متى طلعتي طفلك من ........؟

السلام عليكم ورحمة الله وبركاته..



حبيبتي مشكلتج كوبي لمشكلتي.. بنتي ما شاء الله البارحه كملت سنه.. بس سبحان الله ما تحب تنام لوحدها.. ولما تنام عندي.. تبدء بالدبل كئي والرفسات من كل جهه..
ولما اخليها تتعمق في النوم اتركها في السرير مالها بس اتصدقين بعد 10 والا لا لا 10 وايد 5 دقايق واتقوم واتحس انها لوحدها وما اتطيع اتنام مره ثانيه..
عني انا ابغي الحل مثلج تماما.. وشكرا لطرحج المشكله وننتظر ردود الاعضاء الكريمين ان شاء الله..

وشكرا..






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

وعليكم السلام ورحمة الله وبركاته
المشكله انه بنتي كانت تنام بروحها وماشاءالله عليها وضعها كان تمام بس بعد السفره انقلبت اخلاقها وصارت لزقه

ههههههههه والله ضحكتيني أنتي وبنتك الله يخليها لك.

أنا أحس هالشي مش مشكله ياختي خليها تاخذ حنانك وريحتك شو فيها لو نامت جنبك حرام والله بعدها صغيرة ممكن لما قريب توصل السنتين تمنعيها منعا باتا من النوم جنبك بس الحين وفي سن بنتك خليها جنبك في البداية ومن تستغرق في النوم وديها لسريرها .

تعرفي أحنا كم واحد ينام في السرير 4 أنا وبنتي وولدي وزوجي أول شي أنومهم وبعدين كل واحد أوديه سريرة البنت الكبيرة اتنام لين الصبح والولد يقوم في نصف الليل وأضطر أني أحطة بالسرير معانا وبعض الأحيان من ينام أرجعه لسريرة أو خليته يكمل معانا لين الصبح لو كنت تعبانه.

أهم شي انه زوجك ما يتضايق من هالشي أنا بالعكس زوجي عادي عنده بس انا اللي اريد أعلم الأولاد انهم ينامو في سريرهم ومن الحين أخبر بنتي أقوللها شفتي الغرفة اللي جنبي من تكبري شوي بخليك أنتي واخوك فيها أتنامو .

ياحليلكم اربعه في السرير؟؟؟!!!!! كم حجمه سريركم؟؟
مايحتاج الحنان والريحه في الليل اعوضها في النهار ... بنتي انا مطلعتها من غرفتنا كلها في غرفه بروحها من سن 9 شهور وانا كنت مرتاحه انتي ماتدرين كمية الركلات والحركه اللي تسويها وبعدين تعرف اذا وديتها غرفتها وكلها دقايق بالكثير نصف ساعه وتصيح و بعدين ابيها تتعود وترجع لنظامها .... معليش اختي اعذري تدخلي في امورك .. بس انتو اربعه بغرفه وحده؟؟! صعبه كذا اذا كانت بنتك تفهم فلازم تطلعينهم

هلا بيك أختي مرة ثانية
في غرفتي 3 أسرة السرير الكبير وسرير الطفل وسرير ثالث لبنتي واللي مساعد أنه غرفتي مساحتها وايد كبيرة فيعني ما حاسة بالضيق ولعلمك بيتي طابقين وعندي فوق 5 غرف 4 غرف نوم والغرفة الخامسة مكتب . وبرغم كذا صراحة متردده لأني لو طلعت الكبيرة ما بتقدر اتنام وحدهاأو انا مراح يهنى لي نوم وهي بعيده عني وأخوها صغير بعده لكني من يكبرو شوي ناوية اطلعهم بغرفة لوحده . والحمد لله انا وأبو العيال متفاهمين من حيث الأمور الثانية.هم صح معانا بالغرفة بس كل واحد بسريرة الخاص ومثل ما قلت لك بالأول الصغير بعض الحيان يدلع ويجي ينام وسطنا . بس عادتنا ينام بسريرة.

فيعني أختي العزيزة لا تحاتي ترا معظمنا أحنا الأمهات نشكي أو تقدري تقولي نتكلم عن موضوع نوم الأطفال معانا ولو سويتي إحصائية بتحصلي معضمنا اللي أهنية أنوم أطفالنا اللي صغار معانا بنفس الغرفة.

هلا اختي
معليش بصير ملقوفه كم عمر بنتك وولدك؟
ياحبيبتي انا اللي اقصده انه غرفة النوم شي خاص و اللي يصير فيها شي خاص بغض النظر الغرفه كبيره والا صغيره ووجود الأطفال في الغرفه يخليها حوسه بدون قصد كأنها صالة جلوس و تفقد كل الخصوصيه و الحميميه.. و لازم الطفل يتعود من صغرته على انه يكون عنده مكانه الخاص زي ما ماما عندها مكانها الخاص وكل ما كان من بدري كان احسن و الأطفال يتعلمون وهم اشهر و السرير زي كرسي السياره و كرسي الأكل و المحبس لازم من بدري و كل ماتأخر تعليمهم كان اصعب ..وبعدين اذا استنينا على كل طفل سنتين او ثلاث سنين لين ما يطلع و بعدين ان شاء الله رزق ربي غيره و هاكذا اجل متى بترتاحين لمل كل شي يخرب ههههه.... صدقيني راح ترتاحين اذا صار لهم غرفه و حطي مونتر عندهم تسمعينهم مره زين كأنهم عندك ...

انا بنتي الحين مريضه وما ازعلها بس ان شاءالله لما ربي يشفيها بوديها غرفتها وبخليها لين ما تتذكر و تتعود حتى لو انام عندها اول كم يوم .. و اذا ودك علمتك ايش يصير معنا

و معليش اسفه على تدخلي في امورك .. وانتي ادرى بعيالك:o