بنات البحرين (( شارع البوكواره ))

هلا بيج اختي

تنور الديرة بزيارتج

انا ما أعرف المحلات بالضبط واسماءها لان قليل ما اروح له بسبب بعد هذا الشارع عنا

لكن اللي اعرفه انه شاع فيه محلات كثير حلوة وراقية وتصير المحلات اللي فيه جنب بعض يعني ما يحتاج تنتقلين بالسيارة من محل الى أخر الا اذا بغيتي محل في اخر السوق وانتي في اول السوق

والله شارع البوكوارة مليان مشاغل راقية ومحلات جلاليب مررة كشخة

الله يسلمك عندك مشغل كيدي روووعة بس فالمواعيد مش وله بد يعني عادي يوهقج في نفس اليوم اللي تبين فيه الفستان ماتلاقينه جاهز ..

عندك كبرى القصير مشغل وجلايب مررررة حلوة بس اسعارها نار و اذا موسم اعراس عادي فستانك ماينضبط

عندك كمان اتلييه جون مرررة شغله راقي ومظبوط و مواعيده ضبط حته ممكن يجهز شغلك قبل الموعد بيومين او يوم

بالنسبة للجلايب عندك

كبرى القصير

انمار جنب محل كبر القصير وجنه كمان محل جلاليب مرررة حلوة

وفي كمان محل جلاليبه حلوة بس ناسية اسمه :( اظن نهر شي ناسيته والله

الله يوفقك حبيبتي :)

اظن اسمه نهر الفنون

تسلمون لي يالغاليات ماقصرتو ادري بكم يابنات البحرين انتو دايما في الخدمه ...

طماعه لو قلت ابغي اكثر يعني مع نصايح اكثر وسمعت ان في مصممات بحرينيات بس مب عارفه اسم محلاتهم ...

يا هلا ومرحبا فيج أختي الطيبة في البحرين ..
الغالية شارع البوكوارة مليان أشياء حلوة ....
* كبرى القصير اسم المحل السعفة أشياء حلوة بس الاسعار نار
* أنمار محل جلابيات لاصق بالسعفة عنده أشياء حلوة موووت
* أكاجو محل جلابيات لاصق محل أنمار والاسعار راح تكون متشابة بين المحلين
* نهر الفنون أشياء حلوة وراقية واذا تبين تخيطين عندهم يصير اللي يرحج ...
هذا اللي اعرفهم سمحيلي يالطيبة لاني انا من المحرق وماعرف المحلات الموجوده هناك
الغالية أنا نهاية الشهر ان شاء الله قبل رمضان راح افتح محل خياطة متخصص في الجلابيات
والدراعات والبنجابي في منطقة المحرق حياج عندي لو قدرتي تلحقين علي وان شاء الله قدرت أفيدج ..!!!

امممم .. هذا الشارع ما بتعرفين تفاصيله الا اذا سويتي حاجه وحده ..

روحي و قفي سيارتش وتمشي طالعي المحلات .. يناسبون كل الاذواق اكيد في شي بيعجبش

والاماكن الي قالوها البنات اهي اشهر شي بس في بعد اماكن حلوه .. جهزي الخرده وروحي:)

بصراحه مشاء الله عليكم والله ماقصرتومعاي كفيتو ووفيتو

بسوي اللي قلتيه يا انانمي

بالنسبه لاختي نوف البحرين ماعليج امر بس عطيني عنوانج على الخاص واذا نزلت البحرين امر عليج واشوف اللي عندج .

تسلمون لي والله