كريم الحماية

هلا بك اختي العزيزه

مو شرط لازم ما يقل عن 35

هو على حسب البشرة

مو على حسب الشمس

يعني الأوروبيات يحتاجون درجة حماية اعلى منا ..

الطبيب مره نصح والدتي بواقي كانت درجته 20

عني انا استخدم واقي ديور و درجة حمايته 50

واغلب الواقيات تحسين انها تعطيج لون ابيض صح؟؟

بأختلاف نوع الواقي ،، طريقة استخدامه واحده

اذا حطيتي كمية كبيرة راح يبين الوجه ابيض و دهني

خذي نقط صغيره على صبعك و دفيها بأنك تحركينها بالصبع الثاني

حطي النقاط على مساحات وجهك و من ثم وزعيها

الكمية المناسبة و التوزيع الجيد راح تخلي منظره طبيعي

الله يهداج رعبوب غيرت النك نيم مالج ووهقتيني :sad:

ممكن اناديج رعبوب اسهلي ؟::s

اللي عندي من غير لون في نوع ثاني في لون انا مااحب اللي في لون

اقصد دكاترة الجلديه اللي عندنا بالخليج وخصوصا الكويت لانه شمسنا تبارك الله فيما خلق ما ابي
احسد هالشعب الطيب على هالشمس البارده بالصيف وجنه قاعدين باوربا:cool2:

ويمكن فعلا مثل ماقلتي

ومشكوره حبيبتي بس شكلي بقلدج ممكن :yes:

استخدم نيتروجينا وانتظر بس يخلص اجيب ديور اللي تقول عنه رعبوب ابي اجربه

اطباء الجلديه ينصحون بنيتروجينا

سميني مثل ما تبين حبيبتي

اللي فيه لون لو استخدمتي نفس طريقتي ما راح يبين لونه فاقع وابيض

و صدقيني اختيار درجة الحماية مو على قوة الشمس مثل ما احنا مفكرين

اختي نصيحه لله تعالي

مثل كريم روك للحماية ما بتحصلين وانا استخدم نسبة 60% وهو رااااااااااااااااااااااااااااائع عن تجربة

وحاليا يمدحون كريم روك نسبة 50%

جربي 60% وشوفي الحماية والترطيب وفيه نسبة تفتح البشرة وعلى فكرة هو مافيه فونديشن او كريم ملون يجيج كريم ابيض

تحسينه دسم على البشرة سواء عاديه او جافه او حتى دهنيه انا عن نفسي انصح فيه الحبايب والغالين

انا جربت روك وكلينك ولويس ويدمر اخر شي
بس حبيت الاخير اكثر لان روك دسم واحس بطبقه دهنيه على ويهي
اما لويس ويدمر خفيف وتمتصه البشره بسرعه


طيب بقول شي ماله خص بالموضوع
رعبوب حيرتيني غيرتي نك ومب عارفه اقراه
وشنو معناه
ممكن التوضيح

مشكورين خواتي على التفاعل

اختي خلود انا صار لي سنين استخدم نيتروجينا وكانت واصفته لي طبيبة جلدي بس احس مع الوقت اني بغيره ويمكن في شي احسن منه لاني مازلت اسمر من الشمس وايد

بس ما ادري اختي رمز المحبه وايد بنات جربو روك ومامدحو بالمره

اختي دلوعه يدمر من وين حصلتيه اقصد بالصيدليه والا مراكز التجميل

يلا بنات منو بعد تقولنا عن تجربتها ؟

فهالموضوع ماعندي خلفية الا عن نيتروجينا

بس الخوات ماقصرو فادوج وفادوني

فالف شكر لج على طرح السؤال

والف شكر على الخوات اللي اجابو عليج

يعني معقوله محد جرب اشياء ثانيه :think:

بصراحة انا ما استخدم شي كوني ما اطلع في الشمس الا نادرا

بس انا قريت هني في المنتدى ان احسن شي روك بدرجة حماية 20 وهذا كلام وحدة من الأخوات عن طبيبة جلدية ولما قالتلها الأخت نحن جونا حار وشمس قالت ما عليكم من هاي الخرابيط لأنج لو استخدمتي اكثر من 20 وماكنتي تطلعين في الشمس الكريم ماراح يتفاعل مع البشرة وبالتالي يضرها وممكن يسبب المرض الخبيث ... والله أعلم هذا اللي قريته من المنتدى

مشكوره حبيبتي ام علي على المرور ونتمنى من باقي البنات يشاركون

السلام عليكم ورحمة الله وبركاته

انا استخدم Avene بدرجة حماية 60 خفيف واستخدامه حلو

مشكوره اختي على المرور

انا استخدم مثل اختي دلوعة قطرية لويس ويدمر واااااااااااايد خفيف على البشرة بس نسبة اعتقد 20+ بس يتم في البشرة طول اليوم يعني ما يحتاج تحطين فوقه زيادة وبعد الزين فيه انه مقاوم للماء...

بادور لج صورته ان شا الله

هذي صورته حبيبتي




واشوف في نوع ثاني مكتوب حمايته 25 بس مو All day

مشكوره حبيبتي بس هذا وين اقدر احصله ؟

انا شريته من الصيدلية لانه طبي

تحياتي