..
السلام عليكم ورحمة الله وبركاته
اخباركم بنات
انا سبق وذكرت مشكله لصديقتي و في وحده من اعز صديقاتي كتبت مشكلتها
بعضويتي والحمد الله تصالحت مع زوجها لكن هاذي المرة الاولى اللي اكتب مشكله
تخصني واتمنى جد انكم تساعدوني لانها مسألة زواج يعني عمر
المشكلة
عمي متزوج خالتي وعندهم بنتين اكبر مني متزوجات وهم اكثر من صديقاتي واخواتي
بحكم انه ماعندي خوات وانا على طول معاهم وتربينا مع بعض الاخ الثالث لهم اكبر مني
بسنة انا اعتبره مثل اخوي انصدمت انه من فتره طويله لما كان عمري 17 يعني كنت
بالثانويه وقتها وكان بليله زواج اخته الكبيره اعترف لي انه يحبني ويبي يتزوجني وقتها كنا
صغار لكن
قلت له اسفه انت مثل اخوي واتذكر اني تضايقت كثير ..
المهم مرت الايام ودخلنا الجامعة والحين مرت على هالقصه 6 سنوات طول هالفتره كل
عيلتنا عرفت انه يبيني واني رافضته وكل فتره يرسل لي شخص يكلمني بخصوص موضوعه
وانا ارفض
وعرفت انه كلم بنات لحد مافي مره دق علي وكلمني قالي انا ابيك وشاريك وش قلتي
قلت له انت مثل اخوي واحنا لسا بالجامعه وفرق السن قليل اكيد بتزوج قبلك الحين
خلنا نخلص جامعه وبعدها يحلها الف حلال ..
على فكره حنا عادي نكلم بعض ونطلع انا وهو خواته جدا عادي حتى لو يوصلني
مكان محد من العيله يعترض علشان متربين مع بعض يعني اشوفه على طول واحسه
مثل اخوي
المهم الحين هو خلص جامعه واشتغل في بنك وشغلته مره كويسه وبالنسبه لحالته
الماديه فراتبه كويس وسيارته جديده واخلاقه فهو ولد عمي وخالتي اعرف كل
تصرفاته واطباعه انسان جدا خدوم وحنون وطيب وشكله جيد جدا يبيله اشوي يضعف
المهم الحين هو خاطبني رسمي وش الحل مدري انا احس انه مثل اخوي وابدا مو قادره
اتخيل انه يكون زوجي او ابو عيالي افكر بالعقل اقول مابحصل احسن منه بس بالقلب
مو قادر اتقبل اني اكون زوجته
على الرغم من اني اعترف اني راح اغار لو تزوج لانه اعرف انه راح يعامل زوجته
كويس ويمكن حتى مااقدر احضر زواجه لكني مو قادره اوافق عليه حاولت افكر
جديا وبالعقل بس مااقدر افرح كل عيلتي على حساب نفسي وصليت استخاره
وارتحت لكن شعور اني مااقدر اتقبله زوج زاعجني
وش الحل ارفضه واخليه يتزوج
وحده من البنات الى كان يكلمهم لانه قال لو ماتبيني راح اخطب فلانه والا اوافق
واغصب نفسي
ابي رايكم وسوري على الاطاله
ولد عمي..
:
07-09-2005 | 05:02 AM
ه
07-09-2005 | 08:38 AM
وعليكم السلام ورحمة الله وبركاته
أختي الحبيبة ( :قمر الليالي: )
أول شي فرحت كثير أن صديقتك تصالحت مع زوجها والحمدلله على ذلك..
ويؤسفني أن تكون عندج مشكلة والله يبعد المشاكل عن كل الناس
بس راح نكون كلنا موجودين علشان نتوصل لحل لجميع المشاكل..
مشكلتج بصراحة وايد هينة وما فيها غير دلع البنات :)
شي طيب إنج صليتي إستخارة ويا ليت تصلينها أكثر من مرة وشوفي
هل الموضوع قاعد يتيسر ويمشي بكل سهولة ولا فيه أمور قاعدة تعرقله؟؟
إذا شفتي الموضوع قاعد يتيسر فأنا من رايي لا تخسرينه بس علشان إحساسج
وشعورج بإنه مثل أخوج، وصدقيني بعد الزواج الإحساس هذا إللي تقولين عنه
كله بيروح وراح تحبينه مووووووووت وخصوصا لما تشوفينه يبادلج نفس الشعور..
وأنتي بنفسج أعترفتي أنه لو تزوج وحدة ثانية بتغارين، ليش بتغارين إذا أنتي
تعتبرينه مثل أخوج؟؟ هذا أنا أعتبره تناقض ولا شرايج؟؟ :)
وشي ثاني لا تكررين على نفسج عبارة هو مثل أخوي لأنج كل ما كررتي هالشي
كلما أنزرع هالشي في بالج.. كرري دايم بإذن الله بيكون زوجي وراح تحبينه
وبإذن الله بتشوفين أن مشاعرج تغيرت..
أعرف وحدة كانت قصتها مشابهة لج بالضبط بس هو كان ولد خالها
صدقيني هي مو بس كانت تعتبره مثل أخوها ، هي كانت ما تتقبله وعلى قولتها
لما تشوفه يرتفع ضغطها :) لما أشتغل تقدم لها وأهلها وافقوا لأنه إنسان وايد زين
وهي صلت إستخارة وارتاحت وتزوجته، والله ما تتخيلين ما شاء الله شكثر تحبه
وصارت تموت فيه ولما يسافر عنها تقعد تصيح ههههههه هذا وكان رافع ضغطها
أجل لو كانت تحبه وش كانت بتسوي هههههههههه الله يديم الهنا عليها ويسعدها
حبيبتي توكلي على الله ولا ترفضينه علشان سبب مثل هذا لأن صدقني بعد الزواج
وبالعشرة راح تكتشفين إنج وايد تحبينه وراح تحمدين الله إنج ما رفضتيه..
لا تتصرفين تصرف تندمين عليه طول عمرج ...
×?° توكلي على الله ×?°
هذا رايي وربي يوفقج ويسعدج ويقدم إللي فيه الخير :)
ولج أطيب تحية
أختي الحبيبة ( :قمر الليالي: )
أول شي فرحت كثير أن صديقتك تصالحت مع زوجها والحمدلله على ذلك..
ويؤسفني أن تكون عندج مشكلة والله يبعد المشاكل عن كل الناس
بس راح نكون كلنا موجودين علشان نتوصل لحل لجميع المشاكل..
مشكلتج بصراحة وايد هينة وما فيها غير دلع البنات :)
شي طيب إنج صليتي إستخارة ويا ليت تصلينها أكثر من مرة وشوفي
هل الموضوع قاعد يتيسر ويمشي بكل سهولة ولا فيه أمور قاعدة تعرقله؟؟
إذا شفتي الموضوع قاعد يتيسر فأنا من رايي لا تخسرينه بس علشان إحساسج
وشعورج بإنه مثل أخوج، وصدقيني بعد الزواج الإحساس هذا إللي تقولين عنه
كله بيروح وراح تحبينه مووووووووت وخصوصا لما تشوفينه يبادلج نفس الشعور..
وأنتي بنفسج أعترفتي أنه لو تزوج وحدة ثانية بتغارين، ليش بتغارين إذا أنتي
تعتبرينه مثل أخوج؟؟ هذا أنا أعتبره تناقض ولا شرايج؟؟ :)
وشي ثاني لا تكررين على نفسج عبارة هو مثل أخوي لأنج كل ما كررتي هالشي
كلما أنزرع هالشي في بالج.. كرري دايم بإذن الله بيكون زوجي وراح تحبينه
وبإذن الله بتشوفين أن مشاعرج تغيرت..
أعرف وحدة كانت قصتها مشابهة لج بالضبط بس هو كان ولد خالها
صدقيني هي مو بس كانت تعتبره مثل أخوها ، هي كانت ما تتقبله وعلى قولتها
لما تشوفه يرتفع ضغطها :) لما أشتغل تقدم لها وأهلها وافقوا لأنه إنسان وايد زين
وهي صلت إستخارة وارتاحت وتزوجته، والله ما تتخيلين ما شاء الله شكثر تحبه
وصارت تموت فيه ولما يسافر عنها تقعد تصيح ههههههه هذا وكان رافع ضغطها
أجل لو كانت تحبه وش كانت بتسوي هههههههههه الله يديم الهنا عليها ويسعدها
حبيبتي توكلي على الله ولا ترفضينه علشان سبب مثل هذا لأن صدقني بعد الزواج
وبالعشرة راح تكتشفين إنج وايد تحبينه وراح تحمدين الله إنج ما رفضتيه..
لا تتصرفين تصرف تندمين عليه طول عمرج ...
×?° توكلي على الله ×?°
هذا رايي وربي يوفقج ويسعدج ويقدم إللي فيه الخير :)
ولج أطيب تحية
ا
07-09-2005 | 09:08 AM
الله يوفقج لا اختي انت استخرتي ربج مااستخرت احد عااادي
اذا الله يسرلج ونزل الراحه والطمئنينه بقلبج معناته خيره لج
انا اقولج بعد استخاارتج اخذي اللي يبيج واللي يحبج احسن من انتي اللي تحبينه واتبعي طريق عقلج لان قلبج راح يحبه بشويش على انه زوج وحبيب واخو وعشير ووووو
والله يوفقج
اذا الله يسرلج ونزل الراحه والطمئنينه بقلبج معناته خيره لج
انا اقولج بعد استخاارتج اخذي اللي يبيج واللي يحبج احسن من انتي اللي تحبينه واتبعي طريق عقلج لان قلبج راح يحبه بشويش على انه زوج وحبيب واخو وعشير ووووو
والله يوفقج
ش
07-09-2005 | 09:56 AM
أختي العزيزة
من دون شدة بالكلام و مع صغر سني بس مافي شي أسمه أحسه أخوي
هم صح يقولون الأقارب عقارب لكن مو كل مقولة أثرية تكون صح
إذا كان زين فأنا رأيي أنك تستخيرين و تبدئين حياتك براحة و بدون غيرة لا ياخذ أحد غيرك و لا تاخذين غيره
و بالنهاية تحياتي لك
شجرة ميـــــــــاسة:shy:
من دون شدة بالكلام و مع صغر سني بس مافي شي أسمه أحسه أخوي
هم صح يقولون الأقارب عقارب لكن مو كل مقولة أثرية تكون صح
إذا كان زين فأنا رأيي أنك تستخيرين و تبدئين حياتك براحة و بدون غيرة لا ياخذ أحد غيرك و لا تاخذين غيره
و بالنهاية تحياتي لك
شجرة ميـــــــــاسة:shy:
&
07-09-2005 | 10:05 AM
معليش اختي
انتي ادرى بمشاعرك
تقولين اخوي
بعدين تجين تقولين اغار؟؟شكله عاجبك بس تدلعين :D2
حبيبتي مثل ماقالت همس
انتي استخيري كذا مره واذا حسيتي انك ارتحتي وتيسرت امورك تمام اذا حسيتي ان شعورك نفس ماهو انتي ادرى بالخطوه
ولو كان فعلا تعتبرينه مثل اخوك كان ماتقبلتي الفكره من البدايه ولافكرتي فيها يعني يكون ردة فعلك زي ماتكون لو قالوا لك اخوك يبي يتزوجك(يعني اعوذبالله من هالشئ بس مجرد مثل)
والله يسهل امرك
انتي ادرى بمشاعرك
تقولين اخوي
بعدين تجين تقولين اغار؟؟شكله عاجبك بس تدلعين :D2
حبيبتي مثل ماقالت همس
انتي استخيري كذا مره واذا حسيتي انك ارتحتي وتيسرت امورك تمام اذا حسيتي ان شعورك نفس ماهو انتي ادرى بالخطوه
ولو كان فعلا تعتبرينه مثل اخوك كان ماتقبلتي الفكره من البدايه ولافكرتي فيها يعني يكون ردة فعلك زي ماتكون لو قالوا لك اخوك يبي يتزوجك(يعني اعوذبالله من هالشئ بس مجرد مثل)
والله يسهل امرك
]
07-09-2005 | 11:37 AM
انتي تقولين استخرتي الله وارتحتي وهذا اهم شيء
والولد كويس ووظيفته زينه وماينتفوت خلاص لايضيع من يدك وتندمين وش تبي اكثر يحبك ويقدرك وراح تسلمين من الحماه خالتك طبعآ ماراح تصير قشره معاك انتي بس تقولين كذا عشانك متعوده عليه مرره لاتضيعينه من يدك وتندمين وساعتها مايفيد الندم
واستخيري مره ثانيه وثالثه وبعدين قرري
الله يوفقك ويسعدك
والولد كويس ووظيفته زينه وماينتفوت خلاص لايضيع من يدك وتندمين وش تبي اكثر يحبك ويقدرك وراح تسلمين من الحماه خالتك طبعآ ماراح تصير قشره معاك انتي بس تقولين كذا عشانك متعوده عليه مرره لاتضيعينه من يدك وتندمين وساعتها مايفيد الندم
واستخيري مره ثانيه وثالثه وبعدين قرري
الله يوفقك ويسعدك
م
07-09-2005 | 01:47 PM
السلام عليكم ورحمة الله وبركاته
أوافق الأخوات في رأيهم...
و الله يتمّم لك على خير إن شاء الله...
~
07-09-2005 | 03:27 PM
ما عندي شي ازيده
بس الله يوفقج ويهنيج وكفاية دلع ههههههههه :)
وبشرينا عنج اذا الله تمم على خير ان شالله
بس الله يوفقج ويهنيج وكفاية دلع ههههههههه :)
وبشرينا عنج اذا الله تمم على خير ان شالله
ج
07-09-2005 | 09:35 PM
اولا الحمد لله ان صديقتك وزوجها اصتلحو
انا شايفه انك حاسه انكم اخوات علشان انتى حاطه كده فى دماغك لكن صدقينى لو نظرتى للانسان ده انه عريس بيحبك وانتى بترتحيللوا يبقى صدقينى مش هتلاقى احسن منه
دى فرصه ما شاء الله حلوه جدا وده انسان انتى عارفاه كويس يبقى خلاص ليه متفكريش فى الموضوع بجديه وخصوصا انك صليتى استخاره ومبسوطه جدا للموضوع توكللى على الله يا حبيبتى واتجوزيه وربنا يوفقك معاه ويطلع الانسان اللى فعلا بتتمنيه
انا شايفه انك حاسه انكم اخوات علشان انتى حاطه كده فى دماغك لكن صدقينى لو نظرتى للانسان ده انه عريس بيحبك وانتى بترتحيللوا يبقى صدقينى مش هتلاقى احسن منه
دى فرصه ما شاء الله حلوه جدا وده انسان انتى عارفاه كويس يبقى خلاص ليه متفكريش فى الموضوع بجديه وخصوصا انك صليتى استخاره ومبسوطه جدا للموضوع توكللى على الله يا حبيبتى واتجوزيه وربنا يوفقك معاه ويطلع الانسان اللى فعلا بتتمنيه
ح
07-09-2005 | 10:17 PM
السلام عليكم ورحمة الله وبركاته
اختي الحبيبة
اول شي ابي اقوله غلط تقولين "يحلها الف حلال" لانه ما في الا حلال واحد وهو الله عز وجل واتمنى ما تتضايقين
اما ثانيا انصحج
1-صلي استخاره واكثري منها
2-بعدين استشيري كل اللي حوالج واللي يعرفونه عدل
3-سوي قائمة بحسناته وسيئته يعني مثلا هو محافظ على الصلاة ما يشرب ما يدخن ووووو وكل النقاط اللي تهتمين فيها
4-أنت اللي بتزوجينه يعني هذا قرارج أنت اللي بتعيشين معه
بس سؤال صغير كيف تقولين"على الرغم من اني اعترف اني راح اغار لو تزوج لانه اعرف انه راح يعامل زوجته
كويس ويمكن حتى مااقدر احضر زواجه" وتقولين "مثل اخوي"............................
لو كان مثل اخوج صح تحبينه بس بتفرحين له وماراح تغارين وبحضرين عرسه؟؟؟؟؟؟:think::smile::smile::smile:
وتمنى لج التوفيق والسعادة
اختي الحبيبة
اول شي ابي اقوله غلط تقولين "يحلها الف حلال" لانه ما في الا حلال واحد وهو الله عز وجل واتمنى ما تتضايقين
اما ثانيا انصحج
1-صلي استخاره واكثري منها
2-بعدين استشيري كل اللي حوالج واللي يعرفونه عدل
3-سوي قائمة بحسناته وسيئته يعني مثلا هو محافظ على الصلاة ما يشرب ما يدخن ووووو وكل النقاط اللي تهتمين فيها
4-أنت اللي بتزوجينه يعني هذا قرارج أنت اللي بتعيشين معه
بس سؤال صغير كيف تقولين"على الرغم من اني اعترف اني راح اغار لو تزوج لانه اعرف انه راح يعامل زوجته
كويس ويمكن حتى مااقدر احضر زواجه" وتقولين "مثل اخوي"............................
لو كان مثل اخوج صح تحبينه بس بتفرحين له وماراح تغارين وبحضرين عرسه؟؟؟؟؟؟:think::smile::smile::smile:
وتمنى لج التوفيق والسعادة
ل
07-09-2005 | 10:44 PM
يا حبيبتي شكلج تحبينه بس لانه دايم بويهج علبالج مثل اخوج صدقيني لو تغيبي عنه فترة راح تشتاقيله وانا انصحج دامه شاريج ووليد عمج وافقي خصوصا انج ارتحتى بعد الاستخارة يا الله عاد فرحينا وفرحى قلب ولد عمج
H
07-09-2005 | 11:15 PM
عليك اختى باالاستخاره 000 والدعاء والله وحده القادر على عونك
الله يخترلك يلي فيه الخير 000 ويسعدك يارب
الله يخترلك يلي فيه الخير 000 ويسعدك يارب
ا
08-09-2005 | 08:48 AM
يله عـــــــــــــــــــاد قمر ونسينا ابي الولوش ((ايبب))
وافقي ورديي لنا الخبر
وافقي ورديي لنا الخبر
ا
08-09-2005 | 05:09 PM
في راي ان احلى الحب الحب اللي يجي بعد الزواج
لانه حب صادق صافي
ودامه شاريج قولي لبيك يا ولد عمي
بس القرار لج فالنهايه
وبراي تاخذين انسان انتي نفسج تعرفين انه صاحب اخلاق رائعه ولا تاخذين انسان الناس دلوج على اخلاقه بعدها تنصدمين
هذاااااااااااااااااااااااااا رائي انااااااااااااااااااااااااااااااا
لانه حب صادق صافي
ودامه شاريج قولي لبيك يا ولد عمي
بس القرار لج فالنهايه
وبراي تاخذين انسان انتي نفسج تعرفين انه صاحب اخلاق رائعه ولا تاخذين انسان الناس دلوج على اخلاقه بعدها تنصدمين
هذاااااااااااااااااااااااااا رائي انااااااااااااااااااااااااااااااا
b
10-09-2005 | 07:31 AM
اذا اهو واحد زين ليش اطوفينه منج
واذا تبين ترتاحين صلي صلاة استخاره والخيره فيما اختاره الله
واذا تبين ترتاحين صلي صلاة استخاره والخيره فيما اختاره الله
:
11-09-2005 | 08:36 AM
مشكورين حبياتي كلكم على مروركم
كلكم نصحتوني اتزوجه والبعض قال اني صاحبه القرار ولازم افكر واعيد النظر
تعرفون وش سويت ارسلت له رساله على الجوال قلت لك ممكن لو سمحت ابيك بسالفه
طبعا اتصل على طول قلت له احنا كم مره فتحنا سيره هالموضوع وانت عارف ردي قالي وانتي
تعرفين انك السبب الى خلاني اكلم بنت غيرك واحملك المسؤليه
المهم قلت دام في بنت ليش ماتتزوجها
قالي انا مااحبها كانت مجرد علاقه عابره رغم انها صدتني وكبرت بعيني وقلت لو انتي مابغيتني
ممكن اشوف قصتها ..
المهم انا قلت له اني خايفه برفضي اخسر عمي وخالتي واخواتك لاني وحيده وماعندي خوات قالي
مستحيل وقالي لا تخافين انا بعد بعطيك كم شهر تفكرين براحتك لحد مااجهز اموري للزواج خاصه
اني متوظف جديد وتوي متخرج من الجامعه وحتى لو رفضتني للمره الالف صدقيني ماراح ازعل منك
لانك غاليه وراح احاول اتقبل قلت له اوكيه وبرجع اصلي استخارة
بس في خبر ثاني انا اتقدم لي عريس غيره وهو انسان جيد جدا وانا تقبلته فراح افكر واشوف
مين الاقرب لنفسي منهم وانشاء الله اختار الي يناسبني اكثر
دعواتكم بنات بليز
كلكم نصحتوني اتزوجه والبعض قال اني صاحبه القرار ولازم افكر واعيد النظر
تعرفون وش سويت ارسلت له رساله على الجوال قلت لك ممكن لو سمحت ابيك بسالفه
طبعا اتصل على طول قلت له احنا كم مره فتحنا سيره هالموضوع وانت عارف ردي قالي وانتي
تعرفين انك السبب الى خلاني اكلم بنت غيرك واحملك المسؤليه
المهم قلت دام في بنت ليش ماتتزوجها
قالي انا مااحبها كانت مجرد علاقه عابره رغم انها صدتني وكبرت بعيني وقلت لو انتي مابغيتني
ممكن اشوف قصتها ..
المهم انا قلت له اني خايفه برفضي اخسر عمي وخالتي واخواتك لاني وحيده وماعندي خوات قالي
مستحيل وقالي لا تخافين انا بعد بعطيك كم شهر تفكرين براحتك لحد مااجهز اموري للزواج خاصه
اني متوظف جديد وتوي متخرج من الجامعه وحتى لو رفضتني للمره الالف صدقيني ماراح ازعل منك
لانك غاليه وراح احاول اتقبل قلت له اوكيه وبرجع اصلي استخارة
بس في خبر ثاني انا اتقدم لي عريس غيره وهو انسان جيد جدا وانا تقبلته فراح افكر واشوف
مين الاقرب لنفسي منهم وانشاء الله اختار الي يناسبني اكثر
دعواتكم بنات بليز
ا
11-09-2005 | 10:16 PM
مبرررررررررررررررررررررررررررررررررررررررررررررررررررررررررررررررررررررررررررررررررررررررروك مقدما والله مثل صديقتى مثل اخويه واغار عليه0000