شحالكم يا عرايس عرووس..
مثل ما وعدتكم.. اني بخبركم شو سويت حق يوم ميلاد ريلي و بو عيالي ان شاء الله ( قولوا ان شاء الله ) :)
الله يسلمكم جهزت اشياء كثيرة يوم ميلاد ريلي.. و رتبتها و مخمختها عدل
طبعا كنت أبا تكون ليلة رومانسية حمراء و بس.. يعني كل شي يشوفه يكون احمر و بس
كان هو شاريلي لبس احمر في احمر و ناسي.. عبارة عن قميص كت ،، و تنورة قصيرة.. يجننون
( استحيت اصورهم لكم :o )
المهم .. قبل بفترة اشتريت شمووع مشكلة و بالونات حمراء.. و سوالف كلها احمر باحمر..
بنشوفها سوا بالصور..
التجهيزات و الترتيبات قبل اليوم المنتظر
قبل بيوم رحت و اشتريت وردة.. و حطيتها جدام عينه عشان اليوم الثاني انثرها في كل الاماكن
و سألني ليش الوردة ( و لا حاس و لا شي) قلتله حسيت اني ابا حياة في البيت فجبت الوردة
قالي زين سويتي..
و الهدية كنت مجهزتنها قبل..
مرة قال لي ابا كوب للدوام.. و كان خلاص بياخذ.. قلتله اصبر بنسير كم من مكان ندور ( خخخ أقص عليه)
..و مرة من زمان سألته.. شو في خاطرك آخذ لك لعيد ميلادك..
قال لي ما أبا أكلف عليج.. قلتله قول عااااد.. قالي في خاطري قلم خفيف.. بس بعد باخذ روحي لا
تكلفين عمرج..
فسرت و خذت له كوب( homes r us).. و قلم صغيروني و يجنن ( مركز الأقلام ) و محفظة ( شريف و اخوانه)
و عطر (Armani - black code) يديد و ريحته تخبل الصراحة
و حصلت صندوق أحمر يجنن في الجمعية .. فخذته و عبيته ورق من داخل مع قلوب فيهم شوية كلام حلو
شوفوهم و عطوني رايكم
هذا شكل الصندوق
و هذا ترتيبه
و دسيته في الكبت عشان اسويله لعبة البحث عن الهدية..
يتبع...................(f)
