الموظفات... ماهي الوجبه التى تقومين بتجهيزها يوميا وأنت تعملين؟؟؟؟

والله حاسة فيك اختي Wisam انا موظفة ونفس الشي اصحى من النوم الساعة 4:30 الصباح وارجع البيت على الساعة خمسة بس لمن ارجع احس نفسي خلاص هلكانة ولا عندي وقت المس اي شي في البيت

عندي لك كم نصيحة اكيد راح تخفف الضغط عنك شوي

لي عودة

عزيزتي انا دوامي من 8 الى 5 ونرجع انا وزوجي سواء.
فاطبخ يوم الجمعة مجموعة من الفطائر والسمبوسة والبيتزا واحطها بالفريزر.
كل يوم قبل لا اطلع للدوام اطلع من الفريزر اللي احتاجة واذا رجعت سخنته خلال 10 دقايق.
واحيانا بالليل اتبل دجاج بـ (ثوم- صويا صوص- زيت سمسم- شوية سكر) واحطه بصينية واقصدرها واخليه بالثلاجة (مو الفريزر) واذا رجعت من الدوام ادخله الفرن زي ما هو مع رشه ملح وليمون واشغل الفرن على 180 درجة واروح ابدل واجهز السفرة والسلطة واجي الاقيه جاهز في 30 دقيقة.
وعندك الماكرونة بالبشاميل ممكن تسوينها لكن ما تدخلينها بالفرن وحطيها بالفريزر وقبل ما تروحين الدوام حطيها بالثلاجة وطبعا تحميرها مايبي اكثر من 20 دقيقة.
حتى الكوكتيل اصلحة واعبيه في علب بلاستيك صغيرة (كل علبه فيها مقدار كاسين) واخزنها بالفريزر.
عندك كمان شوربة الشوفان ماتاخذ اكثر من 20 دقيقة في تصليحها من الالف الى الياء.
كمان السلطة ماتاخذ وقت وفيه بعضها دسم الى درجة انه يعتبر وجبه لحاله.
يعني خليني اسوي لك برنامج الغداء لكم يوم:
السبت: بيتزا+كوكتيل.
الاحد:مكرونة بشاميل+عصير ليمون.
الاثنين: دجاج محمر+ سلطة+ خبز.
الثلاثاء:شوربة شوفان+ فطاير.
الاربعاء:مرق بامية+رز ابيض.
وهكذا.. واذا تبين اعطيك وصفات لذيذة وتنتهي في نصف ساعة او اقل.. فانا حاضرة.

جيبي شغالة وأرتاحي
أحنا شو ماخذين من هالدنيا حبيبتي عيل ليش تشتغلي انتي وزوجك وتتعبو نفسكم غير عشان اتريحو نفسكم وترتاحو وتعيشو بجو فيه نوع من الرفاهية.

هو جات عالطبيخ بس وين الغسيل وين الكوي وين الخمام والمسح وغسيل حمامات وترتيب غرف هذي كله صراحة الوحده ما تقدر تتحمله إذا كانت امراه عاملة وخاصة انك تقضي 4/3 يومك بالدوام .
بس بيني وبينك ما دام ما عندكم اولاد فلا تبلشي نفسك من الحين بشغاله ممكن تجيب لك وحده بنظام الساعات عشان أتساعدك.
بس نصيحة إذا جبتيها وقتي جيتها مع رجعتك للبيت.

عن نفسي سويتها في بداية زواجي جبت لي شغاله من الجنسية الأسيوية تجلس 3 ساعات فقط من 12-3 الظهر تطبخ الغدا وتكنس البيت وتغسل وتكوي الملابس وكنت اخلي لها مفتاح البيت في مكان معين والحمد لله كنت مرتاحة من ناحية الملابس ونظافة البيت وغدانا يكون جاهز بس عاد شوفي شو نتيجة كل هذا . ملاعق البيت اختفتأغراض البيت من حليب سكر أجبان شاي وغيرها من الأشياء ما صغر وخف حمله صارت تتسرب من البيت طبعا مافي رقابة . والله أعلم شو شلت بعد بس خلي عقابها مع رب العالمين أكبر.

الله يعينك اختي

شوفي برنامج الأخت وردية إذا يناسبك كلها أشياء سهله وما تحتاج جهد بس بصراحة هالبرنامج ابد ما يناسب زوجي يا ويلي لو غديته شوربة شوفان ريلي بلدياتي يحب ياكل اكل ثقيل على الغدا عيش لحم دجاج سمك

حلو يعني مننا كثير

بالنسبة لبرنامجي عادي جدا اطبخ حق يومين ماعادا السلطة تكون طازجة وصدقيني كذا يكون اسهل بكثير
يعني اعمل زربيان - رز ابيض مع طبيخ دجاج او لحمة - كبسة - مكرونة بالتونا او باللحمة المفرومة -وووالخ اما اني اغدية خبز اعتقد يومها بيوديني بيت اهلي ههههههه

والعشاء عندنا يكون خفيف جدا مثل فول - فاصوليا - بطاطا بالحمر - بيض - وووووالخ

ولاكن المشكلة الي اتدبس فيها شغل البيت يمة كلة كوم وغسيل الملابس والكوي والحمامات كوم لان الشغالة حقي ماصارت تجي لان بنتها مريضة ومن اسبوعين وانا اوصي على ثانية ولاكن مافي فايدة الين الله يفرجها على كذا انا مضطرة اعمل كل شي لحالي واتخيلي انا حامل يوووووووه على التعب وخصوصا ها الأيام عندي ارق فضيع

الله يعيننا جميعا

مشكورين خواتي كلكم إللي رديتوا علي.... وهذا إثبات إني مش أنا الوحيده المتوهقه في هذا الموضوع......

بالنسبه لي ما عندي أي مشكله في تنظيف البيت... أنظفه 3 مرات في الأسبوع

وأنا هوسيه واجد في التنظيف... بس ما فيه مشكله...

أغسل ملابس هم 3 مرات في الأسبوع..... والحمامات غسيلهم بعد 3 مرات في الأسبوع.....

كوي غير موجود في القائمه لما أغسل الملابس في البيت هو يوديهم المغسله يكووهم....

بس المشكله الوحيده إللي أواجهها حاليا هي الطبيخ.....

أول شهر من زواجي كان الغذاء يوم من بيت أهلي ويوم من بيت أهل زوجي ونادرا من المطعم....

لما دخلنا الشهر الثاني صار تقريبا يوميا من المطعم.... لأن دوامي ما يشجع طبعا إني أطبخ....

وأهلي وأهله ما عندهم مشكله إن يعطونا غذانا بس هو عنده عزة نفس على قولته....

وصار يتضايق من أكل المطاعم فاضطريت إني أطبخ أمس حق اليوم غذاء.....

بس والله ظهري مش قادره أحركه إلى وقتي الحالي... أحسه خلاص الفقرات حق العمود الفقري تتألم.... ههههههههههه

أختي ورديه إذا ما كان عليك كلافه رسلي لي على الخاص هذي الطبخات اللي تاخذ نص ساعه أو أقل

بس أهم شيء مش بيض أو فول........ أمزح معاك

وااااااااااااو سوالفكم تونس بس الله عليكم

<<< بتنطق

صدق جالسة اتفرج على برنامجكم المتراكم واقول ويلي في المستقبل لأاني لسه ماتوظفت في الطريق إن شاء الله وراح اتزوج قريب يعني المصير واحد وقطعة ظهر وبهذلة لوووووول

:up: انا اشوف تسوين لك برنامج على هوى ما قالو البنات
وتجهزين الوجبات اللي ممكن انها تنحط بالفريزر مثل السمبوسة و الفطاير و البيتزا بحيث انك ممكن تستخدميها طوول الاسبوع
العصائر بعد ممكن تحطينها بالثلاجة ..
يعني اذا رتبي وقتك بتقدرين تتغلبين على هالمشكلة..

أنا منتظرتك يا Roomy

أتوقع إن كل الموظفات عايشين نفس الأزمه هذي....

خصوصا إللي دوامهم مثل دوامي....

بس المدرسات إللي ينتهي دوامهم على الساعه 12 أو الساعه 1 ما أتوقع إن مشكلتهم بحجم مشكلتنا...

ما سوي شي

لين الحين فيت اهلي

ولما اتزوج ان شاء الله بسوي جدول :up:

أدعو لي بزوج صالح

وفي النهايه

سفيرة فوق العاده

عزيزاتي الموظفات المتزوجات
حبيت اشاركم براي المتواضع
لعل وعسى افيدكم

ليش ما تحاولون تطبخون الكل من يوم الجمعة يعني تسوين اكثر من طبخة يعني نصف طبخة يعني مثلالا تسوين صلصلة المعكرونة باللحم المفروم وتجميدينها عقب تحطينها بس على المعكرونة
وبعد صالونه الدجاج بدون الخضار وتجمدينها بس لما توصلين حطي عليها لاخضار واطبخي ارز ابيض وبعد الكبسة سوي الصلصلة وجميديها اول ما توصلين حطي عليها الارز ويومين من ربع وخلصنا

انشالله اكون افدتكم لاني موظفة بس بعدني ما اشتغلت بس هذا راايي اذا اشتغلت بسوي هذي الطريقة
وشكرا

تسلمي أختي على الموضوع

الصراحة يشجع المتزوجة ...

أنا دوامي من الساعة 8 الى الساعة 6 ..

أرجع البيت هلكانة والله يستر زواجي بعد اسبوع ونص وما ادري شبسوي وخصوصا انه رمضان على الأبواب

أخت وردية لو سمحتي ممكن تكتبي الأطباق على العام عشان الكل يستفيد منهم

أو في حالة الممانعة ارسلي لي اياهم على الخاص بليز ...

ادعوا لي يا بنات الله يسهلها علي

اسف اقصد اني موظفة بس بعدني ما عرست لما اعمرس انشاالله باتبع هااي الطريقة

صراحة انا موظفة ولما أردالدوام خلاااااااااااص أكون تعبانه مابا حد يكلمني ارتاح شوي وبعدين تعالوا اسألوني
اختي تباني أدرسها ومادري منو يبا لوحه وامي يحليلها تباني أساعدها هي ماتقول فديتها الصراحة ماأساعدها لين هناك أكون تعبانه
لكن الحين كيفت عمري في الاجازة على الكراف يعني أشتغل وأسوي لان امي تعبت شوي الله يشفيهاو يحفظها يارب

واذا عرست ان شا الله ( ادعولي ) بقول لكم شو بس احسن اني بمجع شعري جي أحس
الله المستعان

والله يعينا كلنا يارب

يسلمو على الموضوع

[CENTER]مشكورة أختي على الموضوع المهم

أنه بعد أحس ان العملية صعبة

مسكين زوجي قاصه عليه ما يقول يبغي غداء او أطبخ له لانه اعرف اني اجي هلكانه

وياكل اي شي وهو الزين فيه ما يحب اكل البيت وايد بس عطيه اشياء خفيفة ما يقول شي

بس احاول الحين اسويله سلط واشياء اللي يحبها الخفيفة

والعشاء احاول اطبخ إذا ما كنت تعبانه

اما إذغ تعبانه يالله وينك يالمطعم

ههههههههه توني افكر في شو راح اطبخ اليوم لان زوجي رجع البارحه من السفر وميته من التعب و مالي خلق المطبخ :( و شفت هالموضوع قلت افش خلقي :)

انا متزوجه من 4 اشهر و اشتغل من 8-5 يعني اصحى من قبل الساعه 7 و زوجي شغله متاخر شوي يعني يصحى بعد ما انا اطلع و يرجع بعدي عال 6 تقريبا

طبعا لين شهر انا ما كنت اسوي اي شي...كنا عاله على المجتمع...بيت اهله او بيت اهلي او المطاعم...بس شغل البيت كان مسويلي ارق :(
بس من شهر يبنا شغاله..والحمد لله رب العالمين اموري اعتدلت....

صرت ادخل المطبخ لان كل التنظيف و الغسيل هي تسويه و تسلعدني في الطبيخ بعد :)

صح اني ميييح في الطبخ بس احاول اسوي اشيا خفيفه لانه عشا ..و زوجي يستانس طبعا :)

بس التعب الحقيقي هو اني ما اقدر اسهر لاني اكون ميته من التعب...و من الساعه 9 و عيوني تتسكر ...

مسكين زوجي ...الله يعييييييييييين

الله يوفقكم

ويسر أموركم بين العمل والزواج

مشكورين على الردود خواتي...... أنا غبت عن المنتدى 4 أيام ورجعت وقلت الحمد لله ما حد صفطني...

شو يعني صفطني؟؟؟

عزيزتي كلنا موظفات لكن انا الحمد لله من فضل ربي أجي من عملي قبل زوجي وعندي وقت أسوي الغدا لكن الفطور عادي
أي شي يعني موشرط طبخ من صبح الله شندوتش كروسون..........
وبالنسبة لك والله أنا حنيت عليك كثير لكن ممكن تسوين أشياء وتحطيها بالفريزر سمبوسك كبة صلصة مكرونة والمفروم
وممكن تجهزين اللحمة من الليل عادي وبيكون التحضير سهل عليك ولازم يكون عندك قدر ضغط يريحك كثير
الله يعينك ويساعدك