قصة ولادتي

سلااااااااااااااااااام بناااااااااااات

اليوم جايه وجايبه لكم قصة ولادتي بعلاوي شمعة حياتي .... طبعا في يوم 26-6 كان عندي موعد عند الدكتوره وانا طبعا في الاسبوع 39 سوت لي فحص بالسونار وكل شي تمااااااااام وفحصت لي الرحم اذا فاتح وطلع ولا سم فاتح حتى تقول لي شكله الولد ناوي يطلع في موعده الا اهو 2-7 ورجعت البيت وكل شي عادي ولا حاسه باي الم .... ثاني يوم الصبح 27-7 " اليوم الموعود " عقب صلاة الفجر بديت احس بألام خفيفه اللي متعوده عليها فقمت امشي في البيت اشوي ونمت ولم صحيت اصحي زوجي للعمل اقول له عندي الام خفيفه ادعي لي تزيد واولد قال لا توى الناس ... والساعه 8 بدأ الالم يزيد فقريت سورة مريم على ماي واكلت 7 تمرات فاذا كان طلق راح يزيد طبعا وقمت اتمشى في البيت وحسيت بالالم يزيد والفارق بين كل طلقه وثانيه 6-7 دقايق وكان الالم غير كل مره قلت لا شكله طلقه بس مو شايفه لا ماي ولا دم " خبركم اول مره ما ندري شلون نميز الطلق" قلت يالله ننتظر وحاولت انام لكن ما قدرت الطلقات متقاربه جدا الساعه 10 ونص سويت لي كاس حليب بالعسل وشربته واتصلت في زوجي علشان يوديني عند امي ولما رحت بخرتني بس ما قدرت اتحمل الالم فاخذت دوش سريع وشربت ماي ورد بالزعفران واكلت تمر وتوكلت على الله ورحت المستشفى كانت الساعه 1 الظهر قاست علي الممرضه وطلعت فاتحه 2 سم الساعه 3 صعدوني غرفة الولاده وطلعت فلتحه 4سم بس الالم كان في الظهر ما حسيت بالم في البطن ولا الرحم وكان شديد بس ما حاولت اصارخ وكنت اخفف عن روحي واقرا اية الزلزله بعدين جت الدكتوره وفتحت لي كيس الماي واخذ الالم يزيد والساعه 7الا عشر قالوا اني وصلت 10 سم وبأت المعاناة حاولت قد ما اقدر بس للاسف اغم علي في النهائي واضطروا يشفطون ولدي وما وعيت الا الممرضه ترش علي ماي ولدي فوق صدري من الفرحه قمت اصيح ما مسكت نفسي وكانت الساعه 7 وربع " الحمدلله " والحين علاوي عمره شهرين و9 ايام والله يرزق المؤمنين والمؤمنات اجمعين يارب

طولت عليكم بقصتي مااااااااااااا

يالله اشوفكم على خيررررر