السلام عليكم ورحمة الله وبركاته
مرحبا بالجميع :flower:
اكيد العناية بالأقدام جزء ضروري و مهم ضمن العناية بالبشرة والجسم
ولاتنسون ان الأقدام اكثر ما يتعرض في جسمنا للتعب و الأوساخ
اهم خطوة هي عملية الباديكير و المانيكير
ممكن تسوينها بالصالون
بس لازم تختارين خبيره في هالمجال عشان ما تجرحك وتكون يدها ثقيله
والأفضل انك تاخذين ادواتك الخاصه جميعها معاك
واذا مافي مجال تأكدي انهم يعقمون ادواتهم قدام عينك
و من الممكن تسوين العمليه في البيت
والغاليه مشرفتنا ام سعيده ما قصرت في وضع طريقتها الرائعه
من هنا
طيب الحين هالعملية ممكن تسوينها كل شهر
ولو كنتي شطوره كل اسبوعين
وباقي الأيام ؟؟
تخلين اقدامك جذي
لالا ما يصير
تعالي اقولك طريقتي اليوميه::
بعد كل وضوء نشفي اقدامك زين و خصوصاً بين الأصابع
في البيت لو كان فرشكم سجاد //رخام // سيراميك
مهما كان لا تمشين حافيه ابداً
لبسي النعال العادي " الله يعزكم"
او السليبر
في وقت الشور او الحمام
خلي خطوة تنظيف القدم اخر شي قبل لا تطلعين من البانيو
وقتها بتكون اقدامك رطبه ولينه
رغي عليهم الصابون العادي او الشاور جل او السكراب المقشر اللي تفضلينه
والأفضل لو تستخدمين الـ Foot scrub
انا استخدم الـ Honey & Almond
وهذا بعد نوع رائع
حطيتي السكراب او الصابون او اي شي من اللي قلنا جيبي حجر الخفاف
هذا
وافركي بطن القدم والكعب حتى اصابعك من تحت
ماتحتاجين فرك قوي لأن الأوساخ والجلد الميت راح يطيح بسهوله
وصدقوني بأختلاف انواع الحجر و المفراكه
ما لقيت احسن من حجر الخفاف
خلصتي الشور وطلعتي بتحطين عطورك و كريماتك
حطي لوشن القدم المخصص لك
بس انتبهي يكون خفيف تمتصه البشره بسرعه لأنك احتمال تطلعين
عني انا استخدم
الكريم من Avene
وصفه لي الصيدلي للتشققات وهو رووعه
Avene ماركة فرنسية معروفه
نفرض انك طلعتي
اول ما ترجعين البيت اغسلي اقدامك بماي دافي و صابون وتنشفينها زين
لا تستخدمين حجر الخفاف الا مره وحده باليوم اوكي لا تكثرين
بعد ما تنشفين اقدامك
استخدمي هذا البخاخ من شول
fresh step refreshing
منعش و مريح للقدمين المتعبين
وريحته حلوه
رجي العلبه اول و رشيه على اقدام ناشفه
على بعد 15 سم
واتركيه ينشف
تراه ينشف بسرعه
جا الليل وقبل النوم وقت العنايه المكثفه
استخدمي هذا المرطب
اسمه foot care cream
من Biokosma
وهي ماركة سويسريه معروفه بمنتجاتها الطبيعيه
حطي نقاط بسيطه و وزعيها على قدمك على السطح وعلى باطن القدم والكعب
و حطي كريم العناية بالقدمين من همالايا
وهو مخصوص لعلاج التشققات والجفاف
البسي الجوارب القطن
مثل هذي تكون خفيفه وشكلها حلو
يعني حتى المتزوجه عادي تاخذ لها جورب نظيف و مرتب وتلبسه مع البيجاما وتنام بسلام
والكريمات كلها مافيها ريحة منفره
و نامي نوم العوافي
قومي الصبح شوفي النتائج و بشريني
لا تنسوني من دعائكم و سامحوني على الأطاله
ام خالد
