اول شهور الحمل .. والمزاج

اختي انا صحيح ما جربت بس هذا شي طبيعي جدا ... نتيجة لتغيير مستوى الهرمونات في جسم الحامل .. لا تحاتين فترة وتعدي خاصة الثلاثة شهور الأولى هي الصعبة وبعدين تخف الأعراض كلها

وحدة من صديقاتي كانت تكره زوجها وريحته ... بس فترة بسيطة ورجعت مثل قبل

بعد ما تكملين الثالث وتدخلين الرابع راح تتحسن نفسيتك كثير وتصيرين تفكرين في البيبي وتجهيز اغراضه وغرفته وبتكون من أحلى فترات الحمل

الله يسهل عليك ويتمم لك بخير وتبشرينا عن سلامتك انتي والبيبي

هلا ناعمه
انا مثلك بس مش كل يوم ومش في توقيت معين
يعني من فترة كده قمت اكتئب بدون سبب و احس اني ازعل من زوجي بدون سبب و ابالغ في شعوري انه مش طايقتنه
حاولي تتغلبين على هذي المشاعر انك دايما اتذكرين نفسك انها آثار الحمل مش اكثر من كذا
وحاولي تقرين القرآن اكثر و تكثرين من الاذكار عشان ترتاحين
واهم اهم شي ما اتبينين لريلك هذه المشاعر لانه بعض الرياييل ما يتفهمون
بس وضحيله انه الحمل ممكن يأثر على مزاجك وهذا شي طبيعي وقوليله دايما اتمنى انك تتحملني شوي اذا بدر مني اي زلة
يعني هذا اللي اقدر انصحك فيه
انا عن نفسي غلطت كم مره باني قمت اختلق مشاكل مع زوجي بس احاول اعتذر بسرعة
الله المستعان
هانت ان شاء الله

اختي ناعم هذي اعراض طبيعيه مرتبطه بالنسات (الوحم) انا كان يصير فيني نفس الاعراض في حملي الاول وهم مريت بنفس الاعراض في حملي الثاني وبعدين الاعراض هذي كلها تزول مع دخولك الشهر الرابع او الخامس والله يتمملك علي خير

اللة يعينك و يسهل عليك

هرموناتج اتغير ف علشان جذيه بتلاقين نفسج تتصرفين تصرفات غريبه ماكنتي تسوينها قبل
وحتى المزاج ترى هالشي طبيعي جدا جدا
بس انتي حاولي تعطين علاقتج مع زوجج حقها حتى لو بالاسلوب الزين لانه ماله خص