ما الذي يحصل للأصحاب الجشع بنات الامارات ابغى رايكم

أم حميد انا اوافقج الراي

انا صارلي سنه متزوجه من بره البلاد و يوم اي زياره حق اهلي
احس ان الإسعار صايره مو معقوله في الإمارات

الله يعين بس احس الشعب لازم ياخذ موقف بعد
بس ما ادري شو رايكم ترا قدرنا نفقاطع المنتجات الأمريكية في يوم من الأيام يعني ما نقدر نقاطع بعض السلع عشان يحسون فينا

ولا شرايكم!

شو الحل

والله اختي ما اعرف شو اقول لج احس اني لو تميت يوم كامل ارمس بعد ما بظهر القهر اللي فيني

يعني نحن ما كنا انروم نتحمل اسعار البترول قبل ايون يزيدونها علينا..واول نص المعاش كان يروح على البترول والحين جنهم يبون ياخذون المعاش كله

الحمدلله الامارات عايشه بخير ونعمه وهم جي يسوون لو كنا في فقر وقحط شو كانوا بيسوون

والمشكله ان المعاشات ضعيفه في الامارات مقارنة بالاسعار العاليه وصرفياتنا اللي تاخذ كل معاشاتنا

واذا زادوا المعاشات زادوهم بالعافيه و مب في كل الشركات والدوائر الحكوميه بعد

يعني نحن شو انسوي .. امسات سألت واحد قلت له شرايك بالسالفه قال لي شكلنا اخر شي بنروج مخدرات عسب انروم نصرف على عمارنا بالله ليش يخلون الناس يفكرون بهالطريقه عسب شوية بيزات

وين دخل البلاد من البترول والسياحه والمهرجانات تراه كله يروح حق الاجانب واللي يقهر ان الاجانب يتحرون المواطنين عايشين في خير ومن زود البيزات عندهم مب عارفين شو يسوون به .. انا ما انكر ان نحن عايشين بخير بس هالارتفاع بالاسعار بيخلينا صدق نفتقر

وفيه بنوك وشركات تدفع للموظفين بدل مواصلات 200 درهم بس هذا بيكفي الشخص لبترول 4 ايام بس

وهذا هالاتفاع في البترول هو جزء بسيط ترا في الاشهر اليايه بيرفعونه اكثر لين ما يوصلون الارتفاع 50% والشركات اللي اتصدر البترول اطالب ان الارتفاع يكون 100%

الله يستر شو بيستوي في السنوات اليايه وشو من قوانين بيطبقونها علينا اخر شي بيسوون الهوا اللي نتنفسه ببيزات


الله يرحمنا برحمته ان شاء الله


اخويتكم الصيدلانيه

.,.
..,..
.,.


ما اعتقد في حل ....

ما نروم نقول غير اللهم بسترك ...

.,.
..,..
.,.

الله يعينا بس. والله البارحة كنت اتكلم انا وزوجي عن الزيادة في البترول والمعيشةالي صارت نار بس شنو نقول الله يستر بس.

هلا ام حميد

هي فعلا مشكلة بلادنا الحمدلله الخير فيها زايد لكن اود افكر انه يمكن السبب يكون نابع من سياسة خفية للدولة لابعاد بعض الجنسيات وخاصة ذوي الدخل المنخفض واللي يشكلون عالة كبيره اتنافس اخوانا في الوظائف و الخدمات الصحية وغيره وغيره
يعني الهدف ممكن يكون للصالح العام
هذا مجرد رأي و ما يمنع طبعا انه نحن اللي بنكون الضحية
الله يعدل الاوضاع و يعوضنا

مرحبا ود الامارات...
هذا ممكن.. بس لا تنسين المواطنين اللي دخلهم محدود.. شو يسوون يهاجرون من البلاد؟؟
و طبعا هذا يأثر على الأسعار و كل شي صار غالي ضو!!!!!!!! والله المعاش خلاااااااص خلص و تونا أول الشهر!!!!!!!!!!!!!!!

لاحظوا يوم بتروحون للجمعياااات الاسعااار مرتفعة اكثر عن قبل بدرهم ودرهمين


والبترووول الله يعينااااا يعني الحين الواحد يشتغل وياخذ راتبه بس عسب يقدر يتنقل من امارة لامارة ومن البيت للدوام


والله كل شيء غلاااااااا عندناااااااا .... الله يعين الفقير


لكن ما نقووووووووووول غير (((((( لا حول ولا قوة الا بالله ))))))

ma agool '3eeeer allah yer7amk ya abooonah zayed al'7eer

w allah yester min al'3ellah

:sad::no:

إنتو ما شاء الله رواتبكم عالية و مستائين من الغلاء عيل إحنى أهل البحرين شنسوي ؟؟
كل شي نااااااااااااااااااااار و الراتب ما يرتفع ولا نص فلس!!!!
شوفوا اللي حواليكم بتحمجون ربكم علنعمة اللي عايشينها و لو أقول لكم إن في ناس فاتحين بيوت ب1000 درهم "100 دينار" ما راح تصدقون ...بس ما نقول غير حسبي الله و نعم الوكيل الله يرزقنا في الجنة

ممممممممم واالله ماعرف شو اقول بس في شي قاااااااااااااهرني موووووووووووووت انه قايلين بعد 5 سنين الناس العاديين ما بيقدرون يعيشون !!!!!!!!!!!!!!!!! وهالكلام مب من عندي
مابا ازيد فالرمسه عشان ما انفجر

ود الامارات

انا معاج في هالنقطه م كنت اتناقش فيها من كمن يوم مع زوجي

يعني لو يقصدون بالغلاء يطفشون الوافدين خير و بركه...يا ناس انا يتني حاله نفسيه من الزحمه....صارت السواقه في مصر اهون!!!! زحمه زحمه زحمه كل مكان الواحد ما يقدر يطلع لانه يخاف من الزحمه...و المشكله انه معظم السيارات للوافدين...يعني يشتري سياره موديل 1901 ب 1000 درهم ما باقي منها الا التواير و يسوق في الشارع و يسوي زحمه!!! ليش؟؟؟ نحن شو ذنبنا في بلادنا نعاني....ليش ما يستخدم المواصلات العامه تراها مسوايه حقهم...اتمنى ان هالغلاء يخلي الناس يفكرون قبل ما يطلعون من بيوتهم عشان ما يصرفون بترول...

بس المصيبه

اهل لبلاد شو ذنبهم!!!
اللي رواتبهم ما تستحمل هالغلاء شو يسوون!!!

يا عالم نحن بلد منتج للبترول....تبون تزيدون سعره زيدوه عالعالم اللي تصدرون لهم...نحن شو ذنبنا!!

للاسف كل القوانين الل قامت اللي تطلع تكون ضد المواطن....يمكن مب عن قصد بس هذا الحاصل..الواحد لو بيتكلم ما بيسكت...

الله يعيننا و يرحمك يا زايد الخير :(

ما قول غير الله يرحمك يازايد

الله يستر

...................ماعندي غير كلمتين ماشي غيرهن............... الله يرحمك يا بابا زايد...................


................والله لو عايش......................... مايقدر واحد يرفع البترول نص درهم....


لكـــــــــــــــــــــــــــــن... كلن يقول.. يالله نفسي...........

آخر العنقود.. صحص عدنا ناس معاشاتهم عاليه بس بعد عدنا ناس مواطنين معاشاتهم على قدهم.. ناس بيوتهم تخر عليهم و هم رقود! و لا هاذيلا مواطنين مب وافدين..

فعلا الله يرحمك يا بابا زايد

وبالنسبة لتعليقج يا اخر العنقود صحيح رواتبنا في الامارات اعلى من رواتبكم في البحرين لكن غلاء المعيشة عندنا فاق على الرواتب للمعلومات فقط (( دولة الامارات تعتبر ثاني اعلى اسعار اجارات سكن في العالم )) شو رايج انتي ؟؟

وكمثال : شقة تتكون من غرفة وصالة اقل شي اجارها يكون 46 الف درهم للسنة مابالج اذا الواحد عنده عايلة ويحتاج اقل شي غرفتين او ثلاث .. الله يعينه.

والله الوضع صار مأساة كل شي غالي والله اذبحونا حتى الزيادة اللي يتنا ما سوت شي بالعكس صرنا نصرف بدالها الضعف عشان نوفي معيشتنا

ما اقول الا حسبي الله ونعم الوكيل وربي يفرجها ان شاء الله

وين أيامك يا زااايد ..

الشكوى ل الله

ما اقول غير حسبي الله ونعم الوكيل ....والله يرحمك يا ابونا الشيخ زايد ...فعلا كل يوم انحس ان فقدك اكبر من اليوم اللي قبله ....وفعلا الشعب ساكت ...ومحد يجاوب ....وبعدين نحن دولة غنيه ....ومش نحن المسؤولين عن زيادة رفع البترول ... المفروض الدوله هيه اللي تتحمل ..هذا يعنى الدوله هيه اللي اتبيع براميل البترول ...واللحين زاد سعر البرميل ...وويـــــــــــــــــــــن فلوس البترول اتروح لأمريكا ....ويقدمون مساعدات لاعصار كاترينا نحن شو لنا بامريكا ....بالملايين الدولات ....والشعب طبعا كالمعتاد ساكت ...والبطاله تتفاقم لا حول ولا قوة الا بالله ...
ترا لا اتقول معاشات اهل الامارات واييييييييييييييد بالنسبة للاكثافه السكانيه وعدد المواظنين ولا شئ ....
والغلا زاد 