افكــــــــار وهـــــــــواجس ومحــــــــاتاة ماقبل الزواج !!!!(للمتزوجات فقط)

اختي الغاليه كويتيه ,,,بصراحه احب اهنيك على افكارك
اما عن نفسي انا حاليا متملكه واحب استفيد من غيري واعرف
ايش هي المخاوف اللي تحصل للفتاه قبل العرس وبعده
عشان اخذ حذري من كل شي ,,,
وعندي سؤال واحد اتمنى من اللي جرب يقولي
كيف أخفف من التوتر اللي يسير يوم العرس لما أشوفه؟
مع العلم أني ماشفته ألا بالصوره وهو للحين ماشافني لأن من جديد مخطوبين
واحنا عندنا في العائله ممنوع اشوفه ويشوفني ألا يوم العرس
بس التلفون مسموح قبل الزواج بفتره قصيره

اختي الغاليه كويتيه ,,,بصراحه احب اهنيك على افكارك
اما عن نفسي انا حاليا متملكه واحب استفيد من غيري واعرف
ايش هي المخاوف اللي تحصل للفتاه قبل العرس وبعده
عشان اخذ حذري من كل شي ,,,
وعندي سؤال واحد اتمنى من اللي جرب يقولي
كيف أخفف من التوتر اللي يسير يوم العرس لما أشوفه؟

انا لسه مخطوبه....بس من دحين شايله هم المسؤوليه...و تنظيف البيت...و الطبخ و النفخ...خاصة انو انا لسه بدرس في الجامعه....الله يعيني و يعين الجميع!

بس الشي الي يضحك انو 92 شخص دخل الموضوع و بس 2 ردود!!

هممممممممممممممممممممممم .. سلام جميعا اولا انا صج لو كنت مكانكم و ما اعرف زوجي الا يوم العرس جان رحت فيها الصراحه وايد صعبه اني ما اعرف الريال و جك بووووم يوم العرس اتعرف عليه لا و يدخل علي مادري اشلون الفكره ابد مو داشه براسي و انا اعتقد اللي نفس حالتك اول يوم بيقعدوا مع بعض و بيتعرفوا على بعض مو معقوله يعني من اول ليله يدخل على زوجته لانه في رياييل يخافون من هالسالفه او يستحون اكثر من البنت .
و انا حمدالله زوجي من الاهل يعني كنت اعرفه و صج كنت استحي منه بس مع الايام يصير عادي اصلا بيتضحكين على روحج من كثر ما كنتي خجووله ..
و انا ليلحين استحي من اهله خاصة باليمعات قاعده احاول ليلحين اتاقلم معاهم بس الله كريم .. و انا ساكنه ابيت اهله و من اول ما تزوجت ليلحين لا دشيت المطبخ و لا غسلت و لاشي و متضايقه من وروحي و السبه هالشغله و الحين الحمدالله قريب ولاده والله يسهل مادري شراح يصير لانه شي يديد و انا ادرس و ما عندي خدامه
و عالعموم خلوها عالله . كل شي بوقته حلو

اخت خريف...:)

هلا وغلا...


الله يسلمج حبيبتي ويوفقج انشالله....اي والله صاجه...ناطرين ردود البنات

متاكده انهم راح يفيدونا...

ملكه بلا مملكه 5...

مخاوفج نفس مخاوف الاخت خريف وانا متاكده بعد انه في بنات وايد يشاركونكم هالشي...

ناطرين ردود البنات...

وثانكس لمرورج حبابه :)

Hebaaa


صاجه والله...الدراسه+الزواج هم كبير

اشكثر كنت اشوف بنات تنهار دراستهم بعد الزواج...وبنفس الوقت اشوف بنات حتى المطبخ مايدشونه...

الله يوفقج انشالله

اييييييييييييي انا من الصبح قاعده اضحك على هالشي....

سويت احصائيه...على كل خمس وعشرين بنت تدش...وحده بس ترد لوووووووووول

ثانكس لمرورج

عروسة_البحر
اي والله..سالفة انج تدشين على واحد غريب...واااااااايد صعبه!!
المفروض الريال يكون شويه لبق ويلطف الاجواء ويتعرف اكثر على مرته بعدين على قولتج جك بوووم :)

عالعموم محد يدري شنو الله كاتب له

تدرين..مهما كان..الحيا حلو باول الايام صج راح تضحكين وايد على عمرج بعدين بس هم بعد حلو..
اما الاهل...مهما يكون هذيلا المجهر..والواحد يستحي لمن ينحط تحت المجهر... (الله يوفقج انشالله ويخليهم لج)

بالنسبه للطبخ ودشة المطبخ..ابدا انتي معذوره..دام انج طالبه..بس عاد ما اتوقع انج عالاقل ماتسوين عصير او سناك او اي شي خفيف حق ريلج..حسسيه انج قاعده تسوين شي عشان خاطره..

واللي فهمته انج حامل..الله يسهل عليج انشالله..

ثانكس لمرورج

هلا بأحلى كويتية

موضوعك جميل ومفيد كثير للي مقبلين عالحياة الزوجية....

انا صارلي 3 شهور متزوجة و قبلها دامت فترة الخطبة 3 شهور والملكه 3 شهور
طبعا صار كلام وزيارات بس بعد رهبة الزواج غير
مخاوفي كانت بين التافهة وبين العميقة ...

نبدأ بالتفاهات هههههه:
1- خايفة انه يخترع "على قولتكم" لما يشوفني صاحية من النوم ههههه بس حمدالله كل شي مر بسلام ومن صباحيتي بعد ... بس انا مكاره قمت قبل ما انام احط كحل الاثمد الخفيف على عيوني و على رموشي ماسكرا زيت خروع مخلوط باثمد فكان يطلع شكلي احلى طبعا
2- كنت خايفة انه الملل يدخل حياتنا واني ماعرف كيف اقدر اخلي وقتنا مع بعض شيق ومسلي- بس طبعا الحياة اليومية تفرض نفسها وصار هالموضوع وايد عادي يعني ايام حلوه وايام عادية يعني مع الايام تاخذين راحتك معاه واتكونين على طبيعتك وحتى هو يصير نفس الشي بس هذا ما يمنع انك تبتكرين افكار لايام وليالي رومانسية وطبعا المنتدى كانت مصدر الهامي هههه
الامور العميقة:
1- كنت خايفه اني ماالقى القبول مع اهله بس حمدالله مع ضبط النفس و محاولة التقرب منهم وكسبهم باءت بالنجاح حمدلله
2- خايفة اكتشف امور في زوجي تصدمني منه او اني ماقدر اتعامل معاه في المواقف الصعبة بسبب حساسيتي الزائده

طبعا الله يسهل هالامور كلها واهم شي انك تاخذين حياتك الزوجية يوم بيوم ولا اتحللين واتفكرين كثير علشان ما تتعبين
والله يوفقك ان شاء الله

هلا وغلا حبيبتي ود الامارات


هلا بعروستنا.... :)

التفاهات: تصدقين حتى انا خايفه من سالفة القعده من النوم...خصوصا انه انا الله لايوريج لوووووووووووول

بس والله خطتج عجيبه...احلى شي بالبنت شطارتها 

الملل...صح..اصعب شي انه تكون الحياه ممله ومالها طعم...بس الحلول موجوده افا عليج...

احلى شي انج تربطين الريال ومايشوف غير دنيتج دنيا...


الامور العميقه:

صح اهل الزوج حمل ثقيل...واكثر شي الواحد يحاتيه...

وشخصية الزوج بعد..وخاصتن اذا كانت البنت حساسه وماتتحمل



بنــــــــــــــــــــــــــــــــــــــــــات جيكو على اخر شي كاتبته ود الامارات (نصيحه حلوه)

يعطيج العافيه حبيبتي...ردج اثلج قلبي...الله يوفقج مع غاليج :)

[حبيبتي والله يا ياحلى كويتيه

بقولج شي بعد توه خطر على بالي

بتسمعين هذا الشي كثير بس يمكن ما اتحطيله بال
بس لما تتفكرين فيه بترتاحين
وهذا الشي هو ابساطه انه مع الايام والعشره بينك وبين زوجك يعني اكلكم مع بعض نومكم مع بعض السوالف التافهة والمشاكل والضحك والزعل هذا كله يربط بينكم بشكل عجيب واتصيرين شي غالي بالنسباله والله انا حاسه بهذا الشي
لدررجة انه بتوصل انه ما بيقدر ينام من دونك لانه اتعود فيه حد بجانبه
حتى شوفة التلفزيون اتصير بطعم ثاني لانكم مع بعض
اهم شي ان الزوجة اتكون هي مصدر العطاء وما تنتظرين الرد السريع لانه هذه الاشياء تنبني واتكون اثر عجيب في نفس الزوج مع الايام
هالايام تدرين شو اسوي واحس انه قربنا كثير من بعض؟
قبل ما انام انا وهو اجيب المصحف واقوله يالله نقرا مع بعض عالاقل صفحتين وتعالي شوفي الراحة النفسية اللي الله يحطها في نفسك
على نياتكم ترزقون والله يديم النعمة للجميع ان شاءالله
ويوفقك يا احلى كويتيه والله انك تنحبين ومافي داعي اتحاتين شي ابد

متزوجه حديثا صحيح مش مره بس لسه يسموني عروس
عروس من شهرين ويومين

فيه شيء واحد كنت لما البنات يتكلموا عن الزواج قلت يبالغوا أكيد
ألا وهو يقولوا لي خليك مخطوبه على طول ترى الزواج حوسه وملل
بس أنا ما صدقتهم قلت يبالغوا....

بس أنا طلع عندي حوسه لسبب إني موظفه....

فأكيد الموظفه بيكون الوضع عندها مختلف تماما عن إللي تدرس (مصيبتها أكبر يتهيأ لي) أو عن إللي قاعده في البيت...

تكلمت عن مشكلتي في موضوع قبل ألا وهي الطبخ....

موظفه تصحى الصبح من الساعه 5 الفجر وترجع البيت الساعه 5 العصر....

إيش الطاقه إللي بتكون مستمره عندها... طبعا خلاص ما فيه....

إيش الغذا اللي بتسويه وهي راجعه ماهي عصر مغرب إيش باقي ساعه ويأذن المغرب يعني عشاء صار....

طبعا أنا هوسيه بشكل مو طبيعي في التنظيف أحب إن بيتي يصير على أنظف ما يكون....

فكل 3 أيام تقريبا أسوي تنظيف شامل فأحط كل طاقاتي عشان ما أشوف غبار أو أوصاخ أو أي شيء في البيت....

غسيل ملابس تنظيف حمامات غسيل مطبخ ومواعين....

مع إني قبل ما أتزوج في بيت أهلي كنت ما أمسك شيء حق تنظيف إلا نادرا من توظفت....

بس قالت الأيام إسكتي وعليك من اليوم وماشي طبخ وتنظيف وتكنيس وغسيل ملابس وووووو.....

وهذا الشيء لم يكن بالحسبان أبدا.....

يعني لو ظليت مخطوبه كان الوضع بيكون أهون بكثيييييييير بس الإنسان يحب يشوف الستب إللي بعده.....

هذا بالنسبه للطبيخ والتنظيف...

كنت خايفه إني لما أصحى من النوم أشوف شعري كشه بس الحمد لله شعري ناعم فإذا صحيت من النوم يكون شكله مقبول بس أعدله خفيف والسلام ختام....


طبعا أنا متعوده على زوجي مره لأن فتره خطوبتي كانت معقوله سنه وأربع شهور....

يا اختى ربنا معاكى متشوفيهوش خالص ربنا معاك

السلام عليكم

في البداية تسلمين حبوبة على الموضوع الروعة ..

بالنسبة لي أنا متملكة صار لي 4 شهور تقريباً و في أشيا في بالي متخوفة منها و اللي أحاول إني أقلل منها ..

منها :

- كوني مقبلة على حياة جديدة و باصير شي أساسي ورئيسي لتكوين عايلة , فاللي مخوفني إني ما اكون قد هالمسؤولية مسؤولية زوج وبيت وفي المستقبل بإذن الله مسؤولية عيال .

- طبعا انا باعيش في بيت بروحي و هالشي وايد يخليني أفكر و أحاتي و يجبرني أغير أشيا كثيرة في حياتي الحالية و أتعود على شي جديد , احاتي وايد مسألة الطباخ خاصة و إني من النوع اللي ماله خلق على الطباخ مع إني أحس لو باطبخ راح أبدع << عاشت واثقة ^_^ , وانا في بيت هلي ما ادخل المطبخ لكن الحين لازم انجبر ادخله و أتعلم بكرة باكون مسؤولة عن فطور وغدا وعشا ... الخ . أضيف إلا إني قايلة أو ما أحب فكرة الخدامة في أول حياتي الزوجية لأني أبي أعتمد على نفسي .

- اللي مخوفني زيادة أو مب خوف كثر ما هالشي شاغلني وهو : إني شلون باكون مع أهله خاصة وإني مب اجتماعية لذيك الدرجة بس اللي مطمني هو إني أعرف أهله من قبل لا يخطبني و همي أبين لهم إنهم ما أخطأوا يوم اختاروني زوجة له .

- شايلة هم شلون أمثل زوجي في غيابه وحضوره خاصة و إن اسمي ارتبط باسمه " مرت فلان .. " " زوجة فلان " فهالشي يشيلني حمل ما تتصورين شكثر .

- أفكر حاليا وشلون أسعد زوجي و أخلي حياتنا سعادة في سعادة مثل ما احنا عايشين الحين هالفترة ولله الحمد متفاهمين و مستانسين على بعض و الله لا يغير علينا .

- اهتمامي بنفسي و محافظتي على شكلي جدام زوجي قبل الغير شاغلني وايد .. لازم اكون جدامه بأحلى حلة ومظهر واخاف من إني أتكيسل .

** أشياء كثيرة يمكن لو أكتبها ما راح أخلص ... : )

في الأخير أتمنى إن كل شي خايفة منه الحين يكون شي عادي , و أنا مطمنة لأن زوجي الحمدلله عارف مهاراتي وعارفني انا .. و الله يعينه و يعيني و الجميع ..

حيـــــــــــــــــــــــــــاتي انتي ياود….صاجه والله…

كل كلمه قلتيها صح…بس تدرين…

احيانا الانسان يكون عارف الشي بس وده يسمعه مره ثانيه عشان يرتاح…

توني راده من عرس رفيجتي وحبيبتي…

كانت حيل خايفه…وكنت واقفه معاها…ولمن وصل زوجها…خذاها…وحسيت انها بظله فعلا مرتاحه..راح الخوف..مع ان الخوف اساسا كان منه!!

يعطيج العافيه حبيبتي على كل كلمه قلتيها.. :)

Wisam

معاج حق بس مو الزواج بروحه حوسه..اي شي بالدنيا اذا ما رتبتي له راح تتوهقين ...

الله يعييييينج على دوامج...شهالدوام... انا دوامي من ثمان الصبح لي خمس المغرب...بس انا بكليه.. يعني مؤقت وهم امي تقول محد راح ياخذج لول :)

على طاري هوس التنظيف ...انا سامعه ان البنت اللي تشتغل قبل الزواج عند اهلها عقب الزواج ينقلب حالها...والعكس..اللي ماتدش المطبخ ولا تحرك شي في بيت اهلها اذا تزوجت ماتقعد من الشغل &#61514;

الله يوفقج انشالله وسام...وراح تبقين عروس طول العمر...بعيون زوجج

الله يخليكم لبعض

alyaa h

مادري شنو قصدج بهالجمله: (يا اختى ربنا معاكى متشوفيهوش خالص ربنا معاك
)

قصدج مانشوف الهواجس والا المعرس بكبره خير شر ...لول


ثانكس لمرورج ياقلبي

مرحبا بالجميع وشكرا اختي عالموضوع

انا صار لي اسبوعين مخطوبة
يعني للحين عروس جديدة
ساكنة في شقة مع خطيبي

كانت عندي مخاوف وايد قبل الخطوبة وهي اني راح افقد ايامي مع صديقاتي خصوصا اني تحولت منطقة سكن غير عنهم واني ماراح ازورهم ولا شي

الشي الثاني كنت خايفة اني مااعجب خطيبي من ناحية تفكيري

واني مااهتم بنفسي وايد

ترى كل هالمخاوف تزول

لان اذا تعيشين مع شريك حياتج كانج عايشة مه روحج

خصوصا اذا كان بينهم ود وتفاهم

بس الصراحة مسؤؤلية كبيرة خصوصا اني صغيرة بالعمر
17 سنة

والشقة يبيلها ترتيب وتنظيف وغسيل ثياب ودراسة

بس فحانة لان خطوبتنا بتطول على ما اكمل دراستي الجامعية
يعني بنفهم بعض وايد قبل الزواج
وشي ثاني انا اؤيد ان المخطوبين يعيشون مع بعض عشان يتفاهمون زيعرفون بعض اكثر

مع ان الخطوبة صار لها اسبوعين الا اني سكنت مع خطيبي من يوم الملكة

دوحانية
المسئوليه انشالله تكونين قدها تدرين ليش؟؟

لانها تتدرج..والشي بالتدرج يسهل..

شوي شوي تعرفين وضعج وشنو لج وشنو عليج...

وبالتدريج تزيد المسئوليات بس الحلو ان المسئوليات القديمه راح تكونين already
متمكنه منها...او عالاقل متعوده على اداءها...

سوري عالفلسفه الزايده...بس زبدة الحجي..لاتحاتين هالشي..

بيتكم واحد يامره واللي بتاكلينه راح ياكله معاج.. :)

بالنسبه للخدامه..صح..مو حلوه باول الزواج..وبعدين ترى سالفة المطبخ هينه..وصفه وتمشين عليها..والنفس..لاتحاتينه زوجج راح يحب كل شي منج انشالله..

اما بالنسبه للاهل لاتبالغين بتعاملج معاهم وتشيلين همهم...اذا واجهتيهم...عاممليهم بالحسنى..واذا ماواجهتيهم..اذكريهم باللتي هي احسن ...وبس!!
دايم الاحتكاك يولد الحراره..انا موقصدي انج تقطعين العلاقه الطيبه بينكم بس للاسف..زيادة الاحتكاك قد تسبب احيانا الاحتراق!

هم انج تشيلين اسمه؟ &#61514;
هذا الغالي...والله ربطكم..وانتي فيج خير بركه..وراح تعزينه..

من ناحية الشكل والاهتمام فيه...لا وانا اختج شيلي همه لووووول

مو عشان شي بس عشان دايم تكونين الاحلى
&#61514;
أنا مطمنة لأن زوجي الحمدلله عارف مهاراتي وعارفني انا)
الله يهداج &#61514;

خلاص عيل حطي في بطنج رقيه صيفي (توني ماكله رقي) لول

الله يوفقج انشالله ويتمم عرسج على خير.......


والفال للكل