"!" فقط لمن يجرؤ على ذلك "!"

طلبت من أم محمد تكتب لي قائمة بالصفات اللي ماتحبها فيني
وما رضت تكتبها إلا بعد ماخذت مني يمين إني ما ازعل منها ، شكلها بتكتب الأوّلي والتالي

هههههههههه
الله يعينك
من حقها ترفض بصراحه خطوه جريئه وخطيره شوي
الواحد ما يضمن يعني
الله يكون في العون

مشكور

يوووووووووووووووووووووووه والله صعبه خاصه لواطلب هالشي من ابوالشباب

فكرتك حلوه واختي كانت مسويتها لنا من اسبوع تقريبا الصفات السلبيه والايجابيه

شكلي باقولها عطيني الورقه وراح اكتب لكم

ابصراحة يا بو محمد ان هاي اللعبة يبالها قوة قلب وجرأة

وبالنسبة لي انا دايما يقولون لي عيوبي حتى بدون ما اسألهم
لأنهم دايما يقولون لي ان اسلوبي في الكلام وايد دفش وصراحتي تجرح
واني ما اعرف اجامل

لأني أنا ما احب احد يجاملني ولا اجمل احد ( هذا هو مبدئي)
والصراحة ها الموضوع مسويلي مشاكل مع اهلي وزوجي وصديقاتي، لأني ما اجامل وصريحة
حاولت وايد اني اغير من اسلوبي بس مافي فايدة

وفي النهاية الحين قمت اسمع لهم واسكت مع ابتسامة خفيفة
وحتى لو طلبوا مني اتكلم ،،،،،،،،،،،،،،،،،، بعد اسكت
بس من داخل بركان من الكلام

الظاهر الناس اتعودوا على الكذب والمجاملات

( رَحِم الله أمرءٍ أهدى إليّ عيوبي )

بس الناس ما يبغون يسمعون عيوبهم
ولا تقول لهم ها العين احلا من الثانية
ترا بيزعلون،،،،،،،،،،،،،،، اتحمل

واتمنى انك ما تكون من ها النوع

( رَحِم الله أمرءٍ أهدى إليّ عيوبي )

فكرة يحتاج لها جرأة اخوي ابو محمد ... بما اني من مدمنات التلفزيون سابقا مثل ما ذكرت .. تذكرت على طول قصة تمثيلية قديمة الزواج طلب من زوجته يسوون هالشي .. وبعد نقاش طويل وافقت الزوجة .. تعرف ايش كانت النهاية ؟؟

تطلقوا في آخر السهرة !!!!

طبعا اكيد كان فيه اسباب قاهرة بس الظاهر انهم ماتحملوا صراحة بعضهم وعيوبهم في نظر بعض !!

انا عن نفسي من الناس اللي ما أحب احد يقول لي يافلانة ترى انتي غلطانة ... سبحان الله طبع فيني من صغري واكيد انه طبع مو كويس بس شسوي هذي هي شخصيتي

أحيانا اعطي زوجي في وجهه اقول له انت كذا وكذا .... بس هو مستحيل يجي ويقول لي نفس الشي !!

بتقول عني غريبة بس هذا طبعي وما أقدر اغيره

طبعا الانتقاد الهادف غير مثلا يطلبون مني اخفف من عصبيتي او اسرافي هذا شي نوعا ما مقبول ... بس اني اتلقى ورقة فيها كل عيوبي ما أظن اني اتقبل هالورقة ( يمكن لعدم قناعتي بأن ماينظرون اليه انه عيب هو ميزة في شخصيتي ) وراح تصير حرب نووية بيني وبين اللي كتب الورقة

مجرد رأي

السلام عليكم ورحمة الله وبركاته

هلا بو محمد..

حلوة الفكرة ..

ونقدر نغير تصرفاتنا اللي ما تعجب الآخرين فينا من خلالها..


بس لازم نحاسب نسأل من؟؟


انا ما عطيت زوجي ورقة بس سألته،

سوا نفسه ما يسمعني وبعدها اصريت عليه ولحد ما تملل وبعدها قال لي


انتي




عنيدة وراسك يابس





وعجولة كثييييير





ودمعتك جاهزة على خدك..




وما تبين حد يقول لك لا...




بل بل بل





كل هذا فيني

هلا اخونا صارع

شدني الموضوع وخاصة انه من رجل!!
غالبا النساء يحبون يعرفون عيوبهم لان عندهم الرغبة لارضاء الاخرين وخاصة الزوج
فبراااااافوووووووووو عليك والله هذه خطوة ايجابية ومفيده جدا

صارلي نفس هالموقف ولكن انا كنت طالبة من زوجي اننا نسرد بعض الامور السلبية بهدف اصلاحها
اتعرف شو قالي؟
قال انا ما احب افكر في عيوبك وما اريد احطها تحت المجهر
نحن بنفهم بعض مع الايام وبالمواقف بنعدل من اسلوبنا مع بعض وبنتعرف اكثر شو اللي يضايق الطرف الثاني
وبصراحة اقتنعت برأيه لان الحياة صعبة من غير اننا نقعد انفكر في عيوب الاخرين حتى لو كان بهدف الاصلاح
الافضل اننا نركز على الامور الزينة و نحاول اننا نراقب نفسنا و نراقب ردات فعل الاخرين و نحاسب نفسنا بعدها وهنا نتعلم كيف نتعامل مع بعض
وتسلم اخوي واسمحلي على التطويل

فكرة حلوة

وأنا راجعة بإذن الله بعد ما أسأل أمي و أبوي عن عيوبي

الله يستر

انا الصراحة لا اجرؤ
والا سوف تصبح معركة شرسة
اشد من معركة داحس والغبراء


:)

لابد ان يعرف عيوبه ومستحيل يعرفه لوحده فلابد من احد ان يقول له
وانا من طبعي اقول ولكن باسلوب راقي وبكل ادب ما اجرح الطرف الاخر
ومثل ما اعامل الناس احبهم يعاملوني

واحب ايضا زوجي اذا يقولي عن عيب من عيوبي
ومافي انسان خالي من العيوب ان يكون ذرب باسلوب حلو
مو بطريقة همجيه
وطبعي اعصب وازعل ببداية الامر بس غصب غصب عن خشمي ان اتقبل واصلح من العيب او اتحاشاه



دمتم سالمين
اختكم شريفة

فكرة حلوة

تدري مرة جربتها مع ربيعتي قلتلها تقولي عيوبي .. من بدت في اول عييب .. حسيت بضييجة ... عرفت اني ما احب حد يقولي انتي فيج جيه وجيه وجيه ... ما ادري احس اني بعااند ولا بصلح هالعييب بالعكس ممكن اصر على انه انا مافيني هالعييب ..

... مشكلتي اني ما احب ابين للطرف الثاني انه فيني عييب .. مع اني على قنااعة تامة انه مافي انسان خاالي من العيوب ... بس عيب عن عيب يفرق

بس بعد ما ايلس مع عمري افكر في عيوبي اللي قالوها عني واحاول اني اصلحها
وبصرااحة اكثر انا اعرف شو هي عيووبي ... واحاول اصلحها بس ما اروم احس انه طبعي .. وبو طبيع ما ايوز عن طبعه
يعني مثلا اول عيووبي حساسيتي الزاايدة . وهذا شي يخلي الطرف الثاني يكوون جدا حذر في التعامل معااي لانه يخااف يجرحني بكلاامه .... فهذا اكبر عييب في حيااتي ... يعني شو اسوي والله غصبن عني .. وهذا عيب في اشوف اني ما اروم اصلحه ابدا ؟؟

عيب ثااني : اذا عصبت ابدا ما اثمن كلاامي .. يعني ممكن اقول اي شي .. اللي ينقال واللي ما ينقاال وبصوت عاالي بعد ... وهذا اكثر شي يعصب بأمي تقولي انتي متى بتتكلميين بصووت وااطي ... ككككككككككككككككك والله محد قالهم يعصبووبي

بس بقولكم شي .. في نااس اتقبل منها هالشي يعني ما ازعل لو قالولي عيوبي واولهم ابويه .... اسلوبه واايد حلو في الكلاام يعني يبينلي انه فيني عيب ولازم اصلحه بس بصورة غير مباشرة وبكلام حلو ولطييف ... يعني يقولي عيوبي وانا قاعدة اضحك مستانسه ههههههههههه فدييت ابوويه

اما في ناس تقول هالشي بصورة دفشة وبكلاام مثل السم .ويسمون هالطريقة بانها (الصراحة ) !!!.. في هالحاله اسويله طاااف واروح عنه ... وانا زعلاانه ومب عايبني الكلاام حتى ولو كان صحيح وحتى ولو كنت ادري انه هالشي فيني ...

جني واايد هذربت ؟؟ هههههه
السموحة منكم
بس الموضوع واايد حلو
تسلم اخوي بومحمداني

بنفسوجة

يسلمووووووووووو بو محمد

امممممممم بالنسبه حق هذي السالفه مايبي لها ورقة وقلم

تكلمنا فيها من الخطوبه ومحفوظه بالذاكره وصار الحين سنه وشوي

من تزوجت وماتغيرت عيوبي عموما جواب بوعبدالرحمن كان اني

عنيده وراسي يابس

مزاجيه وعصبيه

حساسه جدا

وانشاء الله احاول اصلح من عيوبي رغم اني ما اظن

ولكن لايأس مع الحياة ولاحياة مع اليأس