تشوفوني غلطــانه ..؟؟!!!

بحرينية100%

سلامة قلبج يالشيخه السموحه منج ضايقتج
انا ما قطعت بيت عمي وما اقدر حتى لو بغيت لان البيوت قريبه من بعضها
بس هو اللي طلب مني ابتعد عنه وما اكون له مثل قبل لا اكثر ولا اقل
وهالشي صار واجب عليه انا لان لي زوج الحين وواجب عليه اصونه واحشمه واحفظه
تسلمين على النصيحه ويسلم قلبج الطيب

الله يسعدج ويسعد اختج ويكتب لكم الخير دنيا واخره امين

bnt al-islam

المقارنه كلها من الشيطان ادري انه يوسوس لي كثر ما يقدر لان اشطر شيطان واحسن الشياطين هي اللي تكون قادره انها تفرق بين الزوجين .. والله يكفينا شرهم امين ..
انتي ذكرتي شي احس به اكثر الاشيا اللي اتعبني صدق وهو اني احس بالذنب ناحيته..
ويمكن لو كان متزوج كان بيفارقني هالاحساس وهالخوف والتعب عليه ..
لكن صدقيني ما يسمع الكلام ورافض كل شي في الدنيا غير الشغل .. حتى البيت ما ايي له الا للرقاد هذا اذا كان في البلاد طبعاا
مثل ما قلتي احب زوجي حيييل واحساسي تجاه ولد عمي ناتج عن ذكريات حلوه لي معاه تلخبطني وتخليني ماعرف شو اللي في قلبي بالضبط ..
وانا هاللخبطه ماريدها تصير وتخرب عليه راحتي وسعادتي

مشكوورة الغاليه على كلامج الطيب والله يحفظج الشيخه ويحميج
تسملين

لـــــــمى

الله يحفظ قلبج يا رب
تسلمين الشيخه وانا متربيه في بيت ملتزم واعرف اني كلي لزوجي حتى لو ادوس على مشاعري كلها عشانه

يزاج الله الف خير على دعواتج الطيبه والله يرزقج بمثلها واحسن امين
مشكوورة حبيبتي على النصيحه والله يوفقج دنيا واخره يالغاليه

الله يعينج...........


بس لو تقدرين تقنعينه يتزوج......... صدقيني بترتاحين وبيرتاح...

او قولي لحد من هله انج لاقيه عروس له.. واعتقد إذا عرف انه من صوبج.. مابيرفض..

حاولي تساعدينه... وتردين الجميل ولو مرة...

تحياتي لج

ذبحتيني .. ذبحتيني ..

من جد تعايشت سالفتك حطيت نفسي محلك .. وتقطع قلبي ..

مااقول الا الله يوفقج في حياتج ويسعدج ويوفق ولد عمج ويسعده..

الله يكون في العون

السلام عليكم


شحالج أختيه

الصراحة غمضتيني

لو إني مب مرتبطة بس حسيت بضياعج بين ريلج و عيالج و بين ولد عمج اللي عشتي وياه كل هالسنين قريبه منه و من قلبه و انتي ما تدرين

حبيبتي اللي صار صار الحين و مالج حد غير ريلج و عيالج

و إذا كنتي اتحبينه صدق حاولي معاه يعرس و اخطبي له وحده زينة اتداريه و اتحافظ عليه

و ملزومة انج تقنعينه بالعرس

لأنه محد بيتم له و خصوصا انه شرات ما قلتي حساس وايد و اللي حسيته من كلامج خصوصا انه كان امدلعنج من صغرج يعني يحب اليهال و فيه حنان و عطف

يعني هذا بيتعب وااااااااااااايد بعدين اذا شاف عمره وحيد بعد عمر طويل ان شاء الله

لازم يكون عنده عيال و حرمه يفرغ اللي عنده من سيل عواطفه و حنانه


حبوبة اهتمي بريلج و عيالج و اللي مريتي فيه خليه تجربة حلوة بحياتج لأنج بتتعبين من المقارنة بين ريلج و ولد عمج


و الله يوفقكم لما فيه مرضاة رب العالمين

أختج

الخرشة

حاولي يا اختي تنسيه

اعتبرينه مثل اول مثل ابوج او اخوج العود

المفروض مشاعرج تكون ناحيته مشاعر اخوية مهما هو فكر فيج كزوجه

بعد المفروض هو مايفكر بهالشيء لانه يعتبرج مثل بنته

بس خلاص هذا المكتوب والمقدر

والحمدلله على كل حال

ودوم فكري بزوجج وعيالج وبس

ما أقول غير الله يوفقج إن شاء الله و يسعدج يا رب

خواطر©

يعينا وياج الغاليه

الله يقدرنا نقنعه ويقتنع امين
يمكن مع الايام بيتغير رايه الله اعلم

تسلمين الغاليه والله يحفظج




%Ju$T Me%

بعيد الشر عنج الشيخه
اتمنى ما تعيشين الموقف دقيقه وحده وتحصلين كل اللي في خاطرج ويكون فيه خيره لج امين
الله يوفقنا وياج ويرزقج كل خير دنيا واخره


عذب القوافي

يعينا وياج على الطاعه والعباده يا رب
اشكر لج مرورج والله يحفظج



الخرشة

يعطيج ربي الف عافيه يالغلا
ادري ان مالي الحين الا ريلي وعيالي والله يقدرني على هالامانه ويكتب لي الخيره فيها يا رب
و يهدي ولد عمي ويرزقه زوجه صالحه وذريه صالحه في اقرب وقت امين
الله لا يحرم غاليج منج يالغلا وعساه يسعدج ويوفقج دنيا واخره
تسلمين

نوووسه

ان شاء الله وانا كثر ما اقدر ما اقصر من هالناحيه صدقيني
في النهايه كل شي مضى وانتهى من سنين ولابد له في يوم انه يروح ويهدا مع الزمن

الحمدلله على كل حال

تسلمين الشيخه والله يوفقج ويحفظج امين


ماسة دبي

وياج الشيخه
الله يعطيج الف عافيه ويحفظج من كل شر امين

يا سلام اندمجت واييييييييييد في القصة ....الحقيقة ....وكل ما اقرا سطر ...اقول اللحين بتقول انها ارتبطت فيه ...بس خساره ....يمكن كنتى اصغيرة وما فهمتى ...لمعاملة الرائعة وياج .....بس يالله الخسارة خسارة الروح ...والله ما كتب وما راد اتكونون للبعض ...لو شو اتقولين ...والمفروض ما يتحسس لهذا الدرجه من هذا الامور .....شوفي نص عمره ضيعة علشان.. اللي حبها اول مره ....وعقب ...عشانج ...وللحين ....المفروض ....حد يفهمه ...ان هذا هو الايمان بالقضاء والقدر ....خيرة وشرة ..والله ...لو راد امره بين كاف ونون .....فاهمة ...عليه الشخة ....ودوروله بنوته غاويه ...وادب واخلاق واللي مثل اخلاقه ما بينرد صدقينى ....والله يرزقه الزوجه الصالحه والذريه يا رب ....
ويسر لج امورج ...وحاولي ....تدعيله ...الغاليه ....وحاضرين لج ...حبوبه والله يهنيج

قلبي عورني عليج وما ادري ليش تأثرت بقصتج هالكثر
صدق دنيا :sad:

بس ما املك لج الا الدعاء في هالشهر الفضيل والله يكون في عونج اختي

هلا اختي
ابصراحه قريت قصتج وابصراحه عورني قلبي وتأثرت وايد
لكن اختي هذا نصيبج وكلن لازم يرضا اب نصيبه
واختي اعرف لواقولج حاولي تنسين صعبه تنسين لكن بقولج شي وياريت اتنفذينه اخطبي له وحده انتي اتعرفينها عدل واتكونين اتحبينها وايد وانتي ابنفسج شاوريه وقولي له,, انتي اختي جاج نصيبج ولله الحمد وعندج اعيال الله ايخليهم لج ان شا ءالله بكره لما يكبرون الدنيا بتلهيج معاهم ومع الوقت بتنسينه لكن هو اذا بيتم على هالحال اعزوبي صعبه ينسا وبيتعب جذي فاانتي لازم تسدين له خدمه واتزوجينه حتى لوكنتي اتحبينه زوجيه وانتي ابنفسج قولي له ابي ازوجك وقولي له ان العروس انتي مختارتها صدقيني بأذن الله بيوافق وانتي شجعيه وبما انه ايحبج صدقيني بيوافق ان شاء الله
وان شاء الله نسمع اخبار زينه

السلام عليكم ورحمة الله وبركاته
والله يا الغالية موضوعج وايد حساس لأنه الطرفين من الأهل ..
الله يعينج على بلواج ويصبر قلبج وقلب ولد عمج ..
بس نصيحتي لج بما أن ولد عمج يحبج ويموت فيج حاولي تكلمينه وتقنعينه بالزواج
وحاولي تغيرينه وصدقيني بتقدرين .. أنتي قدها وقدود وحبيبتي أتذكري دايماً
قوله تعالى (وعسى أن تكرهوا شيئاً فهو خير لكم ) صدق الله العظيم
أرضي بالنصيب وعيشي حياتج كزوجة وأم وترى ريلج مايستاهل صح؟!!
الله يعينج ويصبرج وأتمنى لج التوفيق في حياتج ..
والسموحة:flower:

السلام عليكم
بصراحة اختي حسيت فيج وانا اقره الي كتبتتيه .. يعور القلب .. صج اني مامريت بنجربتج لكن كفايه مريت في تجربت اني مو مرتاحه من ضميري طول اليوم احس شي واكلني شاغنلني .. فكري سارح و ساعات ماتصرف بطبيعيه من غير ماحس .. احس بالضيق الي انتي فيه و النار الي تكوي قلبج ...

لكن ما راح اواسيج و انا احطلج مبررات ... كلنا نغلط و لكانت تبتلي و كلنا ننجرح ساعات

اذا الرب سباحانه يسامحنه اب وايد اشيه من الكبائر عصيناه فيها و هو صابر علينا شلون نحن مانصبر على مصايبنه ..
ماشالهه عليج اختي بالين عليج عاقله م فاهمه م ثل ماقلتي تحبين ريلج .. ريلج هو دنيتج .. انتي حاولي تتطلعين عمرج من هل سجن الي حاكره نفسج فييه و تتذكرينه .. اكيد ماراح تنسينه بسهوله .. وهو ولد عمج و ذكره عكر وياه .. لكن تقجرين شوي شوي تغيرين نظرتج له ... لا تقرانين بينه و بين ريلج .. ولا تقارنين حياتج كيف كانت بتكون لو معاه مو مع ريلج .. انتي قاعده تصعبين على عمرج جذي .. الله يعينج والله .. احاول اخفف عنج ماني عارفه شلون بس انا متاكده ان مؤمنه و عاقله و فاهمه و الي متعبج رفضه للزاج ليومج هذا ... بس صدقيني الله ماراح يتخلى عمج و نفس ما انتي دستي على كل شي و قطعتي علاقتج فيه و هو بعد من خوفج من ربج و اخلاصج لريلج الله راح يعوضه و يعوضج و حطي في بالج الدنيا مطاف الآخره هي دنياتنه الابديه .. و ادعي ربج تلتقين وياه في الجنه
و ان ماتوفقتوا الحين ... الله ماينسه حد .. اما ريلج حطيه في عيونج لانه طيب و حاولي تشغلين كل وقتج معاه حاولي تشوفين الي شفتيه في ولد عمج في ريلج ... نفس ماصرت كلوز مع ولد عمج حاولي تسترجعين هل شي مع ريلج و عيالج هم دنيتج الحين الغاليه! والله يسهلها علييج امين يارب

حاسه فيك يالغاليه بس بقولك كلام ياليت تفهميه ..........


دايم الحلم احلى من الواقع هذا شئ طبيعي عند كل انسان ........علاقتك مع ولد عمك حلم حلو ماشفتي سلبيات الحياه معه .....وعلاقتك مع زوجك واقع يعني 24 ساعه وانت معاه اكيد بتشوفين الأول افضل لأنه حلم .........وحرام عليك تقارنين بين الاثنين لأنها ماراح تكون عادله .......ادري ان المقارنه مو بيدك بس حاولي تتجاهلين مشاعرك او اي شئ يذكرك فيه صدقيني هذا نص الحل لمشكلتك .........



نجي لطرف الثاني من مشكلتك اللي هو وولد عمك اللي اشوفه الضحيه بجد بالمشكله عالاقل انت عندك اولاد وبيت بس هو مسكين الفراغ ذابحه ........حاولي معاه او مع امه انها تحلف عليه يتزوج وان شاء الله ينشغل باولاده بعدين ...........












واخيرا اقول عسى ان تكرهو شئ وهو خير لكم




















بالتوفيق ان شاء الله يالغاليه



























تحياتي لك