تعبت واااااايد بليز ريحوني

السلام عليكم ورحمة الله وبركاته

انا حبيت اعرض مشكلتي وياريت تريحوني لاني وايد اتعذب من داخلي عن هالموضوع

انا حبيت شخص وبدينه نكلم بعض بالتلفون والحين صار لي في حدود سنتين او اكثر وعقب مافهمته وفهمني وعرفت انه رجل اخلاقه عاليه ومصلي واتفقنا على الاجتماع بالحلال وهو الزواج وتفاهمنا على كل شي وتوقعت ان الاهل راح يرحبون فيه وماراح يرفضون لان والحمدلله رجل مؤدب وخلوق ولايترك صلاته واهله ناس طيبين ولكن الصدمة ان بيتنا رافضين مايبوني اتزوج الحين وخصوصا امي يقولون اني صغيرة (عمري 21 سنة) وهو بعد صغير (عمره 24 سنه) <<<الى هالدرجة احنا صغار

وعقب مارضت بهاالشي قالت لي اهمه سمر مع ان احنا سمر بعد وحاولت اني ابينلها ان الواحد مو في لونه المفروض في اخلاقه ودينه ولما تكلمت قالت لي اختي اني بعت امي عشانه وكل بين فتره والثانية امي تقولي شالمصيبة اللي يبتيها لنا كنت غافله كله من ربعج انج تشوفين ربعج يتزوجون ولاني انا قلت لها انه رفيج زوج رفيجتي لان لو طلبني رسمي وكلم امي على طول بدون ماتدخل امي بترفضه بدون ما تاخذ رايي وعقب مااقتنعت عن اللون قالت انت ماابيج تسكنين معاهم لازم يطلعج في شقة قتلها اوكي وعقب شهر من تكلم فكروا يكلمونه اخواني واول مايه بيتنا وتكلم معاهم استانسوا منه وايد وقالوله انشالله بيون النسوان يتفاهمون عالمهر وعلى كل الامور يعني قالوا ان احنا موافقين وقالوله عن الشقة وقال لهم اوكي وبعد فتره قالوا اصلا اهو مايقدر على شقة وبيقص علينا وكل اللي اخواني اسألوا عنه منهم قالولهم ان احنا موافقين ولكن للاسف قعدوا يضغطون علي اني ارفض عشان عنده قرض ولو ان البحريني في هالزمن لازم يكون عنده قرض وحتى اخواني كل واحد منهم عنده قرض واحنا حالتنا المادية مو احسن منه بالعكس نفس الشي وكلما اقولهم اني موافقة يقولون لي انج ماتعرفين تفكرين لان انتي تبينه ماتفكرين في اي شي وعقب ماصليت استخارة حسيت اني متمسكة فيه اكثر واكثر

وعقب ماتموا شهرين واهمه يضغطون علي اني ارفض قعدوا يقولولي مساوئ الزواج المبكر وعن الطلاق (فال الله ولا فالهم)واخر شي يقوللي اخوي انتي مرضتي امي وماتخلينها ترقد من الهم وعقب قالها لي بصريح العبارة انه مو موافق علشان شخص على قد حاله بس رافع راسه وعمره ماذل نفسه حق فلان او فلتان ولاعمره اشتكى بس كل يقول الحمدلله على كل حال وعمري مافكرت انها مشكله لان هاذي مشكلة طبيعية بالبحرين لا قلت خلني ارفض ولكن اتفقت معاه انه ييني مرة ثانية اول ماخلص الكورس لان يوم ياو بيتنا وانا واهمه ضنينه ان بيون يتفاهمون عن المهر والسالف كلها ولكن الصدمة ان فشلتهم ويابهم وخلتهم يتعبون نفسهم وكانت امه تعبانه بس من فرحتها حق ولدها قالت بتيي وعقبها صدمتهم اني ابي اخلص دراستي واذا يبيها خله ينطر وانا الحين حالتي النفسية دمار من هالسالفة مو بس انا حتى اهو وبيتنا مستانسين اني رفضته انا رفضته لاني اخاف اخذه غصب على بيتنا وماتوفق والساعات اقول ياريتني وافقت وخليتهم بعدين يشوفون هالريال اللي ظلموه على حقيقته

ياريت ياخواتي تساعدوني في هالموضوع وتقولون لي اللي سويته صح او لا انا اللي ابي اعرفه وبكل صراحة انا صح او اهما الصح عطوني رايكم بليز لاني محتاجة حق احد يريحني والمشكله اني عقب ماقتلها اني اكلمه عشان تساعدني قامت وقالت حق امي عشان تقعد تحاتي

ياريت تساعدوني واسفة طولت عليكم
:cry::cry::cry::cry::cry::cry::cry::cry::sad::sad::cry::cry: