حلمت بطفلي الذي مات وانا خايفه ؟؟

السلام عليكم

بصراحه خواتي ومن دون ما اطول عليكم

انا الحين حامل بالاسبوع الاخير بالشهر الثامن يعني كلها شهر واربي انشالله واكدولي
بالمستشفى انه الجنين ولد وانا وزوجي حاطين في بالنا ان نسميه باذن الله ( عبدالله)

وهذا ثاني حمل لي ولاكن اول طفل باذن الله لان الاولي مات في بطني بالتاسع ولاسباب خلقيه
والحمدالله وكان ولد وسميناه عبدالله لان لازم يكون له اسم

المهم من يومين وانا نايمه حلمت ::::::::::::

( حلمت اني انا جالسه في مكان ما في شي ابد وجدامي فتاة انا ما اجوفها وكل الموجود
بالمكان هوو باب مفتوح ويضهر منه نووووووووور قوي
نور ابيض ومن ورا هالباب يصدر صوت صياح طفل يبكي
والبنت الي كانت جدامي اتقولي ادري انج فقتي طفلك وانت مشتاقه تحملين طفل واترضعينه
لانج انحرمتي من هاللحظه..

فقامت هذي البنت ودخلت الغرفه الي طالع منها النور وجابت لي طفل ( مولود جديد) ملفوف بقماط
اصفر ووجه منور وقالت :: هذا ولدج عبدالله الي مات ياي من الجنه

وانا حملت الطفل بس ما تتصورون السعاده والشعور الي كنت فيهم شي غريب ورضعته
بس رضاعه مو طبيعيه يعني كنت ارضعه بالمرضاعه

المهم خليته ورحت وبعدها اجوف ياني طفل يمشي يعني عمره سنه وشوي
ويقولي ماما ليش خليتيني ورحتي انا ولدج عبدالله انا موجود ليش نسيتوني
ليش ما تذكروني انا موجود مامت بس راح ازورج وما بخلي حد يجوفني غيرج

وانا بنفس الوقت خايفه وكنت خايفه من هالطفل لان انا اعرف انه مات وبنفس اللحظه
كنت اقرا القرءان من الخوف (قل هو الله احد الله الصمد لم يلد ولم يولد ولم يكن له كفوا احد)

ويقولي الطفل انا خايف .... وانا قلت له لا تخاف قوا : الله اكبر الله اكبر

وقالي الطفل بالحلم ان هو ابني عبدالله الي مات وهو مب راضي اني اسمي طفلي الجديد
باسم عبدالله حتى قالي لالالاتسمونه عبدالله لان مب زين وكان يقول انا عبدالله
وانا مو راضي اتسمون الطفل الجديد باسم عبدالله


وبعدها قومني زوجي من النوم وقالي شو فيج تتكلمين واتصيحين
وفعلا قمت من النوم وانا خايفه جدا وقرات القرءان والموعوذات

وخايفه ومحتاره شو سالفه هالحلم

وخاطري افسر الحلم وياريت لو وحده منكم اتعرف مفسر احلام ياريت اتساعدني

انا وايد خايفه ومحتاره هل اغير الاسم ولا اسمي طفلي الجديد باسم عبدالله

وبصراحه للعلم انا خواتي وامي من قبل يقولون لي لا تسمين ولدج باسم الي مات
وانا ما جوف في شي بس من بعد هالحلم مو عارفه شو اسوي

وانا بانتظار ردودكم

اختكم ام عبدالله