من فيكم جربت الطلق الصناعي .... ردو علي بسرعة ارجوكم

أختي العزيزة .. فجـــــــر ..

الله يقومك بالسلامة يا حبيبتي و تولدي بصحة و عافية ..

أنا جلست في المستشفى ثلاث أيام قبل الولادة أعطوني فيها طلق صناعي

لأن تنفس البيبي كان صفر على كلامهم .. و ما كان في بوادر للولادة و لا الطلق

فكان لازم يعطوني محرض للولادة علشان سلامة البيبي و سلامتي

لا تخافي عزيزتي .. بس يبيلك صبر لا تتوتري و حاولي تقري أدعية تسهيل الولادة

و الله يقومك بالعافية ..

آنه جربت الطلق الصناعي،، لا تخافين إنشاء الله مافي شي،، آنه قبل موعد ولادتي بـ 4 أيام دخلت المستشفى للطلق الصناعي لأن حسيت أن الحركة قليلة وبعد ما كان عندي صبر وزوجي بتنتهي إجازته فحطول لي 3 تحميلات ياله أثرت فيني لأني ماكنت منفتحة ولا واحد سم،، بالعكس آحس أن الطلق يجي بسرعة وتفتكين بدل ما تنتظرين مدة طويلة..

توكلي على الله وإنشاء الله مافيك شي وتبلغين بهاللحظة الي تشوفين البيبي بين يدك...

اذا الجنين بخير ومافي مشاكل اعتقد احسن تنتظرين الطلق الطبيعي

مثل ما قالو لج الخوات ....حبيبتي لا تحاتين .... بالعكس الطلق الصناعي يخليج تولدين بسرعة ان شاء الله ... و ما راح تطولين و انتي تنتظرين الطلق الطبيعي ... خاصة اذا كنتي بكر .... و ما اعتقد ان الطلق الصناعي راح ياثر على البيبي .... و راح يساعدج انج تتوسعين اسرع من الطبيعي.... والله يهون عليج ان شاء الله و يقومج انتي و البيبي بالسلامة..... لا تنسين تدعين لنا الله يهون علينا

روحي بس عشان سلامه البيبي بس انا مانصحج بالطلق الصناعي

سؤال مهم جدا لاختي فجر
:eek2:يعني دكتورتي بتسالني اولد طبيعي ولا بالطلق الصناعي اهنيه في مستشفى حمد؟؟؟؟؟؟؟؟؟؟؟؟؟؟انتي متاكده انهم يسالون اصلا

اختي اذا انت مو طايفه موعدك مال الولاده ماله داعي تروحين المستشفي الا اذا البيبي كان عنده مشاكل او قل الاوكسجين عنده
عالعموم انا جربت الطلق الصناعي وكنت طايفه موعدي باسبوعين وعطوني 4 او 5 تحاميل لان الرحم ما كان مفتوح والحمد الله ولادتي ما خذت وقت بعد ما فتح الرحم
وتري الدكتوره ادري بمصلحتك

الله يقومك بالسلامه
بصراحه انا ماجربت الطلق الصناعي بس الله يخترلك يلي فيه خير لك
ولاتخافي وخلي اتكالك على الله