جاوبوا على استفساراتي بليييييز

1/ لي شو الفرق بين البودرة السائبة والبودرة الحرة وايهم افضل ؟؟؟
البودره السايبه هي نفسها الحره
2/ وبودرة الاساس هي نفسها الاساس ولا هو شي ثاني نحطه بعد الاساس ؟؟؟
بعد ما تحطي كريم الاساس تحطي بعده يا البورده السايبه او البودره الضغوطه ... إذا كانت بشرتك دهنيه او مخلطه استخدمي البودره السايبه ... اما إذا كانت عاديه استخدمي المظغوطه رغم ان البودره السايبه تعطيك مظهر طبيعي اكثر
3/ وشو الفرق بين الاساس السائل و الاساس المائي و ايهم افضل واسهل بالنسبة لمبتدئة بالمكياج ؟؟؟
صراحه ما عندي فكره ... لأني انا بعد مثلك مبتدأه واحاول اتعلم من بنات المنتدى الله يعطيهم العافيه
4/ البودرة المضغوطة شو فايدتها ؟؟
مثل ما قلت لك في السؤال الثاني

اسفه على القصور بس هذا اللي قدرت عليه

اختك ... كحيلة العين

3/ وشو الفرق بين الاساس السائل و الاساس المائي و ايهم افضل واسهل بالنسبة لمبتدئة بالمكياج ؟؟؟
بقى هالسؤال وبجاوب عليه
اول شي كل نوع له ميزته
بس المائيه افضل لاني احس تغطيتها وثباتها أكبر

السلام عليكم ورحمة الله وبركاته

بنات ممكن تجاوبوني على بعض الاستفسارات وتحملوني لاني مبتدئة

1/ لي شو الفرق بين البودرة السائبة والبودرة الحرة وايهم افضل ؟؟؟


نفس الشي وفايدتهم تنحط بعد الاساس لانها تثبته وتمنع ان الاساس يلقط الاشياء الي بالهوا مثل الغبار ويقلب لونه رمادي

2/ وبودرة الاساس هي نفسها الاساس ولا هو شي ثاني نحطه بعد الاساس ؟؟؟

الاساس في منه


الاساس المضغوط:<<<<مثل السمر كيك اذا اتعرفينه ويستخدم مع اسفنجه مبلله بالماي



والااساس السائل: يوزع بالاصبع او بالفرشاه مالت الاساس

3/ وشو الفرق بين الاساس السائل و الاساس المائي و ايهم افضل واسهل بالنسبة لمبتدئة بالمكياج ؟؟؟

الشق الاول من السؤال اجابته بالرد الي قبله اما الافضل لمبتدئه عادي

الاساس السائل يصلح للنهار والاساس المائي للسهرات والحفلات الكبيره

4/ البودرة المضغوطة شو فايدتها ؟؟


تعطي مخمليه للوجه

ممكن اتحطينها بعد الاساس على طول

وممكن تحطينها بعد البودره الحره <<<< لتغطيه مثاليه
يعني
الطبقه الاولى اساس
الي بعدها بودره حره <<< اطبطبينها على الوجه
الي بعدها البودره المضغوطه وبعد بالطبطبه(( التربيت))

خواتي ماقصروا
والاخت اشواق كفت ووفت

وبكونج مبتدئه مايمنع انج تجربين كل انواع الاساس بس الاهم انج تختارين الاساس المناسب
الاساس السائل تقدرين تستخدمينه للمناسبات باضافه عليها البودره المضغوطه

وتقدرين تستخدمينه لطلعات العاديه انج تحطين عليه بودره حره بشطل طبطبه

الاخوات ما قصروا

بس بضيف نقطة صغيرونه

وهي أنج تتعلمين طريقة الوضع لأنها تلعب دور فعال

مثلا لما كنت أحط الأساس-أيف سان لوران_ على طول أحط البودرة

وهذي غلط لأن بعض الأنواع يبي لج تنطرين 3 دقايق على الأقل

وبعدين تحطين البودرة

مشكوووورين خواتي ماقصرتوا