رأيكم بالعادات الجديدة؟؟؟؟؟؟؟؟؟؟؟

هلا والله اختي ..

والله هالموضوع كنت اتكلم فيه مع وحدة من البنات قبل كم يوم ..
قبل كم سنة ماتشوفين الا واحد والا اثنين يسوون هالحركة وتستغربين .. اما اللحين الله اكثرهم من وين اتروحين بتلاقين كل واحد ماسك يد زوجته .. والاغلبية الزوجة هي متمسكة بايدها الثنتين بذراعه كانه بيطير منها ..

والله ذاك اليوم كنت رايحة السوق .. واقفة انتظر خواتي قدام المسجد .. .. المهم والا اشوف ذاك الرجال اللي طالع من المسجد ويروح لزوجتة ويحاوطها بايدة .. انا طارت عيوني قلت بسم الله وين احنا قاعدين ..
اشوي الا منزل ايه ولفها على خصرها ومشى معها .. وانا طايرة عيوني .. ياليت الرجال صغير قلنا يمكن .. لكن الرجال كبير يمكن حول 40 سنة .. ماقاموا الناس يستحون والا وش السالفة !!!..

هتـــان ..

انا اشوفها مو حلوه
:)

هلا أخواتي تسلمين يالهتان على مرورك الكريم والله هي ظاهره منتشره بس التوسط حلو


وتسلمين ياسحابة حب أحس مافيها شئ اذا كانت بشكل معقول وبحدود


والله لا يخليني منكم

بصراحة انا اشوفها مسخرة ووقاحة >>>>>>>>>>>>>>>السموحة منكم

والله مرة كنا في معرض >>>>>>> اللي يسوونه في ارض المعارض

ويااااااااليته مسكها من يدها كان اهون

الا الريال كان حاضن حرمته شوي وبتشيله

والله اني استحقر هالنوع من الرجال .... والسموحة من الجميع

# وجهة نظر

ودمتم سالمين

لحظة لحظة .. انتو خلطو بين اثنين .. انه يمكس ايدها شي وانه يحضنها شي ثاني ...
انا بصرااحة اشوفه لو مسك ايدها .. عاادي ...شو يعني ؟؟؟
وبعدين ما اشوف هالشي منتشر عندنا واايد .. بالعكس تلقينبعض الريايل عندنا يستحون يسوون جييه ويعتبرون هالشي فضييحة ؟؟؟ وحتى في بعضهم يستخسرون انه الحرمة تمشي عدالهم كيف لو تمسك ايده ؟؟؟ لازم تمشي وراه وتبعد عنه مترين .. والله انا هذا اللي اشوفه .. ... في بعض الريايل ؟؟ مب كلهم .؟.


انا لو شفت اثنين ماسكين ايد بعض ويتمشوون بكل احترام ما اظن انه فيها شي .. بالعكس ادعي ربي يهنيهم اكثر واكثر ..

بس انه يحضنها ويلوي عليها ... لا هذي كبييرة .. عييب وين قاعدين نحنه ..

السمووحة

بنفسوجة

انا في راي في فرق بين انه يحضنها او يحط زراعه على كتفها او يمسكها من خصرها وبين ان يمسك ايدها النوع الاول بعتبره مينفعش وعيب قدام الناس بس غير كده مفيهاش حاجه لو مسك ايدها

معرفش يا جماعه انا شايفه انو لو الرجل مسك يد زوجته وهم في السوق فهذا شيء عادي جداً اما انا يحتضنها فهذا امر مرفوض .
اما بالنسبة لان يمسك يدها فقط فهذا جميل جداً وما فيه شيء علي الاقل احسن من الرجل الذي يمشي ويترك زوجته تجري ورائه تحاول اللحاق بخطواته فهاذا الذي اعتبره امر سخيف جداً .

[تسلمون يأخواتي على مروركم الكريم

ورورة

وبنفسجة العين

poosy cat

وتوتي فيروز

وأن شاء الله افيدكم بكل جديد أختكم شدددددو2006

مرحبا فيج "شيددددو 2006

موضوعج واقعي جدا ولامس حقيقه نحن نشوفها ...
بالنسبه لخواتي في الامارات ...انا اشوف هالشي منتشر
ومره شفت شي بصراحه انصدمت
كنت في احدى امارات الدوله وشفت ريال ياي صوب وحده
الا جا وحضنها جدام الناس...
وقرب ويهه من ويهه البنت !!!
اتوقعته يسوي شي بس زين انه ابتعد بعدين ومسكها من يدها وراح ...

هالموقف ما انساه لان اقشعر بدني يوم شفته
وما هقيت ان فيه ناس جيه ما تستحي

المهم الله يستر علينا وعليهم ...
والله يستر من الي ياي ...


اختكم ... ليل الإنتـــظار

[grade="FF1493 A0522D FF1493 A0522D"]
السلام عليكم ورحمة الله وبركاته

تذكرت موقف صديقتي شافته،وتقريبا مثل اللي ذكروه الخوات

بس المشكلة إنه الحركة أجرأ شوي،وصديقتي انصدمت من اللي شافته

وتقول الشخص ماكان صغير وإنما كبير في السن وغريب يطلع هالشي منه

المهم رأيي في الموضوع إن محبة الزوجين وتوددهم يكون داخل البيت

لأن أي حركة ممكن يقومون ابها أعتبرها من الخصوصية اللي ماله حق حد يعرفها

المشكلة إنهم يحبون يورون الناس مدى توددهم لبعض،انزين ليش،برأيي من الجميل

لو كان الزوجين في إحدى المراكز انهم يمشون عدال بعض بدون أي حركة حتى مسكة اليد

مالها داعي،مابقول عيب لكن مو طبعنا وكل شي نشوفه خارج عن طبايعنا يكون أمر ملفت

للآخرين وقد يكون مستهجن،صحيح هي مجرد مسكة يد لكن هالشخصين بيكون شكلهم ملفت

أمام الآخرين وفي نفس الوقت انا ضد الرجل اللي يمشي عشر أمتار بعيد عن زوجته كأنه يمشي

مع وحدة غريبة،أو يخاف حد يشك أنه مواعد بنت،أسمحولي على طريقتي لكن بالفعل مش حلو

الزوج يمشي بعيد عن زوجته وفي نفس الوقت مش حلو يتشبث فيها كأنها بنت صغيرة بتضيع

بالزحمة وهالعادات من أعراف الغرب مش من أعرافنا،والاحترام والحب والتودد أهم شي يكون في

البيت مو في المراكز..

تسلمين أختي على طرحج للموضوع..

في أمان الله[/grade]

الحركه بحد ذاته عاديه بين الزوجين
لكن لو انا بوضع الزوجه ماراح اسويها مو لانه عيب ولالاانه شئ غريب
لان هالحركه بتلفت الناس لي
وابستحي
انا بالنسبه لي لما اشوف زوج وزوجته ماسكين يد بعض اقدر الزوج لكن لكل مكان شغلاته

شكرا لصاحبة الموضوع

هذا الموضوع سبق وناقشناه من قبل وكان اغلب المؤيدين للحركة البنات إللي لسه ما تزوجوا وعبالهم الزواج بس مسكة إيد ولف بالأسواق... وبعض المتزوجات إللي وافقوا على الحركة تحس انها وااو تملك رجل يحبها وجايبها السوق يدلعها... وانها احسن من غيرها بوايد <<< مع انا البيوت اسرار..

المهم

انا راح اتكلم على الصعيد الشخصي والمحلي.

بما ان نعيش في بيئة خليجية إسلامية تحكمها الكثير من العادات والتقاليد إللي مهما درسنا وتثقفنا وسافرنا ورحنا وجينا .... مستحيييييييييل نطلع من إطارها.

تظل المرأة ... مرأة ..........ويظل الرجل ... رجل
وحركة مسكة الإيد لا من طبايعنا ولا من عاداتنا .... ابدا
واغلبية الرجال يرفضونها شكلا وغالبا

واخيرا للحرية دور

وكل من ينام بالجنب إللي يريحة

تسلمون ياأخواتي على مروركم الكريم

:D2 اي عشان ما يضيعون عن بعض !!
صاار هالمنظر عاادي و طبيعي هالاياام

رغم انه ماله داعي

اخواتي الغاليات
من وجهة نظري اشوف الموضوع عادي
مافيها اي شي ان يمسك الزوج ايد زوجته
ترى شي عادي
ولكم حرية الرأي واختلاف الرأي


دمتم سالمين
اختكم شريفة

حقيقة قرأت الموضوع .. وقرأت المشاركات .. وانا احترم اراء الجميع

واسمحوا لي ان اختلف قليلا معكم

ليس عيبا ان يمسك الرجل ايدي زوجته او تمسك الزوجه يد زوجها في اي مكان يمشيان فيه سويا .. ورغم ان هذا قليل الحدوث بين الازواج وزوجاتهم الا انه يقوي روح الالفه والموده بين الطرفين

اما مسألة الاحتضان هذه فإنها نادرا ما تحدث الا اذا كانت الزوجه تنتظر زوجها في المطار او ماشابه وانا شخصيا لم اسمع ولم ارى رجلا يحتضن زوجته او يضع يده على خصرها .. الا اذا كانت غير زوجته

نحن نريد ان نشجع هذه الالفه والموده بين الازواج وهو منظر لاارى فيه غضاضه الا اذا كنا ننظر اليهم نظرة حسد

هدى الله الجميع

عزيزاتي

انا من رأيي ما دام زوج و زوجته على سنه الله و رسوله شو المانع من انه يمسك ايدها!!!! بتقولون عاده دخيله ما كانت موجوده...انزين من 50 سنه في منطقتنا...هل اساسا كان فيه مكان الريال يروح فيه مع حرمته؟؟؟ لا اسواق ولا سناتر...اساسا ما كان يمشي جنبها اذا راحوا اي مكان...كانت تمشي وراه...
الحين الدنيا تغيرت صارت الحرمه قويه مب مثل قبل مجرد اله لانجاب الاولاد و الطبخ و التنظيف...صار لها كيانها و مكانتها في المجتمع ..صارت تدرس و تشتغل..حالها حال الريال...(مع ان هذا الحق فرضه لها الاسلام من 1400 سنه ) فصار الريال يحترمها اكثر و يعاملها كانسانه تشاركه حياته مب كاله..و صار يمشي معاها في المولات و السناتر...و مثل ما يشوف كل العالم يمسكون ايادي بعض...قام يمسك ايد حرمته....
وللاسف الشديد...اعرف وحده طلبت الطلاق من زوجها لانها ما كانت ترضى تمسك ايده...فشافوه في احدى المولات ايده في ايد اجنبيه!!!!

يعني شو كانت بتخسر لو مسكت يده و هي حليلته.....خلته يدور على وحده تانيه فري تسوي الي يباه...

طبعا العناق و غيره هذا مش مستحب ولا طبيعي ابدا.....لانه يخدش الحياء و يقلل من احترامه للمرأه اللي مفروض تكون مكرمه وما يشوف الناس عليها شي مثل هذا...



والسموحه :)

مجدي

انا معك 100%

من كثر ما شفناه صار عادي وسخيف بعد