عندي موعد مخوّفني

هلا عيوني

لاتخافين ولا شيء بعدين ترتبكين وتنعفسين توكلي على الله وخلي ثقتك باالله كبيره و بنفسك وهذا اهم شيء لزوم الوظيفه يبان منها شخصيتك وعشان ماتكوني مهزوزه

وبعدين انتي تقولي مو متعوده تكلمي رجال طيب الرجال هذولي مع حريمهم بعدين انتي قاعده تكلمينهم في مجال شغل مو لعب

الله يوفقك إن شاء الله

الله يوفقك في الوظيفة التي تردينها فأحسن شي صلي صلاة الأستخارة اذا كانت خايفة ومترددة

صلي استخاره واكيد شعورك طبيعي بالنسبه لمجتمع صعب الاختلاط مع الرجال والحديث معهم لذلك توكلي على الله
وترا اهم شئ تكونين في كلامك واثقه من نفسك واقري القران قبل ماتبدين

حبيبتي انا حاسه فيج كونها اول مره واكيد ما راح تنامين طول الليل وهذا امر طبيعي بس اتمنى ان ما يأثر معاج وقت المقابلة وتكونين واثقه من نفسج واهم شي ردودج قبل لا تجاوبين حاولي تركزين في السؤال وتفكرين وبعدها تجاوبيت وحاولي قد ما تقدرين ان ما تبييينين ارتباكج لللشخص اللي قدامج واعتبري نفسج في اختبار كما لوكنتي بالمدرسة وقبل كل هذا والاهم انج تصلين ركعتين وطول الطريج تدعين الله يسهل عليج ويبعد الخوف عنج وان شاء الله موفقة



تحياااااااتي لج

تعرفين مثل ما قالو لج البنات استعيني بالله وخلج واثقة من نفسج واقري بعض الايات عشان تخفف من توترك
واقولك شغله انسي موضوع انهم رجال وحطي في بالج انهم حريم يعني تخيليهم حريم وكل شي بيكون طيب ان شاء الله

الله يوفقك ويجعل هالوظيفة من نصيبك

المسألة ومافيه انك خايفة من المقابلة ككل مو بس من وجود الرجال

خلي ثقتك بنفسك كبيرة وحاولي تتخيلين نفسك قدام المراية وانتي تجاوبين على اسئلتهم عشان تتعودين

وان شاء الله نسمع الأخبار الحلوة عنك

بسم الله الرحمن الرحيم


لا تخافين حبيبتي ولا ترتبكين

انتي سايره تسوين مقابلة ولا تتعاملين ويا اللي بيقابلونج على
أساس ريال وحرمه.........قابليهم على اساس انهم مسؤولين
مجتمعين وياج عشان يختارونج لوظيفة محتاجينج لها....

يحصل ان الوحدة ترتبك قبل ما تدخل المقابلة وهالشي استوى
لي بس.....ما قدرت أرقد الليله اللي قبلها ولا كنت اعرف اني
بقابل ريالين ويا الحريم....تعاملت وياهم بطريقة عادية .بعدين
الله يسر لي أمري وانقبلت في الوظيفة والحمدلله


يلست أقرأ: رب اشرح لي صدري ويسر لي أمري واحلل عقدة من لساني يفقهوا قولي


يلست أدعي ربي انه يوفقني وأحصل هالوظيفة عشاني
كنت أشتغل في بنك قبل وصدقيني من دشيت وشفت ان اللي يقابلوني
ريالين وحرمتين ما ارتبكت وخفت وحسيت بإني داشة على ناس أعرف من زمان
وكنت طبيعية وهادية ومب مرتبكه أبدا...........

الله ايسر لج أمرج وتكون الوظيفة من نصيبج وتحصلين كل الخير من وراها

ربنا يوفقك

وبعدين اهم حاجه وانتى بتتكلمى معاهم متتهزيش وخليكى واثقه فى نفسك

وابقى طمنينى عليكى

السلام عليكم ورحمة الله وبركاته

طمنينا عليكي أختي...

إن شاء الله موفّقة :)

الثقه بانفس ياااعزيزتي حتى لاتتوترين

وبالتوفيق