ارجوووووووكم ابي حــــــل

السلام عليكم و رحمه الله و بركاته .....
بالبدايه اختي حابه اقولك الله يحميك من الضياع انشالله ، و الاهل يهمهم مصلحه بنتهم و يتمنون لها الخير اكيد فصدقيني يبون مصلحتك و انتي ما تدرين ؟؟ ادري ان كلامي صعب عليك بس تحملي يا الغاليه و اسمعيني للاخير و اذكرك بقوله تعالى ( و عسى ان تكرهوا شيئا و هو خير لكم ) ما تدرين يمكن خير لك من الله ان اهلك يرفضون ، و عندي معلومه ان 80 % من اللي يتزوجون عن حب تنتهي علاقتهم بالانفصال لانه تبدأ مشاكل الشك و الغيرة .. حاولي تنسينه و ابدي حياتك بتفاؤل ... و انشالله ربك يعوضك باللي احسن منه


هـذا رأيي يا الغاليه و اتمنى ما تزعلين منه ..................



محبتك بالله : الجازي الكويت

مشكورة اختي وانا متقبله كل الردود

بس مسأله الشك والغيره شيلها من بالج والانفصال بعد

لانه يعتمد على تفكير الشخصين واحما متفقين طول عمرنا

اما المصلحه اللي اهم شايفينها انهم يزوجومي بمزاجهم بس

ومشكووورة على ردج الطيب

السلام عليكم و رحمة الله و بركاته.......
الصراحه انتي في موضع وايد صعب.......لانه الانسان زين و ما فيه عيوب........بس فكري في مستقبلج و مستقبل عيالج..اهلج يبون مصلحتج و الا ما بيرفضون......الجنسية شي وايد مهم و انتي عارفة كيف الوضع......هذا الشي ما بتفكرين فيه اللحين فكري بعقلج قبل قلبج...............و الله يوفقج

والله الرجال كفووووو وقد كلمته وما ينعااااااااااف بس مسكين المشكله مش بيده ولا تلومين هلج لانهم يفكرون بعقولهم وفي مستقبلج يعني حبيبتي عيالج شولن بيعشووووون بدون جنسيه والله صعبه عليهم وانا اوجه كلمتي لكل من عنده جنسيه ويرفض انه يتقبل البدون اسأله ليش هو بيده؟ ولو كنت مكانه شراح يصير لك ؟ والله حرام هذول بشر مثلنا حالنا حالهم بس اللي يميزنا بينهم يا دوبك دفتر صغير من كم صفحه ((الجواز)) انا اقول لكم اتقوا الله وخاااااااااااافووووه وحرام اللي قاعد يصير والظلم اللي يلاقونه منكم

والله يوفقج حبيبتي بس انتي المفروض من زمان تعرفين رد فعل هلج وتنهين العلاقه قبل لا تطول وتتعلقون ببعض لانه هو مسكين شذنبه عالبهدله والجرح يكفي انه نرفض بسبه بدووون والله هذا كفيله انها تسبب له عقدة طول عمره وانا احط اللوم عليج انتي بعد لان كان من زمان تتناقشون في هالمساله وتنهونها او تلاقون له حل


والله يوفقج حبيبتي

مرحبا اختي

شوفي يالغاليه الأهل يخافون على مصلحتج وعلى مستقبلج لاتفكرين انه هم رافضين عشان يزوجونك على مزاجهم

هذا كلام خاطئ ..
واي بنت راح يتقدم لها شخص بدون اكيد اهلها بيرفضون
انتي ماتعرفين شنو بيصير في المستقبل وشلون بيكون مستقبل الأبناء
في أشياء كثيره اختي المفروض تنظري لها هذا زواج .. خلي الحب على جنب وفكري بالعقل بكل الاحتمالات الي راح تصير
والله يوفقج يالغاليه
والي كاتبه رب العالمين راح يصير

اشكركم كلكم على ردودكم

اما سالفه لعيال

اهو طمني من هالناحيه وقال لي دام انه الام عندها جنسيه يتعاملون معاملة المواطن

بعدين قلت لكم انه راح ياخذ الجنسيه بس تبي شويه صبر

الله يخليكم بلا تعقيد ابي تساعدوني شلون اقنع اهلي

بتقولون عيل نطري لين ياخذها بقول ما اقدر بتقولون ليش بقول اهلي كل شوي اييبون لي واحد

وصدقوني انا مو من النوع اللي يفكر بقلبه قبل عقله

بدون صعبه هالايام وحده ترتبط ببدون حتى لو مواطنه .. انا اعرف صديقه امي كويتيه وريلها بدون وعندها 3 اعيال وللاسف اضطرت انها تسافر مع زوجها بره الكويت وتعيش معاه بدوله اجنبيه من سوء المعامله الي لقته في دولتها للاسف... بس باقولج علي شغله اذا انا بمكانج اتزوجه واصبر معاه بدون خلفه اعيال لين ما ياخذ الجنسيه وبعدها نفكر بالاعيال... هذا رايي صراحه


شكرا

والله موضوعج يحير بس حاولي تفاتحين أمج أو أختج الكبيرة وقولي لهم أنج تحبينه وتعرفينه وجوفي شيقولون ومن حهته أهوه خليه يتقدم لج مرة مرتين خليه يحسس هلج انه شاريج

De3LaT_7aBeBY
والله ردج شجعني في تضحيه باسم الحب بس سبق وقلت لج انه راح ياخذ الجنسيه بس تبي شوي صبر

حبيبتي الغاليه والله انه شاريني وقال لهم هالحجي بس ماكو فايدة

والله انتى الله يكون فى عونك فعلا

انا عايزه اقوللك حاجه انتى دايما حاوللى مع اهلك مره واتنيين وتلاته اكيد هما لما يشوفوكى متمسكه بيه مش هيقفوا ضدك

وحاجه تانيه انتى متزعليش نفسك والله لو ليكى نصيب معاه صدقينى هتتجوزيه حتى لو اجتمعوا اهل الانس والجن كلهم

انتى بس دايما ادعى ربنا لو فى خير يقربه وعمر ربنا ما هيرشدك الا للصح وربنا يوفقك ويكرمك ولو فى خير يجعله من نصيبك يارب

وابقى طمنينا عليكى

انزين دامج متأكده انه بياخذ الجنسيه ليش ماتصبرين لين ماياخذها وعقب يرد يخطبج ؟؟

شوفي اختى ....بدون احس صعبة وايييييييييييد لأنه احتمال يحصل الجنسية واحتمال لا ...وتدرين الغاليه ...علوني ما اعرف انتى شو الجنسية اللي تحملينها ...بس صعبه وحياتهم صعبه خصوصا في الاوضاع الراهنه ...كل شئ بيكون بفلوس دراسه العيال ....صعبه جدا الغاليه الا اذا طلعتله الجنسيه جريب ....يا رب ...فلمشكله بجذا بتنحل ...اما تاخذين بدون صعبه الغاليه ...
والله انا ربعي فلسطينيات من اصحاب الوثيقه ...بس هذا الوثيقة تعتبر بدون حياتهم صعبه ...والحياة غاليه مش مثل اول ...
الا اذا بيسافر دوله غربيه ويحصل الجواز  ترا حل لا تضحكون ..عليه بس الدول الغربيه اترحب باللي ايونها مش مثلنا الدول العربيه ...ويعطونهم حقوقهم مثل سكن وراتب ....ومن هذا الامور ...فكري بحلي ...وان شاء الله الله يفرج عنه وعنج يا رب ...احس يستاهل وتحياتي لج

دامك صابرة من خمس سنين بعد صبري لين ياخذ الجنسية اضمن لك ولمستقبل اعيالك

بس ليش خليتي العلاقة تطول وتتعمق وانتي عارفة ان هلك ماراح يرضون به ....؟؟؟؟؟؟؟؟؟؟؟

تركي عنك العاطفة شوي وفكري بالمستقبل ..... لو اصريتي على موقفك وجاتكم العيال بتعرفين قيمة هلك ورفضهم مو عشانه كشخص انما هي مسألة مصير

بكرة وين ما تروحون سواء مدرسة او مستشفى او اي جهة رسمية راح تحسين كيف يعامل وراح يتلاشي الحب من قلبك

واكيد هالشي بيأثر على نفسية عيالك بالمستقبل ..... لا تقولين بأجل الخلفة .... لأنه ماراح تقدرين والحب بيعمل عمايلة

[grade="8B0000 FF0000 FF7F50"]بسم الله الرحمــن الرحــيم
الســلام علــيكم حبيباتي
اشحالكم و شو أخباركم ...
عزيزتي (((((((ضايعة بدنياي))))))
أسمعينــي عزيزتي.. أنا موضوعي نفس موضوعج بالضبط .. أنا حبيت و صبرت أكثر من 6 سنوات هلين ما خلص كل شيء.. و ييه و طلبني من أهلــي و لكن أهلي ارفضوه علشان ما عنده الجنسية.. و أنا حاولت و ياهم وايد و زعلت و سويت كل شيء بس عشان أوصله .. و الحمدللــه اتزوجت و استانست و لكن للأسف و ناستي كانت محدودة .. وبعد فترة كل شيء اتغير و كل شيء صار ضدي.. يوم كنت اقوله كلمة كان يقولي أنت بغيتي هالشيء... استحملي..
و هلين يومج ندمانة اني ما سمعة كلام أهلي .. و على فكـــرة .. يوم هم يقولون ::::كلمة لا:::: هب لأنهم ما يبونه نتزوج بالعكس كل الأهالي يتمنون ان عيالهم يتزوجون و يعيشون أحسن عيشه..
(((( دايماً هم يفكرون لمصلحتنا و نحن انفكر شيء ثاني ))))
أختي:
مثل ما صبرتي عليه خمس سنوات اتري الين ما يطلعلة الجنسية.. صدقيني ما بتخسرين شي..

و أتمنالك حياة سعيدة
و ربي يوفقج في دنياج..

أختك في الله[/grade]

بدي اسأل ايش معنى "بدون" ؟ يعني مو معاه اي جنسيه؟ ولا مو معاه نفس الجنسيه حقتك؟؟

على العموم ما في غير الدعاء...."لان ما يرد القدر الا الدعاء"...حطي هادا الشي في بالك....و خلي ثقتك بالله كبيره...و خليه هو بعد يحاول يستعجل في الجنسيه....يعني يدور على واسطه ازا يقدر...

بسم الله الرحمن الرحيم




السلام عليكم ورحمة الله وبركاته

أختي الحبيبة (ضايعة بدنياي)

أسمحي لي بمداخلتي وأسمحي لي بإبداء رأيي بالموضوع..

حبيبتي الغالية، إللي لاحظته من خلال طرحك لمشكلتك ومن ردودك على الأخوات إنك تبين مساعدة وحلول لإقناع أهلك بالموافقة على الشخص المُتقدم وإللي أحببتيه من ما يقارب الـ5 سنوات ولا تريدين الإستماع إلى رأي الأخوات في هذا الشخص وموضوع إرتباطك فيه وهذه الجملة كافية إني أستشف هالشي من خلالها:
((الله يخليكم بلا تعقيد ابي تساعدوني شلون اقنع اهلي))

لكن أسمحي لي بالتحدث بالموضوع بعقلانية وواقعية شوي وبعيد عن العاطفة وباقي الأمور.. أنا ما أبي أقنعج برايي ولا أبي أتكلم وأنتِ بقلبج تقولين (تكفين لا تتفلسفين، عندج حل قوليه.. ما عندج السكوت أبرك) لأني شايفة حبج له من خلال الموضوع وشايفة تعلقج الشديد فيه وشايفة أن لو تكلمنا من اليوم لي بكرة ما راح نقنعج لأن أنتي تبينه وما تبين منا غير حل يقنع فيه أهلج.. لكن أنا أبي أقول لج أمر مهم وأبيج تستشعرينه بعقلج قبل قلبج.. ما راح أقول لج: شلون أهلج يرفضون، ما لهم حق وليش يفرقونكم عن بعض و..الخ ولا راح أقول: خلاص دام أهلج ما يبونه أتركيه وليش تعورين راسج وهو ما يصلح لج و...الخ.. لأن الموضوع من أساسه لا بيدي ولا بيدج ولا بيد إللي تحبينه ولا بيد أهلج، الموضوع هذا بيد واحد أحد وبس، هو

§¤°~®~°¤§ الله عز وجل §¤°~®~°¤§

وهالكلام مو بس أقوله لج، أقوله لكل بنت مقبلة على الزواج، لكل بنت تنتظر إرتباطها بالحبيب، لكل بنت مُتقدم لها أحد الشباب ولكل بنت في سن الزواج.. يا أخواتي الكريمات، موضوع زواجكم بيد الله وحده لا شريك له.. أختي الحبيبة، أدري إنج تحبينه وأدري إنه يحبج وأدري إن ودكم ترتبطون على سنة الله ورسوله عليه أفضل الصلاة والسلام.. بس إللي أبيج تستشعرينه بروحج قبل عقلج وقلبج إن إذا الله سبحانه وتعالى، العظيم على عرشه، مو رايد أن هالشي يصير ما راح يصير حتى وإن كان سبب الرفض أتفه أو أعظم من جذي.. صحيح كلنا نتمنى أشياء وايد في هالدنيا، سواء كان زوج معين، بيت، وظيفة معينة، .. الخ لكن ما راح نحصل على ولا شي من إللي نتمناه إذا الله سبحانه وتعالى مو كاتبه لنا في كتابنا.. أخواتي رعاكم الله، الشي هذا لازم تستشعرونه وتزرعونه بداخلكم بدون ما حد يقول لكم عليه..

أختي الغالية، أدري إن ودج ترتبطين فيه بغض النظر عن صفاته وأدري إنه بعينج فيه كل المواصفات إللي تبينها وبتقولين يصلي ويصوم وهو إنسان طيب ومحترم و... الخ بس يبقى شي ما تعرفينه وهو مستقبلج معاه.. شنو بيصير بالأيام الجاية ؟ ما تعرفين.. ما يعلمها إلا الله سبحانه وتعالى علشان جذي الله عارف أنتي من راح تتزوجين ومتى وشلون وعارف بعد شلون بتكون حياتج معاه وإللي لازم تتأكدين منه أن الله سبحانه وتعالى ما خلقنا علشان يعذبنا، خلقنا سبحانه وقدر لنا الخير وقدم الخير مع أنه مو محتاج منا ولا شي وإللي نسويه ما راح ينفعه سبحانه ولا راح يضره .. تبارك وتعالى.. إحنا إللي محتاجين له وإحنا إللي نبي رحمته وفوق هذا يكرمنا ويقدم لنا الخير وهو أرحم بنا من الأم على ولدها.. ويقول سبحانه في كتابه:
((وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ))
مو محتاجنا لكن إذا طلبناه عطانا وتكرم علينا من فضله وهاذي من رحمته علينا.. فتأكدي رعاكِ الله، إن إذا الله سبحانه وتعالى ما حقق لج شي كنتِ تبينه مو معناه إنه ما يبي لج الخير!! لا ، معناه أن ربي عارف شي أنتِ ما تعرفينه وبالمستقبل بتشوفين وين الخير..

وبالنسبة لموضوع إرتباطج فيه يمكن رفض أهلك لهالسبب ولا لغيره ما هو إلا سبب علشان هالزواج ما يتم ولكن إذا ربي رايد هالزواج يتم بتشوفين شلون الموضوع يتيسر.. إللي عليج تسوينه الحين، صلي إستخارة أكثر من مرة وأنتظري الرد من الله سبحانه بغض النظر هو بدون مو بدون هالشي بيد الله سبحانه.. إن الله رايد إنكم ترتبطون بعد الإستخارة ربي بيسر كل شي وإذا لا راح تشوفين الموضوع يوم عن يوم يتعسر وهذا دليل أن الله سبحانه يعرف شي ما تعرفينه عن هالزواج فأحمدي الله وأشكريه.. وعليج بقيام الليل والدعاء لله دائما أن كان في زواجج منه خير إن شاء الله ربي ييسر الزواج وإذا لا أسألي الله أن يصرفج عنه..

وقبل لا أختم كلامي بهمس لج بشي حطيه في بالك دايما ولكل البنات:
أحبوا الله أكثر من حبكم لأي مخلوق ثاني، وحبكم لله عز وجل يبان من هالمواقف هاذي.. إذا رضيتوا بإللي الله كاتبه لكم فهذا دليل حبكم له وإذا ما رضيتوا فهذا دليل على إعتراضكم لحكمه سبحانه..

وفي الختام، أسأل الله أن ييسر أمرج ويفرج همج ويرزقج من فضله.. وإن كان في زواجج منه الخير، أسأل الله أن يجمعكم على خير وأن يبارك لكم..

وأعذريني للإطالة

والله يهديني وإياج وجميع المسلمين والمسلمات

و السلام عليكم ورحمة الله وبركاته

God Helps U