ام جديده

السلام عليج اختي ،الحمد لله عالسلامه ومبروك ما ياج أختي ولا تستهلين كل خير اصدقين من فتره كنا نسأل عنج إذا ربيتي ولا بعدج عالعموم مبروك ماياج وتتربي فعزج يا رب ،واخيرا يختي صرنا أمهات .... أختي بالنسبه لسؤالج أنا الصراحه ولدي كان يشرب من صدر واحد بس ابحيث انه الصدر الثاني نشف ما كان فيه حليب وبعدين انا ما استمريت عالرضاعه الطبيعيه كملت عالصناعي لانه اتعودو اعيالي عالصناعي لاني كنت اداوم ولما ارجع احاول ارضعهم مايبون وقفت وبعدين بالنسه للماي انا كنت اعطيهم بعد كل رضعه يشربون اشوي عشان يقايا الحليب تنزل من فم الياهل عشان ما تتاثر اللثه عنده وبعد الماي وايد زين انا أمي وحماتي دوووم يقولولي الماء وايد ضروري دوووم كانو يقولولي انتي تصبرين عن الماي فالياهل نفس الشي .... كنت اعطيه اشوية ماي مع قطعه اصغيره من سكر النبات عشان يشربه ولا تنسين لازم الماي يكون مغلي عدل ، وبعدين الماي بينزل هالشي الابيض اللي علي لسانها .... والله يحفظلج بنوتج يا رب ...ويخليلي أعيالي يا رب ....

أم حمدان قالت الكلام اللي بقوله لك.

بس أحب اظيف مو لازم في كل رضعه اتغيري لها الصدر يعني مثلا إذا الصبح رضعت من صدر اليمين الرضعة اللي بتجي بعدها رضعي بنتك من صدرك الشمال وهكذا لكن مو شرط في وقت الرضاعة أتغيري لها الصدر هذا الشي تقدري اتسويه لها لما تكبر أنك اترضعيها من الصدرين في نفس الوقت.

والماي شي ضروري لكل الكائنات الحية لأنه في بعض الدكاترة يقولو ان الطفل لازم ما يشرب الماي غير من يكمل 3 شهور بس مو كل كلام الدكاترة صحيح وخاصة انه بنتك عطيتيها حليب صناعي يعني لازم شوي أتبلي ريقها والشي الأبيض أعتقد شي عادي وذلك بسبب الرضاعة مع الوقت يروح.

شكرا حبيبااااتي على الرد...

أم حمدان مشكوره حبيبتي على سؤالك عني... والحمدالله الأمومه شعور لا يوصف .. الله لا يحرم احد من هذي النعمه..

أنا ودي استمر على الرضاعه الطبيعيه وخايفه ان حليبي ينشف ... خاصه اني بروح الجامعه بعد 10 ايام....

هل اذا اعطيتها رضعتين و 3 صناعيه في اليوم راح ينشف حليبي؟؟ وكيف أقدر أحافظ على الرضاعه الطبيعيه؟؟

أيش الاشياء الي تكثر الحليب الي في صدري؟؟

ادعوا لي أستمر بالرضاعه ....

الرضاعه في الليل تزيد ادرار الحليب هذي معلومه صحيحه ...
شاي الحلبه تزيد الحليب وبعد الحلاوة الطحينيه..اهم شي بعد انج انتي تشربين ماي وايد عشان يزيد الحليب عندج

بالنسبه للماي لازم تعطينها بعد كل رضعه وخاصة بعد الحليب الصناعي عشان ما يسويلها امساك لانه كثيف..هذا الكلام من دكتووور ...

مبروك مرة ثانية اختي ام جود الله يخليها لك ويتتربى في عزكم ان شاء الله ... انا ما أفهم في الرضاعة ابدا بس حبيت اقول لك ان المادة البيضاء اللي على لسانها شي عادي وبيروح مع الوقت توها صغيرة يادوب اسبوع

وأكيد مهم تعطينها موية بالاضافة للحليب

اولا مبروك ماياج اختي بنت كيوت,,

والاخوات ما قصروا معاج..

بس بالنسبة للدوام في الجامعة + الرضاعة.. يمكن بتواجهين صعوبة في البداية في الرضاعة الطبيعية مع الدوام.. لكن اياك ثم اياك ان تتنازلي عنها ..
اليست ابنتك حبيبة قلبك وتتمنين الافضل لها؟ فالرضاعة الطبيعية هي الافضل..
وانا اتوقع انك طالبة في الجامعة وهذا معناه ان لديك فرصة ترتيب محاضراتك بما يتناسب والرضاعة الطبيعية ..


واذا احسست بصعوبة في الجمع بينهما فيمكنك ان تعطيها رضاعة صناعية وقت الدوام فقط.. وبعد عودتك يجب ان تستمري معها رضاعة طبيعية ..

تذكري قد تشعرين بالتعب والصعوبة .. لكن ضعي في حسبانك دائماً ان الطبيعية هي افضل ما يمكن تقديمه لفلذة كبدك..

وكلامي هذا عن تجربة حيث انني ولدت بنصف الفصل..

شكرا لكم حبيباتي على الردود والدعم النفسي...

أرجوكم ادعوا لي أستمر بالرضاعه الطبيعيه.. خاصه أني مو لاقيه تشجيع من الاهل..

دايم يقولون لي حليبك ما يكفي .. لكن باذن الله استمر بالرضاعه.....

الف مبرووووووووووك الله يخليها لك احذري الطفل في المرحله هذه يفضل النوم اكثر من الرضاعه فانت حاولي تصحيه من النوم وتسوليها حركات عشان ترضع
انا مره تعبت نفسيتي لان ابني رضع بس ثلاث شهور لانه تعب وتنوم 15 يوم في المستشفى الله لايعيد الشر قولوا امين كان معاه حساسيه في صدره وتعبان يابعد عمري
ونسى صدري لانه كنت ارضعه صناعي لانه كان في ايده
المغذي والابر والاكسيجين وما اقدر احمله بين ايديني فرجاء خاص حاولي ترضع اكثر وقت ممكن من صدرك لانه فوائده عظيمه زي ما الكل يعرف................
وشكرا

هلا أختي..

انا ماقريت ردود البنات.. بس من تجاربي حبيت أخبرج عن اللي أعرفه..

بالنسبة للحليب وهي ترضع خليها تكون صاحية وان حاولت تغفل حركي اذنها أو حركي صدرج بحلجها أو حركي ريولها.. المهم ترضع واذا ماستجابت لهاذيل خليها تنام يمكن ماتبقي زيادة.. والطفل طبعا أدرى بعمره..

بالنسبة للبياض اللي بالحلج اذا كان وايد وديها للدكتور لأنه يمكن يكون فطريات وولدي الأولي كان نفس الشي.. ومن يفتح حلجه يطلع البياضضضضضضضضضضضضض.. بس بالعلاج خف..

الله يخليلج بنتج..

يختي لا تحاتين الرضاعه اهم شي انج ترقدين عدل عشان الحليب ما ينشف وبدين أهم شي النفسيه وسبحان الله إذا نفسيتج مرتاحه بيكون في حليب فصدرج وبعدين هالقلق اللي اتمرين فيه شي طبيعي بالنسبه لاول يا هل وبعدين سبحان الله انتي إذا حطيتي في بالج انج اترضعينها وما توقفين رضاعه انشالله بتكملين عالطبيعي ، اتصدقين انا عقب ما ربيت يلست أكثر عن اسبوع تعبانه من العمليه وأعيالي ياهم بصفار فكانوا تحت الاضاءه وما كنت ارضعهم والكل قالي خلاص ما شي فايده الحليب نشف بس سبحان الله لاني حطيت فبالي اني ارضع وسبحان الله الله يسر فأهم شي راحتج ولا اتحاتين وايد أنشالله خير وطمنينا عليج

سلام عليكم وألف مبروك أنا بس حبيت أقولك ما أعرفه الأبيض اللى فى الفم ده عبارة عن فطريات ويجب علاجها حتى لا تصل الى المعدة ونلك بناء عن كلام دكاترة وعلاجها سهل جدا هو الجلسرين ويوجد فى الصيدليات جلسرين خاص بفطريات الفم او العادى وضعيه على شاشة صغيرة وأمسحى بيه فم البيبى من الداخل ولا تستخدمى الشاش مرتين لأنك ستأخذى الفطر وترميه ارجو أن أكون افدتك

سلام اختي بنت كيوت
الف مبروك على البنوته والحمدالله على السلامه:up:
اختي بس حبيت اقول لك ان البياض الي في فم بنتك لافضل انك تاخذينها للطبيب وهو يفحصها
لان ولدي صارله نفس الشي:sad: واعطانا الطبيب له مضاد وقال لي بدام الفطريات بس في الفم علاجها بيكون سهل ان شاءالله
بس اهم شي اعطيها مويه كثير حتى لو كنتي ترضعينها طبيعي
واذا اعطيتها صناعي عطيها مويه بعده

اما الاشياء الي تدر الحليب سمعت الحلاوه الطحينيه والمويه والعصيرات

ماتشوف شر العروسه الصغيروره


واهلا بك في مشوار الامومه:mad2::cry:

شكرا لكم حبيباتي على الرد ...

وان شاء الله يوم الخميس عندي لها موعد مع طبيبه اطفال...

بس الحمدالله الابيض خف احسن من اول

فعلا كلام أم دودى سليم أنا كمان الطبيب وصفلى مضاد لكن للأسف كان بيسبب مغص لأبنتى فيل ريت فعلا تسألى الطبيب حتى يخبرك بالأصح لك ولأبنتك