خطيبي ضربني ياعالم وأنا جالسة معاه في بيت أهلي..!!

السلام عليكم ورحمة الله وبركاته
هلا يالغالية............ فديتج كنت بنصحج انج ماتستعجلين وتفسخين الخطوبة000000000وحاولي تعطيه فرصة ثانية.............بس اول تأدبي على نه مد ايده عليج بحيث يتوب ومايفكر يكرر
وعليج بالصبر

و الله يا أختي انه لو مد ايده علية وقت الخطبة

الله يستر شو بيسوي بعدين !!!!!!!!


شوفي أحسن شي انج تكلمين ابوج و خلية هو يتصرف قوليله كل شي و هو طبعا بيحل المشكلة بيعرف يتصرف

إذا هو يستاهل بيخليع وياه أوذا لا الانفصال أهون

اختي ما بخبي عليج صعقتيني يوم قلتي انه بيخنقج

شو دراج ما عنده مرض نفسي ؟؟؟؟ يمكن بعدن يقتلج لسبب بسيط

فشو أحسن الموت و لا الانفصال

انا ما قاعدة اقوا انفصلي عنه و لا أحب افسد بين الناس


بس الموضوع يحتاج الأهل يعرفون عنه و يتدخلون

مثل ما قالوا الموضوع يحتاج إنك توصليه لأهلك....

وأهلك أدرى بمصلحتك... وهذا الموضوع ما ينسكت عنه صراحه....

ولو صار تصالح بينكم أول شيء لا تسامحيه بسرعه عشان يتأدب وما يكررها مره ثانيه

الله يستر عليك أختي....

هلا ختيه أنا الصراحه أنصدمت أول ما قريت العنوان ...................شوفي الغالية أنتي ماذكرتي الموضوع أو السالفه الي خلت خطيبج أيثور ويمد أيده عليج (( يمكن أنتي اتشوفين الموضوع تافه أبنظرج بس هو يشوافه كبير )) أو يمكن يكون الريال يمر بمشكله أو ظغط وما حب يقوالج وهذ الي خلاه ما رام يمسك عمره في هالوقت فأنا أنصحج أنج تيلسين مع حد أكبير يعني أختج الكبيره أذا كانت متزوجه ممكن أتفيدج في حل هالمشكله وأنصحج نصيحه يا ختيه أذا كنتي بعدج باقيه على الريال وتبينه لا تقولين لأمج وبواج حاليا لأنهم طبعا ما بيرضون ألبنتهم الي صار وشي طبيعي بيطلبون الأنفصال أنتي المفروظ تقعدين مع نفسج وتشوفين أيجابيات هالريال وسلبياته ولا تنسين الأستخاره وأنتي تقررين لا تتسرعين وتخلين الشيطان يدخل أمبينكم صدقيني بتندمين عقب وأنتي أبرواحج أتقوالين أنه الريال أيحبج .............................بس هذا ما يمنع أنج أتأدبينه وتثقلين عليه اشوي عشان ما يكررها مره ثانيه وأنا متأكده أنج بتردين وبتبشرينا ان شاء الله الله يهدي سركم ويجمعكم عن قريب أنشاء الله ...........................لا تنسين أطمنينا عليج

يمكن خطيبك عصبي زياده عن اللزوم

يمكن كان يمزح معاك>>>>>>>>> أتمنى!!؟

عموما استشيري اهلك افضل

السلام عليكم..

من جد انا تروعت عليك اختي..

ومن رأي..

اتوقع انك لازم تعلمين على الاقل الوالدة ..او وحده من خواتك..لانهم عارفينه اكثر منا واتوقع نصيحتهم لك بتكون بصالحك..

لان الضرب مو شي هين وينسكت عليه..والله اعلم ماهي ظروفه

وبعد ماانصحك تقررين بالانفصال الا بعد تفكير سليم ميه ميه...

والله يكتب لك مافيه الخير..

والله انا اشوف خلي الموضوع بينك وبينه هالمره وعطيه مجاااال بس حاولي تعاقبينه حبتين

وواضح انه عصبي وما يقدر يتفاهم الا باليد <<<< وهاذي مشكلة

بس انتي المفروض ما تثيرينه او تحاولين استفزازه وهو معصب ... يعني بس يعصب انتي هدي

لكن اذا حاول يضربك مرة ثانية لازم تخبرين فرد من اهلك يكون عاقل وحكيم ويلم الموضوع بهدوء

السلام عليكم ورحمة الله وبركاته
عزيزتي الموضوع فعلا خطير
والحقيقة انا اخترعت يوم قرأت الموضوع
وبعدين مهما الي صار بينكم كيف سمح لنفسه
ان يمد يده عليج 00وياليت بعد الزواج ؟ في فترة الخطبة عاد!!!!!!!مو المفروض
أنها فترة الحب والغزل ولال شو !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الحقيقة أنا ما اعرف انصح واخاف أننا نحن البنات نخرب عليج حياتج.علشان جذي
تقومي بعدة خطوات :
1) استخيري الله واكثري الدعاء واسأليه أن يوفقك ويرشدك لطريق الصواب
2) خبري اهلج على الي صار مهم وايد أن يعرفوا السالفة لآن خطيبج لازم يعرف
ان وراج أهل يقدرون يوقفونه عند حده علشان ما يتجرأ ولا يفكر في يوم من الايام
ان يمد ايده
3) وأخيرا أنت ادرى بخطيبج وبمعدنه بس الموضوع فعلا يبغاله تفكير اعتمدي على ربج
وتوكلي عليه


الله يوفقج ويسعدج

انا اشوف انج ما تقولين حق احد عشان ماتكبر السالفه

و لا زم تفهمينه و تكلمينه لان الواحد اذا تعود على الضرب بعدين بيصير عنده عادي

انتي عطيه فرصه اخيره و ان شاء الله مايصير الا الخير

و اذا اهوه كان من النوع العصبي انتي حاولي دايما تهدين الامور

و اذا تكرر هالموضوع لازم تخبرين هلج

^&)§¤°^°§°^°¤§(&^مثل ماتفضلت ختيه لب الفؤاد ،،،احنا ماعرفناا شو السالفة وشو هالموضوع اللي خلاه يعصب عليج لهالدرجة،،،عموما يمكن ايكون موضوع خاص فيكم وماتبين اتخبرين حد به،،،،بس اذا كنتي متاكدة انه الريال ايحبج وشارنج،،،،لا تستعيلين وحاولي انج تتفاهمين معاه انتوا روااحكم وبس ،،،،،واذا عادها مرة ثانيه،،،،ممكن تلجئين لشخص متفهم يحل الموضوع،،،،،،،تمنياتي لج بالسعـــــــــــــــــــادة^&)§¤°^°§°^°¤§(&^

السلام عليكم ورحمة الله وبركاته

ينقل لركن قضايا و حلول...


أختي العزيزة...أولا إحنا ما عرفنا الموضوع...و ما عرفنا نيته من ضربك...

يعني كان يمزح واللا كان يستعرض واللا إيش باضبط ؟

و إنتي ما كان رد فعلك على الموضوع ؟

بلاش تدخلي أحد بينكم و أصبري شويه و فكري بهدوء من غير عصبية...

يعني ممكن اليوم و بكره ما تكلميه...و بعدها عاتبيه بشدة و قولي له أنا هذا التصرف ما أقبله...و كنت ناوية أقول لوالدي...و قلت خليني أتفاهم معاكي الأول...

شوفي مبرراته و إسمعيها...

.و إن شاء الله خير...

هلا اختي

مثل ما قالوا البنات اتمنى يكون الموضوع مزحة ثقيلة من ناحيته لان الضرب موضوع مش هين وينخاف منه
اهم شي انك اتكونين هادية ومطمنة لانك للحين بالبر ومحد بيغصبك على امر انتي ما اتريدنه
فاتروي في الموضوع وانا اقول ما اتخبرين حد من اهلك الا بعد ما تتأكدين انه هذا اسلوبه في التعامل

حاولي تتعرفين اكثر على اهله يعني هل الضرب عاده في بيتهم او لا؟
ومن ناحية ثانيه طولي فترة الخطوبة اخضعيه لا كثر من اختبار اتحاولين فيهم انك شوي اتثيرين اعصابه عشان اتشوفين كيف بيتصرف واذا بيمد ايده عليك مره ثانية او لا
الله يوفقك للي في خير لك في دينك ودنياك

والله الي هذا اوله ينعاف تاليه من اولتها ضرب وخنق لا يبه خبري ابوج يكلمه ويقوله انج موب للضرب يبيج يحترمج ويكون النقاش الهاديء طريقتكم بالتفاهم موب الضرب والله حتى المزح ما ارضى زوجي ابو ولدي يمد يده شلون لو توك على البر عل العموم فكري عدل واستخيري الله وشوفي اذا يستاهل المسامحه لو لا

الصراحه بقولج اختي يوصل لدرجه انه يضربج لا لازم ما تسكتين عن هالشي احينه مالجين ويضربج باجر اذا تزوجتو شو بيسوي فيج
مهما كان نوع الخلاف الي بينكم مو المفروض ايمد ايده عليج
ولازم اتعرفين كيف تتصرفين وياه
مو اتردين له كان ما صار شي
الريال انتي تقدرين اتغيرينه من ايام الملجه مو بعدين ترا اذا اتعود صعب انج اتغيرينه
الله وياج

السلام عليكم ورحمة الله وبركاته


شلونك اختي مصباح كفيف ؟ اتمنى تكونين بألف خير ان شاء الله ............

اذا هذي اولها يا الغاليه ؟؟؟ شوفي عطيه فرصه ثانيه بس على شرط ان ما يمد ايده مرة ثانيه و لا يحاول ان يكررها لانه شكله عصبي حيـــــــــــل ، لانه اللي يضرب زرجته ما يحترمهااااااا !!


تحياتي لك يا الغاليه .......

حبيبتي صراحة أول ما قريت موضوعج عورني قلبي عليج

أنه رأيي من رأي الاخوات أنت اخبر بخطيبك إذا اتحسينه رجل شهم ويستاهل تعطينه فرصة ثانية فأنصحج ما تستعجلين إذا كان الريال شاريج وثاني شي الواحد ساعات ايمر بأوقات عصيبة بل مسألة الضرب هذي وايد كبيرة

أختي انصحج انج تقعدين وتتكلمين معاه قبل ما تدخلين احد ساعات الاخرين ما يقدرون يفهمون مشاعرج

إذا اتحبينه كلميه وحاولي اتقولين له إنه إذا عاد المسألة ما راح تبقين معاه

وإذا اقنعج وتأكدتي إن الشي ما بيتكرر عطيه فرصة ثانية ترى الوحدة مو كل يوم بتلقى رجل يصونها ويحبها والحياة مو سهلة

إذا اتحسين انه ما اقتنع بكلامج وان هذي اسلوبه كلمي احد من أهلج واللي فيه الخير بقدمه رب العالمين

أتمنى اكون افتدتج والله يسهل عليكي وطمنينا عليج

حبيبتي :
خليتيني غصب عني أطلع من عزلتي وأرد عليكي ، لازم تلحقي نفسك وتسيبك منه وهاد الكلام عن خبرة ، بنت خالي خطيبها كان بيضربها وهما لسه مخطوبين والحين بعد ما تزوجوا صار يتمادى ويضربها حتى في بيت أبوها تصوري !!! مهما كنتي غلطانة ومهما كانة خطئك فلازم هو يكون أعقل وأحسن سيبك منه هاد شخص مريض ومعقد أو عنده عقدة نقص

رائعتي مصباح كفيف ... لا اعتقد بأن هناك سبب تافه للضرب ... وخاصة فترة الخطوبة
غاليتي بين الرجل وزوجته يحدث الكثير ... ولكني لا انصحك بفسخ الخطوبة الا اذا قسناه
بالسبب الرئيسي للضرب ...انا فهمنا الموضوع اكثر نستطيع ان نأخذ فكرة عامة عن الموضوع
وهل يستحق ام لا ...

تقديري واحترامي

العتب

على فكرة اختي انا لو مكانج اخبر الشخص الكبير في العايلة عشان يتصرف في الموضوع بسرعة ، وانا رايي الشخصي اخليه يولي حتى لو احبه هذا ممكن يذبحني (والله المستعان)