ترتيبات يوم ميلاد زوجي..

بسم الله الرحمن الرحيم

اول شي الف مبروك الزواج والله يهنيكم ويرزقكم بالذرية الصالحة

مشاء الله عليج حبيبتي ماخليتي شي:)

بس شوفي اهم شي في هذااااا كله طريقة عرض كل هالمفاجاة

يعني اول مايدش هو البيت فكرتي شلون بتستقبلينه؟؟؟

شوفي حبيبتي انا عندي فكرة وقولي لي اذا عيبتج

انتي اول ماهو يدش البيت انخشي وحطي

بطاقة حلوة على طاولة انتي مزينتها بالورد وشرشف حلووحطي صورته معاج ليلة عرسكم

تقولين فيها كل عام وانت بخير يااغلى ناسي وبس هو يفتح البطاقة ويقراها انتي شغلي الليتات وطلعيله

يعني لاتخلينه يشوفج اول مايدخل اليــــــن يقرا البطاقة

وانا افضل تلبسين تنورة قصيرة ولاتنسين خلي ريحة البيت حلوووة وقوية عشان يستغرب من الاجواء

وشي اخير نفس اليوم الصبح لاتقولين له كل عام وانت بخير!! سوي روحج مشغولة لدرجة انج ماتذكرتيه عشان يتفاجا اكثر

والله يوفقكم

#رومانسية#

ماشاءا لله عليج ابدعتي وشكلي باخذ افكار من عندج لانه عيد ميلاد زوجي شهر 9 والله يوفقنا وياكم عسى:):)

ما شاء الله عليج اختي افكارج حلوه وعسى تتهنون العمر كله

بس بقول لج رايي

البسي التنوره مع التوب احس احلى في النهار

و ممكن في الليل تلبسين قميص النوم

[grade="008080 808080"]ماشـــــــــالله عليــــج

meaw

افكارج وايــد حلوه وبسيطــــــــه
بس صدقيني راح يكون اثرها وايد حلو ان شـاء الله

الله يهنيــــــــكم يارب طول العمر ويسعدكم
ويرزقكم بالذريه الصالحـــــه باذن الله

وانا رايي من راي اختي رعبوب
البسي التنوره والتوب بالنهار احلى وسوي حركه بشعرج او حطي شباصات حلوه لونها احمر
وقميص النوم خليه بالليــــل وخلي شعرج منسدل لا تربطينه
وحطي موسيقى حلوه يعني سوي بعد جو ثاني
وخلي اليوم بطوله حلو وذكرى ما تنسي

الله يوفقكــــم الى كــــــــل خير [/grade]:)

الله يهنيج ويسعدج............... ويوم ميلاد سعيد لزوجج

امممم ماشاء الله عليج كفيتي ووفيتي...

بس مادري ليش ماتسوين هالحفلة في الليل عشان تكون الحفلة احلى......... لانه الظهر الواحد راد من الدوام ماله بارض..
يادووب يتغدى ويرقد.. مابياكل كيك ويشرب كوفي..

وإلا شو رايكم؟

ما شاء الله افكار كثير حلوه

ترتيباتج تشبه ترتيباتي يا اختي..

و أترقب هاليوم بفارغ الصبر.. عشان أشوف مدى نجاح الفكرة..

بس عندي شوية أشياء.. أخاف يخترب التخطيط عليها..

1) اني ساكنة بيت أهل ريلي و غذاي و عشاي معاهم.. و اول مرة أكون بالبيت و ما نتعشى معاهم.. فمب عارفة كيف اتصرف..

2) ريلي من يرد من الدوام يا دوب يتغدى.. على طول للكلية و جدوله على ذاك اليوم يعتمد ع المدرس.. ما ادري بيرد 7 لو 9..

فمب عارفة كيف أنظم نفسي لهالشي و كيف أتصرف.. هل أصلي و أبدأ أتجهز.. و إلا كيف مب عارفة؟؟



المهم الله يستر و تعدي هالليلة مثل ما مخططة لها.. و ناوية احط لكم صور تجهيزاتي ان شاء الله ..عشان تستفيدون من الفكرة..

#رومانسية#..الله يبارك فيج و مشكوره على الفكرة.. :) ما يمديني أحط صورة العرس بس أنا ناوية أنخش في غرفة النوم.. خاصة انه ما يعرف اني رديت من الدوام (أنا أوصل بعده بساعة!!!).. ما عليه ان شاءالله في المناسبة اليايه بسوي فكرتج :)
اليوم يوم ميلاده الله يعديه على خير!!!!

بشبشه.. شكرا على المرور.. يالله نتريا نسمع تخطيطاتج :)

رعبوب.. شكرا حبيبتي .. خلاص ان شاءالله بلبس التنورة.. من زماااااااااااااااااااااااااان أتريا البسها!!! :)

الغالية.. مشكورة الغالية.. عن شعري سويتله شباصات بروحي في البيت.. اشتريت ورد مجفف من لايف ستايل (ورد جوري كامل و فيه ريحة)..و يبت مقابض شعر (bobby pins) اللي شوي مفتوحة مثل حرف U.. و لصقت الورد بالsuper glue :) أولا يناسب الورد اللي بنثره على السرير و ريحته حلوه :)

خواطر.. أنا بعد كنت أبا في الليل بس ادري ما بقدر اتجهز.. أولا ما بدري متى بيطلع و متى بيرجع و أخافه يوصل و أنا مب جاهزه (صارت فيني قبل!).. أما الكيك و الكوفي مب مشكلة.. انخليهم العصر! :)

زهروان.. مشكورة :)

جنة العشاق.. والله أحس فيج لأنا احنا بعد الغدى والعشى في بيتهم! ما شي غير أنج تترخصين من عمتج في هاليوم.. أدري فشله بس شو نسوي! أنا لين ألحين ما قلت لها.. أدري بتقول على هواكم بس أخافها تشل في خاطرها..
و حاسه فيج بالنسبة لجدول ريلج.. أنا اداوم و ادرس وكنت خايفه يكون عندي كلاس بس الحمدلله ماشي..تعرفين شو تسوين؟ انتي جهزي كل شي على اساس انه بيرجع الساعة 7.. و طرشيله مسج وهو في الكلية انه يتصل فيج يوم يطلع لأنج تبين شي من السوبرماركت.. بهاي الطريقة تعرفين متى طلع! :)

مشكوره على هالافكار الحلوه انا عيد ميلاد زوجي في شهر9 وكنت افكر في شي والحين الحمدالله ساعدتيني...

بنت النور.. العفو.. و مشكورة على المرور.. :)

ماشاء الله

الله يهنيكم

مرحبا بنااااااااااااااااااااااااااااااااااات..
البارحة كان اليوم المرتقب.. بعد ما كنت مرتبه كل شي طلعت من الدوام (الدريول تأخر علي!!).. و رحت أييب الباقة (طلعت نص نص! حلوه بس الورود تعبانه شوي!).. و أنا راده البيت زححححححححححححححححححمة!!!! أعصابي تعبت لأن وايد أشياء اختربت.. :(
أول ما وصلت طرشت الدريول اييب الكيكه من مستر بيكر (ما لقيت cheese cake و اضطريت آخذ وحدة مال الكوفي.. بس الحمدلله طلعت اوكي)..! و رحت بسرعة ملحق أخو ريلي.. لأني نفخت البالونات هناك و خشيتهم عند مرت أخوه وحليلها!!! :) و كنت مجهزتنهم و رابطتنهم بخيوط ويا بعض بس لقيت هنتين صغرو شوي! بس ماعليه.. ركضت في عز الحر تحت الشمس ملحقنا و أنا أدعي أن محد يشوفني (قفطه) خاصة أن احنا و أهله في نفس الحوي..! فتحت كل المكيفات من الحر و أنا أدعي اني ما أعرق و أضطر أسبح!!! خاصة ان شعري اخترب شوي من الحر!!
بسرعة غطيت السرير بالفراش اليديد.. ما لبسته تلبيس بس حطيته ديكور.. بس لبست المواسد.. و نثرت الورد.. و حطيت الهدايا على السرير.. علقت البالونات و طلع شكلهم حلو :)
رتبت الشمع في أماكنهم و سويت قلب بالشموع الصغار على الأرض.. طبعا دخنت المكان كامل.. و رحت أتلبس..
اللبس كان تنورة سودا و حمرا قصيرة من برومود.. و توب حلوووووووووووو من جنيفر.. و لبست ستوكينج أسود.. السشوار اخترب شوي فبسرعة بسرعة سشورته مرة ثانية و رفعته و حطيت التوك اللي سويتهم بالورد المجفف دور ما دير.. و نزلت خصل.. و طلع حلو.. و بعديييييييييييييييييين اتذكرت أني ما غسلت ويهي و أسناني عشان المكياج!!!!!! بسرعة بسرعة و بدون ما أخرب شعري اتغسلت.. المكياج كان على السريع لأنه زوجي طرشلي مسج على باله أنا في الدوام يقوللي انه بيرجع من وقت شوي و اذا أبا شي من السوبرماركت.. أكيد قلتله هيييييييييييييييه عشان أكسب الوقت و بسرعة حطيتله شمعتين في الصالة أول ما يدخل من الباب و نثرت ورد.. و في الممر سويت نفس الشي.. و ولعت كل الشموع و يلست اتريا!!! و اتريا!! و اتريا!!!!!!!!!!!!!
تأخر الحبيب و الشمع اللي على الأرض قام يذوب!!! و وحده انطفت و سوت ريحة!!!!!! :( قمت اتذكرت ان شي شموع غير و حطيتهم مع ان الشكل كان غير و خرب شوي بس شو أسوي؟؟ و يلست اتريا!!! و اتريا!! و اتريا!!!!!!!!!!!!!
بعدين الله الهمني و يبت الكاميرا و يلست أصور الغرفة للذكرى :) و يلست اتريا!!! و اتريا!! و اتريا!!!!!!!!!!!!!
و فجأة.. سمعت صوت الباب.. و الأكياس.. و اسمعه يمشي شوي شوي.. و دخل و هو متفاااااااااااااااااااااااااااااجئ!!! لأنه أبدا ما توقع اني في البيت :) طول الوقت يتحراني في الدوام :)
كنت حاطة في الغرفة جلابية ماله مدخنه و عليها ورد.. و خليته يبدل و ينفخ الشمع اللي على الأرض كأنه على كيكه.. استاااااااااااااااااانس :) لا و أنا كل شوي التوك تطيح من شعري جدامه!!!
كنت بييب غدا من بيت أهله عشان نتغدى روحنا بس ما مداني فلبست العباه و الوقاية على ثيابي و رحنا تغدينا بسرعة و ردينا.. قطعنا الكيكه و شربنا شاي حليب.. اللي طلع بارد!!! لووووول!!!! بعدين فتح الهدايا.. استانس على الimate بس طلع فس خاطره واحد ثاني بعده ما نزل! و استسمحني في انه يبدله...! كنت متوقعة هالشي فاحتفظت بالفاتورة...
بس الحمدلله.. عدى اليوم على خييييييييييييييييييييييييييييييييييييييير....

و سلاااااااااااااامتكم!!! :)

عجججججججججججججججججيييييييييييييييييييببببببببببببببببببببببببببهههههههههههههههههههههههههههههه
الفكرة الله يهنيج إن شالله

و انا غدا اليوم المرتقب.. ادعولي .. يعدي كل شي حسب التخطيييييييييييط

يا رب

هااااا جنة العشاق شو صار في ترتيباتج؟ :)