الفزعة يا كويتيات بنات جابر الخير

افاااااااااااااااااااااااااااااااا

والله ما عندي خبر بس الله يرزقج باللي يخاف اللهفيج وفي عيالج 0000 ودربالج على العيال تراهم نعمه من ربي واهم من اي شيء ثاني وانت ادعي ربي دايم وما بيخليج

الله يسر عليج امرج

بصراحه ماعندي خبره بالخطابات بس اسألي عن خطابه زينه وان شالله احد يدلج

وبالنسبه للعيال في وايد يقبلون اعرف وحده معاي بالدوام تطلقت وعندها ثلاث اطفال بنتين وولد

اعمارهم بين 5 سنوات و 13 سنه وتزوجت وعاشوا عيالها مع زوجها بأحسن عيشه مشالله

ادعي الله دايما ان يرزقج بالزوج الصالح اللي يعوضج ويعوض عيالج ...

السلام عليكم ورحمة الله وبركاته

الله يوفقك أختي و يكرمك إن شاء الله...

برجاء إرسال الرقم على الخاص للأخت...و الموقع غير مسؤول عن مدى صحة الأرقام المُرسلة عبر الخاص..

السلام عليكم
حبيبتى ادا ما حد اعطكى ارقام خطابات فى الكويت راسلينى
عندى رقمين ام عادل وام ابراهيم وماشاء الله عليهم ذووق ومحترمات
وكلهم معروفات
ووحده جات فى مقابلة قبل فتره فى مجلة بس اسلوبها مو حلوه لمن تكلميها<<شايفةنفسها
بايوو

الله يرزقج يا رب واكيد في ناس ترضي ....وان شاء الله البنات يساعدونج

[glow=FF0000]الاله يرزقج الزوج الصالح يارب[/glow]

والله اختي ما اعرف ارقام خطابات ولاعندي خبره بهالاشياء

بس الله يرزقج بالزوج الصالح اللي يخاف عليج وعلى عيالج ان شاءالله

والله سامحيني
انه ماعندي خبره بهالشغلات
وان شاء الله البنات ما يقصروون

والله يرزقج بواحد يخاف الله فيج وبعياااالج
ويوفقج وين ماترووحين :)

بصراحه يأاختي انا ادري ان الزواج ستر للمرة وعلى قولتهم ظل راجل ولا ظل حيطه بس صدقيني المرة اللي يكون عندها عيال شنو تبي غير نورهم الرياييل هالأيام المرة من غير عيال ومو ملحقه عالمشاكل ، صدقيني اشغلي نفسج بعيالج وفكري بمستقبلهم وانتي راح تكونين اقوى من جذي وان كتب لج الله زوج صالح حطي له عهد ان عيالج قبل كل شي ، انا ماقلت لج هالكلام إلا من واقع قاعدة اشوفه بكذا بيت مثل حالتج الأم كانت تتمنى زوج وللأسف العيال اهمه اللي يضيعون ولا يغرج صغر سنهم ترى الصغير اهوة اللي يركز فيه الذاكرة ويفهم كل شي

فكري عدل بموضوع الزواج قبل ماتقبلين عليه ولا تنسين انج مجربه هالشي ولا زم تخافين من عواقبه


والله المستعان

أختي الغاليه انتي لجاتي للخطابات ولكن سكروا بويهج ولكــــــــــــــــــن الجأئي لربج وصدقيني الباب مابتسكر بويهج..........قال تعالى((رزقكم في السماء وماتوعدون))........

ادعي ربج بكل وقت ولا تنسين الثلث الاخير من الليل وهالأيام العظيمه ادعي فيها..........

أختي الخطابه ممكن اتجيبلج واحد وتقولج زين وهو جدام الناس زين ماتعرفين من الداخل هالريال شوووووو بالظبط........
لكن رب العالمين ان تطلبته بدعاء خالص صدقيني ان شاء الله بيرزقج ولا تيأسين من رحمة ربج..........الجئي له بكل وقت وفي كل محنه ابواب ربنا الحمدالله مفتوحه ودعوه صادقه من القلب تفتح ابواب الرزق.............

حياتي انتي والله

انا رايي من راي شنوفة

صدقيني انتي عندج كنز ولازم تحافظين عليه ومحد راح يقدر اللي عندج غيرج انتي وبس

وانا كم مرة فكرت بالطلاق وقلت والله لو اشوف المر زواج ماتزوج ولدي اولى

بهالزمن الرجل يشبع جانب واحد عند المرأة وهو الجانب الجنسي اما الباقي لااء وصدقيني

لا بيخفف عنج ولا بشيل همج بيزيد عليج المشاكل فوق عيالج


الله يخفف عنج همومج ويحميج يا رب

مشكلة الطلاق عند وحدة عندها عيال صعبه

بس مطلقة وماعندها عيال حدها سهله

الله يجمعنا مع ريايلنا ويوفقنا ويهنينا قولو امين

حبيبتي مالج الا الدعاء والله ما الومج ادعي بالهدعاء -امن يجيب المضطر اذا دعاه- وصلي صلاه الليل ركعتين يوميا وادعي والله هالشي عن تجربه والحمدلله ربي استجاب لي عسى الله يحقق لج الي في بالج

خواتى هيه ادري بوضعها من دون زواج لا تضغطون عليها لانه صعب بهذا الزمان ويمكن تكون صغيره بالعمره ليش اتضيع شببها ياما امهات تطلقواوترملوا اصغار ولا تزوجوا وربوا عيالهم ومن كبروا كل حد نسي امه وعايش حياته ....هيه ما قاللت حيالله زوج هيه طلبت الزوج الصالح اللي يساعدها بتربيه اعيال ويهتم بيها ...مهما قلتوا الوحده في بيتها ..تشعر بالاستقلاليه لا تشعر بيها وسط اهلها ...ما ادري انا ويها انها تتزوج ...لان هذي حياه مو يوم ويومين ...والانسانه تطلب العفه ..والله يرزقها الزوج الصالح ويسر امورها يا رب ...وطمنينى عنج ...وياما بنات اتزوجوهم عزابيه ومربينه اعيالهم ...كل انسان يختلف ما شئ قاعده معينه لطبع الرجال ....

وألحي بالدعاء في هذي الايام الكريمه

ربي يسر أمرج ويفرج كربج وتحصلين خطابه زينه :)

الله يرزقج الزوج الصالح يارب

مو مشكله اختي بسيطه بس ابي بياناتج عالخاص وانا ارد عليج والله يهون عليج

الله يرزقج بالزوج الصالح اللي يهنيج ويقوم بعيالج يارب

بس حبيبتي ديري بالج من الخطابات ياما سمعنا مشاكل تصير من تحت راسهم خو الحين كل من هب ودب سوت روحها خطابه والله العالم وين تودي صورتج وبياناتج وشنو نيتها

لاتروحين لا حق وحدة ثقة وسامعه فيها من ناس تثقين فيهم مو اي احد تعطينه بياناتج وصورتج