حامل لأول مره .. وعندي شوية أسئلة

مبروك اختي

الله يتمم لك بخير ويسهل عليك ويقومك بالسلامة

شوفي رابط هالموضوع للمراقبة مرموم

سلسلة شهور الحمل التسعة

راح يفيدك

بالنسبة لشرب الشاي والقهوة اكيد يضر اذا كثرتي بس الأطباء يقولون كوب يوميا مافيه ضرر ان شاء الله

بس كثرة استهلاك المشروبات اللي فيها كافيين قد تسبب الى ولادة مبكرة ونقصان وزن الجنين

حاولي ما تكثري منها اختي ... اهم شي عشان تحافظين على صحتك هو التغذية الممتازة والحركة المعتدلة يعني لاكسل ولا حركة زايدة ... مارسي حياتك مثل قبل بس انتبهي لا تشيلين ثقيل ولا ترهقين نفسك .. وطبعا لا تنسي الفوليك اسيد اللي المفروض تاخذيه قبل الحمل وخلال الشهور الأولى .. وزيارة الدكتور بانتظام لمراقبة صحتك وصحة جنينك

انصحك تشترين كتاب خاص بالام والطفل يشرح كل شي من مراحل الحمل والولادة والتربية راح تستمتعين وانتي تقريه وتستعدين للأمومة

دمتي بود

اختي هالقسم غني بكل النصائح

تصفحي و شوفي و الأخت رومي ما قصرت

عليج بأكل السفرجل يقولون يحلي الياهل ولا تكثرين من شرب القهوة والجاي موب زين لج وله ويتحرك الياهل ونهاية الشهر الثالث وبداية الرابع إذا كان صبي وإذا بنية من نهاية الشهر الخامس وبداية السادس

عليج بأكل السفرجل يقولون يحلي الياهل ولا تكثرين من شرب القهوة والجاي موب زين لج وله ويتحرك الياهل في نهاية الشهر الثالث وبداية الرابع إذا كان صبي وإذا بنية من نهاية الشهر الخامس وبداية السادس

نصايحكم حلوة كثير
الله يخليكم لنا دووم ومايحرمنا طلتكم
.
.
.
.
وين الباقي ؟

حبيبتي ناعمه

مبروك الحمل والله يتمم لج على خير,,, طبعا الحامل اول مره عندها اسئلة كثيره وتسأل فلانه وفلانه والبعض يقولها انتظري موعد الدكتورة عشان تتأكيد بس نحنا طبعا ما فينا صبر.

بس حبيت اقولج انه في حملي الاول شريت كتابين وللعلم وايد افادوني وانا ما بقول عنهم الا اني استفدت منهم كثير يمكن بعض الخوات يعرفونهم. برسلج اياهم على الخاص يمكن ممنوع ذكر اسامي بس ياليت يسمحولي المشرفات لتعم الفايده عالجميع.
في الكتابين بتحصلين اجابه لكل سؤال بتعرفين حجم الطفل, وكيفية الاعتناء بصحتج وصحة البيبي المهم كل شي عن العنايه لين ما يوصل سن المراهقة.
وبعد الحلو فيه انه للامهات اول مره يعلمونهم كيف يرضعون البيبي وكيف يحملونه ويسبحونه وكل شي. ويراوونج كيف تتصرفين لما يجيكي المخاض وشو تشلين معاج المستشفى وبعد شو تاخذين حق البيبي.

صدقيني وايد مفيد انا في حملي الاول كنت اقراه كل ما ادخل شهر لانه يقولولج كم حجمه وشو المفروض تسوين وشو التغيرات اللي تستويلج بس انا الله ما كتبيلي انه يستمر الحمل لين الشهر الثامن وتوفى البيبي بدون سبب بس هالمره حملت والحمدالله وتخيلي قاعده اقراه مره ثانيه.
واسأل الله انه يثبت حملي هالمره وانتي وجميع الخوات.

وان شاء الله راح تدعيلي بعد ما تاخذين الكتاب,, بس قبل لا تاخذينه تصفحيه وشوفي الفهرس عشان ما تقولين غشيتج وما منه فايده.:D2:D2

أشكرج أختي الغالية حلوين المشم
بصراحة أفدتيني بطلتج على موضوعي
انا قريت الرسالة الخاصة وراح اروح اقرب مكتبة وأشتريهم
.
.
.
أختي الله يثبت لج حملك ويفرح قلبج بقدوم البيبي ويعوضج خير إن شاء الله

بنات ممكن إسم الكتاب لأني بعد ما اعرف شي إلا البسيط عن الحمل...وشكرا.

بنات ممكن إسم الكتاب