توزيعات حفلة النثور - منتديات عروس

م

مياسة العود

عروس مبدعة

08-09-2005 | 10:50 AM

السلام عليكم ورحمة الله وبركاته

مرحبا بكن خواتي
انشالله بنتي بتمشي على العيد
وناوية اسوي لها نثور
وانشالله بتكون فيه توزيعات

ياريت اللي عندها أفكار حلوة للتوزيعات ما تبخل علينا
التوزيعات بتكون للاطفال حتى سن 12 سنة

في طلوع بنتي وزعت بوكسات صغيرة (وردية, زرقاء،وخضراء) ملفوفة بشريطة حلوة
حطيت فيهن شوكولاته منوعة (جالاكسي، باونتي،مارس) الحجم الصغير
مع هدية صغيرة... (ياريت كانت عندي صورة حتى تشوفونها)
ابغي هالمرة اغير الفكرة

بس ما تكون مكلفة وايد
لاني ناوية اسوي 120 هدية(ماشاء الله عيال العايلة والاصدقاء وايدين)

وتسلمون

م

مناهل78

مشرفة سابقة

11-09-2005 | 08:41 AM

ياهلا ومرحبا، آنه في نثور ولدي وبالبحريني (ينون) سويت ملال زجاجية وحطيت فيهم المكسرات مع حلويات ولفيته بالورق الشفاف وبشرائط وبوسطهم حلاوة مصاص ولصقت عليهم بطايق (هده هده عبودي اسم الله عليه بدا يمشي بدا)... كانت الفكرة بسيطة لاني سويت كمية كبيرة ولو سويت أكثر راح تكلفني وايد.... المهم في النهاية الياهال خذوا المصاص وعطوا امهاتهم الملال..

في سلة كبيرة (جفير) خليت المكسرات والحلاوة مع الفلوس ونثرتهم بوسط الياهال وطبعا الياهال خذوا الفلوس وخلوا المكسرات.....

إنشاء الله أكون أفدتك....

e

emanee_

عروس مشرقة

16-11-2005 | 04:00 PM

وانا بعد ابي بعض الافكار لينون ولدي