*Lord & Berry كحل مثل سواد الليل* تفضلوا يا بنات وشكر خاص لأختنا ام سعيده

سفيرة فوق العاده:
السلام عليكم ورحمة الله وبركاته

إختي ام سعيده

يعجز اللسان عن الشكر على جميع مواضيعج ومعلوماتج اللي 90% صحيحه وهالشي اللي للأسف نفتقده بعض الأحيان في منتدى عروس نتيجه لنقل المواضيع نقل من غير اي استعمال وخبره مسبقه.

خواتي بنات المنتدى

وأخيرا وداعا للكحل السائح تحت العين وداعا للسواد الناتج عن عدم الثقه في المنتجات وأخيرا

أم سعيده جابت لكم الحل وانا بنفسي مجربته

كحل القلم من ل(ورد اند بيري وتر بروف) بصراحه من الصبح لين الليل وما يسيح ولونه وسواده غير طبيعي وسحري والكل سألني عنه ومن وين وأي ماركه والله يا بنات ان الناس تستغرب من حلات لونه سواد مثل سواد الليل وأنصحكم تشترونه وسعره 30 ريال بس ورخيص وهذي صورته للتأكيد


وفي النهايه

سفيرة فوق العاده

ألف شكر للإخت أم سعيده هالقلم رووووووووووعه بس أنا داخل الغين أحس إنه اللون يخف لازم أعيد عليه بعد فتره لكن برى العين يتم شرات ماهو يهبــــــــل

شكرا لكم انتوا الاثتين وام سعيده ماتقصر الله يخليها
حبيبتي ممكن اعرف من وين شريتيه بالدوحه

السلام عليكم ورحمة الله وبركاته

ما شاء الله أم سعيدة دايما مواضيعها متألقة...الله يعطيها العافية...

و تسلمي أختي على معلومتك الحلوة...و إفادتك الطيبة...

بصراحة حيّرتوني بين ريفلون و ورد أوف بيري...مش عارفة إيش أختار ..عايزاه هدية لأمي في ذكرى يوم ميلادها :)

أختي السهر ( إنتي ما شاء الله دايما معايا على الخط :) ) ...من وين نلاقي هذه الماركة ؟؟؟

شفتي أنا وإنتي ذووووووووق واحد
حبيبتي مرموم هذي من عندكم في محلات نكتار بس إذا على الأحسن ريفلون أحلى يعني ريفلون للسهرات ولورد أند بيري للصبح وطلعات النهار

السلام عليكم ورحمة الله وبركاته

:) تسلمي أختي السهر...

أنا ساكنة في أبوظبي...معناه قصدك في محلات لايف ستايل...

و شكرا مرة أخرى...كلك ذوق...

حلفي مرموم

وأنا طول الوقت في بالي إنج سعوديه :o تقفطت والله

المهم حبيبتي محلات نكتار غير عن لايف ستايل جان تبين بطرش لج إنتي تدللي شوتبين وباجر يكون عندج

هلا فعلا ام سعيده كلامها ثقه
الله يخليها لحبابها ولنا
انا شريته من مكياجي
اول ماقالت عنه وكان سواده فاحم
بس للحين ماستعملته يوم كامل
عندي ريفلون وبعد فضيع(( انا استخدمهم لداخل العين))

جزاك الله خير اختي أم سعيده هالقلم روعه

ممكن اعرف من وين شريتيه بالامارات ؟؟؟

أشواق لا تنتهي:
هلا فعلا ام سعيده كلامها ثقه
الله يخليها لحبابها ولنا
انا شريته من مكياجي
اول ماقالت عنه وكان سواده فاحم
بس للحين ماستعملته يوم كامل
عندي ريفلون وبعد فضيع(( انا استخدمهم لداخل العين))

من نكتار ومثل ماتشوفون رد شواقه من مكياجي تسلمين شواقه

السلام عليكم ورحمة الله وبركاته..



حتى انا اتحسبت مرموم سعوديه؟! ههههههههههههههههههه يمكن بسبب اللهجه..

تسلمين سفيرة فوق العاده على هالموضوع..
لاني كنت انتظر الي يجرب شي يخبرنا بالنتايج.. بس محد عبرني فحسيت ان محد عجبه..
تسلمين حبيبتي على افادة الاعضاء عن التجربه وان شاء الله الكل يستفيد منه..
ومشكووووووووووره وايد وايد حبيبتي على الموضوع..

بنات الامارات اذا مريتو ل عجمان روحو لسيتي سنتر عجمان وبتحصلون عندهم محل نكتار روحوله..

وشكرا..






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

وين ينباع في بوظبي؟؟؟؟؟؟؟

مشكورين على الإضافات الرائعه

وانا حبيت انكم تستفيدون

إختي ملاذ الحب مكانه في اللاند مارك مقابل أحذية ناين وست بتلاقين كشك صغير مكتوب عليه الماركه بالإنجليزي lord & Berry ولا تنسين تدعين لي

وسعره 30 ريال بس والحقي ترى الكميه محدوده وفي ناس بتقولج ان في في مكياجي بس مكياجي خلاص ما عادت تجيب هالماركه

وفي النهايه

سفيره فوق العاده

السلام عليكم ورحمة الله وبركاته
شكلي كنت مسوية أزمة و أنا مش عارفـــة :o
أنا ساكنة و عايشة في أبوظبي...:)
و تسلمي أختي السهر على ذوقك...كلك ذوق و الله...أصلا أنا ناوية على زيارة ثقيلة للايف ستايل...أكيد إن شاء الله بلاقيه هناك...
تسلمي مرة ثانية (f)

السهر:
ألف شكر للإخت أم سعيده هالقلم رووووووووووعه بس أنا داخل الغين أحس إنه اللون يخف لازم أعيد عليه بعد فتره لكن برى العين يتم شرات ماهو يهبــــــــل

وانا رايي من راي السهر لازم اتعيدين عليه بعد فترة لأن اللون يبهت

مرموم:

السلام عليكم ورحمة الله وبركاته
شكلي كنت مسوية أزمة و أنا مش عارفـــة :o
أنا ساكنة و عايشة في أبوظبي...:)
و تسلمي أختي السهر على ذوقك...كلك ذوق و الله...أصلا أنا ناوية على زيارة ثقيلة للايف ستايل...أكيد إن شاء الله بلاقيه هناك...
تسلمي مرة ثانية (f)

مرموم غيرتي الإقامه :bigsmile:

بس إسمحيلي على اللقافه كلنا خواااااااااات بس ممكن أعرف إنتي إماراتيه وإلا لا لأنه إسلوبج شرات السعوديين

والله جربت هالماركة عند نكتار
وماعجبتني مايمشي الكحل معي بسرعة:down:

يعطيج الف عاااافيه اختي ... والله كنت ادور على كحل

مايسيح لان كل اللي شريته يسيح وماقمت احط لي

عشان مايسبب لي سواد تحت العين ,,,,,

الصراحة الف شكر لج يا سفيرة فوق العادة ولأم سعيدة بعد

انا شفت هالماكرة عند مكياجي وعند محل نكتار بالعين مول وصح ب 30 درهم بس انا هبلة لما غيرت من كحل ماك خذت كحل نوبا مكياجي اليديد وفوق هذا يسيح مع انه اسود فاحم... بس شو فايدته اذا كل شوي والمنظرة ويالله مشي السايح وعدلي...

شكلي بروح اشتري منه للدوام ومشكورين على المعلومة الحلوة اللي صدق من تجربة .. بس على فكرة شوفوا هالماركة باماكن ثانية غير مكياجي ونكتار لانهم يغلون وهالماركة مب تابعة لمحلهم هم بس يروجون لها ويزيدون للسعر

وين في ابوظبي الى تعرف
فقط ابوظبي بليزززززززز