خطيبي مل مني؟؟

انا من رايي انك تقولينله ردك على ماعجبني وماتوقتك بيوم ترد على بهالطريقه بس انا شكلي قطيت نفسي عليك ونزلت من نفسي وانا غلطانه وشكلي غثيتك كثير بس من اليوم ورايح بخفف من مكالمتي لك ومن مقابلتي اذا هذا شي يرضيك ويمكن هذا الشي يخليك تحترمني اكثر وتدورني اكثر ومن بعدها اثقلي بس انتبهي لاتتغيرين كثير كثير بس اثقلي وانتي وشطارتك.... وبيني وبينك الرجال ماينعطون وجه يعني اثقلي عليه ولا تلقينه وجه كثير كذا هو يموت فيك ويدور عليك اثقلي يابنت) هذا رايي واستخيري قبل ماتسوين كذا

اني رأيي
انه تصبرين شويه عليه وطبعا تسامحيه الكلمه قويه شويه بس لازم تقدرين ظروفه نعسان تعبان عمل ويمكن مشاكل بالعمل
المهم تظلين تجددين بنفسك وبنفس الوقت تثقلين شوي مااحد يحب البنت الخفيفة ولا تطولييين عليه تالي يزهق ويهون ما يحاول حتى يراضيك

والله يهديكم ويهنيكم

فعلا انتى لازم تستحمليه وتسامحيه ولازم نقدر الظرووووووووووووووووووووووووووووووووووووف

كان لازم من الاول تكوني ثقيله عليه....يعني انتي عملتي كل شي...ايش خليتي لبعد الزواج....حكايه المفاجات تصير "لمن" يصير ملل في العلاقه...مو في الاول...دحين هو مل من المفاجات ايش راح تسوي؟....
دحين لمن ترجعي تكلميه...خليكي عااااادي...لا تصيري ملهوفه عليه....قللي الهدايا...البسي شي عادي...يعني اعملي عكس الي كنتي تعمليه...عشان يحس بالتغيير....هما كده طبعهم الرجال...يحبوا البنت الثقيله...و الي واثقه من نفسها....و اجلي حكايه المفاجات الى بعد الزواج...و الله يوفقك انشالله

بس عندي سؤال...انتوا كتبتوا الكتاب ولا لسه؟

انا من رأي انج اتكلمينه وتتناقشي معاه هاي طبعا بعد التغلي شوي زعلي واذا كلمج جاوبي على قد السؤال عقب اهوا بيحس بغلطته وبيقعد يحاول اراضيج وانتي اهنيه وشطارتج
وعقب فهميه ان رده ماكان حلو معاج
وان شاء الله تصالحون
والله يوفقكم

الرياييل لا يعجبهم العجب و لا الصيام في رجب.... تعدلو الحريم و تدللو قالو لهم ثقلوا ... تخيسوا و تدفشوا قالوا لهم لا هذا زوجج و له عليج حق !!!

انا دخت!! الله يعينج ولا يبلينا في المستقبل!!!

هلا حبيبتي
رأيي انك تثقلي عليه كمان شوي ولا تكلميه لانه هو يبغا وحده تطنشه وهو يركض وراها
واذا زعل قوليله انه هو قالك لا تتعلقي فيي كثير وانه بحركته حسيتي باهانه وزعلتي منه
وكمان البنات ماقصرو وقالولك خلي المفاجئات لبعد الزواج لما يصير في ملل
ولا تزعلي منه لأنه قاللك بصراحه انه يبغاكي ثقيله لكن انا معاكي انه اسلوبه غلط ويجرح
ومع الايام تقدري تغيريه والله يوفقك

انا مع البنات حبيبتي
كلامه لايأثر فيك ابد..بس المفاجآت خليها لبعد الزواج..بس اثقلي..المكالمات قلليها..وبالمكالمه خليه هو اللي يتكلم اكثر
بس لايكون هذا كله بنفور..خلك عاديه وبس اللي كان يشوفه منك قبل خليه الحين بالقطاره عليه علشان يحس بقيمته..ولما تتزوجين والله يتمم عليك بخير وحسيتي كل هذا بيروح خلاص

وبنفسك راح تعرفين تتعاملين معه لانه بيكون قدام عينك
والله يوفقك يارب

:shy:
لازم تردي عليه بالهاتف ولا تعملي مشاكل بس لازم بطريقة دلع تقولي له لا تزعلني منك ثاني مرة ولا تجادلينه ابدا لاني اعتقد بأن الجدال يموت الحب.
izdehar

انا شايفه بأه غنك تتعملي معاه بذكاء الراجل ميحبش البنت ال مرميه عليه أوي لازم شويه كده وشويه كده تنوعي خلي نفسك مره دلوعه وي ومره بتتقلي عليه شويه بس بدلع ومن غير زعل ولا بعد أقصد البنت الذكيه ال تخلي جوزها او خطيبها ميقدرشي يستغني عنها ابدااا تشد وترخي وكده يعني وانا شايفه ان ممكن يكون عنده حق شويه مش تتعاتبي عليه ممكن يكون تعبان ممكن فعلا انتي بتحبيه اوي اوي وده مش عيب بس حبة تقل ودلع وربنا يسعدك ويهنيكي يارب ويباركلك فيه وافهميه واتعملي معاه زي ماهو عايز وزي صفاته :)

مراااحب..

على كلامك الريال كلهم نفس الشي...
المهم اختي مثل ما قالت الاخت عنوس الريايل يحبون يركضون ورا الحريم ..انا ما ألومج على الأخطاء الي سويتها لأن هاي أول مره اتكونين مع ريال وطبيعي تتصرفين هالتصرف...بس الأهم الحين انج تتعلمين من الخطاء والحين انت اتعرفين شو الي يعيبه والي ما يعيبه هوو سهل لج الموضوع :) خلاص ما في داعي اتقوليله انا ما اباك اتروح ولا متى بشوفك ولا تولهت عليك ما ينفع معاه واصلن ما ينفع في هالوقت وقت الخطبه لان باذن الله بتكونون في بيت واحد او بيجابلج 24 ساعه ..

وتوقفي عن اعطائه الهدايا وهالسوالف خليها للعرس كل موفاجئاتج خليها بعد العرس انتي ني لازم تكسبين قلبه ..

والحين...لاتقطعين اتصالتج اول شي لان بيحط في باله ان طبيعتج تزعلين بسرعه وانتي الغلطانه وتبينه يراضيج تراه بيمل زياده...كلميه مكالمه وحده وكلميه جنج اتخاطبين ابوج قوليله انا اسفه لو ضايقتك ابشي ..وسمحلي حبي لك يخليني اتصرف هالتصرفات...المهم انتي ماتدرين شوو كان مزاجه هالوقت يمكن كان مضايق من شي ثاني...

وخفي مكالماتج بس لاتقطعين مره وحده يعني خليه يتصل اول مره لاتردين عليه او مرتين المره الثالثه ردي قولي انج كنتي مشغوله بس مب دووم اتسوين هاي الحركه بتعودينه بعدين هههههههه(ياهريايل )

خليه يتوله عليج مثلا اليوم الي هو بيقول يبى يشوفج فيه لا طولين الليلسه وياه سوي عمرج تعبانه وتبينه يروح بسرعه (بعد لا تسوين هالحركه دايمه بين فتره وفتره ) مافيني بعد يقول انج ماتبينه

وضحكي يوم بتشوفينه من بعد هالسالفه مب تيلسين ماده البووز خلي يعرف انج طيبه وايد وفاهمه هو شو يريد...الحمدالله انه قالها فالخطبه ماقالها في شهر العسل جان اغمى عليج هههههههههه


واخيرا انصحج انج تقرين كتاب الرجال من المريخ والنساء من الزهرة ل د.جون غراي وااااااااااااااااايد حلوووو ومفيد للعلاقات الزوجيه

والسموحه عالاطاله

تحياتي
عروس الموج

بعض آراء البنات جيدة

واضح انك ثقلتي عليه شوي وطلعتي كل ماعندك مرة وحدة وهذا خطأ..... كل شي له اصول وقواعد

انتي الحين لا تزعلين ولا تسوين حركات .. خلك كلش عادية وتكلمي معاه وقت ما هو يتصل كأمرأة عاقلة ناضجة... لأنه الدلع الزايد والحب الزايد واللصقة تنفر الرجل وتخليه يضجر من هدومة بعد

راجعي نفسك قبل لا هو يتخذ قرار يصدمك فيه ....الرجل يحب حرمتة تكون عاقله ورزينة وحكيمة وراكدة وفي اوقات الحب سوي إلي تبين

والله ينور عقلك

أنا من المؤيدين لرأي اختي عروس الموج كفت ووفت ما شالله عليها مع تحياتي لكل الأخوات العزيزات اللي شاركو ا

واتمنى منج حبيبتي تطبقين كلامها بالحرف الواحد فديتج

والله ولي التوفيق

السلام عليكم ورحمة الله وبركاته



أختي الكريمة (zeaa)

تقريبا البنات ما شاء الله عليهم كفوا ووفوا لكن أسمحي لي بالتعليق علشان تتوصلين

لحل مع خطيبج وتجمعين كل الردود وتشوفين إيش إللي ممكن تتخذينه..

أختي الحبيبة، طبعا زي ما قالوا البنات الرجال ما يحبون البنت الخفيفة وزوجج من هالنوع

أنا عارفة مشاعرج وعارفة شكثر أنتي تحبينه بس لا ترمين نفسج عليه وايد..

يعني مثلا لما يتصل لا تخلين كل الكلام يجي من طرفج وخلي كلامج معاه خفيف وردي عليه

على قد السؤال.. حاولي يكون السكوت عندج أكثر من الكلام علشان يكون فيه وقت هو

يتكلم فيه..

لا تخلين كلام الحب يطلع منج أنتي ثقلي عليه علشان هو إللي ينطق بكلام الحب مو أنتي

إذا بيمشي عنج ولا بيسكر لا تنادينه خلاص خليه يروح أو يسكر وبنفس الوقت خليه هو إللي

ما يقدر يسكر أو يمشي عنج..

إذا أنتوا مالكين وهو يجيكم البيت ، لا تقعدين جنبه .. أجلسي على كرسي مقابله مو جنبه

وخلي كلامك معاه قليل ولازم تكونين كاشخة زي عوايدك بس خليه هو يجي يقعد جنبك مو أنتي

إللي تروحين له..

لا تتصلين فيه كثير، خليه هو إللي يتصل وإذا أتصل فيج لا تحسسينه أنج وايد مشتاقة له

بالعكس خليج طبيعية.. وزي ما قلت قبل خلي أكثر الوقت له هو علشان يتكلم..

الهدايا لازم ما تكون دايما بس في المناسبات وهم المفاجآت..

طبعا الحين أنتي زعلانة منه ويتصل بس ما تردين عليه.. يعني المفروض أنه أستوعب أنج

زعلانة من كلامه.. لما يتصل مرة ثانية ردي عليه بس لا تقولين ولاشي ولا تفتحين باب العتب

بس غيري في أسلوب كلامج معاه يعني لا تنطقين بكلمة حب ولا شوق خليكِ عادية

يمكن هو يقول لج شفيج.. قولي له ما فيني شي ، ليش أنت حاس أن فيني شي؟

يمكن يقول لج إيه أحس إنج زعلانة.. قولي له ليش أنت مسوي شي علشان أزعل؟

ولا تصيرين ضعيفة قدامه وتحسسينه إنج زعلانة ولا حتى تبكين قدامه..

وحاولي دايما أنتي إللي تنهين المكالمات مو هو ولا تطولين معاه بالمكالمات علشان ما يمل من

صوتج.. يعني بالعربي أبيج تتغيرين عليه 180 درجة علشان يحس بغلطته وعلشان

هو إللي يركض وراج مو أنتي..

وشي أخير، صلي صلاة الحاجة دايما وأدعي أن الله سبحانه يجمع بينكم على خير

ويألف بينكم ويزيد الحب بينكم..



الله يوفقج حبيبتي وإن شاء الله نسمع عنج كل الخير


و السلام عليكم ورحمة الله وبركاته

البنات كفو ووفو
لكن طلبي لك ولجميع البنات ان فترة الملكه
حلو انه يكون فيها شوي حرمان وشوي عطاء
يعني بالاعتدال
وانتي اثقل عليه
يمكن زوجك مايحب الاهتمام الزايد فيه او انك كثير ملازمته فهو تضايق من هالشئ
عزيزتي مسالة انك ماتردين عليه خلاص ردي عليه لان يمكن انتي تخسرينه
اذا دق كلميه ومشي الموضوع عادي واثقلي
واذا في لحظه عاد هالكلمه تناقشي انتي وياه

hebaaa:
كان لازم من الاول تكوني ثقيله عليه....يعني انتي عملتي كل شي...ايش خليتي لبعد الزواج....حكايه المفاجات تصير "لمن" يصير ملل في العلاقه...مو في الاول...دحين هو مل من المفاجات ايش راح تسوي؟....
دحين لمن ترجعي تكلميه...خليكي عااااادي...لا تصيري ملهوفه عليه....قللي الهدايا...البسي شي عادي...يعني اعملي عكس الي كنتي تعمليه...عشان يحس بالتغيير....هما كده طبعهم الرجال...يحبوا البنت الثقيله...و الي واثقه من نفسها....و اجلي حكايه المفاجات الى بعد الزواج...و الله يوفقك انشالله

بس عندي سؤال...انتوا كتبتوا الكتاب ولا لسه؟

بصراحه هالرد كفى ووفى بس في الأخير السؤال قوي شوي


سفيرة فوق العاده

الثقل زين في كل الأمور

اثقلي وبيعرف قيمتج


سفيرة فوق العاده

مرحبا حبيباتي,,
والله والله انكم ما قصرتووا..خجلتوني بطيبكم وذوقكم والله,,
خاطري ارد على كل وحده لحالها بس ماعندي وقت للاسف,,
بس حبيت اوضح اني مخطوبةو(مكتوب كتابي) لان البعض كان يسأل اذا مكتوب كتابي اولا؟؟
وحبيت اوضح لكم حبيباتي اني مو رامية نفسي عليه يعني صدق رومانسية معاه وفاجأه بمفاجات بس بعد احرمه من هالرومانسية والمفاجات من وقت لثاني,,واحيانا اقصرها على المناسبات بس,,
واشكركم يابنات على ارائكم اللي صدق انا كنت غافلة عنها,,وخلاص قررت اني اغير اسلوب معاملتي معاه واثقل شوي مثل ما قلتوا يعني انا فيني ثقل مب كلش خفيفة بس بعد بزيد من جرعة هالثقل لدرجة اخليه يلاحظ فيني هالشي,,
وعلى فكرة اهو اتصل فيني قبل شوي ومارديت الا عقب ما رن التلفون وااايد..وقال لي جهزي نفسج بمر عليج عقب الدوام؟؟رديت عليه ببرود وقلت له ماليي نفس اطلع اليوم ؟؟سكت فترة بعدين قال انتي جهزي نفسج علشاني؟؟قلت له مو اكيد اطلع وياك؟؟احتمال ضعيف يعني,,قال اوكي عقب مااطلع من الدوام خبريني اذا امر او لا؟؟والحين انا شكلي ما بروح معاه..خله يحس شوي اني زعلانة على اللي قاله واني خلاص مو مثل قبل,,

عموما بنات..اكرر شكري لكل وحده ردت على موضوعي ونصحتني ,,والله يوفقكم ياااااااااارب لكل خير ويجزيكم رب العالمين ويقضي لكل وحده فيكم حاجتها ااااااااااامين,,

[grade="FF1493 DC143C FF1493 DC143C"]
السلام عليكم ورحمة الله وبركاته

أهلا أختي،الحمدلله إنج استفدي من نصيحة البنات،بس عندي وجهه نظر أتمنى تاخذينها

بعين الإعتبار،ألا وهي الطلعة،أنا أعرف إن فيه وايد عائلات عادي عندهم الطلعة بعد الملجة،ومن

كلامج عرفت إنه عادي عندكم،وصحيح إنه خلاص يعتبر زوجج وانعقد القران،لكن من الأفضل إن ماتكون

هناك طلعات،إنتي ماتدرين شو ممكن يصير في هالطلعات،أرد وأقول صح زوجج،لكن من الأفضل

إن أي شي يصير بين الزوجين يكون بعد حفل الزواج وحتى لو كانت أمور بسيطة..

وحتى تخلون الحياة الزوجية بعدين لها معنى أحلى ،حاولي تتناقشين معاه في هالموضوع،ماراح يزعل

لو ناقشتيه،وبهالطريقة راح يتمسك فيج أكثر،وييفتقدج أكثر،

الله يوفقج يارب،ويسعدج دنيا وآخرة،آمين

في أمان الله[/grade]