حبيت أستفسر عن اجراءات مستشفى الوصل .. يوم الولادة وبعدها

و عليكم السلام ورحمة الله وبركاته

هلا و غلا عروس اللولو
بصراحة ما عندي فكره عن مستشفى الوصل
لكن..بجاوبك على اللي اعرفه

بنات كل وحدة جربت مستشفى الوصل اتخبرنا عن اجراءاتهم و شو ممرضاتهم و الدكاترة اللي عندهم
لازم يكون عند كل حامل ملف يشمل كل الفحوصات و المعلومات عن الحامل
و لازم المستشفى يكون على درايه بكافة المعلومات عن الحامل على الاقل من الشهر الرابع
مثلا عن الامراض اوراثية - السكر - الضغط - عدد الاجهاض و الابناء و غيرها



و منو اللي اتولد و اتسوي الخياطة و القص و غيره ... الدكتورة و لا الممرضة
البكر دايما تولدها دكتورة..اذا حصل و الدكتورة مش موجودة وقت الولادة
تولدها الممرضة و يستدعون الدكتورة لإجراء الخياطة



و كم يوم تميتوا بالمستشفى و خصوصا البجر .. و هل فحصوكم خلال اليومين و لا لا
البكر تظل بالمستفى بين يومين الى 3 ايام
و يعتمد على حسب الولادة اذا كانت سهلة او متعبة من شفط أو سحب للجنين
و القيصرية 5 ايام الى اسبوع
و الفحص يكون يوميا عن طريق زيارة الدكتورة صباحا او مساءا
الفحص عبارة عن فحص البطن للكشف عن حجم الرحم اذا رجع لحجمه الطبيعي
و ايضا فحص الخياطة خاصة اذا كانت مؤلمة او مزعجه للوالده



و متى كان أول موعد مراجعة بعد الأربعين و لا قبل .. و شو يصير فيه وشو يفحصون
بالنسبة للمراجعات..لا اعلم بصراح
بس المفروض بعد الولادة باسبوعين لازم تراجعين المستشفى او عيادة خاصة
و الفحص عبارة عن فحص حجم الرحم عن طريق البطن و فحص الخياطة
و ايضا عمل سونار


و النونو متى اتكون مراجعته بعد و شو يصير في الفحص !
النونو له موعد بعد 5 ايام لأخذ الدم من قاعة ريوله..
لكن ما ادري اذا في نفس المستشفى و لا في مركز الامومة او العيادات الحكومية
و اثناء وجود الوالده فيالمستشفى يجرى فحص دم للبيبي و يأخذ تطعيمات الايام الاولى
و اذا ولد يجرى له عملية الختان بعد مشاورة والدته اكيد

............

بعد عندي هالسؤال .. اللحين الفحص الداخلي يوم الولادة ..
كيف يكون اتدخل الدكتورة ايدها كاملة و لا صبعين مثل الفحص العادي للرحم ..
و هل تستخدم المرطب و لا لا
اصبعين بس يا عروس و هو نفس فحص عنق الرحم اثناء الحمل
لكن بوقت الولادة عنق الرحم يكون حساس و مؤلم بعض الاحيان
و خاصة اذا الوالده شاده اعصابها و لاافضه الفحص
و اكيد طبعا تستخدم بالاول سائل معقم لتعقيم المنطقة بالكامل ثم تضع كمية من الجل

مشكورة اختي فوانيس و ما قصرتي ..أنا صدق كنت محتارة و أفكر

و ربي يعطيج الصحة والعافية

بنات الوصل .. نفس الأجراءات و لا غير شوي

بقولج عن اللي اتذكره يوم سرت الوصل افتح ملف..

اول شي لازم تاخذين موعد بالتلفون عيادة الحوامل او تسيرين عندهم قسم التسجيل وتاخذين موعد
في يوم الموعد يسوولج تحليل السكر ويشوفون الضغط و تكشف عليج الدكتوره وتسمعج نبض البيبي وتسالج بعض الاسئله عن الامراض الوراثيه وعن حالتج خلال فتره الحمل
الموعد اللي عقبه يسوولج تحليل دم عذاب هذا التحليل يمكن ياخذون عنج دم ثلاث مرات يشوفون السكر وغيره
الموعد اللي عقبه يسوولج سونار شامل يعني الممرضه تشووف كل شي في هذا التصوير العظام والنمو والاعضاء الداخليه للبيبي من قلب وكلى وغيره..

وبعدين عندج مواعيد منتظمه كل شهر...بس هذا اللي اعرفه.... لاني ما ربيت عندهم في النهايه

وسلامتج

مشكورة الفجر البعيد ..أنا فاتحة ملف عندهم

بس أنا سؤالي بالضبط اجراءات يوم الولادة

ومشكورة مرة الثانية

انتي ربيتي بويلكير صح ... أنا من كم يوم سرت عندهم الطوارئ حتى سونار ما يسون .. فانقهرت منهم الصراحة .. و الدكتورة أول مرة أشوفها و مول ما عجبتني و ما أقدر أثق فيها الصراحة

«®°·.¸.•°°·.¸¸.•°°·.¸.•°®»مرحبا عروس اللولو :cool2:
انا فاتحة ملف في الوصل و اراجع عندهم......بس خايفة اربي عندهم لانه ربيعتي قالتلي انه خياطتهم مب زينة و تمت عليها 3 شهور و التهبت عليها.....
و انا اراجع عند د. نهلة و احتمال كبير اربي عندها في ولكير......
اذا تبين اتربين في ولكير احسن لج تراجعين عند نهله على الاقل تعرفين منو بيولدج....مب تيييج اي دكتورة في ولكير.....«®°·.¸.•°°·.¸¸.•°°·.¸.•°®»