير كل احفادها

الياهل يعرف أمه من ريحتها.. حاولي يوم تودينها بيت أمج تخلين وياها شي من ريحتج.. حطي في سريرها شي من ثيابج اللي لابستنها مب المغسولة.. بهاي الطريقة بتتعود على ريحتج أكثر و ما بتحس انج غريبة! أدري طريقة تضحك بس الأطفال في هالسن بالذات يتعرفون على الناس بالريحة و الصوت :)

السلام عليكم ورحمة الله وبركاته

أقول لك شيء و ما تزعلي منّي...

إنتي مقصرة معاها يا حلوة المحيا...

حاولي تقضي معاها وقت أطول...عوديها عليكي...رضعيها على قد ما تقدري...برضه إنتي والدتها...لازم يكون في علاقة خاصة بينك و بينها...تنتظرك بلهفة...و تضحك بس لمّا تسمع صوتك...

ربي يحفظها لك...

°ˆ~*¤®§(*§*)§®¤*~ˆ°انا عندي تعليق بسيط°ˆ~*¤®§(*§*)§®¤*~ˆ°
[align=justify]من تجربتي من ولدي ان الطفل لين اربع شهور توه صغير وايد:think: على التمييز على الرغم انه يرضع من امه ويعرفها، بس الوضع عندي الحمد لله رب العالمين وايد غير، على الرغم اني ما ارضع ولدي رضاعة طبيعية من ولادته لظروف خارجة عن ارادتي:sad:، لأنه مولود قاصر في الشهر الثامن والحينه ماشاء الله عليه بتاريخ 3 من الشهر الياي بكمل السابع وبيدش الثامن، بس الحمدلله رب العالمين متعلق فيني وايد لدرجة فظيعة، انا طلعت من الجامعة علشان عيونه، رفضت اني اكون بعيدة عنه او امي تربيه/ بعدين صعب شوي يتعود علي وهذا شئ مب زين,ف الحمدلله انا اللي اوكله بايدي واعطيه رضاعته وما اعطيه مصاصة بالمرة على الرغم من صياحه الشديد، ويعرفني الحمدلله ودوم معاي في اي مكان،حتى والله احيانا ابي اصلي ما اقدر منه من كثر يبكي :cry:لما اروح عنه,,الحمدلله يا رب..فيا خواتي لا تحاتون :yes:هذي فترة وبتعدي، اربع شهور بعده الطفل ما بيميز الام وهذا رأيي ولا تخافون توكلو على الله والولد ما له غير والديه باجر بيتعود عليج:mad2: وبيغصص فيج بعد
سلامي لكم:smile:

عزيزتي مياو مشكورة الغالية وبسوي نفس فكرتج تسلمين

مرموووووووووووووم لا يا الغالية ما بزعل صح كلامج اني مقصرة لكن والله مجبروووووورة لاني اشتغل وادرس شو اسوي لا اقدر اترك العمل ولا اقدر اترك الدراسة كلهم حلمي ومستقبلي وكم تسوا يوم عيالي يكبرون ويفتخرون بامهم انها جامعية لكن انا ابا اكمل وفي نفس الوقت ما ابا احسس مهرة اني انا مقصرة وفيها ولاهية عنها
حاولت ارضعها رافضة صدري ما تباه زعلانة عليه

الجميلة مشكورة يا الطيبة وان شاء الله هي فترة زمن وبتحس اني ماماتها خاطري اسمع هالكلمة