اختكم في ورطه....رجاء ساعدووووووووها

مرحبااااا ...
اختي لا تعصبين ولا تبينين شي ... يمكن هي اللحين محتره لانك هزأتيها .... بس صدقيني اعتقد ان هي ما طلبت تكون مع زوجك الا عشان تستغله يعني يشرح لها اشيا او يتناقش معاها في ناس استغلالييين يستغلون اللي وياهم فالدراسه عشان يوصلون اعلى المراتب ووو الحركه اللي سوتها انها تفتش في مكتب زوجك ادل على هالشي ... انتي نبهي زوجك على هالتقطه بدون ما تحسسينه انك غيرانه منها ...

حبيبتي الغالية ..............

مافي داعي انت اتكلمينها ............ و الله احس ان اذا ريلج ايكلمها و يغسل شراعها وايد احسن ...........

لانج انت اموضحة ان هو بعد مو راضي على اللي يالس يستوي..........

حبيبتي اتعشي فيها قبل هي لا اتغدى فيج........ و انشاء الله ما في شي راح يفصلكم عن بعض ........

المهم التوكل على الله.......

ما في داعي اتطنشين الموضوع يو م ريلج ايرمسج فيه ........ يمكن هو مب عارف شو ايسوي ....... عشان جيه ايقولج كل اللي ايصير .........

حبيبتي استغلي هاالشي اللي فيه لصالحج............ و اسمحيلي على التقصير......

إي حبيبتي خلي زوجك يكلمها ويهزأها ولا يعطيها وجه..
لأن إذا انت كلمتيها ما بترد عليك وبتفسره انه غيرة لكن اذا كان الكلام من زوجك يكون احسن
والله يسعدكم ويبعد عنكم الشر وأهله ويكتب لكم الخير وين ما كان يا رب...

اخواتي والله انكم شرحتم صدري بردودكم علي..
زوجي مستحيل يغسل شراعها او يهزءها ..لانه يقول جاي حق دراسة ما هوجاي حق مشاكل..وزوجي من النوع اللي يحب يطنش....خوفتي يصير شي با الجامعةو انا يا غافل لك الله...انتظر المزيد... شكراً ..

امممممممممممممممممممممممم

اتصور انك تكوني حذرة كثييييير ...

وما تخليهم يختلطو في بعض .... ويخلو مع بعض

لان النفس امارة بالسوء ....

الشيطان يزين للرجل المراة الاجنبية عنه ... لكي يقع في فخه...


هذا رايي

مع تحياتي

طيب حبيبتي خليه يكلمها بس وبكل هدوء، يشتغل بحاله هيبلحالها من دون أي هواشات أو مصادمات
عادي يعني هذي بعد ما أعتقد فيها شي
وانت كلمي زوجك وفهميه إنك متضايقة منهاهو بما انه حترمك و يحترم مشاعرك أكيد بيفهم إن هذا من حقك
وموفقة إن شاء الله

طيب هي متزوجة او لا ؟\

لان الحل يختلف

انتظرك

حبيبتي انا مع خواتي خلي زوجك هو اللي يكلمها ويبعد عنها ويغير جدولها عنها اذا يقدر

وانتي لازم تسوي شيء وهو

انك تتزيني لزوجك اكثر وتحاولي تلفتي نظره وادعي له

بس اهم شيء تخليه يكلمها ويهزئها مو يعلي صوته وكذا لا

يعطيها كلام بهدوووووووء بس كلام يحرجها ويخليها تعرف خطئها

وتمنياتي لك بحياة سعيده ملؤها الحب والوئام والتفاهم والاحترام

مع تحيات اختك في الله

الجوري

السلام عليكم ورحمة الله وبركاته
الله يكون في عونج اختي الغالية تدرين لو انا مكانج كنت بغسل شراعها وبطجها لين ماتوب
تقرب صوب ريلي:mad2::mad2::mad2::mad2::mad2: بس يقولون الضرب مب طريقة حضارية بس حق نفس هالنوع من الناس اللي يحب يهدم بيوت الناس ماينفع معاهم الا العين الحمرا:ok::ok::ok:
الله يكون بعونج من حقج تخافين على ريلج بهالزمن اللي صار وا فيه الحريم هم الذئاب الجائعة
بس طالما ريلج صريح وياج ويخبرج اول بأول حاولي بسياسية وطريقتج تخليه هو اللي يغسل شراعها.......

حبيبتي
الغلط انك تسرعتي وكلمتيها
واس انسانه دامك وصفتيها بهالصفات بتعاند
عموما اذا حصل شئ وزوجك تضايق منها
خلي زوجك يكلمها ويفهمها ان هالشئ مايرضيه
ولاتدخلين نفسك بينهم لان انتي لو زوجك كان غافل عنها بتفتحين عيونه عليها
لذلك فهمي زوجك بهدوء وهو يفهمها اذا اقتضت الحاجه

مرحبا حبيبتي تفاهمي مع زوجك على اساس ان علاقته معها تكون في أضيق الحدود ولازم هو يوضع حدود لعلاقته فيها لان بما انهم


يحضرون للدكتوراه ومرشدهم واحد فلازم يشوفها ويحتك فيها وحاولي ما تكونين في الصوه لأن ممكن هي بس تسوي حركات عشان

تغيظج وتنكد عليكم عسى الله لا يفرقكم وتردون لديرتكم بالسلامه

تسلمون عاى ردودكم الحلوه ...اختي خايفه...هي ما هي متزوجة بس تقول انها مخطوبة ومن
جنسيتها بعد....

السلام عليكم ورحمة الله


انا مثل الاخوات يفضل انه يكلمها ويطلب منها انه ما تدخل في خصوصياته وانه عليها تحترم رابط الزوجية اللي بينكم ..... يفضل بكل هدوء واحترام وبنية صافيه ويحسسها انه هي مثل اخته في الاسلام وانه يخاف ينطعن في عرضه اذا استمر بهالشي لانه اللي ترفضه على اهلك لابد ترفض انك تسويه ..و يدعيلها بان الله يستر عرضها لانه نيته صافيه اتجاها صدقيني بتلين و بتنسى لانه بيذكرها بنقطه مهمه الا وهي حياء المرأه :)

ربنا يستر عليكم وعلى بنات المسلمين وعلينا

اختج رومانسية

هاااااذي من دون نقاش ولا تفكير


ابعديها عن دربك وعن درب زوجك مهما كان الاسلوب لانها تحاول تكون الثانيه

ومافي وحده محترمه تسوي هالحركات

هذي تاخذ اي شي وتبي تتقرب

وكلمي زوجج انه مايعطيها المجال لو بسيط انها تدخل في شي يخصه


يعني هوه لازم يتعاون معاج بعد

هذا مش من سلك العرب اساسا ان رجال ياخذ حرمه مب حلال عليه ويتغدون في مكان

يعني هوه بعد انسان على نياته بس مهما كان لازم مايعطيها فرصه وردي كلميه قوليله تحبني لاتعطيها اي فرصه صغيره انها تتقرب اكثر وكل شي بعرفه اذا مش الحين بعدين

وصحيح دامه يخبرج عن كل شي استغلي هالشي لان شكله مش عارف يتصرف معاها وانتي انصحيه انه مايعطيها فرصه ابدا

السالفه واضحه مثل الشمس مايبيلها تفكير

هذي السالفه صارت مع خالتي وزوجها يوم كانت في بريطانيا

اخواتي ...اذا ناقشته يقول انا ماني مراهق ويزعل ويترك البيت,,,ويقول لي لازم يكون فيه ثقة
واذا ما فيه ثقة روحي مع السلامة...اخواتي والله نفسيتي جدا جدا جدا تعبانه ادعولي وادعو ان الله
يصرفها عنا.....تعبت تعبت تعبت...................الخ

هلا اختي محبه ذات النطاقين


الله يعينك اختي على هذه المشكله

تبين الصدق الغلط مش من هذه المرأه

الغلط من زوجك لانها عطاها وجهه

ابدئي بزوجك حاولي يبعد طريقه عنها

لووجدت من صدود لما تقربت منه

من راي ان زوجك هو سبب المشكله

لانها لو ماوجدت تجاوب من زوجك لما تمادت معه ودخلت مكتبه وفتشت اغراضه

اهم شيء ابعدي زوجك عنها حاولي تعوضينه عن الغربه باعطائه المزيد من الحنان والعاطفه


الله يبعدها عن زوجك ويديم السعاده عليكم

الله يسعدكم زى ما اسعتوني بردودكم...اختي فطيم 19 كيف انهت خالتك الموضوع
ابغى اسوي مثلها...كبف تعاملت مع زوجها ومع الحرمة..
اختي بندور احس مثلك ان زوجي السبب...بس هي جريئه زياده عن اللزوم...

انا شايفه انك غلطتى من الاول علشان فتحتى بيتك لواحده انتى متعرفيهاش بس اللى حصل حصل

من رايى ان زوجك هو اللى يكلمها قدامك بكل هدوء ويقولها كده عيب ويقوللها ياريت متبقاش سبب فى ضياع البيت

وانه بيحبك وشوفوا ايه رد فعلها ممكن تتقبل الموضوع وتنسحب بكل هدوء

أختي العزيزة

أعتقد ان أمر الخطوبة قصة مختلقة منها ولا اقول هذا الكلام لأخافتك لكن لتحذري منها اكثر
فلربما قالته لتبث في نفسك الراحة فتكفي عن مضايقتها

ولا تظهري لزوجك الخوف الزائد منها
وحاولي ان تهدئي اعصابك وتجدي المدخل لشخصية زوجك فكسبيها وتقنعيه بالبعد عنها

وصدقيني ان شعر زوجك بخوفك الزائد سيخفي عنك اخبارها لذا اكسبي ثقته وعامليه كصديق لا كزوجة بعيد عن الغيرة اضغطي على نفسك لو ان الامر مر وصعب اعانك الله فبهذا تفكرين بالحل لكل حركاتها إبتدائاً من اقناع زوجك بتغيير جدوله وهكذا

وقومي بتهديد تلك الدخيلة إن رأيت مايستدعي ذلك ودعي عليها

وإبتهلي للخالق بإن يكفيك شرها ويعميها عن زوجك ويشغلها بنفسها

وهنا نجد ماأمرنا به الاسلام من حجاب الشرعي وعدم الإختلاط ونيقن بإنه الدين الشامل ماأمر بشئ من عبث

كان الله في عونك وصديقيني هذه المشاكل تحتاج لضبط النفس والتفكير بعمق

ارق تحية