طفل برئ ...ساعدوووه

الله يخليللج أياه أنشاء الله والله يا الغاليه أنا ماعندي خبره في لعيال انشاء الله البنات مابيقصرن أوياج ...................

انا بقولج عن خبرتي

يوم ولدي فيه امساك احطله مثيبه في الماي الحار يوم يصفر الماي شربته في المرضعه..وايد زينه المثيبه تمشي البطن وماتخليه يابس ابا بصراحه كننت احطله في الرضعه ماي المثيبه على الاقل مره في اليوم مب عشان يمشيه بطنه بس لا..يطلع الغازات بعد ويرتاح البيبي.. البرتقال في هالعمر يقولون مب زين انا ماعطيته ولدي الا يوم كمل سبع شهور..يسوي حموضه نحنا الكبار يسويلنا وين عيل الصغار

اذا فيه اسهال زيدي شوي كمية الحليب في الرضعه..يعني مثلا اذا تعطينه اربع ملاعق حليب حطي اربع ونص في نفس كمية الماي عشان شوي يمسك بطنه...

لا تخافين تعطينه الاكل الطفل في هالوقت يبدا يتعود عليه فلا تقطعين الاكل عنه...

الموز لا تهرسينه بالشوكه لانه بيسوي كسر مايقدر يبلعهه ...حطيه في الخلاط مب اي خلاط .الخلاط اللي مخصص حق الاطفال بتلقينه في بيبي شوب...يخلي الموز شوي كثيف مب مثل الماي ..حطي رقم واحد حليب ويا الموز ..يعني هاتي مرضعة البيبي وحطي رقم واحد ماي والكميه اللي تحطينها من الحليب حق رقم واحد وضيفيه ويا الموز في الخلاط...وجبه مفيده...

بس لا تكثرين من الموز يعني مب يوميا عشان مايسويله حساسيه..يعني مرتين في الاسبوع كفايه