كيف احبه؟

عزيزتي الي فهمته ان شكله ماعجبك
هل تتوقعين نظره سريعه لشكله تساعدك على معرفة هذا حلو اولا
عزيزتي دام فيه خصال حلوه ليه ترفضينه
ودام مابعد ملكتوا يعني معناه مابعد صار بينكم اخذ وعطا عشان تشوفين الي اهم من شكله
احساسح اكيد بيكون الوضع خوف
وماعندك اي شئ اتجاهه وبتتعلقين بشئ انتي شفتيه الي هو شكله الي ماعجبك لحد ماتلقين الشئ الي بيعجبك فيه وتتمسكين فيه
ونقطه مهمه صلاة الاستخاره مو معناه بس احساس تحسينه بعد انك توكلين امرك لله وهو يسيره على الخير
انتي شوفي وخذي واعطي معاه دامك بتشوفين حتى بعد الكلام ماحبيتيه فهنا تحكمين

وعليكم السلام ورحمة الله وبركاته

بصى يا حبيبتى انا شايفه انه لو عجبك هتتقبليه وبعدين انتى لو مش متقبلاه يبقى حاولوا تاخروا عقد القران

وحاوللى تتكلمى مع امك وتحكيلها وهى اكيد ادرى مننا كلنا وخليها تنصحك وتقوللك وجهة نظرها

وان شاء ربنا يوفقك وياريت تطمنينا عليكى

عزيزتي

الشكل مو كل شي الجمال جمال الروح ؟؟؟؟؟؟؟؟؟؟؟؟؟؟؟؟؟؟؟
ولسه قدامك وقت تقدري بعد الخطوبه تعرفيه اكثر .............

وتتاقلمي علي شكله مدام مافيه شي يعيبه ......

الله يوفقك ويسعدك ويكتبلك الا في الخير ........

والله اني ما ادري وش اقولك

غير اني حاسه فيكِ نوعاً ما
لكن ليه مسويه في روحك كذا .. انا مع الاخت عاشقة .. لا بد وان يكون هناك خصال فيه اكثر جمالاً من شكله الظاهر
وإذا على الظاهر يا اختى ترى كل شيئ رايح .. وتظل الروح

ودام روحه طيبة .. حرام عليش لو مجافتنه
حاولى تقربين منه وحاولى انك تتكلمين معاه وايد
وتسالينه .. وتقولين له فسحنى ابي اروح اتعشى ابي اتسوق ابى اروح الملاهي
وستانسي وسوي لش برنامج حلو خلال هالشهرين
صدقيني بتحسين حالك عايشة شهرين عسل

بس الامر بأيدك

انتى على العين والراس اخت ومعانا في هالمنتدى
بس اهو بعد كسر خاطري .. لازم تراعينه شوي

انتى داره وملفاه


واتمنى لش كل السعادة
وياليت تطمنينا عليش


تحياتي،،

يعطيكم العافيه يا بنات وعرايس المنتدى كفيتو ووفيتو

ما عندي شي زياده

سفيرة فوق العاده

حبيبتي لو كان الشكل هو المشكله الوحيده في الموضوع بسيطه لاتخسرين انسان بالموصفات هاذي عشان سبب مثل كذا بعدين هو انسان عادي مقبول مو دميم ماتقدرين تطلعي فيه حرام يضيع من يدك وهاذي موصفاته عشان سبب مثل كذا واعرفي ان الكمال لله مافيه انسان كامل اوتفصلينه مثل ما انتي تبين

اما اذا انتي مو مرتاحه معاه واستخرتي كذا مره ولا ارتحتي خلاص شوفي حياتك لاترتبطين فيه وانتي مو سعيده وتعيشي حياتك مو مرتاحه

بس الله يوفقك بس فكري بدل المره الف قبل اي خطوه لأن هذا مستقبلك

حبيبتي الشكل هو آخر شي لازم تفكرين فيه.. لأنه مع العشره و معاملته الحسنة ان شاء الله لج سيزيد جماله و يتحسن شكله في نظرج (وهذا من دراسه علمية و ليس فقط كلام في الهوا)

البنات ما قصروا
بس احب اقولك شي انه مرات في صفات في الواحد وهالصفات الي اتخليج اتشوفينه حلو
انا وايد استوا لي جي ويا اصدقائي لا تحكمين على حد قبل ما اتعرفينه عدل

وان شاءالله الله يوفقج

[grade="00BFFF 00008B 00BFFF 00008B"]

السلام عليكم ورحمة الله وبركاته

الأخوات ذكروا بأن الشكل ليس من الأمور الأولية التي تشدنا في الخاطب،وأنا أوافقهم الرأي

ولكن جميعنا يعلم بأن القبول يجب أن يحصل بين الخطيبين،حتى يشعران بالراحة ومن ثم الزواج..

من كلام الأخت،فهمت بأنها تحترمه وتحترم أخلاقه،ولكن لا تشعر بالقبول إتجاهه،ونصيحتي لها أن

تصلي مرة أخرى استخارة،فالخيرة فيما اختاره الله،وأن تنظري إليه مرة أخرى قبل عقد القران،فإن حصلت

الراحة النفسية والقبول،توكلي على الله ودعي الأمور تمشي على خير،أما لو شعرتي بالضيق ولم تستطيعي

تقبله،فحاولي أن تخبري الأهل بذلك،وبإذن الله يتقبل الخاطب الموضوع..

في أمان الله[/grade]

لا تستعيلين بعد ما تملجين وتتم الملكه وبالمعامله الطيبه بروحج بتبتدين تحبينه فمافيه داعي هالوساوس تركيها عنج

وما حب الا من بعد زواج

الشكل ابدا مو اساس الحب ولا اهو سبب من اسباب السعاده ..

اما عن كيف تحبينه .. اعلمي بانك قد اخترتينه بارادتك اولا .. وضعي في بالك بانه اختارك انت من دون البقيه .. اعرفي شعوره نحوك بالحب والعاطفه والامان ..
تعرفي على شخصيته .. واعلمي عنه كل شئ ماذا يحب وماذا يكره .. اساليه دوما عن عمله وماذا فعل .. وتعلمي ان تحبيه بعيونه على انها ميزات ..
زمع التعود عليه سوف تحبينه تلقائيا ....

وبالتوفيق ،،

تصدقين انتي ذكرتيني في نفسي وكيف كانت ردة فعلي من شكل خطيبي
انا لو تبين الصدق ما شفته في النظره الشرعيه لاني بطبعي وااايد خجووله وما قدرت ارفع راسي ابد مع اني حاولت بس هو طبعا شافني لان الريال من طبعه ما يستحي مثل البنت ..
المهم استخرت ربي بدون ما اعرف كيف هيئته حتى
ووصلني من اخواني كلام طيب عنه وما كان فيه الا كل خير ..
بس بعد ما كنت احس بالراحه ولو تبين الصدق ما كنت اباااه مووول ولا لي خاطر يتم كل شي على خير بس سبحان الله ربج راد وصارت الملجه واول مره شفته من ورا الدريشه اول ما دخل بيتنا مع ابوه لما كانوا يايين يملجون وكانت ملجتي الصبح وحفلتي في الليل وعشان جذا ما قعدت عنده ولا طالعني الصبح بس تدرين اول ما شفته ما عجبني ابد لاني كنت متخيله فارس احلامي بصوره ثانيه وعكسه تماما .. وقعدت اصيح وانا مقهوره ليش صارت الملجه وليش ما رفضت ومن هالكلام لين ما يى الليل وانا على اعصابي وبنت عمتي تهديني وتقول لي اصبري وعقب ما تقابلينه وتعرفينه عدل عقب احكمي مب الحين ..
المهم ما اكذب عليج اول ما دخل بالليل بعد الحفله يقعد معايه شويه ما ادري شو صابني وحسيت بنفسي مرتااااااحه وايد حتى قبل ما يتكلم ولما تكلم حسيت اني اقول في داخلي الحمدلله ان صار لي نصيب معاه لكن بعد ما قدرت ارفع راسي واطالعه في هاليوم خخخخخخخخخخخخ

اول مره شفته قريب مني وعدل هي في اول زياره له لبيتنا عقب الملجه .. هاك اليوم صدق شفته عدل وسبحان الله كان كل شي فيه حلو واستغربت انا من نفسي كيف كان اللي شفته واللي اشوفه الحين وحتى قبل لما كانوا يقولون لي ويحلفون لي انه حلو كنت اقول لاااا واعاندهم لان الشيطان كان يلعب دوره في هالوقت بس عرفت ان كلامهم طلع صح خاصه بعد ما شفت اخلاقه وما لقيت منه الا كل خير
صدقيني الغاليه الشيطان له دور كبير في هالفتره بينج وبينه وحتى في اول ايام الملجه والزواج ويحاول كثر ما يقدر انه يبعدكم عن بعض وانتي لا تخلينه واذا كان الريال زين وما عليه كلام توكلي على الله ولما بتشوفين اخلاقه حتى لو ما كان مثل ما تبين صدقيني بتموتين فيه ..
اهم شي روح الانسان واخلاقه .. لان الشكل ماله اي قيمه لو غابت الاخلاق ..

السلام عليكم ورحمة الله وبركاته



أختي الحبيبة nour83

أول شي أحب أبارك لج على الخطوبة وبإذن الله ربي راح يتمم الزواج على خير

والله يرزق كل البنات بالزوج الصالح والذرية الصالحة إن شاء الله..

حبيبتي، دامك صليتي إستخارة والموضوع سار على أفضل حال والزواج ما تعرقل

تأكدي أن الله سبحانه كاتب لك الخير مع هالإنسان وحطي في بالك أن الشكل مو كل شي

أحيانا تلقين إنسان ملامحه من أحلى ما تكون لكن بالعشرة تلقين أخلاقه مش ولابد

وفيه أقبح الصفات ففي هالحالة هاذي بإيش تفيد حلاوة الشكل؟؟

عزيزتي، حاولي تتقربين من خطيبك أكثر وتتكلمين معاه أكثر وتركزين على صفاته الحلوة

وراح تشوفين أن الصفات هاذي غطت على شكله..

ولا تنسين تصلين صلاة الحاجة تطلبين فيها من الله سبحانه أنه يقربج منه ويقربه منج

ويجمعكم على خير إن شاء الله ...


الله يوفقج في حياتج ويتمم لج على خير


و السلام عليكم ورحمة الله وبركاته

السلام عليكم ورحمة الله وبركاته

ما شاء الله ...البنات ما خلّوا لي شيء أقوله...

الله يتمّم لك على خير إن شاء الله...و واظبي على الإستخارة...و إن شاء الله خير