ابا حـــــــــــــــــــــل لعصبيتي؟؟؟؟

السلام عليكم ورحمة الله وبركاته



أختي الحبيبة (البستكيه)

إن شاء الله هالموضوع يفيدج

http://www.3roos.com/forums/showthread.php?t=138429

وفعلا لاحظت هالشي على نفسي..


وأنصحج بقراءة كتاب (لا تحزن) للدكتور عائض القرني حفظه الله

عن طريق الكتاب راح تعرفين أن الحزن والعصبية يذبحون الإنسان

وراح تعرفين أن الدنيا ما تسوى علشان تعورين قلبج علشانها

لا بالعصبية ولا بالحزن...



والله يوفقج ويهدي بالج..


و السلام عليكم ورحمة الله وبركاته

حبيبتي كلام
همس صحيح
وحاولي اذا غضبتي تتعوذين من الشيطان وتاخذين نفس عميق

وحبه حبه بتروح العصبيه

كلام اختي عاشقة الجوري صحيح

عدي للعشره او قولي لا إله إلا الله عشر مرات واتنفسي بعمق قبل لا تعصبين واتعوذي من ابليس

وشوي شوي بتهدين

لا عصبتي الشيخة تعوذي من الشيطان و روحي توضي وضوءج للصلاة و صلي ركعتين ..

السلام عليكم اختي البستيكة
ابي انصحك وانشاء الله انك تستفيدي
اول ماتحسي انك معصبة حاولي خدي نفس عميق
او روحي لغرفتك وامسكي اي مخدة واضغطي عليها وانشاء الله بتفرغي عصبيتك
وحاولي اذكري الله

اشكرررررررررررررررررررركم خواتي
همس القلوب
عاشقه الجوري
مناير الكويت
دوحانيه
والساحره الشريره

ان شاءلله بحاول اطبق الي قلتولي عليه
يارب ايفيد ويايه

السلام عليكم ورحمة الله وبركاته

الله يوفقك دايما أختي و يخلّي لك عيالك...

إن شاء الله موضوع الأخت نجمة الفجر يفيدك...

السلام عليكم
الله يعينج ويعيني نفس حالتج بالضبط ما اقدر امسك اعصابى
عيالى بيتعقدوا منى بسبب هالعصبية
كل يـــــــــــــــــــــــــــــــوم صراخ وحشرة والسبب هم الاطفال الله يعينا عليهم ويعطينا الصبر ان شاء الله

الله يعينك هم انا اعاني من نفس المشكله

بس اهون منك تصدقين عشان كذا انا ما افكررررررررررر

اجيب بيبي ثاني الا لما يكبررررررررررر ولدي

حبيبتي الاخت شيرين
انا ما يبتهم ورا بعض بين الاول والثاني 3 سنوات و4 شهور وبين الثاني والثالث بعد 3 سنوات و3 شهور يعني مو ورا بعض

انا اعرف ان السبب من عيالي انا بطبعي عصبيه واليهال يزيدونها صدقج ام حميد كل من اليهال

وتسلمون حبايبي على الرد

حرااام عليكم لا اتعقدونا من اليهال!!!
انهم زينة الحياة الدنيا

طولوا بالكم و مثل ما قالت ام حميد بتعقدون عيالكم
الام مفروض اتكون الحنان والطيبة و السلطة الحازمة تتمثل في الاب
هذا الوضع الطبيعي
الله يعينكم
حاولوا انكم اتخلون ازواجكم يشاركونكم المسؤليات عشان يخف التوتر وبالتالي العصبية
الله يعين الجميع ويعينا امهات المستقبل!!!!!!!

والله ما ادري شو اقول لج يا ختي ،، انا عصبيه ،، و ولدي بعده صغير ،،، 4 شهور،،، انا عصبيه وايد ،،،، بس لاحظت اني بعد الولاده وايد بردت،،، و خفت عصبيتي،،، يمكن من المعاناه و الموت الي شفته ،،، قمت اشوف الأشياء الثانيه الي كانت تنرفز بي اتفه من اني احرق اعصابي ،،،، يوم تشوفين الموت تستوين بارده شويه ،،،، بعيد الشر عنكم جميعا،،،،،

و بعدين لا تخافين من عصبيتيج الزايده،،، انشالله بتقل مع الوقت ،،،

شكلج موظفه أو مظغوطه أو متوتره من شي ،،، السبب مب من عيالج الله يحفظهم ،،

او حاولي تشوفين تصرفات الصغاريه من منظورهم هم و منطقهم ( هذا اذا الصغار عندهم منطق ) ههههيههههه

الله يعينج و يخلي عيالج انشالله

السلام عليكم ورحمه الله وبركاته

اتمني اني افيدك من الحديث هذا اقريه وان شاء الله تستفيدين والفائده للجميع
بسم الله الرحمن الرحيم ( والكاظمين الغيظ والعافين عن الناس ) صدق الله العظيم
قال رسول الله (ص) ( من كظم غيظا وهو قادر على أن ينفذه ، دعاه الله على رؤوس الخلائق يوم القيامة حتى يخيره من الحور عين ما شاء ) الترمذي

مشكورررررررررررررررين على تفاعلكم معايه
وتسلموووون كلكم
بس احب اوضح للاخت ام ناصر انا لا موظفه ولا عندي ضغوطات واعطي الحنان حق عيالي مو ما اعطيهم بس اي غلطه يسوونها ما اقدر اتحكم اباعصابي اذا حرجت قصدي ما اقدر ايود عمري واتم احرق عمري من الداخل عرفتي كيف افهموووووووني عاده
الحمد لله هاكي اليوم سمعت محاظره عن هالموضوع اتعرفون شو قال ان قال ان اسوأ انواع العقاب للاطفال هو الصراخ عليهم قال اضربيهم ولا انج اتزاعجين عليهم اسوا اسوا اسوا انواع العقاب لان له ردود سلبيه على نفسيتهم من يومها وبعد قرايتي حق ردودكم الحمد لله احسن عن قبل ابوايد اقدر اتحكم اشوي الحمد لله

اسمعي انا كنت احيانا مثلك اعصب على زوجي اوبنتي واكون عارفه انه مايسوى الزعله واتمم
اغلي من جوى
بس الحين احسن تدرين ليش وقفت الحبوب (منع الحمل)
ماتصدقين قد ايش تغيرت حتى زوجي يقول صرتي شي ثاني
يمكن يكون نفس الشي الي عندك
الله يعين الهرمونات كانت لاعبه فيني وانا مادري
الله يهدي سرك ويطمنك