السلام عليكم ورحمة الله وبركاته
اولا اسمحوا لي اشكر اختي العزيزة :قمر الليالي : لانها اسمحت لي انزل الموضوع بعضويتها عجزت اسجل ماقدرت يمكن لاني مااعرف بالمنتديات ومو من النوع الى استخدم الانترنت كثير
المهم خواتي انا اول مرة اعرض مشكلتي وهاذي المرة الاولى في حياتي اللي اكتب فيها موضوع بمنتدى كنت اقرأ فقط لكن من الهم والحيرة الى فيني قلت بجرب يمكن القى الحل ..
انا بنت عمري 23 سنة وزوجي عمره 25 متزوجين من سنتين -في بداية زواجنا انسجمنا
بسرعة مع بعض وكل يوم صرنا نعرف بعض اكثر ونحب بعض اكثر/ زوجي اعترف لي بكل
سوابقه وماضيه وبصراحه الماضي كان اسود ولاني حبيته ساعدته ووقفت معه واثبت لي انه
يسمع كلامي وهو الى الان حنون معاي ويحبني ويسمع كلامي صحيح احيانا يزعل ويحاول
انه ما يكلمني بس من لما اكلمه اقوله وش فيك يتكلم على طول معي و يهدأ ويقولي انا اسوي اني
بعاندك وبزعل منك بس مااقدر ونرضا بسرعة ..
نرجع لماضيه زوجي اعترف لي انه كانت عنده سوالف من يوم كان عمره 14 يعني كان يدخن
ويتعاطي حشيش ويشرب خمر والمصيبه الاكبر ماخلى بنت وماعرفها وكان يطلع مع بنات
والاكبر انه لما كان صغير بالمدرسه كانت له علاقات مشبوه مع اولاد / انا احتقرته بصراحه لما
اعترف لي بكل هالاشياء بس اثبت لي انه تركها كلها لدرجه انه غير ارقامه وقطع علاقاته مع
الشباب الى يشربون ويحششون ويرجع البيت من بدري ودايم معاي يعني اعرف كل حركاته
وحتى وين يحط فلوسه / كذا مره يدقون عليه بنات يعطيني ارقامهم على طول ..
في مره من المرات عطاني رقم وحده دقيت عليها وقلت لها لا تتصلي على زوجي قالت
لي زوجك هو الى يركض وراي ولاني خفت انه اخواني يضربونه دقيت بس البنت كانت
كذابه وطلعت لي الف سالفه خطأ في خطأ وكانت مرتبكه يعني اشوي تقول انا اتصلت
عليه لانه معروف وبشوفه يساعدني اذا أأجر بيت واشوي تقولي انتي مو زوجته وانا
اتصلت اعرفه على اختي المهم اني وقفتها عند حدها واتصلت اعتذرت ومن بعدها ماعادت
اي بنت تتصل وهالشي كان في بداية زواجنا وزوجي قالي لو مااحبك وصادق معك مااعطيتك ارقامها وكنت كلمتهم من وراك ..
كل هذا وانا احاول انسى مع اشويه وساوس اكيد والحياة ماشيه حلوة ومتفاهمين
لكن الى صدمني انه قبل كم يوم زل لسانه وقال والله لي 6 شهور ماحطيت الشراب في فمي
انا انصدمت وهو من يوم تزوجنا ويقول انا تركته من زمااااان ومن قبل الزواج وكان دايم يقولي الحشيش ما قطعته مره وحده
لاني ماقدر اشوي اشوي والحين المفروض اكثر من سنه ونص من قطع كل شيء انا استغربت بس
مادقتت بالموضوع وقتها لاني كنت تعبانه رجعت بعد كم يوم سألته قالي انا كنت احسب انك
تدرين اني ما قطعت كل شي غير من 6 شهور / كذبه واللف والدوران خوفني منه وبديت اشك فيه
وش يضمن لي انه لسا ما يشرب والا يحشش والا يطلع مع بنات
انا في حيره ومن اكلمه وافتح الموضوع يقولي انتي مجنونه والله اني احبك
البارح رجعت فتحت سيره الموضوع واعترف اني حاججته وكنت ابي استفزه علشان يعتذر على
كذبته وهو مبتسم يقولي والله احبك لا تعصبين قلت له انا مااحبك وانا اتكلم جد مافي داعي
لهالابتسامه وتهاوشت معه مدري يمكن لاني جد متضايقه انا احبه اكثر من نفسي واخاف عليه
ومابي له الضرر وبعدين ماارضى على نفسي اكون متزوجه واحد حشاش ومن امس ماكلمته احس اني في حيره مالها اول من اخر مع اني متاكده انه يحبني والله يشهد انه ماعمري شفته فاقد الوعي او فيه شي متغير وهو يقولي وربي مااخلصت لاي شيء فحياتي كثر حبي لك
بس مدري وش اسوي اشلون اخلص نفسي من هالحيره ..
سامحوني لو طولت عليكم واتمنى الاقي عندكم الحل
محتارة مع زوجي ارجوكم ساعدوني
:
31-08-2005 | 06:05 AM
a
31-08-2005 | 07:35 AM
:cry: حتي انا اعاني من زوجي
لكن احس زوجك يحبك ووفي لك وهذا المهم
وانتي متأكده من حبه لكي
البنات ما بيقصرو معك
لكن احس زوجك يحبك ووفي لك وهذا المهم
وانتي متأكده من حبه لكي
البنات ما بيقصرو معك
ا
31-08-2005 | 07:51 AM
اولا محد منا ماتعاني من زوجها اوحبيبها بس مااحب اخبي عليكي الشرب وتعاطي اي نوع من المخدرات هاذا شي موسهل ولا ينسكت عليه لانه لوجا مرة ***** ممكن يسوي اي شي هو صح يحبك بس ساعتها مابيكون بوعيه واتذكري انه بكرة بيجونكم عيال انشالله ونصيحتي لكي انك توسطين احد من اهله هو لانهم بيكونون خايفين عليه وهو مابينحرج منهم وتخلينه يتفاهم معاه وتكلمين حد من اهلك يتابعه ويراقبه واذا قدر يلتزم فترة فمعناته انه بيلتزم لانه مايبغى هالشي ولا تنسين توقفين معاه لانه بيكون محتاجك
الله يوفقكم ويسعدكم طمنينا عليكي ياامورة
الله يوفقكم ويسعدكم طمنينا عليكي ياامورة
ه
31-08-2005 | 09:30 AM
وعليكم السلام ورحمة الله وبركاته
عزيزتي (صاحبة المشكلة)
الله يعينك على ما إبتلاكِ به الله.. وإن شاء الله يكون لك الأجر العظيم على صبرك
وعلى محاولاتك لتغيير زوجك للأفضل بإذن الله.. صبري نفسك بإن كل شي بأجره إن شاء الله..
أول شي إللي لازم تحطينه في بالك أن كل الأمور إللي ارتكبها زوجك ما عصاكِ بها
بل عصى الله عز وجل، شرب الخمر ، الحشيش، علاقات البنات والعلاقات المشبوهة
كل هاذي الأمور عصى فيها خالقي وخالقج.. ولا تستحقرينه بالكلام إللي قاله بل أعطفي عليه
لأن كلنا أسرى لإبليس والنفس والدنيا والهوى وللأسف زوجك أتبعهم فلازم تحاولين تخلصينه
من هالأشياء.. المطلوب من زوجك قبل أنه يتغير علشانك ،
أنه يتوب لله سبحانه ويترك هالأشياء علشان الله عز وجل وبعدين يكون التغيير علشانك..
الشي الحلو في زوجك إنه فعلاً يحبك ولو ما كان يحبك كان ما أعترف لك بكل سوالفه
وهذا يدل على أن داخله طيب وتأكدي أنه لو كان خبيث كان ما قال لك عن هالأشياء
وكان خبى عليك ولا فتح الموضوع وسوى كل شي من وراك..
فبما أنه فتح الموضوع، يكون عليج مسؤولية كبيرة وهي شلون تغيرينه.. بس قبل هالشي
شوفي معاي الآية الكريمة:
((إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ)) سورة القصص -56
فإذا هذا أول شي لازم تحطينه في بالك، أن الهداية بيد الله عز وجل فتوجهي إليه
وأكثري من الدعاء وقومي الليل وأطلبي من الله أن يهدي زوجك ويجعله قرة عين لك
وأن يمن الله عليه بالتوبة النصوح وأن يغير حاله للأفضل وأن يجعله زوج صالح لكِ..
أمر آخر، في أثناء محاولاتك لتغييره حاولي ما تضغطين عليه لأن الضغط راح يجيب نتائج
عكسية.. حاولي أن تكون محاولاتك ممزوجة بالحب والحنان والعطف عليه.. وحسسيه إنج خايفة
عليه وايد وأنج تبينه يكون الأفضل علشان جذي ما تبينه يسوي هالأشياء..
وما أنصحك إنك تقولين لأي حد من هلك .. أستري على زوجك ولا تفضحينه
لأن صدقيني إذا الله من عليه بالهداية (وأسأل الله ذلك) صدقيني أنت بتنسين إللي صار
وهو بينسى بس الناس ما راح تنسى وبيتذكرون هالشي فيه دايم.. أستري عليه حبيبتي..
سؤال ممكن يساعدك، هل تحسين أنه زوجك إذا ذكرتيه بالموت وبالقبر بيخاف؟؟
إذا كان كذلك فحسسيه برهبة القبر وعذاب القبر والنار وبعقاب شارب الخمر والمسكرات
وبعقاب العاصي وفي نفس الوقت بيني له أن كل عاصي له توبة بإذن الله
وأن التائب له أجر عظيم والجنة تنتظره وذكريه أن الله سبحانه وتعالى يفرح بتوبة عباده
وفيه محاضرات لمشايخ من أروع ما تكون، ممكن تهدين له إياهم عل وعسى يكونون
سبب في هداية زوجك بإذن الله..
توكلي على الله حبيبتي وأدعي أن ربي يسهلها عليج وتكونين سبب في توبة وهداية زوجك
وتأكدي دايم أن كل شي بأجره.. حسسيه أنه غالي وأنك تحبينه موت وكل إللي تسوينه
من خوفج عليه في الدنيا والآخرة ..
والله يوفقج إن شاء الله ويهدي زوجج ويأجرج بكل الخير إن شاء الله
و السلام عليكم ورحمة الله وبركاته
عزيزتي (صاحبة المشكلة)
الله يعينك على ما إبتلاكِ به الله.. وإن شاء الله يكون لك الأجر العظيم على صبرك
وعلى محاولاتك لتغيير زوجك للأفضل بإذن الله.. صبري نفسك بإن كل شي بأجره إن شاء الله..
أول شي إللي لازم تحطينه في بالك أن كل الأمور إللي ارتكبها زوجك ما عصاكِ بها
بل عصى الله عز وجل، شرب الخمر ، الحشيش، علاقات البنات والعلاقات المشبوهة
كل هاذي الأمور عصى فيها خالقي وخالقج.. ولا تستحقرينه بالكلام إللي قاله بل أعطفي عليه
لأن كلنا أسرى لإبليس والنفس والدنيا والهوى وللأسف زوجك أتبعهم فلازم تحاولين تخلصينه
من هالأشياء.. المطلوب من زوجك قبل أنه يتغير علشانك ،
أنه يتوب لله سبحانه ويترك هالأشياء علشان الله عز وجل وبعدين يكون التغيير علشانك..
الشي الحلو في زوجك إنه فعلاً يحبك ولو ما كان يحبك كان ما أعترف لك بكل سوالفه
وهذا يدل على أن داخله طيب وتأكدي أنه لو كان خبيث كان ما قال لك عن هالأشياء
وكان خبى عليك ولا فتح الموضوع وسوى كل شي من وراك..
فبما أنه فتح الموضوع، يكون عليج مسؤولية كبيرة وهي شلون تغيرينه.. بس قبل هالشي
شوفي معاي الآية الكريمة:
((إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ)) سورة القصص -56
فإذا هذا أول شي لازم تحطينه في بالك، أن الهداية بيد الله عز وجل فتوجهي إليه
وأكثري من الدعاء وقومي الليل وأطلبي من الله أن يهدي زوجك ويجعله قرة عين لك
وأن يمن الله عليه بالتوبة النصوح وأن يغير حاله للأفضل وأن يجعله زوج صالح لكِ..
أمر آخر، في أثناء محاولاتك لتغييره حاولي ما تضغطين عليه لأن الضغط راح يجيب نتائج
عكسية.. حاولي أن تكون محاولاتك ممزوجة بالحب والحنان والعطف عليه.. وحسسيه إنج خايفة
عليه وايد وأنج تبينه يكون الأفضل علشان جذي ما تبينه يسوي هالأشياء..
وما أنصحك إنك تقولين لأي حد من هلك .. أستري على زوجك ولا تفضحينه
لأن صدقيني إذا الله من عليه بالهداية (وأسأل الله ذلك) صدقيني أنت بتنسين إللي صار
وهو بينسى بس الناس ما راح تنسى وبيتذكرون هالشي فيه دايم.. أستري عليه حبيبتي..
سؤال ممكن يساعدك، هل تحسين أنه زوجك إذا ذكرتيه بالموت وبالقبر بيخاف؟؟
إذا كان كذلك فحسسيه برهبة القبر وعذاب القبر والنار وبعقاب شارب الخمر والمسكرات
وبعقاب العاصي وفي نفس الوقت بيني له أن كل عاصي له توبة بإذن الله
وأن التائب له أجر عظيم والجنة تنتظره وذكريه أن الله سبحانه وتعالى يفرح بتوبة عباده
وفيه محاضرات لمشايخ من أروع ما تكون، ممكن تهدين له إياهم عل وعسى يكونون
سبب في هداية زوجك بإذن الله..
توكلي على الله حبيبتي وأدعي أن ربي يسهلها عليج وتكونين سبب في توبة وهداية زوجك
وتأكدي دايم أن كل شي بأجره.. حسسيه أنه غالي وأنك تحبينه موت وكل إللي تسوينه
من خوفج عليه في الدنيا والآخرة ..
والله يوفقج إن شاء الله ويهدي زوجج ويأجرج بكل الخير إن شاء الله
و السلام عليكم ورحمة الله وبركاته
ن
31-08-2005 | 04:01 PM
هاج اختي روحي معاه العمرة اولا بعدين روحي معاه الحج ودائما نبهية للصلاة في المسجد واحرصي على قراءة القران جدامة ولا تحاولين تتركينة بروحة خاصة اذا كان متملل وحثية انه يصادق ناس من المسجد وحلج معاه والله يهدية لج ان شاء الله
س
31-08-2005 | 04:13 PM
اختي الغاليه
مثل ما قالو البنتات خلج دايما وياه لا تهدينه ودايما ذكريه ان من ترك شي لوجه الله عوضه الله خيرا منه
الله يوفقج انتي وياه وعالجي الموضوع بالهون لا تستعجلين على اخذ القرارات
وفي النهايه
سفيره فوق العاده
مثل ما قالو البنتات خلج دايما وياه لا تهدينه ودايما ذكريه ان من ترك شي لوجه الله عوضه الله خيرا منه
الله يوفقج انتي وياه وعالجي الموضوع بالهون لا تستعجلين على اخذ القرارات
وفي النهايه
سفيره فوق العاده
:
31-08-2005 | 04:28 PM
اولا خواتي اشكركم على كلامكم انا مابعد تفعل اشتراكي
وبضطر ارد عليكم بعضويه الاخت قمر فاتمنى ان مايكون في لبس
احزان شكرا اختي لكن وش فايده الحب بدون الاحساس بالثقه والامان؟
وبضطر ارد عليكم بعضويه الاخت قمر فاتمنى ان مايكون في لبس
احزان شكرا اختي لكن وش فايده الحب بدون الاحساس بالثقه والامان؟
ه
31-08-2005 | 04:46 PM
الله يكون في عونك صحيح اذا شفت مصيبه غيرك تهون عليك مصيبتك
انا ايد نفس كلام همس القلوب صراحه ما قصرت خلك جنبه ولاتتركيه واكثري من الدعاء له وان شاء الله بيهديه
الله يسعدك ويهنيك ويهون عليك يارب
انا ايد نفس كلام همس القلوب صراحه ما قصرت خلك جنبه ولاتتركيه واكثري من الدعاء له وان شاء الله بيهديه
الله يسعدك ويهنيك ويهون عليك يارب
^
01-09-2005 | 11:15 AM
الله يعينك على مابلاك
حااولي تحثينه على الصلاة حتى لو كان نايم صحيه
حطي دايم القران يشتغل في بيتكم
والله يهديه ويصلحه
بس اذا هو حلف لج ممكن تثقين فيه ثقه بسيطه جدا يعني جددي حياتك معاا
الله يوفق الجميع
حااولي تحثينه على الصلاة حتى لو كان نايم صحيه
حطي دايم القران يشتغل في بيتكم
والله يهديه ويصلحه
بس اذا هو حلف لج ممكن تثقين فيه ثقه بسيطه جدا يعني جددي حياتك معاا
الله يوفق الجميع
ا
01-09-2005 | 11:41 AM
الله يعينك
:
03-09-2005 | 11:42 PM
همس القـلوب:
وعليكم السلام ورحمة الله وبركاته
عزيزتي (صاحبة المشكلة)
الله يعينك على ما إبتلاكِ به الله.. وإن شاء الله يكون لك الأجر العظيم على صبرك
وعلى محاولاتك لتغيير زوجك للأفضل بإذن الله.. صبري نفسك بإن كل شي بأجره إن شاء الله..
أول شي إللي لازم تحطينه في بالك أن كل الأمور إللي ارتكبها زوجك ما عصاكِ بها
بل عصى الله عز وجل، شرب الخمر ، الحشيش، علاقات البنات والعلاقات المشبوهة
كل هاذي الأمور عصى فيها خالقي وخالقج.. ولا تستحقرينه بالكلام إللي قاله بل أعطفي عليه
لأن كلنا أسرى لإبليس والنفس والدنيا والهوى وللأسف زوجك أتبعهم فلازم تحاولين تخلصينه
من هالأشياء.. المطلوب من زوجك قبل أنه يتغير علشانك ،
أنه يتوب لله سبحانه ويترك هالأشياء علشان الله عز وجل وبعدين يكون التغيير علشانك..
الشي الحلو في زوجك إنه فعلاً يحبك ولو ما كان يحبك كان ما أعترف لك بكل سوالفه
وهذا يدل على أن داخله طيب وتأكدي أنه لو كان خبيث كان ما قال لك عن هالأشياء
وكان خبى عليك ولا فتح الموضوع وسوى كل شي من وراك..
فبما أنه فتح الموضوع، يكون عليج مسؤولية كبيرة وهي شلون تغيرينه.. بس قبل هالشي
شوفي معاي الآية الكريمة:
((إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ)) سورة القصص -56
فإذا هذا أول شي لازم تحطينه في بالك، أن الهداية بيد الله عز وجل فتوجهي إليه
وأكثري من الدعاء وقومي الليل وأطلبي من الله أن يهدي زوجك ويجعله قرة عين لك
وأن يمن الله عليه بالتوبة النصوح وأن يغير حاله للأفضل وأن يجعله زوج صالح لكِ..
أمر آخر، في أثناء محاولاتك لتغييره حاولي ما تضغطين عليه لأن الضغط راح يجيب نتائج
عكسية.. حاولي أن تكون محاولاتك ممزوجة بالحب والحنان والعطف عليه.. وحسسيه إنج خايفة
عليه وايد وأنج تبينه يكون الأفضل علشان جذي ما تبينه يسوي هالأشياء..
وما أنصحك إنك تقولين لأي حد من هلك .. أستري على زوجك ولا تفضحينه
لأن صدقيني إذا الله من عليه بالهداية (وأسأل الله ذلك) صدقيني أنت بتنسين إللي صار
وهو بينسى بس الناس ما راح تنسى وبيتذكرون هالشي فيه دايم.. أستري عليه حبيبتي..
سؤال ممكن يساعدك، هل تحسين أنه زوجك إذا ذكرتيه بالموت وبالقبر بيخاف؟؟
إذا كان كذلك فحسسيه برهبة القبر وعذاب القبر والنار وبعقاب شارب الخمر والمسكرات
وبعقاب العاصي وفي نفس الوقت بيني له أن كل عاصي له توبة بإذن الله
وأن التائب له أجر عظيم والجنة تنتظره وذكريه أن الله سبحانه وتعالى يفرح بتوبة عباده
وفيه محاضرات لمشايخ من أروع ما تكون، ممكن تهدين له إياهم عل وعسى يكونون
سبب في هداية زوجك بإذن الله..
توكلي على الله حبيبتي وأدعي أن ربي يسهلها عليج وتكونين سبب في توبة وهداية زوجك
وتأكدي دايم أن كل شي بأجره.. حسسيه أنه غالي وأنك تحبينه موت وكل إللي تسوينه
من خوفج عليه في الدنيا والآخرة ..
والله يوفقج إن شاء الله ويهدي زوجج ويأجرج بكل الخير إن شاء الله
و السلام عليكم ورحمة الله وبركاته
عزيزتي شكرا على مداخلك المميزة
اثرت فيّ بشكل كبير
عزيزتي انا ذكرت بموضوعي انه زوجي ترك كل هالاشياء ولكني في حيره من
ان يرجع لها ويكذب علي
الحمد الله هو جه وصالحني واعتذر عن كل شيء طبعا انا ماسامحته بسهوله
لاني طلعت كل الى بقلبي واشوي هزأته بصراحة لكن بعدين سامحته والان انا
حذره اكثر معه ووعدني انه مايزعلني مره ثانيه وانا كمان ببقى وراه وبخليه يصير
ملتزم اكثر والله يقدرني
مشكوره على كلامك فتح لي امل وابواب اتمنى اكون قدها
:
03-09-2005 | 11:51 PM
نووير:
هاج اختي روحي معاه العمرة اولا بعدين روحي معاه الحج ودائما نبهية للصلاة في المسجد واحرصي على قراءة القران جدامة ولا تحاولين تتركينة بروحة خاصة اذا كان متملل وحثية انه يصادق ناس من المسجد وحلج معاه والله يهدية لج ان شاء الله
الف شكر عزيزتي على مرورك
انشاء الله ماراح اتركه لحاله ابدا
:
03-09-2005 | 11:54 PM
سفيرة فوق العاده:
اختي الغاليه
مثل ما قالو البنتات خلج دايما وياه لا تهدينه ودايما ذكريه ان من ترك شي لوجه الله عوضه الله خيرا منه
الله يوفقج انتي وياه وعالجي الموضوع بالهون لا تستعجلين على اخذ القرارات
وفي النهايه
سفيره فوق العاده
شكرا على نصيحتك
انشاء الله بكون معاه وبطول بالي
ش
04-09-2005 | 04:23 AM
صحيح اللي يشوف مصيبة غيره تهون عليه مصيبته الله يكون في عونك اختي ويثبتك بس بصراحه ماني مع الاخوات اللي يقولون لك
خليك معاه خطوه خطوه لانك بتتعبييييييييييييييييييين والله بتتعب نفسيتك وعن تجربه بسسسسسسسس ياعمري اكثري له الدعاءفي جوف الليل وربي ان شاءالله معك وبيعينك
خليك معاه خطوه خطوه لانك بتتعبييييييييييييييييييين والله بتتعب نفسيتك وعن تجربه بسسسسسسسس ياعمري اكثري له الدعاءفي جوف الليل وربي ان شاءالله معك وبيعينك
n
04-09-2005 | 10:09 AM
اول شي الله يعينج على ما ابتلاج وان شاء الله كل شي يصير زين ويرتاح بالج
حبيبتي اللي ريلها يشرب مستحيل تكون ما تعرف لان من الريحة ينعرف
اذا الياهل يعرف ريحة الخمر ويقولج يع
ويمكن ريلج كان يبغي يشوف ردة فعلج لمن يقولج هالكلام سبحان الله ما تدرين
على العموم الله يحفظج انتي وريلج ويبعدكم عن كل حرام
حبيبتي اللي ريلها يشرب مستحيل تكون ما تعرف لان من الريحة ينعرف
اذا الياهل يعرف ريحة الخمر ويقولج يع
ويمكن ريلج كان يبغي يشوف ردة فعلج لمن يقولج هالكلام سبحان الله ما تدرين
على العموم الله يحفظج انتي وريلج ويبعدكم عن كل حرام
R
04-09-2005 | 10:46 AM
الله يعينك
بصراحة الموضوع صعب ولا لقيت حل .. لأن اللي يسوي هالأشياء ويكذب من الصعب اصلاحه بس مو مستحيل ولو انتي باقية عليه حاولي
بس لازم تاخذين بنصيحة ورأي احد .. حاولي تأثري عليه بأحد من اهلك او أهله تثقين فيه انه ماراح يطلع سركم لبره عشان يساعدك
بصراحة الموضوع صعب ولا لقيت حل .. لأن اللي يسوي هالأشياء ويكذب من الصعب اصلاحه بس مو مستحيل ولو انتي باقية عليه حاولي
بس لازم تاخذين بنصيحة ورأي احد .. حاولي تأثري عليه بأحد من اهلك او أهله تثقين فيه انه ماراح يطلع سركم لبره عشان يساعدك
ع
04-09-2005 | 11:39 AM
اختي العزيزة..
الله يهون عليج ضيقتج ان شاء الله ...
شوفي حبيبتي هذه كلها وساوس من الشيطان ...ما دام الريال واضح معاج لهاذي الدرجة و صريح...و كفايه انه قلبه طيب و حنون ..و الاهم من هذا كله انه يحبج...فتاكدي عزيزتي ان الشيطان مقهور من المحبة و السعادة اللي بينكم...و خواتي العزيزات ما شاء الله عليهم ما قصروا...كفوا و وفوا...بس عندي اضافة على نصايحهم الرائعة...انتي ذكرتي ان صار لج سنتين متزوجة...و لين الحين ما عندكم اطفال...حلو انج تذكرين هالشي حق زوجج و تخلينه يتعاون معاج على الاكثار من طاعة الله و السنن و النوافل و الصدقات و الذهاب معه لاداء عمرة لوجه الله ...صدقيني ان العمرة تريح الانسان و تهدي باله و تطرح في حياتكم الخير و البركة و تبعد عنكم الشرور و وساوس الشياطين....و خذي النصيحة هذي من مجرب...والله يا عزيزتي ان في ياما حالات و امراض يئسوا معاها الاطباء و الدكاترة النفسيين و المصلحين الاجتماعيين في جميع انحاء العالم , لكن دعوة صاااااااااااااااااااااااااااااااااادقة في جوف الليل,و صدقة خااااااااااااااااااااااااااااااااااااالصة لوجه الله كانت هي السبب في جلب السعادة لهذه الاسرة.....والله يوفقج حبيبتي و يوفق زوجج و يسعدكم و يهنيكم ببعض يارب و لا يحرمكم من بعض ااااااااامين.....و تمنياتي لج بالتوفيق
الله يهون عليج ضيقتج ان شاء الله ...
شوفي حبيبتي هذه كلها وساوس من الشيطان ...ما دام الريال واضح معاج لهاذي الدرجة و صريح...و كفايه انه قلبه طيب و حنون ..و الاهم من هذا كله انه يحبج...فتاكدي عزيزتي ان الشيطان مقهور من المحبة و السعادة اللي بينكم...و خواتي العزيزات ما شاء الله عليهم ما قصروا...كفوا و وفوا...بس عندي اضافة على نصايحهم الرائعة...انتي ذكرتي ان صار لج سنتين متزوجة...و لين الحين ما عندكم اطفال...حلو انج تذكرين هالشي حق زوجج و تخلينه يتعاون معاج على الاكثار من طاعة الله و السنن و النوافل و الصدقات و الذهاب معه لاداء عمرة لوجه الله ...صدقيني ان العمرة تريح الانسان و تهدي باله و تطرح في حياتكم الخير و البركة و تبعد عنكم الشرور و وساوس الشياطين....و خذي النصيحة هذي من مجرب...والله يا عزيزتي ان في ياما حالات و امراض يئسوا معاها الاطباء و الدكاترة النفسيين و المصلحين الاجتماعيين في جميع انحاء العالم , لكن دعوة صاااااااااااااااااااااااااااااااااادقة في جوف الليل,و صدقة خااااااااااااااااااااااااااااااااااااالصة لوجه الله كانت هي السبب في جلب السعادة لهذه الاسرة.....والله يوفقج حبيبتي و يوفق زوجج و يسعدكم و يهنيكم ببعض يارب و لا يحرمكم من بعض ااااااااامين.....و تمنياتي لج بالتوفيق