تشوفوني غلطــانه ..؟؟!!!

ه

هاذي أنا

عروس جديدة

06-09-2005 | 05:17 PM

السلام عليكم ورحمة الله وبركاته

أدري ان قصتي طويله واايد وانكم يمكن تملون وانتوا تقرونها بس صدقوني احس ان لي رغبه اتكلم واطلع شويه من اللي في قلبي لاني تعبت اشيله سنين بروحي ومحد حاس فيه .. ولو اني ما اشاركم من قبل بس كنت اتابعكم دايما وبصورة يوميه خاصه هالقسم لانهم مثل ما يقولون مشاكل غيرك تهون عليك مصيبتك والله يفرج عن الجميع امين ..

اول شي انا كنت البنت الأولى لامايه وابويه من بعد 6 اولاد عشت معاهم عيشة حلوه في بيتنا المتواضع والمترابط ولله الحمد ..

نحن وبيت عمي ساكنين ليومنا هذا في فلتين قراب من بعض وما يفصل بينهم أي جدار .. يعني الفلتين بحوش واحد كبير وايد ..
ومن صغرنا كنا نحن وعيال عمي نتشارك كل شي ونسوي كل شي مع بعض بحكم انا تربينا مع بعض والايادي اللي ربتنا كانت وحده ..
ولو ان بنات عمي كانن كلهن كبار واغلبهن معرسات وانا ما كان عندي بنت من سني لين ما كبرت الا اني تعودت اقضي يومي كله مع الاولاد خاصه اخواني واللي بعد كان فيه فرق في السن بيني وبينهم لكني ومع ذلك بسرعه دخلت عالمهم وحسيت اني استانس معاهم وليومي هذا اكثر من اني لو اكون مع البنات ..
باختصار لاني كنت الصغيره لسنين طويله كنت المدلله وسطهم واللي لو تطلب الشي لازم تحصله ..

وانا صغيره كنت اعرف كل عيال عمي الا واحد وهو اكبرهم واكبر من اخواني بعد وتقريبا هو اكبر عني بـ 15 سنه .. كان هو الوحيد اللي ما يخصنا فيه ولا حد يعرف عنه شي خاصه انه سافر من صغره يدرس بأمريكا واوروبا وتربى فيها ولا كنت اعده واحد من عيال عمي اصلا .. وبعد اذكر اني كنت اناديه عمي واخاف منه هو اكثر واحد واحسبه واحد غريب عنا ما نشوفه الا بالسنه حسنه مثل ما يقولون ..

لكن كل شي بدا وانا صغيره توي بنت 7 سنين تقريبا لما كنت بالصف الأول الابتدائي
وقتها رجع ولد عمي الكبير للبلاد ..
وكان هو توه 22 سنه ياي 4 شهور ورايح لان من عادته ما يقعد في البلاد اكثر من جذا حتى لو ما كان عنده شغل برا ..
اذكر في هاك اليوم كنت قاعده اصيح وحاشره البيت كله مابغي احل الواجب وامايه حرمه كبيره ومش دارسه وما تعرف شو تسوي معايه خاصه ان اخواني ما كانوا مسوين لي سالفه هاك اليوم لاني على قولتهم كنت بزيه واباهم كل يوم هم اللي يحلون عني الواجب ويسوون كل شي فكانوا يبون يأدبوني شويه هاك اليوم ومحد طاع يسوي الواجب عني ..
وحصل ان ولد عمي كان في الميلس عند ابويه هذاك اليوم وشافني يايه صوبهم اصيح وشلني يتخبرني شو فيه وانا زايغه منه ومستحيه لاني مثل ما قلت لكم كنت احسه غريب عنا ..
المهم قالوا له ليش انا اصيح فقام هو ودرسني وحتى حل لي الواجب وقال لي مره ثانيه لا تصيحين تعالي عندي لو ما حصلتي حد وانا ما صدقت وقلت له انزين .. وبعدها كنت على طووول لما اشوفهم ما يسوون لي الواجب في البيت قصدهم اعتمد على نفسي اشرد من بيتنا عشان اروح له واعق عليه واجباتي كلها وانا اروح العب ..
يعني كان طيب وااااااااايد وانا كنت استغلاليه درجه اولى :o ..

كل هالكلام كان قبل 18 سنه ويومها كنا ندري ان ولد عمي يحب وحده من الاهل من صغره والظاهر كان متفق معاها على الزواج من سنين ..
لكن حصل في هالشهور ان البنت سوت حركه بايخه شوي جرحت ولد عمي وعناد فيه خذت غيره وصدقوني ما بتتخيلون اللي صار فيه لان ولد عمي من النوع الكتوووم واايد والعااطفي زياده عن اللزوم
ويمكن لاني صغيره ما افهم وايد لهالسوالف وقتها كان يكلمني دايما عنها واشوف حبها في عيونه واضح واحيانا كنت احس بدموعه غصب تبغي تنزل ومع ذلك تميت انا الاستغلاليه اللي اباه يخلص لي واجباتي أول بأول وحتى صار من نفسه مع الايام يذاكر لي لو عندي امتحان ويطلعني ويهتم بأصغر شي في دراستي وحياتي ..
بقى اهتمام ولد عمي فيني يكبر يوم عن يوم وكل حد لاحظ هالشي وقال انه اكيد ما عنده شغله تنسيه اللي صار له غيري فمحد تكلم ولا حد حط في باله شي مش طبيعي او غير مألوف خاصه انا اللي ما كنت اعرف شي في الدنيا وقتها غير اللعب والوناسه اللي الاقيهم يوم ياخذني وياه حتى لابسط الاماكن ولو بنمر على الدكان بس ..
والغريبه انه حتى بعد ما سافر كان يتصل لنا بين فتره وفتره ويطلب انه يكلمني ويطمن مني على اخباري ويسألني عن اللي أبغيه من برا وجذا ..
مرت الايام وبقى الحال على ما هو عليه .. هو دايم مسافر وخاصه من بعد سالفته هذيج ما صار ايينا البلاد الا احياناااا واكبر فتره كنا نشوفه فيها هي الصيف لما نروح لندن كلنا ونقعد وياه في الشقه هناك شهرين احس اني أميره فيهم من كثر ما يدلعني ويصرف علي ويوديني ويسوي لي اللي أبغيه .. حتى انه كان يقول لي انا مش عمج ( لاني كنت اقول له عمي مثل ما خبرتكم ) كان يقول لي انا باباتج انتي وبس وصرت اناديه باباتي وهو كان يسميني نونوتي ..
المهم مرت السنين وكبرنا وتقريبا لما صار عمري 16 سنه ابتعدت عنه شوي لانه هو ابتعد ولا صار ايينا ابد اللهم عيد واحد يعيده قريب منا وعقبه على طول يسافر ولاني انا كبرت واختلطت ببنات اكثر في المدرسه وتناسيته مثل ما يقولون وطبعا ما كنت اذكره الا لما اتصل ابغيه يطرش لي شي من برا اذا سافر لاي مكان .
وهو كان كبير وحاولت فيه مرت عمي وكلهم يزوجونه لكنه ما كان يطيع لانه على ما اظن ما كان ناسي اللي كان يحبها .. او انه نساها بس كاره العرس وخلاص راحت عليه مثل ما كان يقول ..

وانا علاقتي معاه كانت عفويه وايد من ناحيتي وناحيته بحكم فرق السن اللي بينا ولا طرى لي ولا طراله شي غير انه يعزني كبنوته صغيره يربيها لانه يحب اليهال وما شاف غيري صغيره تقرب له وقتها وانا كنت اشوف فيه حنان الدنيا كلها مثل لو كان صدق ابويه ..
ومن عقب ما ابتعدنا وما صرنا نشوف بعض ابد بسبب ارتباطاته وسفره الدايم وشخصيتي انا اللي تغيرت ونضجت اكثر عن قبل ما بقى شي من اللي صار على حاله غير كلمة باباتي ومثل ما قلت لكم مكالمات عابره
في فترات طويله متقطعه اطلب فيها شي >>>>> اقول لكم استغلالية
حتى هديتي لما نجحت بالثانويه العامه طرشها مع اخوه اللي كان رايح يزوره ..

وقبل اربع سنين تعبت مرت عمي وحلفت عليه الا يرجع البلاد يتم عندها ويدير شغله من هنا لانه ما شاء الله ولو انه بعده صغير على هالشي بس ربي فتح عليه ووفقه في التجاره لين ما صارت له الحين مكاتبه الخاصه وشغله الخاص وله اكثر من فرع في اوروبا والبلاد ..

قبل 4 سنين كان توه ولد عمي راجع يستقر في البلاد وكان عمره 35 سنه وانا 20 سنه بس
وللحين اذكر لما رحت اسلم عليه .. كان مب شايفني من 3 سنين تقريبا وفي هالثلاث سنين صرت حرمه مثل ما يقولون .. وانا ما بمدح نفسي لكن ربي الشاهد قبل كل الناس انه عطاني حلاه اشكره عليها ليل نهار وبرزت حلاتي هاي اكثر يوم كبرت في هالسنين لكنه بعد يوم شافني ما استغرب لانه من قبل كان يقول لهم ان صغيرونته احلى وحده وما بيزوجها لاي واحد عادي ..
بس يمكن استغرب من اني صرت استحي منه وايد وانه صارت بيني وبينه حدود اكبر وكأنه ما كان يتوقعني اكبر في يوم واستوي جذا مب عادي وياه شرات قبل ..
المهم اول ايام مرت عاااديه استحي منه وهو ما يكلمني لانه 24 ساعه في مكتبه وبين اوراقه وشغله لكن عقب خمس شهور استوت لي سالفه كدرتني وااااااااااااايد وانا كنت وحيده لا عندي ربايع وايد معاهن ولا اخت والكل كان اكبر مني ومتزوج ولاهي في حياته عني وما ادري ليش تذكرته في هاك اليوم وما لقيت نفسي الا ادق له وهو بنفسه حس ان فيني شي وحاول معايه لين ما قمت اصيح واتشكى له من بعد ما ضاقت بي الدنيا وحنيت لأيامه اللي كنت مدلعه فيها واشوف الدنيا كلها عندي ..
المهم اني كنت عارفه انه بطبعه عطوف وااايد وحنون وقعد يهديني وياخذ ويعطي معايه لين ما راحت الضيقه وقعدت اسولف معاه عادي عن كل شي عني في الدراسه وغيره واللي ما عرفه في هالسنوات ..
من هاليوم زال الحاجز اللي ولدته بيني وبينه السنين ورجعنا مثل ما كنا قبل اخبره كل شي عني وهو لاول مره في حياته صار يكلمني عن نفسه وهو يحس انه يكلم حد كبير يسمعه وهو فاهمنه مش مثل قبل وانا صغيره ماعرف شو يقول ولا افهم عليه ..
عرفت عنه وااايد اشيا خلتني احس اني قريبه منه حتى في الاطباع وعرفت ان الغربه علمته وااايد وخلته اكبر من عمره بسنين وسنين .. وعرفت انه وحيد ومش مرتاح في حياته رغم العز اللي هو فيه لان اخوانه كلهم عرسوا وعندهم عيال وربعه معرسين وعندهم عيال بعد وعشان جذا اغلب شي يشغل نفسه بمكتبه خاصه ايام الاجازات ونهاية الاسبوع لان الناس تكون طالعه مع اهلها ولما كنت اطرح عليه فكره العرس كان يقول لي لا تحاولين لاني ما بعرس اكيد ويوم اسأله ليش يقول لي ماعرف بس احس انه نصيبي جذا ..
استمرينا تقريبا 8 شهور جذا وكان اليوم اللي ما اشوفه او اكلمه فيه على الاقل كأنه سنه بالنسبه لي ..
وهو نفس الشي .. ما كنا نقول شي غلط بس نرمس عن عمارنا واخبارنا اليوميه لانه ما كان تفكيري وقتها غير انه باباتي وانا نونوته واعتقدته شي عادي اني اكون متعلقه في الانسان اللي رباني وصرف علي كل غالي عنده من صغري ولين ما كبرت بهالطريقه العفويه ..
واعتقدته مثلي .. حتى اني كنت ادور له على عروس واحاول كثر ما اقدر اقنعه بالعرس دون فايده .. (( والصراحه كنت احس انه غلط في جانب الله لكن الشيطان شاطر مثل ما يقولون واسأل الله ان يغفر لي وله كل هالسوالف الماضيه ولو كانت بريئه ))

وخلال هالفتره كانوا يخطبوني وايدين لكن اخويه الكبير كان يرد كل حد وحتى هو ولد عمي ما كان يطيع يعرسوني ويقول للحين البنت صغيره اصبروا عليها وكان لازم يدور أي عيب في اللي يخطبني ويقنع ابويه به عشان يرد الخاطب وانا كنت اتحسبه يسوي جذا لمصلحتي ..
احيانا يوم كنت اكلمه عن العرس كان يقول لي لو بعرس انتي اول وحده بتعرفين صدقيني وانا وانتي بنخلي عرسنا في نفس اليوم وعرسج كله على حسابي ومن هالكلام اللي خذته وقتها بحسن نيه ..
لين ما يته فتره مرض فيها وراح المانيا يتعالج تقريبا شهرين وفي هالشهرين كنت اكلمه في التلفون شوي واطمن عليه من عمي ومرت عمي .. وفي هالشهرين خطبني ولد عمتي وكان اكبر عني بخمس سنوات بس وبعد محترم وخلوق ويحبني من زمان وصدق مافيه أي عيب يقدر احد يرده عشانه وشفت ابويه واخواني وحتى عمي كلهم موافقين عليه ولانه ولد عمتي انا ما قدرت اقول شي حتى انه محد شاورني اذا ابغيه او لا ..
كنت محتاره اخذه او لا .. ما ادري كنت احس اني باخذه وما فيه شي بالعكس هو احسن واحد تقدم لي من بين كل اللي يوني وان هالفرصه ممكن ما تتعوض ولا الاقي احد مثله لكني في نفس الوقت بعد ما ادري ليش شي فيني كان يرفض بقوه واحس اني حزينه واني ما بستانس لكني في النهايه قلت باخذه لان الحب ايي بعد الزواج مب قبله واكيد بحبه لانه بيصير زوجي ..
قلت لكم هلي ما شاوروني وبنفسهم حددوا كل شي حتى يوم الملجه وانا اتصلت في ولد عمي ومادري ليش كنت زعلانه من هالسالفه مع اني ما رفضت والمهم اني خبرته ..
ما ادري شو اقول لكم .. اول شي حسيته عصب بس عقب ماعرف ان ولد عمتنا هو اللي بياخذني سكت وما نطق بحرف واحد ولا قال شي غير انه سألني انتي تبينه ؟!! وانا قلت والله ماعرف ابويه واخواني اول مره جذا يرضون على واحد وانته تدري ولد عمتنا والله ماعرف شو رايك انته
كلمتين بس كانن كل اللي رد بهن عليه (( توكلي على الله )) وسكر الخط ..
وما رجع يتصل مع اني رديت ودقيت عليه لكنه ما رد علي الا يوم واحد كان يوم ملجتي اللي حتى رفض انه يحضرها بعذر انه بعده تعبان ومب قادر يرجع للبلاد وهو اصلا كان خلاص متعافي الحمدلله وما بلاه شي لكن محد اهتم وايد لهالشي وقتها ..
بعد ما ملجت اتصلت به وانا احس ان حتى ما فيني فرحه أي عروس بيوم ملجتها وما عرفت السبب وكنت متصله اعاتبه ليش ما بارك لي وهو اقرب الناس لي
تدرون كيف لقيته ..؟؟؟؟؟ لقيته منهااار متخبل ما يعرف شو يقول والا شو يسوي ..
في هالليله عرفت اشيا خليتها في داخلي ليومكم هذا ومحد شاركني فيها غيركم الحينه لاني تعبت وانا شايلتنها في قلبي كل هالسنين ..
ولد عمي وباباتي واللي كان عندي يسوى الدنيا كلها عرفت انه كان مب بس يحبني الا يموووووت في الارض اللي امشي عليها واني انا في هالـ 8 شهور صرت له كل حياته وانه تمناني زوجه وحبيبه اكثر من مجرد بنوته صغيره يربيها .. حتى حلف لي انه يحبني بصوره اكبر من اللي كان يحبها وهو صغير ومب قادر يعيش من دوني بعد ما لقاني هديه من رب العالمين ..

كنت الاحظ انه متعلق فيني وكنت الاحظ ان لي معزه خاااصه وايد عنده ما شالها في قلبه احد قبلي غير امه لكني بعد ما توقعتها توصل لدرجه الحب مره وحده وانه ممكن يفكر فيني هالتفكير ..

ويوم سألته ليش ما تكلمت وليش ما خطبت قال لي كنت اشوفج صغيره وايد علي وخفت تتحسسين انتي من فرق السن اللي بينا ومن هالكلام اللي خلاه يقرر يصبر علي شوي بحكم انه ولد عمي ومتى ما بغاني هلي ما بيردونه لكنه حب ان هالشي يكون برضاي عشان ما يظلمني لو جبروني اهلي عليه ..
كان يخاف اني متعلقه فيه بس كونه شخص ورباني وانا بنفسي كنت اظن جذا لين ما اتضح لي في هالليله بالذات العكس واني كنت عميا وهبله يوم اني ما لاحظت اني انا بعد متعلقه فيه تعلق جنوووني وما اقدر ابتعد عنه او اشيله من بالي ..
ولما سألته ليش تكلمت الحين قال اعذريني بس والله بمووووت ومب فاهم انا شو اسوي الله يخليج لا تلوميني الا الليله تكفين ..!!
عرفت سبب ضيقي في هالليله وعرفت متأخره واايد اني ابغي ولد عمي مب ولد عمتي بس ماعرفت شو اسوي ولا قدرت اصلا اسوي شي لاني خلاص كنت مالجه ولان ولد عمي بنفسه ما قدر يسوي شي .. ممكن تقولون كيف ما قدر ولو كان يباج كان بيسوي أي شي عشانج .. لكنه كان انسان كبير .. فاهم وعاقل وما قدر يخرب العلاقات بين الاهل وضحى بنفسه دون ما ادري وحتى بدون ما هو يدري لانه يوم سألني انتي تبينه كان يترياني ويتمنى لو اقول له لااا عشان هو يتحرك ويكلم اهلي لكن يوم شافني تقريبا مقتنعه وساكته اعتقد اني ما ابغيه ومستحيل افكر فيه كزوج او انه يكون في بالي اكثر من اب شرا ت ما عودني قبل
يعني فهم اجابتي اني راضيه اتزوج ولد عمتي وانا فعلا كنت راضيه تقريبا لكني كنت احس بشي غريب يمنعني من الاقتناع الكلي فيه مثل ما قلت لكم قبل ومع ذلك خذت ولد عمتي عشان ابويه واهلي ولاني توكلت على الله وقلت اختيار اهلي اكيد فيه خيره لي ومن هالكلام وانتوا تعرفون ..

المهم من بعد هذيج الليله اللي حسيتها اصعب ليله مرت في حياتي والليله اللي لخبطتني كلي على بعضي وليومي هذا وخلتني انصدم بواقع اني خلاص بنت متزوجه ولو كنت مع ولد عمي قبل عادي صار الحين لااازم ابتعد عنه واخلص لانسان واحد هو زوجي ولو مهما كان الشعور اللي في قلبي ..

ولد عمي عاقل وايد وهو بنفسه طلب مني ابتعد خلاص واعيش حياتي لان زوجي فيه كل خير لي وقال لي حتى لو انتي ييتني في يوم دون أي حاجه سامحيني لو اقولج اني بردج عشان ما اخليج تخسرين نفسج وضميرج ومسؤوليتج تجاه ربج وزوجج خاصه من بعد ما عرفتي اللي في قلبي وعرفت اللي في قلبج اكيد سوالفنا مستحيل تبقى عفويه مثل قبل فالافضل انا نكون بعاد واخبارنا ترى توصلنا من الاهل دون ما نحتاج انا نكلم بعض او تنقابل حتى وسط الاهل ..
وعن نفسه حتى بدون ما يتكلم كنت ادري ان هالشي بيصير .. وبنفسه قال انه خلاص تعود ويحس ان ماله نصيب في الزواج واذا كان بينه وبين الزواج قبل باب واحد ويمنعه .. الحينه صارت ابواب الدنيا كلها تمنعه انه يفكر مجرد تفكير بانسانه غيري يتزوجها ..

مادري شو اقول لكم او كيف مرت علي الايام والسنين ..
صدقوني لو اقول اني ما نسيته واني ما اقدر انساه وانه موجود في قلبي لليوم واني استغفر الله احيانا احس اني صدق اتمناه .. مع ان زوجي انسان طيب وكل الاخلاق الزينه فيه لكن احس احيانا يوم يزعلني والا يقول لي شي يجرحني على طول اذكر ولد عمي وتنزل دموعي عليه لانه كان مدلعني وااايد الله يهديه وحتى لما اكون الغلطانه كان يحب يفهمني غلطي كأني طفله جدامه وبدون زعل وصراخ واخذ على الخاطر .. يعني تعبت اقارن بين الاثنين في كل شي لان ولد عمي هو الفايز في النهايه وقلبه كان اكبر معايه وعطفه وحنانه كلهم كانوا لي انا سنين طويله ..
انا ادري ان هالشي غلط واني لازم ما احس جذا او افكر فيه لكن غصبن عني احس ان اسمه محفور في قلبي
مع اني احب زوجي وعيشتي معاه حلوه الا ان قلبي يعورني لو حد نطق باسم ولد عمي على لسانه بس ..
صدقوني غصبن عني خاصه انه قريب مني ولو انه رجع يسافر اكثر من قبل عقب ما تزوجت وعاف البلاد كلها على قولته ولا وده يقعد وانا انزف لغيره الا ان اخباره توصل وعرفت انه يتابع اخباري اول بأول حتى انه طرش لي هدايا عرسي ولما يبت عيالي الاثنين وواحد منهم شال اسمه وزوجي بنفسه اللي سماه لانه كان يعرف ان ولد عمي هو اللي رباني وله معزه خاصه في قلبي فحب انه يفرح ولد عمي دون ما يدري عن الحقيقه اللي في قلوبنا ..
الحينه وبعد اربع سنين صرت انا 24 سنه وهو 39 سنه ..
انا متزوجه وعندي عيال واحب زوجي واتمنى ولد عمي للأسف
وهو ليومه هذا يهاذي فيني ويموت على طاري فيه اسمي ولو غمض عيونه يحلم ما يشوف غيري ويتمنى الف مره في اليوم لو الزمن يرجع مب عشان يتزوجني .. على الاقل عشان ارجع الصغيره اللي قريبه منه دوم ومحد يقدر ياخذها منه ابد لأني صغيرته هو وبس مثل ما كان يقول .. وطبعا ما تزوج ولليوم ما يفكر حتى بالزواج .. حتى يوم يقولون له نبا نشوف عيالك يشل عيالي ويقول تشوفونهم هاذيل عيالي انا
لدرجه انه يصرف عليهم بالهبل وعاطنهم كل شي حتى لو يقولون حلالك وشغلك وتجارتك وكل فلوسك وغناك هذا لمنووو يقول لعيال بنتي اكيد ..

صدقوني انا مخلصه لزوجي ومانعه نفسي ومحتسبه لربي لكن لا تلوموني لاني افكر في ولد عمي للحين لان ميل القلب والتفكير شي مب بيد الانسان وانتوا تدرون اكيد .. وحتى مب كل المتزوجين لازم يحبون بعض عشان يكونون مرتاحين واكيد المعرسين بيتفهمون هالشي اكثر لان الحب مب كل شي ...
كل اللي بيدي ان هالشي يبقى في القلب واني احاول اشيله وما احسس زوجي بأي شي وابقى مخلصه في زواجي والله كريم

مادري كيف هي نظرتكم لي الحين من بعد كل هالكلام الطويل اللي اكيد غثيتكم به بس كان في خاطري ومحد عرف عنه شي واحس اني بنفجر ساعات من الضيقه اللي تييني من كثر ما كتمته داخلي ومحد عرف عنه ..
يمكن تكرهون تصرفي ويمكن تستنكرون لكن صدقوني محد يحس بصاحب المشكله الا صاحبها بنفسه ..

اسفه لاني طولت عليكم والله يحفظكم ويرزقكم كل خير امين

لا تنسوني من دعائكم

اختكم في الله

..::.. هـــاذي أنــا ..::..

b

braiki

عروس نشيطة

06-09-2005 | 06:01 PM

قرأت موضوعك و اتأثرت وايد و ما ادري شو ردي الا اني اتمنى من كل قلبي ان ربي يوفقك و يحل مشكلتك
والله معاكي

ا

انفينيتي

عروس مبدعة

06-09-2005 | 07:05 PM

السلام عليكم ورحمة الله وبركاته

اختي عورتي لي قلبي انته وولد عمج

لكن ما أروم أقول إلا هذا نصيب ومكتوب عليكم

يمكن الآدمي ما يروم يحكم قلبه أحيانا بس المهم أنه ما يخلي الشيطان
يتحكم به....صدقيني الشيطان يوسوس لج عشان تغلطين.

الله يحميكم من الشيطان وأعوانه

الله يوفقج ويا ريلج ويرزق ولد عمج ببنت الحلال اللي تعوضه

r

robena

عروس مشرقة

06-09-2005 | 07:06 PM

فعلا شي صعب لكن خلاص ما ينفع الندم ولا البكاء على الماضي ، انتي الحين متزوجه برجل صالح والحمدلله وعندك أطفال لازم

تفكرين فيهم فقط اعرف انه شي صعب لكن هذا المفروض وحاولي تدورين عروس لولد عمج اكيد بتلاقين وحده عاقله تستاهله ، حرام

انسان عنده هالكم من العاطفه والحنان ويتم وحيد خلي حد كبير يمون عليه يقتعه لأنه راح يندم لما يكبر ويلاقي نفسه وحيد فمهما

كان انتي راح تنشغلين بعيالج الله يخليهم وصدقني لما يشيل ولده ويضمه لصدره راح ينسى كل الألم اللي شافه زنوا عليه ليما يقتنع

بسالفة الزواج . بصراحه انتي ما خسرتي وايد صدق خسرتي انسان تحبينه بس ربي عوض عليج برجل خلوق وبحياه زوجيه هادئه

فياما نسمع عن ناس تزوجوا عن حب ولكن بعد الزواج ما استمروا مع بعض لكن هو من وجهة نظري الخاسر الوحيد لأنه وحيد من غير

زوجه ولا أولاد ومثل ما قلت حاولوا بكل الطرق تساعدونه وتلاقون له الانسانه اللي تستاهله وهذا أقل شي تقدمينه له.

الله يسعده ويوفقه مع بنت الحلال اللي تفرحه وانتي الله يخليلج زوجك وعيالج

أ

أريش العين

عروس ماسية

06-09-2005 | 07:16 PM

الله يعينج .. بس مثل ما قالن الخوات الحين ما يفيد الندم لانج حرمة متزوجة وام عيال
يعني حتى لو تحبينه .. ما بترومين تسوين شي
الا اذا تبين تخربين بيتج وتهدمين حياتج ؟؟ وهذا اللي ما توقعه منج .. انتي حرمه عاقلة وهو بعد عاقل ولا يرضى علييج ..
فالاحسن انج تدعييين ربج انه يهون علييج ويسهل على كل واحد منكم دربه .. ادعي ربج في كل وقت وصدقيني الله ما يرد عبده ..

الغاليه انا مع الاخت روبينا كلامها صحيح .. اقنعووه انه يعرس ... بااجر يوم يكبر منو بيراعيه ويشوفه غير عياله وحرمته .؟؟؟

السموحة الغاليه

بنفسوجة

ع

عروسة يزيد

عروس نشيطة

06-09-2005 | 07:34 PM

الله يهديكي...انا مكتئبه خلقه...و قريت حكايتك...اكتئبت اكتر...والله ماني عارفه ايش اقولك اختي...غير الله يصبرك...و يروح همك...عارفه انا مره مقهوره منو...يعني عاقل مره...و الحب المفروض ما فيه عقل...يعني لو كان قلك بس!!!

بس ازا فضلتي تقارني بين زوجك و ولد عمك...راح تتعبي!! على العموم....عسى ان تكرهوا شيئا وهو خير لكم

ج

جوجو جوجو

عروس مشرقة

06-09-2005 | 08:47 PM

والله انتى ضايقتينى جدا

ربنا يهدى ويصلح الحال قوللى امين

ا

العين الساحرة

عروس نشيطة

06-09-2005 | 09:02 PM

ارضي في اللي انتي فيه والله مو كاتبه لج وادعي ربج ينسييييج اياه

&

&&_عاشقة الجوري_&&

مشرفة سابقة

06-09-2005 | 09:16 PM

حبيبتي
اولا نظرتنا لك مثل ماهي لانك انسانه عارفه ومقدره ومبينه موقفك انك تحبين زوجك ولاتبين الغلط وانتي
معه

حبيبتي القصه حقتك ماالومك فيها والي صار صار
واحيانا اشياء في القلب مايقدر الانسان يطلعها فتظل في قلبه لحد الموت

ادعي من ربك دوم الثبات
وسبحان الله مقلب القلوب والابصار قادر على ان يخفف حب ابن عمك في قلبك ويجعله مثل اي واحد
الله يسهل امرك

ا

اعيش لربي

عروس مشرقة

06-09-2005 | 10:16 PM

ربنا يعينكم
اختي تذكري قول الرسول الكريم عليه افضل صلاة وسلام
(لو علمتم مافي الغيب لاخترتم مافي الواقع)

أ

أم أسووله

عروس مشرقة

06-09-2005 | 11:44 PM

ما قول الا الله يعينج انا شاء الله

لاني حسيت بحساسج و الله كريم ان شاء الله

ل

لب لفواد

عروس ماسية

06-09-2005 | 11:48 PM

ختيه قصتيه مشابه لقصج لولا بعض الأختلافات بس المشاعر وحده حاسه فيج والله أدري بعذابج وهمج أنا نفسيه للحين مب قادره اتخطا هسالفه بس شسوي هذا نصيبيه والحمد الله على كل حال ...................أنتي مثليه تدرين أنه رمست الغير في هالسالفه مابتفيدج في شي لأنه كل الي تحسيبه وأحسبه غصبن عنا مب بيدينا ولو شكيتي لميت حد وحد الكل بيلومج لأنه الي أيديه في الماي مب مثل الي أيديه في النار محد بيحسبج الا الي حاله من حالج ....................
الله يرحمنا برحمته ويغفرلج ويغفرليه اللهم أمين

ه

هاذي أنا

عروس جديدة

07-09-2005 | 01:26 AM

braiki

شكرا على مرورج الغاليه ويزاج الله كل خير على دعواتج الطيبه امين
تسلمين

Runaway Bride

وعليكم السلام والرحمه

مثل ما قلتي يالشيخه نصيب وانكتب علينا والله وحده العالم وين الحكمه من كل هذا ..
لكن مع ذلك عقلي معايه وانا توكلت على الله في زواجي وان شاء الله ما تروم شياطين الدنيا كلها تلعب بعقلي وتخليني اخرب بيتي بيديه .. والله يثبتني امين

يعطيج العافيه على دعواتج والله يرزقج بكل اللي تتمنيه يا رب

robena

ما عندي خلاف على كلامج وادري ان كل حرف كتبتيه لي كان صادق ونابع من قلبج ..
صح انا يمكن ما خسرت كثره ويمكن ربي رزقني بزوجي وعيالي عشان التهي بهم عنه ويمكن اقدر اعيش بدونه اسعد من اني لو اكون معاه لكن مشكلتي اني ما اقدر انسى صدقيني ..
انا ما عشت معاه يوم او يومين ولا حتى سنه او سنتين ..
انا كنت اقرب الناس لقلبه معظم ايام عمره وهو كان الاقرب لي من بين الكل طول عمري .. حتى لو ما كان حب من البدايه الا ان التعلق كان فضييع وبصوره الكل لاحظها ..
ما اكذب عليج لو اقولج اني لليوم احس بحسره في قلبي عليه واني اكره هالشعور لاني احسه خيانه في حق زوجي لان المفروض حتى تفكيري ما يكون لحد غيره بس شو اسوي قلت قبل انا ما اتحكم في قلبي ومالي غير رب العالمين ادعيه ويستجيب لي ويهون علي وعليه امين ..
من ناحيته صدقيني كثر ما يحاولون وليومج هذا ماشي فايده ..
خلاص فكره العرس التغت وراحت عليه على قولته ولو خيرناه في بنات الدنيا كلهن بيقول ماريد اعرس وما بقى من عمري كثر اللي راح ..
مشكلته انه وااااايد حساس وصعب وايد ينسى الشي خاااصه لو بغااه من كل خاطره وانا ما كنت في خاطره اي حد ..

صح اني اغار لما افكر انه بيروح لغيري الا اني مش انانيه لهالدرجه ومابغي استمتع انا في حياتي على حسابه ..
اتمنى انه يغير رايه وانا في كل ليله ادعي له في صلاتي من كثر خوفي عليه ولانه الشي الوحيد اللي يربطني فيه الحين ..
انسان مثله يستاهل الدنيا وما فيها وان شاء الله رب العالمين قادر على كل شي ..

اشكرج عزيزتي على المرور وعلى مواساتج لي ودعواتج
تسلمين الشيخه ..

ه

هاذي أنا

عروس جديدة

07-09-2005 | 02:01 AM

بنفسجة العين

يعينا وياج الشيخه على طاعته وعبادته امين
والله اني متعذبه .. ابغي اشيله ابغي انسى خلاص
والاهم اني ابغي اشل هالحسره اللي في قلبي عليه كلما حسيت باشتياق وحنين له ..
ساعات تصرفات زوجي هي اللي تجبرني اذكره لانه ما كان يرد لي شي او يحسسني بأي شي يزعجني ..
كان اكثر انسان فاهمني وعارف كيف يتصرف معايه في كل مواقفي .. حتى اني ما اذكر يوم تزاعلنا فيه ابد والله ..
كنت اشبهه في كل شي .. خذت منه تصرفاته .. اسلوبه .. افكاره .. وحتى خباله وطموحه ..
وزوجي بعد مافيه شي لكني ساعات اشوف انه ما قدر يوصل للحين لقلبي ويحس باللي في خاطري حتى بدون ما اتكلم او يرعاني مثل ما كان ولد عمي ..
وهالشي وايد يضايقني ويخليني احس دايما اني فاقده شي تعودت عليه وهالشي ما لقيته في حد الا في ولد عمي اللي عودني اني اكون طفله مدلله دوم للأسف ..
ولولا اني ملتزمه واخاف ربي كنت خربت بيتي من زمااان لكن الحمدلله تفكيري دايما يكون بعقلي قبل قلبي واشكره هو اكثر لانه ساعدني .. وفي النهايه ادري انها بتكون مسألة وقت ويخف كل شي من ناحيتي على الاقل والله يكون في العون امين

اتمنى اني انسى واتمنى انه ينسى ويعرس وان الله يوفقه ويكتب له الخير وين ما كان ويحفظه من كل شر ويبعد عنه كل هم امين

تسملين الشيخه وربي لا هانج

hebaaa

في البدايه انا اسفه لاني كدرت خاطرج وضايجتج بقصتيه
وصدقيني لانه عاقل ما كان يتكلم وماحب انه يتهور ويتكلم عن احاسيسه احتراما لي ولهلي خاصه اني بنت عمه ..
وهالشي خلاه يكبر في عيني حتى ولو ما صار بينا نصيب ..
هو حب ان كل شي يكون من الباب واللي خرب عليه الوقت اللي بغاني فيه ..
يعني كنت جدامه طول العمر ليش تمناني زوجه في اخر ثمان شهور لي وياه ؟!!
كان كتووم للي في قلبه وصابر بس عشان يجس النبض من بعيد لبعيد قبل ما يتقدم رسمي لكن صبره هالمره انقلب ضده والحياه كتبتني لغيره لانه ماحب يستعيل خوفا علي وعلى مشاعري ..

في النهايه انا مقتنعه ان هذا نصيبي وفيه خيره لي مهما كانت احاسيسنا

واشكر لج مرورج ودعواتج الطيبه والله يوفقج الشيخه ..

جوجو جوجو

امين يا رب والسموحه منج على ضيقه الخاطر

^

^^روز^^

عروس مبدعة

07-09-2005 | 07:27 AM

هذا نصيبك وارضي
فيه

ويمكن خيرة لأنك ماتزوجتيه

وحاولي تتناسينه

يني لاتقارنينه بزوك لان مع كثر المقارنات بتتعبين وبتكرهين زوجك

والله يوفقك

]

][

عروس مبدعة

07-09-2005 | 11:53 AM

الله يعينك وينسيك حبه اقنعي بنصيب وحطي ببالك ان هذا نصيب ومقدر من عند الله سبحانه وتعالى

ولاتقولي لو قالي من اول كان ماوافقت اختي لو تفتح عمل للشيطان هذ نصيبك ومكتوب عليك من يوم انتي في بطن امك لا باح لك باللي بداخله والا لا ماراح يغير شيء

الله يعينك ويصبرك

n

n3nooo3aa

عروس مشرقة

07-09-2005 | 12:09 PM

صيحتيني يا الغالية

الله يعينج ويصبرج ويحفظج من كل شر

g

gonson

عروس نشيطة

07-09-2005 | 01:16 PM

حبيبتي ما اقدر اقولج غير ان الله يصبر قلبج على هذي القصة المؤلمه، ماروم اقولج انسي لاني بكون قسيت عليج لكن بقولج تناسي شوي عشان تسير حياتج مع ابو عيالج ،شوفي الغاليه الله حتى ما اعرف شو اقولج لان قلبي يتقطع عليج والمصيبة هذا زواج الاهل يعني منكم وفيكم وما كان بيدج تقولين شي. سبحان الله هذي مشيئة رب العالمين، عشان ما تتعبين حاولي انها تكون اشياء في الذاكرة كأنج قريتي روايه وخلصتيها الحين بديتي في روايه جديدة وحلوه وثمرتها ولدين عسا ربي يحفظهم لج ويبارك لج فيهم. وولد عمج الله يصبره على فراقج.

J

Jokanda

عروس جديدة

07-09-2005 | 01:55 PM

االه يعينج ويساعدج ويصبرج

بس احتسبي الأجر عند الله

لأن العاشق يوم يحرم نفسه من حبيبه خوف من الله بعد موته مثواه الجنه

الله يصبرج

ا

البستكيه

عروس مشرقة

07-09-2005 | 02:11 PM

والله انه عيوني دمعت
يوم قريت القصه
وكنت عارفه شو النهايه قبل ما اقراها
والــــــــــــــــــــــله حــــــــــــــــاسه فيج

صح شي كب سهل بـــــــس...........
ما اعرف شقول!!!!!!!!!!!!!!