خواتي ابي مساعدتكم ومشورتكم .... بسرعة

وينكم خواتي ... ولا حد رد

الصراحه ماعندي اي فكره لاني ماصار معي ..بس اذكر صار لحميتي كانت بالشهر الثامن بس قالتلها الدكتوره اتخفف من السكريات والحلويات اللي عندي الغاليه والسموحه..

و الله يا اختي ما اعرف شو نصحتج الدكتورة ؟

اختي العزيزة...
انا الحين بحملي الثالث و هالمرة اول مرة يطلع فيني ارتفاع بالسكر....اول شي لازم تسوينه تركي عنج القلق و التفكير و تعاملي مع الموضوع طبيعي جدا لان القلق ممكن يرفع السكر عندج , ثانيا ابتعدي شوي عن السكريات و الاطعمة الدسمه,يعني مثلا خففي من نسبه السكر في الشاي و القهوة , وقللي من اكل الحلويات و الشوكولاته والكيكات و الفواكه اللي تحتوي على سكر زيادة مثل العنب و الموز و الكرز و الشمام و الاناناس, بالاضافة الى الاطعمه الدسمه كالوجبات السريعة والارز و المعكرونه و البطاطا المقلية و اعتمدي على اللحوم المسلوقة والشوربه و السلطات , هذي الاصناف راح تغذيج و بدون ما تضرج بنسب كبيرة من السكريات و النشويات و السعرات الزائدة , الشي الثالث اللي ممكن يساعدج على تخفيف السكر هو المشي و الحركة , بس عندي ملاحظة ديري بالج لا يصيدج هبوط في السكر , علشان جذي احرصي على مراجعة الطبيب......و ماعليج شر ان شاء الله