موقف محرج حصل لكٍ.....

فكره حلوه...

خليني اقولج سالفتي...

انا في البدايه زوجي يصير صديق زوج صديقتي...يعني لا شافني ولا شي...بس يسمع عني...

المهم...
يوم خطبني ..وطلب انه يشوفني....ماشالله الكل حضر...
امي ..وزوجة اخوي.(بس متغطيه..) وابوي..بس دخلني وطلع...

عاد الله لا يرويج ذيك الساعه كيف شكلي؟؟؟
الشيله خايسه كاكاو؟؟والعباة مكرسفه؟؟والوجه احمر....لا ..عاد انا يوم استحي ...اتم وضحك واتشنج من الحيا؟؟؟يعني شكلي كان ؟؟؟؟


وزوجي الله يهداه قبل لا يدخل عندي كان سامع له شريط جاسم المطوع مال الخطوبه ومتأثر فيه وايد؟؟؟
واستلمني بالاسئله؟؟؟
اول شي...
ابا اسمع منج انتي موافقه فيني واللا لا؟؟؟؟
وبعدين تم يعرفني عن نفسه..وشغله ومعاشه...

انا عاد يا ارض انشقي وابلعيني؟؟؟
وامي موعجبها الاسلوب..

وهو ماشالله يكمل....

من الاسئله اللي سألها...
وين حابه نسكن..
شو الاشياء اللي عجبتج فيني؟؟
كتى ناويه نييب عيال؟؟
كم عيال ناويه ؟؟
الاهل لا يتدخلون في مشاكلنا؟؟
الاثاث ذوق من؟؟
اقولج ما خلى ولا بقى...كله من جاسم المطوع؟؟؟

وانا بس ماعلي غير اني ااشر براسي؟؟اي وولا...

وامي تقرصني...تبيني اقوم ..وانا حالتي حاله...

المهم كان موقف حلو...
بس على طول بعد عقد القران..قلته انته شو سويت فيني؟؟ومن وين لك هالاسئله؟؟؟حرام عليك كليتني؟؟

قال لي..انا بروحي كنت مستحي منج....

كل هذا ومستحي؟؟؟

شنو هذا بناااااااااات :rolleyes::rolleyes::rolleyes:ليش كذا تجاوبومعي :mad::mad::mad:ولا مو عاجبتكم الفكره ؟ :o:o:oتراني خلاص زعلت منكم:(:confused::confused: لاتقرون وتطلعون الي عندكم اكتبوه .... اموووون (l)(l)(l)(l)(l)(l)(l)(l)(l)(l)

اختي ..عروس قديمه..شكرا لتجاوبك السريع معي :):).. وبصراحه فعلا شيء يضحك :D:D:D واللي حلى السالفه اكثر واكثر اسلوبك في الكلام ماشاء الله عليك .. ;););) ومشكوره مره ثانيه . تحياتي ..(l)اموووون (l)(l)(l)(l)(l)(l)(l)(l)

مساااااااااااااااااااااااءالخيرات
انا ابغى اقولك موقف وحده وان شاء الله يعجبك
هذي وحده طال عمرك سمينه مرررره ويوم جاها خطيبها يشوفها لبست تنوره ضيقه مررررررره ودخلت على ولد الحلال وشافها
وجلست شوي ويوم جت تطلع ماقدرت ليش
السحاب عمل عملته وخرررررررررررررررب
وماقدرت المسكينه تطلع الا والفشيله على راسها
وشكراااااااااااااااااااااااااااااااااااااا:o:o:o

هلا فيك اختي اموووون موضوعك حلو


من احدى المواقف اللي صارت لي

مره من المرات خطيبي جا البيت وكنت انا نايمه وقالت له امي روح خلها تقوم من زمان نايمه 00000

المهم هو المسكين جا بكل هدوء ورومانسيه يبي يصحيني وانا من النوع اللي اصحى بسرعه وتخيلوا ان الغرفه كانت مظلمه شوي وهو ماقصر لابس بلوزه سوداء ويوم جا بيصحيني صحيت انا قبل ماهو ينطق وانتبهت له وجلست اصرخ واصرخ فضحت البيت والجيران<<<<<مسكين ماتسوى عليه:D:D:D
كان على بالي انه حرامي :D:D:D:D:D
ولما انتبهت انه خطيبي مش حرامي حسيت اني محرجه منه واني خربت عليه لحظته الرومانسيه:o:o:o:o:o

وأنا بخبركم عن سالفة بنت خالتي .. المسكينة في ليلة الدخلة كانت وايد منحرجة ومرتبكة وخاصة انها اول مرة تيلس ويا ريلها .. طبعا هي يلست على الكرسي الهزاز ومن الارتباك قامت تهز الكرسي بسرعة والا فجاة بووووووووووم طاحت على الأرض وريلها شافها وهو من القفطة طلع من الغرفة شوي ...وطبعا هي كانت في موقف لا يحسد عليه..

الله لا يبلينا ضحكنا عليها وايد... :)

سلام


بقولكن موقف صار لي بعد الملجة

مرة ريلي يا بيتنا وتعرفون بيتنا مافيه أحد يقابله إلا أنا وأمي المهم أول ما يا مسكت دلة الشاي وأوني بكب أمي تقولي وعاد جدامه لا القهوة أول :o




:o


المهم جبيت القهوة في الفيان وعاد ترسته قالتلي لااااا لا ترسين الفيان هندية إنت وجدامة قالتها - إحن في عاداتني نحط القهوة في نص الفيان بس - عاد ساعتها إحمريت وإصفريت وقالتلي يبالج تعليم ههههههه


عاد هاي هينة بعدها قمت وقطعت الفوالة تقطيع جمال كل قطعة كبر راسي -:o- أمي قالتلي صغيريها ما بيروم ياكلها كلها المهم ويلست وقطعت أمي طلعت من الغرفة وتميت بروحي معاه ساعتها خفت - تراني وايد خجولة - ونزلت راسي وإندمجت في التقطيع عاد هو أقول إنتي يالسة تقطعين حق منو وما عرفت شو أقول لساني إتربط بس حاولت وقلت حقكم قال شو بتعشاء ساعتها تمنيت الأرض تنشق وتبلعني المهم نزلت السكين يلست إمسح يديني بالكلينكس متعودة نسيت عمري بعدين شفت السالفة غلط بعديييييين إستوعبت وقمت وغسلت يعني برع الغرفة خليته بروحه :o
ولما سار أمي قالتيلي " وحده بنت" إنتي يبالج تعليم فنون التقديم من أول ويديد بتفضحينه


:o

بس تخيلي وحده متعودة على الشغالات شو بيكون موقفها


عندي وايد مواقف بس كل ما أتذكر بقولكم

هههه

;)ماشاء الله عليكم يابناااات

مواقف تحسدون عليها ;)

عروس قديمة ...لو أنا في مكانك

كان قلت (( شو هالريال .؟؟؟ ياكثر أسئلته )) ;) حلوه اللهجه

******

السندريلاا

بصراحة موقف لا تحسد عليه أبداً

*******

شوق العيون

أكيد أختي تقصدين ( إنه زوجك ) بس بعد ماأعرستو ؟؟؟

لكن ماتسوى عليه المسكين ...(u)

******

أفنان

الله يستر عليك بس ، لا تجيبين الأول والتالي وقت عرسك :p

عسى ماتعورت ...؟؟

*******

وحدة بنت

هههههههههههههه

يا عمري عليك ، اكيد تفشلتي فشيله مابعدها فشيلة

بكرة تصيرين أسنع ربت بيت ;)

********

في إنتظار البقية ......؟؟؟

يزاج الله خير اختي امون.. خليتينا نضحك من الخاطر..

يا حظج عروس قديمه ريلج مثقف ما شالله.. تدرين انا سمعت شريط أحسن خطبة وايد حلو.. بس المشكله خطيبي وايد خجول.. ويوم سئلوه متى يبا يشوفني (الرؤية الشرعية) ما رضا وقال مافي داعي!

انا بعدني ما عرست بس بقولكم موقف صار لوحده من اهلنا... في صبحية العرس.. كانت في الفندق ويا ريلها.. وهي اونها مستحيه.. وكان ريلها ماسك الريموت ويطالع قنوات التلفزيون.. وهو يطالع مر على قناة فيها مقابلة ويا راغب علامة.. عاد هي الله يهديها كانت معجبه وايد في راغب.. أول ما مر على هالقناة صرخت وقالت اللـــه.. خليه.. نست انها مستحيه!!! جان ينصدم الريال وقال لها شو تحبينه؟؟!!! عاد الذكيه قالتله:"هيه من وانا صغيره"... قام غير ريلها القناة ومن ذاك اليوم ما تيي غنية له إلا وريلها يغير القناة علطوول..

في أيام خطوبتنا في ثاني يوم بالتحديد بيت أهلي كان فيه ترميم وعمال والدرج كان فيه صخر وتراب وكان لما يوصل البيت عند الباب يدق علي تلفون ويصعد لي الغرفة وينزلني معاه علشان العمال على الدرج

المهم وإحنا نازلين طحت من صخرة دست عليها لا والمشكلة إني لابسة تنورة سودة ويبين الغباار فيها آنه قمت بسرعة ما همني العوار والجرح اللي صار بريولي ولا هموني العمال الموجودين اللي همني إني أقوم بسرعة بدون ما يشوفني
والحمدلله هو ما شافني وآنه طايحة بالأرض وشكلي يموت من الضحك شافني وآنه قايمة من الأرض وقالي ديري بالج وسألني تعورتي قتله لأ وآنه ركبتي متروسه دم وريولي تعورني ولما وصلنا المطعم نسيت السالفة بس أول ما نزلت من العوار قمت أعري وشافني وسألني مرة ثانية وعرف إني تعورت
والله فشلة :o