بنات ممكن تفيدوني في.............

ع

عضوة

30-08-2005 | 07:54 AM

السلام عليكم ورحمة الله -تعالى- وبركاته..
شخباركم يا بنات؟؟؟؟؟ انشالله تمام..

بنات حبيت أسأل شو هي التغذية المناسبة لمرضى الأنيميا؟؟؟؟؟؟ لأنه ربيعتي عندها الأنيميا.. وهي متزوجة صار لها أكثر عن سنة وتبي تحمل.. وما تقدر بسبب المرض.. تخاف إنها تأثر على الطفل إذا حملت..

ممكن تفيدوني شو العلاج الحقيقي لهالمرض؟؟ ولأنه الدكتورة قالت لها إنه علاج الأنيميا أقل شي ياخذ مدة 6 شهور.. وهي فترة طويلة نوعا ما..

فيدوني بنات يزاكم الله ألف خير..

ص

صلصوحه

عروس ماسية

30-08-2005 | 08:55 AM

انا رايي انها تمشي على راي الدكتوره

ك

كويتيه مذهله

عروس نشيطة

30-08-2005 | 09:28 AM

اول شى ماتشووووف شر رفيجتج وبالنسبه حق الحمل ماانصحها فيه الحين لانه فعلا نقص الحديد يأثر بشكل او بأخر على نموو الجنين وهى اكيد مو بس بالحديد عندها نقص اكيد عندها نقص بباجى الفيتامينات والمعادن وخل تصبر اشووى لين تتعلاج عشان صحة طفل المستقبل ,.

اسئلتج هاذى بترد عليها دكتورتها هى اكيد بتعطيها الحبووب الحمر ملووووت الانيميا ,. بس انا عندى جم شغله اتمنى انهم يفيدونج !!.

خل تكثر من اكل الخظروات الورقيه خصوصا الجرجير لانه فيه نسبه معقوله من الحديد .. بالاظافه الى التين والكشمش " الزبيب " ..
والبنجر يحتوى على اعلى نسبه من الحديد .. اذا اكلت لحم خل تعصر معاه ليموون او تشرب ورا الوجبه عصير برتقال عشان فيتامين
سى اللى بالحمضيات يساعد على امتصاص الحديداللى باللحووم الحمرا ..

اكيد بهالفتره تنسى شى اسمه منبهات من شاى وقهوه خصوصا اثناء الوجبه او بعدها مباشره لان الكافيين اللى بالشاى والقهوه يمتص الحديد من الاكل اللى تاكله ,. وتنسى بعد شى اسمه مشروبات غازيه ..

وعموما الحديد يوجد بالكبد .. الكلاوى .. اللحوم .. العسل الاسود .. لحبوب الكامله " مكسرات " .. الخظروات الورقيه .. البقول مثل الفول والعدس .. وصفار البيض ..

ولازم تتغذى تغذيه شامله لان فيه عوامل تؤثر على استفادة الجسم من الحديد الموجود بالدم .. مثلا البروتين اللى موجود بالحليب ومنتجاته والبيض واللحوم بانواعها والبقول والفول السودانى يساعد على امتصاص الحديد هووو وفيتامين C اللى يوجد بالبرتقال واليمون والفليفله الخضرا البارده والحاره ,.

خل تستشير دكتورتها بخصوص الغذاء المناسب وبخصوص الحبووب المقويه و خل ترووح حق محل عسل زين وتطلب خلطه عسل لتقووية الدم ..

ان شالله اخصائية التغذيه عذبة الاحساس تفيدج اكثر وسامحينى على القصوووور ..

r

reemkuwait

عروس رائعة

30-08-2005 | 10:08 AM

حبيبتي لازم اتروحين لدكتورة وهو تعرف كل شي

ع

عضوة

30-08-2005 | 12:07 PM

مشكوووووووووووووورات حبايبي وايد وايد وايد..
مشكورة حبيبتي كويتية مذهلة على النصايح الحلوة.. وإنشالله بخليها تمشي على نصايحج..
بنات اللي تعرف أكثر تفيدني.. لأنه هي راحت عند الدكاترة أكثر من مرة..

ع

عذبـ الأحساس ـة

مشرفة سابقة

30-08-2005 | 06:30 PM

السلام عليكم ورحمة الله وبركاته

ماتشوف شر صديقتك بس قولي لي إيش نوع الأنيميا اللي فيها ؟؟

وإن شاء الله راح أفيدك بكل اللي أقدر عليه ..