نداء الى بنات مصر

ماما الصغيره 26-08-2005 24 رد 3,740 مشاهدة
م
مساء الخير على جميع عضوات المنتدى الكرام
بنات كان عندى استفسار بسيط بخصوص بعض الزيوت اللى بتستخدمها بعض عضوات المنتدى وبيقولون انه رائع لاطاله الشعر ولكن معظم هذه الزيوت او كلها تقريبا هنديه تنباع عند بقالات هنديه مثل زيت انوب و زيت هيماتاج .
يا ترى فى حد فى مصر لقى اى نوع من انواع الزيوت هذى ؟
لو تعرفوا يا بنات اخبرونى لان شعرى سبب لى هلاوس سمعيه وبصريه الحقونى قبل ما اتجنن
مع العلم اننى جربت فيه انوع زيوت كثيره لحد ما بقى حقل تجارب .
اعتذر على الاطاله
بس اللى تعرف ما تتأخر فى الرد
معى خالص شكرى لكن يا احلا و اجمل عرايس فى الدنيا
p
اضم صوتي لصوتك لاني خلاص فقدت الامل في شعري ياريت حد يساعدنا
م
هاى بوسى كات مشكوره على مرورك يا قمر
انا وانتى مستنين بقيه العضوات الكرام بس يا ريت مايتأخروش علينا
y
وانا زيكم عاوزة حد يقولى
ح
وأنا كمان حد يقولي

بس عندي بعض الحلول لو تحبوا

يعني مش لازم زيوت هنديه
خصوصا واني قريت كتير عن فوائد الأعشاب اللي تنفع للشعر بجميع مشاكله ولا ريحه ولا حاجه

1- منقوع الزعتر البري
2- زيت الذره مفيد لاطالة الشعر
3- الحنه
4-السدر
5- الآس
6- الخروع
7- جوزالهند
8- الجرجير
9- الصبار
وغيرهم كتييييييييييييييير

والأهم تبطلوا شامبوهات وسيشوار جامد والشعر مبلول
واللي عايزه اي سؤال

انا قاعده أهه مستنيه
e
انا زيكوا برضه بس كنت عايزه اقول ان الخلجيات بهتمو بالاعشاب الطبيعيه وشعرهم اكتر من المصرين كتير
وهما بيحبوا يستخدمو الاعشاب النادر وجودها بس ممكن الاعشاب دى تكون موجوده فى العطارات الكبيره اوى المشهوره
او المولات فى اقسام
البهارات والاعشاب الطبيعيه
كان نفسى افيدكم اكتر بس بجد انا بسمع كتير زيكو عن حاجات ماعرفش اجبها من مصر خالص
اختكم اسراء
ر
اهلا حبايبى طيب ليه ماتجربوش خلطات حراز انا سمعت كتير بيشكروا فى التركيبات بتاعته وكمان طبيعية
م
حياتى حياه مشكوره ياقمر على ردك الجميل وعرض المساعده و لكن صحبتك اللى هى انا يعنى عندى تخلف فى ماده الاعشاب واضح انكى من مصر لذلك سوف اطلب منك الوصفه و شرح شكل العشب المستخدم مثل الاس والسدر وسمعت عن الكثيرا كل العضوات المنتدى يمدحوها و من اين تشتريها لانى جربت مره وذهبت للعطار اسئله عن هذه الاعشاب قال انها ليست موجوده عنده وحزرنى من انه ممكن يتنصب على خاصتا انى مش عارفه شكل هذه الاعشاب .
من فضلك ساعدى بأئسه اوشكت على الانتحار .
اسفه انا طماعه اوى و كمان طولت عليكى
مشكوره مليون الف مره يا قمر .
فى انتظار ردك
م
حبيبتى sh_3022
مين حراز ده ؟ عطار ؟!
انتى سمعتى بس يا ترى جربتى بنفسك؟ لو تعرفى مكانه او تليفونه ارجوكى ابعتيه على الخاص انتى ماتعرفيش انا هتجنن من شعرى .
ومشكوره حبيبتى قلبى على ردك
ولو تعرفى اى شئ عن حراز اكتبى لنا .
البؤساء مثلى شكلهم كده والله و اعلم كتير
فى انتظار ردك
r
بصى انا اخر ماغلبت روحت الحسين وجبت كتير وكتير من الزيوت بس مش عارفة هتلاقى هناك اللى انتى عايزاة ولا لا
م
Roslean حياتى
مشكوره يا قمر على ردك
بس لو مش عندك مانع ممكن تقوللى اشتريتى ايه من الحسين ؟ وجربتيه ولا لسه ؟ وهل يا ترى جاب نتيجه ؟
انا فى انتظار ردك يا جميله
ر
حبيبتى ماما الصغيرة
بصى حبيبتى حراز دة يعتبر اكبر عطار بيعمل تركيبات طبية خاصه بيه
عنوانه فى باب الخلق امام محكمة باب الخلق
هو معروف هناك روحى هناك واسالى عليه هتلاقيه لانه مشهور جدا
بس بصراحة انا مجربتش تركيباته ومرحتش عنده قبل كدة بس ان شاء الله ناوية اجربه فى اقرب فرصة
اى سوال انا فى الخدمة
ل
السلاام عليكم

شرح شكل العشب المستخدم مثل الاس والسدر


تفضلي يالغلا صوورة الاس



واعذرريني مالقيت صوورة السدر ولكاان ودي افيدكم

تحياااااااتي ....
ح
السلام عليكم جميعا
شوفوا حقولكم على حل جميل بس ركزوا معايا

اولا : الشامبوهات خلوا بالكم منها كويس حاولا تبحثوا عن الطبيعي الى حد ما
ثانيا: الأعشاب اللى بنشربها مفيده كمان للشعر
بمعنى ان أي عشب لو دورتوا على فوائده حتلاقوا انه مفيد لعلاج مش عارفه ايه كده وكده وكده وكمان للشعر
يعني شوفوا اى شركة أعشاب معروفه زي سيكم أو أصاله

نغلي ماء مش كتير كوب مثلا ونضع فيه كذا باكيت من أعشاب مختلفه
وخدوا جزء خففوا بيه زجاجة الشامبو
والباقى ممكن تبلوا شعركم من الجذور وتسيبيه مده طويله مش مشكله لتاني يوم مثلا

أما بقى الزيوت في زيوت متوفره فى مصر ومفيده للشعر جدا وبرضه الهنود والخليج بيستخدموها استخدام اساس

زيت السمسم فظيع
زيت الذره
زيت جوز الهند
زيت الخروع
زيت الخردل
زيت الزيتون البكر
زيت الصبار
زيت الجرجير
زيت اللوز
زيت حبة البركه
وغيرهم
وكلهم موجودين في مصر

بس شوفا شركه لو العطار مش مضمون
ممكن شركة أصالة

وكمان الماسكات
يعني البيض والعسل والزبادي والزبده

وحاجات تانيه

على فكره لو لقيتوا صابون غار او نابلسي شاهين الأصلي بتاع زمان أفضل للشعر جدا جدا
وابقوا حطوا بلسم معروف على أطراف الشعر

أكيد في حاجات تانيه بس ده اللي انا فاكراه دلوقتي وفى انتظار ردكم

على فكره مصر كان فيها زيت أملا وبرده حلو جدا
ر
فعلا زيت املا حلو بس ريحته قوية جدا ومش بتروح بسهولة
وكمان بيسود الشعر ويغير لونه الاصلى
بس انا سمعت من العطار ان صابونة نابلسى شاهين افضل للشعر من الشامبوهات لانها من مكونات طبيعية
بس ياترى نعرف ازاى الاصلى منها
يعنى هى ليها ماركات اوشركات مختلفة
بنات يا ريت اللى جربت تقول لينا
م
sh_3022 حبيبتى
مشكوره يا جميله على الرد .
بس بصراحه انا اول مره اسمع عن حراز هذا , بس هاجرب و اروح له و اشوف و بما انه عطار و مشهور اكيد هلاقى عنده الاعشاب اللى مش عرفه القيها فى اى مكان تانى .
مره اخرى اشكرك يا قمر
م
لؤلؤه جده يا اجمل لؤلؤه
مشكوره يا روح قلبى على مرورك وعلى ردك الجميل .
صدقنى هذه اول مره ارى فيها نبات الآس و لو اعرف انه بهذا الجمال لكنت زرعته عندى من زمان بخلاف فوائده فهو فعلا جميل جدا.
مشكوره حياتى على الصوره الجميله.
م
حياتى حياه
تعبتك معى يا جميلا , و لسه طلبه منك خدمه كمان , معلش زى ما قلتلك انا طماعه و متعبه كمان سامحنى .
انا ما لقيت زيوت الا فى الصيدليات مثل زيت الخروع مثلا , هل هذه الزيوت فعاله فعلا, يكتب عليها طبيعى مئه بالمئه , و لا لازم بتاعت العطار؟:o
معلش يا جميله ربنا رزقك بعضوه متعبه مثلى .
مشكوره يا قمر على تعبك معى . و سامحنى على الاطاله
س
اختى الغاليه


انا ممكن افيدج بحكم كثرت سفراتى لمصر ( احبها حييل)

اول شى صح فى عطار فى باب الخلق مشهور عندكم وايد

وفى الحسين حراز جمب محل يبيع بدل رقص ومحلات اكسوار اضن اسمه عبالخالق عنده زيت الحيه وانا شريت منه وزيت الحشيش

وزيوت وايده جربى اكيد طلبج عنده لان برضوا يسوى خلطات خصوصى
ح
شوفي يا ماما
أحسن حاجه نعمل انا وانتي منتدي خاص بينا احنا الاتنين بس
ونقعد نتكلم في الموضوع ده براحتنا

طبعا اللي في الصيدليه كويس جدا

بس انا قلتلك ان في اصاله وكمان بتعمل أعشاب
X