السلام عليكم ورحمة الله وبركاته
وحوي ياوحوي ايووووها

كيفكم حبيباتي مشتاقين مثلي لشهر رمضان ولا بعد
ابي كل عسل منكم تكتب لنا نظامها في رمضان
تسهر .. ماتسهر ... متى السحور اول الليل ولا قبل الفجر....يعني زي كذا
انا ببدأ واحط نظامي او برنامجي في اليوم الرمضاني
اقوم من النوم الساعة 1 او 2 الظهر اصلي الظهر طبعا....
ونبدا انا وامي وخواتي مناقشات ومفاوضات وبحث واعداد وش نسوي عالفطور واكثر الاوقات ازور عروس الحبيب
وبعد مانقرر نبدا معركة الفطور وهكذا الى ماقبل الاذان بساعة او ساعة الا ربع
وبعدها اللي يقرا قرآن او يذاكر (للاسف عندنافيه دراسة برمضان )
وقبل الاذان بشوي نحط السفرة ونحط عليها التمر والحلى والعصيرات والمويه ولقهوة بس لوحدها كفطور اول (مراحل خخخخخ)

واذا اذن

نفطر مع بعض
وبعدها يروحون الرجال الصلاة
وحنا نصلي ونبدا نرتب الفطور الثاني
يعني السمبوسة والشوربة وهذي عناصر اساسية في فطور رمضان عندنا بالسعودية
ومعاها حلى سفرة وسلطات ورز او صواني اللي يقدرنا الله عليه

وبعد مانكمل يكون بقى تقريبا نص ساعة على صلاة العشاء
نتجهز واللي يبي يروح يصلي بالمسجد واللي يصلي بالبيت

الى تقريبا الساعة 10 او 10 ونص
عقب
نتجمع وناخذ شاي ونقعد على الشي اللي صار للاسف من اساسيات رمضان
شوفوني مع اهلي ترى الشقار طبيعي خخخخ

(التلفزيون )
وهكذا الى الساعة 3 او اذا فيه مشوار لسوق او زيارة
تكون بهالوقت
ونجهز سحورنا ونتسحر ونصلي الفجروننام
يله كل وحدة تتكرم وتسجل برنامجها الرمضاني الخاص وخلونا ننبسط شوي
وهذي اهداء لاطفالكم بمناسبة رمضان الله يبلغنا اياه وانتو واحنا بكل خير
(((((
رمضان يا منور نورت وادينا
يا أحلى م السكر حلوة ليالينا
نلعب ونتمخطر ونقول أغانينا
حالو يا حالو رمضان كريم يا حالو
الصايمين يا حالو بعد ما فطروا حلوا
حلوا بالهنا عقبال كل سنة
)))))))