بنات دبي... ممكن مساعدة عن المكياج في دبي

هلا وغلا حياج الله في دبي

عندج الأخت نوره من الشارجه ماعليها كلام وإذا تبين أسامي صالونات بعطيج إنتي تدللي

السلام عليكم ورحمة الله وبركاته..



عن الخبيرات اسمع عنهن بس ما جد شفت مكياجهن.. واغلبيتهن من الشارجه.. وفي منهم شفت مكياجهن بس في المجله تعرفين الواقع غير..
واذا بغيتي الصالونات.. عندج صالون مشكبار في كرامه.. هذي فنانه في المكياج اللبناني والهندي شوي ممله لانه نفسه تسويه على ويه كل حد كوبي وبيست.. في ملجة ربعتي سوتلها مكياج لبناني طلع روعه روعه حتى اثار الحبوب خوزته والالوان تنااااااااااااااااسق..
وعندج صالون مورا ب جميرا.. بس يقولونان اغلبيتهن طلعن منه؟!؟! مثل ندى وجوزيت؟!؟!
وعندج صالون ايمان في الضيافه.. عند زرينه مكياجها روعه وهي الي سوتلي حق عرسي والكل قام يسالني منو منو مسولج.. غيرت ويهي ومعاملتها 100% فنانه..

ترى الي ذكرتلج اياهن مكياجهن مش دفش ولا تكثر فيه الصبغات والالوان والكحل.. مكياجهن مرتب ومتناسق..
يعني مش شرات خبيرات التجميل الاماراتيات يكثرون الالوان وصبغات..
وبالاخير كل وحده وذوقها؟؟

وان شاء الله الباقيات بيفيدنج اكثر..

وشكرا..






-(نصيحه لكل متزوجه الاستماع الى الشريط: شروخ في الحياة الزوجيه..للشيخ: سعيد بن مسفر..)-

مشكوره أختي الغالية .... وإذا ممكن تعطيني أسامي صالونات معينة في دبي .... وأكيد بادعيلج .... ومشكوره وايد على الرد والإهتمام

أم سعيده صح كلامج أغلب خبيرات التجميل الإماراتيات مكياجهم صاير ثقيل لما يحاولون يقلدون اللبنانيات وغيرهن لكن في وايدات غيرهن مكياجهم قمـــــــــــــــه وماعليه كلام يخلونج تهبلين بدون المبالغه

عندج صالون شارم

صالون ماغي

صالون إيمان

صالون سيلفي

صالون مورا في جميرا

صالون لندا خليفه (يقولون مزاجيه )

أما صالون مشكوبار الصراحه أبداااااااا مايعجبني ماأدري ليش أحسها تكثر فاونديشن (الناس أذواق)

ضغطــــــــي هني ..

في وحدة اسمها نجلا روعة مكياجها

السلام عليكم
زرينه البحرينيه اللي
في صالون ايمان
مكياجها فظييييييييع

هلا
انا جربت مادونا خوري في عرسي
مكياجها راقي وبسيط انا عجبني كثير ومريحة في التعامل
اذا حابه اتشوفين ستايلها كل اسبوع في مجلة الاسرة العصرية

وكذلك هند الاميري امكيجة الفنانه احلام شفت صورة عرسها شي جميل وراقي وبسيط

وعندج بعد ميرنا اتكمكيج في ال ام بي سي كانت حلو شغلها و طيوبه
اذا حابة ارقامهم راسليني عالخاص
والف مبروك مقدما

اعتقد اني خبرتج عن مكياج البحرينيه .. صح ؟! .. :) ..

وعندج بعد صالون رافال في شارع الرقه



و



صالون عمرو


و




صالون بسام




ومني لج احلى تحيه والف مبرو مقدما وعقبال البنات اللي ما عرسن

الغاليه عندج شارم

وليندا خليفه

وصالون الود عند بوهيل

اتمنى اني اكون افدتج


اخويتكم الصيدلانيه

إختي عندج الإماراتيه نوره علي من الشارجه ..مكياجها قمه وما عليه كلام ...

اختي اخذي نصيحه مني لازم تشوفين المكياج بروحج لأن الناس اذواق ويمكن ما يعجبج شغل اللي اذكروهن .. في بعضهم الخوات ذكروهم مكياجهم حلو وفي لا .. الصراحه انا جربت عند وحده كانت وحده دايما تمدحها وشو روعه ومستحيل تندمين لما تسويين وياها واخر شي الصراحه مكياجها عااااادي جدا والله اني ما اقص عليج اني لما احط لنفسي يطلع شكلي احلى من الميكب اللي هي سوته لي .. ومسويه حق خواتي مكياج مب شي بالمره والله صج صج تندمت مع انه كان عرس اخوي وهذا اول واحد من اخواني يعرس :( .. ببس خلاص التوبه اجرب عند حد انا مب شايفه شغلهم .

شكرا خواتي على الردود وعلى الإهتمام .... بس بغيت أسأل عن مكياج الصالونات اللي في الفنادق الفايف ستار .... أش رايكم أجرب ولا حد عنده فكره لأني باسكن في فندق البستان روتانا ,,, وهم عندهم صالون تجميل بس ما أعرف اشلون بيكون... أنتو شرايكم؟؟؟

خواتي .... لا تهملون موضوعي ترى العرس في تاريخ 28/8/2005 وأبي أكون مميزه ... وأكيد بيكون الفضل لكم .... ومشكورين

انا ما خليت صالون فدبي الا وسرت شفت مكياجهم
والله راسي دار بس اتعرفين ما حصلت مثل هيفا صفر
انا ياما احط حق عمري او هيفا يمكن لاني انا اعرف في المكياج ودارسه الميك اب ما يعيبني شغلهم ما اعرف بس المهم
ان يعتمد على الوحده بعد اولا البشره اتكون نظره وحلوه لان اهم شي الاساس اذا الاساس كان اوكه فكل شي بيطلع عليه اوكه فلازم الي اتحط لج الميك اب اول شي اتضبط الكريم اساس وبعدين الي اتحطه بيكون حلو وطبعا كل ما اخف كل ما كان احلى

البستكية .... مين هي هيفا صفر .... ووين نحصلها .... وشو رقم الهاتف

.........................................