دخلت الأسبوع 42.. هل من خطر ؟؟

هلا حبيبتي امنيات

هل وضع و نبض الجنين ممتاز
و كمية الماء مناسبة؟

اذا نعم..فإن شاء الله كل شي تمام

اما اذا العكس فلازم يتم توليدك

النبض كويس .. بس الدكتورة ماتكشف على كمية الماء .. :(

وأنا أحس برطوبه بسيطه تنزل معي يومياً ..

انتبهي حبيبتي
لااااازم تروحين تتطمنين باستمرار
وانا لو مكانك استسلم للطلق الصناعي
لاني اسمع كثير انه من الخطر على الجنين انك تعدين الشهر التاسع
لاتهملين نفسك يا عسل لازم تروحين باقرب فرصه
والله معاك

لا تنسين تطمنينا عليك يا حلوة

قولي للدكتورة تفحص نسبة الماي .. بلاهم الدكاترة هاي الأيام ... أغبياء والله .. يمكن عقلهم بعدها متخدر من الأجازة الصيفية

حبيبتي أمنيات احب بس أوضح لك شي بسيط


يمكن هالشي يخليك تبعدي الخوف شوي


طبعا الكل يعرف ان الحمل بالشهور تسع شهور وبالنسبة بالأسابيع الحمل يوصل الى 42 أسبوع وهذا شي طبيعي


ويكون الطفل post tremيعني تعدى الاربعين أسبوع

ومثل ما قالوا لك البنات اذا نبض الجنين ووضعه والماي اوكى فالطفل بخير لكن لو تعدى 42 اسبوع لااااازم تروحي علشان تاخذي طلق صناعي

لأن اذا تقدم الحمل تصير المشيمة ماتغذي الجنين زين وبالتحديد على اخر ايام للحمل واذا تعدى الموعد إحتمال المشيمة تنفصل

فتصير ماتغذي الطفل ولا سمح الله يموت الجنين


وان شاء الله اكون أفدتك


تحياتي

أختك القلوب الساهية

ايه حبيبتي روحي تأكدي من كل شي عن البيبي وان شاء الله نسمع بشاره ولادتج قريباااااا باذن الله.

قوليلهم ولدوني خلاص تمللت ههههههههه
الله يسهل عليج

هاج أنه سولي هالسالفة في حملتي الثانية وقالت الياهل كبير وما بيطلع وكملت الأسبوع ال42 وما ولدت وقالت لي هذي خطر على الطفل وكلام كثير وكانت تبيني أسوي طلق صناعي ورفضت لأني أعرف شو يعني الطلق الصناعي ( طلعة روح وألم فظيع ) وبس كلها يومين وولدت ولادة طبيعية وبطلق طبيعي بس إن كانت الحسبة غلط ويبت وردة حلوة بس كبيرة شوي