¨'*·~-.¸¸,.-~*مواقف زوجية تحتاج إلى حكمة **وحسن تصرف **انت كيف تتصرفين'*·~-.¸¸,.-~*'

السلام عليكم ورحمة الله وبركاته


عن نفسي ماعرف فعلا كيف أتصرف لاني مب معرسه





فعلا يحير ؟!!!!!!!!!!

بس بحنن قلبه على امه عشان الله يرحمنا لما نكبر وعيالنا يشلونا

ممكن امه تبا تروح بس تستحي تتكلم

او قالت لزوجة ابنها يعني لمحة انها تبا تروح معاهم كيف بيكون موقف زوجة ابنها ؟! طبعا محرج لانه اذا ماراحت بتقول هي ماتبا

تعرفون الانسان لما يكبر يحتاج للحب أكثر باعتقادي جي
فعلا فعلا يحير هالشي !!!! صراحة عن نفسي ماعرف لقلة خبرتي
بس حبيت اشارك في الموضوع لان فكرته رائعة
تسلمين على الموضوع
والله يوفقكم دنيا وآخرة

بسم الله الرحمن الرحيم

انا مش متزوجه, بس وين المشكله؟ تجي امه شو يعني عادي و انا ان شاء الله راح اعمل اللي اقدر عليه

انا اقول تجي مافيها شئ أكسب أجر فيها والله ومره ثانيه أعوضها بسفره أحسن علشان هي كبيره وصعبه تخرج مثل خرجاتنا


<<<<<<<<<<<<<<<<<<<<<<<<<<< والله سفرها هجهجهمن محل لمحل ههههههههههههههههههههه ويعطيكي أختي الف عافيه


على الموضوع الحلو

ممممممم
لو كبيرة وصعب تمشي !!!

اش فيها ناخذها ونصبر

طبعا كل واحده تقووووووووول رايها ابصراحه انا وحده راح ارفض السفر!

مش عشان ان امه راح تسافر معنا لا لانه حطني امام امر واقع وانا ما احب سياسة الامر الواقع

واذا لزم اقووووووووووله سافر انت ما ادررررررري الموقف جدا صعب ما ادري يمكن ردي كذا

لاني واثقه انه ما راح يصير فينيي هالموقف لان ام زوجي اللي هي خالتي حلووووووووووووه مره ودمها خفيف

ومش كبيرة بالسن يعني ماراح تتعبنا بس اهم شيء انه يعطيني خبر مسبق واكيد عمي اللي هو زوجها راح يجي معنا وراح ننبسط

مرررررررره مافي عندي اي مشكله بس بيني وبينكم (( احب نسافر لوحدنا احلى)):cool2:

انا للحين ماتزوجت بس لو صارلي هالموقف مابقول شي بالعكس بخليها تجي معانا وبسااعدها وبسوي لها اللي تبيه وبتم على طول اوصي زوجي عليها وجذي حتى هي بتحبني زياده وبكبر في عين زوجي لاني اهتميت في امه

الموقف صعب ... يعني اكيد مو ضد اني اسافر مع عمتي او حتى اخواته من وقت للثاني وانا سويتها من قبل

بس تعلمت الدرس السفر مو حلو مع جماعة لان كل انسان يبي راحته ويبي يروح مكان بدون ان يراعي انه لازم يكون فيه اتفاق

بصراحة مو مستعدة اخسر علاقتي باحد عشان سفر .. ومشاكل السفر اكيد راح تأثر على علاقتنا بعدين

اذا هي كبيرة .. وما تقدر تمشي ماراح تستفيد اصلا من السفر ... انا في البداية مثل شيرين راح ازعل لانه ما استشارني لاني متفقة وياه ما نسوي شي الا لمن نستشير بعض ...

بس لو حجز لها وهي عارفة انه حجز مايصير اكسر كلمته واقول خلاص ما بروح واحرجه قدام أهله ... بس يمكن يكون لي تصرف غير ما ادري ما انحطيت في هالموقف ولا راح انحط ان شاء الله لاني واثقة من اطباع زوجي ما نحب احد يروح معانا .. يعني خواتي يادوب البحرين وخواته جربتهم في دبي .. ورفعوا ضغطي رغم ان علاقتنا اكثر من قوية بس بصراحة اطباعهم في السفر لا تطاق

وتعلمت اني ما اسافر مع احد لو ايش ما صار

يعطيك العافية اختي ام سعود

حياكم الله جميعا
مشالله عليكم
الاغلبية العظمى تقبلت الموضوع بصدر رحب
جزاكم الله الف خير
وام زوجج اهي مثل امج
ومافيها شي اذا سافرت معاكم
بس السالفه يبيلها صبر كبير وطولة بال
مع العلم ان السفر لوحدج مع زوجج في قمة قمة الروعه
لانج تاخذين راحتج مثل ماقالت الاخت رومي
ولكن تمشي الرياح بما لا تشتهي السفن احيانا



دمتم سالمين
اختكم شريفة

الموقف الثاني



انتي ساكنة بشقة صغيره على حجم اسرتك تكفيك انتي وزوجك وابنائك الاثنين وفقط ولا تكفي لاحد اخر
وقال لك زوجك امي سوف تعيش عندنا ... حيث انها باعت منزلها
ولديها ابناء اخرين لديهم بيوت كبيره تتكون من عدة طوابق
ولكن زوجك عرض عليها ان تسكن عندكم
وانت شقتك غرفة لك وغرفة للابنائك الاثنين
ماذا ستفعلين ....؟؟




كيف تتصرفين ...؟







بانتظار ردودكم .....


دمتم سالمين
اختكم شريفة

تسلمين على الموضوع الرائع ..

الموقف الثاني يحيّر وايد , لكن اللي أشوفه إني ما راح أعترض و باقول له " حياها الله مكانها على الراس " و اللي باسويه
هو - ولو إنه صعب - باخلي عيالي ينامون في الصالة و جدتهم تاخذ غرفتهم لين ما الله يفرجها إن شاءالله .. : )

ماعندي مانع بعطيهاا الغرفه مال اولادي ويا ينامون عندي والا عند جدتهم لانه هيه تحبهم واايد يعني مافي اشكال وخاصة انها اختارت تعيش معاي مو معا الباجين هذا بروحه كم يسوااااا يعني المسكينه راحتها عندنا مو عند الباجين

اما الموقف الاول صعب شوي لكن تجري الرياح بما لاتشتهي السفن ونحن مو اخر مره بنسافر نعوضها غير مره

خوووووش موضوع

الموقف الأول:

يمكن ازعل شوي بس عشان عيونه حبيبي راح احط امه فوق راسي واشيلها شيل .... مثل ما يسون نسوان اخواني مع امي يحبونها فوق ما تتصورون........
وكم يسوى لو رجعنا من السفر وهي تطلب لي بالخير .... اصلا روحتها معانه بركة <<< لا وراح اسفر امي بعد بنفس الوقت عشان يتسلووووون.

الموقف الثاني:
صج نظام البيت راح ينعفس علي فوق تحت... بس شاأسوي ما كو حل راح ارتب المكان من اول وهم وجودها معانه يدل على انها مرتاحه لنا .... واجري على رب العالمين

بس لا تنسون شي مهم اذا ام الزوج رضت علي معناه ماراح ترضي ان ولدها يزعلني او حتى يدوس لي على طرف

اختي شريفة شفيج علينا دائما تحطينا في مواقف صعبة :-)

الموقف الثاني صعب جدا ....... بصراحة لو عندي بيت كبير اكيد عمتي على عيني وعلى راسي بس شقة غرفتين ويكون عندي طفلين ؟؟ مستحيل

يعني كفاية انه راح قال للوالدة بدون مايستشيرني هذا شي يمكن يخليني ارفض الفكرة .. وبعدين غرفتين بس وين اخلي عمتي واكيد ماراح تاخذ راحتها لو الأولاد ناموا معاها .. خاصة ان عندها خيارات احسن من شقتي الصغيرة

الموضوع مو انانية بس الاستقلال بعيد عن اهلي واهله كان شرط من البداية .. عشان نظل حبايب ولا تصير مشاكل

والله مااقول الا مشالله عليكم
يا عرايس منتدى عروس
كلكم حكمة
وذوق ادب واخلاق
ردودكم رائعه
ونتمنى ان الجميع يكون بالاسلوب الراقي هذا في التعامل

شكرا لكم
وانتظروا المواقف التالية


دمتم سالمين
اختكم شريفة

يسلمووووووووووو اختي شريفه بس ماشاء الله عليك

كل موقف اصعب من اللي قبله امممممممممممممم بالنسبه للموقف الثاني انا اضم

صوتي لصوت اختي روومي

وبانتظار الموقف الجاي واحب اهنيك على موضوعك جدا رائع

شكرا لك اختي
شكرا لكم جميعا على المشاركات
وعلى الحلول المطروحه


دمتم سالمين
اختكم شريفة

بنسبة للموقف الاول
عادي ممكن اتحملها لين ارجع لديرتي واخذ راحتي معاه
بنسبة للموقف الثاني
انا انسانة احب اخذ راحتي في بيتي كثير جدددددداواحس انة مملكتي التي لايمكن لاحد ان يجبرني على استضافة احد فيها وخصوصا اذا كان لامة مجال لان تذهب لاحد اخوتة الاخرين حتى لو اقتضى الامر يشتري لها بيت ثاني ان امكنة ذلك والااخوتة فيهم الخير والبركة