خلطه للمنطقه الحساسه

ما ادري بس يقولون الجيليسرين مع الليمون وايد زين

جربي

الجلسرين السائل أو الكريم

والليمون الأصفر الكبير ولا الأخضر الصغير

لله يعافيكم عساه يفيدبس

صراحه ماعندي فكره انا مشكلتي الالم المصاحب عند نزع الشعر من هذه المنطقه:(:(

وانا ما عندي فكره

مشكوره على الرد والله يعين

وانا بروحي اعاني من هالمشكله واذا حد عنده الحل ايفيدنا

الليمون الاخضر احسن........ بس اعتقد الاثنين ينفعون

والجلسرين........ السائل....................

انا أيست تعبت ما حصلت حل لهذه المشكلة اذا أحد عنده حل تكفون دلونا عليه

وانا بعد وياكم،،،،،،انتظر ردود ونصايح الخواااااااااااااااااااااات،،،،

شو الجلسرين؟؟ومن وين نحصله؟
وشو الطريقه بالضبط الله يخليج

انا الي اعرفه ان الجلسرين كريم شفاف وموجود بلجمعيات والصيدليات
بس ما ادري اذا هذا الي يقصدونه الاخوات؟

بنات انا استخدم شي ووايد مرتاحة معاه وحسيت بفرق كبيييييييير خلال اسبوع الحين انا مكملة اسبوع من اكتشفت هالشي والمنطقة عندي كانت سودة وبدت تصير بنية فاتحة وان شاالله اتوقع انها تستوي وردية لان في مناطق بدا يطلع فيها اللون الوردي..وصارت المنطقة ناااااااااعمة والله العظيم..
وهاي الطريقة احس انها معقمة خصوصا بعد نزع الشعر بالحلاوة لاني بصراحة كنت اعاني من نمو الشعر داخل الجلد وانتفاخ المنطقة وامتلائها بسائل ابيض مع الم شديييييييد..
المهم الي ابي اقوله ان هاي الطريق استخدمها على ضمانتي يعني الي تحس ان فيها شي ماتسويها..والحوامل يمتنعون...
انا استخدم (الاسكينول) نعم الاسكينول..........لاتخافون لان نحن ما نحطها في المهبل... انا انظف فيها المناطق الخارجية حول الشفرات و تحت البطن....انا استخدم الاصفر الي بزيت الليمون...
طريقة استخدامها: احط عندي في الحمام غرشة الاسكينول وكيس كرات قطن....في البداية كنت استخدمه بعد كل ذهاب للحمام لانه يعطي شعور بالانتعاش ومايحرق ابدا ابدا..اما الحين 3 مرات في اليوم.. يعني على راحتكم..
اولا زيلي الشعر من المنطقة تماما حتى الشعيرات الصغيرة...خذي كرة قطن واقسميها نصين وخذي نص واحد عشان ماتخسرين القطن لان قصة صغيرة تكفي..
ثانيا حطي 3 نقط اسكينول على القطن وروحي عند المنطقة وشدي الجلد بايدج على فوق عشان تضمنين السائل يلامس كل الثنيات.. وانتي تحطين بتحسين ببرودة منعشة...افركي بحركات دائرية تحت البطن وبعدين بالطول على امتداد الشفرتين (المنطقة الجلدية مب اللحمية الحمرا الي داخل)وانزلي بين فخوذج عند الثنيات هاي اهم منطقة لانها منطقة احتكاك..
بعد ماتخلصين تريي ثواني لين مايتبخر السائل بعدين البسي ملابس داخلية قطنية وجافة ويستحسن تكون ذات الافخاذ الطويلة لمنع الاحتكاك خلال فترة العلاج..
انا هذا اسبوعي الثاني مع السائل وصرت مااقدر استغني عنه..والحمدلله رب العالمين...
ملاحظة خواتي المتزوجات اغسلوا المنطقة جيدا بعد ربع ساعة اما البنات عادي خلوه لانه مايضر..
وسلامتكم وادعولي...

هلا حبيبتي Reef ممكن تخبرينه عن (الاسكينول) لاني معرفته شنو هذااااااااااااااا :( مشكوره حبيبتي :)

مشكورة اختي REEF أني استخدم الأخضر الا على خيار استخدمه حق رقبتي واستفدت منه

عيل من باجر راح اجربه

مشكورة على المعلومة

الاسكينول سائل للتنظيف يباع في كل الجمعيات وبسعر رخيييص جدا يعني الكل يقدر يشتريه


انتي روحي الجمعيه واساليهم عنه وبيخبرونج هذا السائل واااايد زين


وارجو انج استفدتي من الرد

امس بس لقيت خلطه للتفتيح
بصراحه انا مااحتاجها لان المنطقه لونها طبيعي عندي بس حفظت الخلطه لأوقات الحاجه
ويمكن مستقبلا نحتاجها
:D2
وعلى كلام اللي كتبتها انها مجربتنها
هذي هي الخلطه

اولا : فوائد الوصفة :
1- تبيض المناظق الحساسة
2- تشدها
3- وتنعم بشرتك
4- طبيعية وغير مضرة
5-مفعولها طويل نسيبا..
ثانيا: النتائج:
تظهر نتائجها بعد اسبوعين من الاستخدام يوميا مرة او مرتين ويستمر لمدة اكثر من سنة اول اقل حسب اهتمامك ونوع بشرتك.
ثالثا : الطريقة:
1- كوب ماء ورد
2-نصف كوب او ثلاث 3 ملاعق زيت زيتون
3-معلقة ملح او سكر
4- قليل من الماء
5-نصف كوب من بودرة تالك للاطفال
اذيبي السكر او الملح في الماء حتى يختفي تماما واحرصي على ان تكون الكمية قليلة ثم بعد ذلك ضيفيها على باقي المكونات واخلطيهم جيدااا جدا
ضعي الخلطة على النار فترة قصيرة جدا حتى تكون دافئة فقط او مائلة للسخونة قليلا
ثم ضعيها على السواد في المناطق الحساسة وافركي جيدا برفق ودون الم
ملحوظة :
يمكنك وضعها في الامنطقة مابين الفخذين اي المنطقة الحساسة او حتى تحت الثدي وهي لا تسبب اي اذى ويمكنك استخداماها حتى لو كنت حاملا او ترضعي .
رابعا : الاستخدام:
استخدميها يوميا لمدة اسبوعين مرة او اكتر حسب رغبتك ولا تستحمي بعدها قبل من 2 ساعتين الى 4 ساعات حتى يتشرب الجلد الوصفة جيدا ويفضل وضعها بعد الاستحمام.



واذا طلع كلامها صحييح ادعو ليها ولاتنسوني

هلا الاميرة الحلوة
الاسكينول مثل ماقالت اختي ام خلفان سائل تنظيف شفاف ييي بالوان ونكهات تلاقينه من اصغلر البقالات الى اكبر الجمعيات..
وحياج الله

الففففففففففففففف شكر لج يا ريف
بدعيلج من كل قلبي والله
لاني ماخليت شي ماجربته وتوني شاريه الاسكينول وجربته بعد حف جسمي اول شي صارت بريولي نقط حمرا وعقب شوي راح اثرها وحسيت ان بشرتي انعم صدقوني روووعه
بس ماتوقعت ان له استخدام ثاني الحيييييين الحييييييين بجربه
والف الف الف شكر لج
والله يحقق لج كل اللي فبالج يااااااااارب