سؤال يا مصريات بسرعة

ايه دا ولا اجابه :cry:

اهلا يا بنت مصر نفسي كنت اساعدك بس انا من اسكندرية ويارب حد من لبنات يساعدك

شكرا ليكي يا قمر

طيب متعرفيش الأسعار عموما ايه

يارب الاقي حد يساعدني
:sad:

حبيبتى بنت مصر ليه متنزليش بنفسك وتشوفى الاسعار والخامه عامة فى كل المستويات والاسعار انا اعرف سنتر فى الهرم اسمه ناجية سنتر فيه كذا محل لفساتين الافراح وللتأجير اعتقد انه ممكن يفيدك روحى خدى فكرة وشوفى الاسعار والموديلات وان شاء الله ربنا يوفقك وتلاقى ويكملك على خير

شكرا يا قمرايه انا عارفه السنتر بس المشكله اني الفتره دي قاعده برا القاهرة وصعب انزل واشوف

حبيبتي بنت مصر

قلبي عندك بصراحة انا فصلت فستاني، بس قبل ما افصل نزلت بصيت على محلات كثيرة علشان اشوف الفساتين موديلاتها ايه لاقيت كله عريان وما فيش حاجة تنفع المحجبات غير انك تشتريه كده وبعدين هم في المحل يقفلوه

عموما هتلاقي كل الأسعار من اول 400 جنيه و300 في الموسكي لحد 5000 و6000 عند ندى في طيبة مول

وطبعا بعد الفصال والذي منه ممكن 700 او 800 جنيه يجيبوا فستان حلو ومعقول في الموسكي

الف مبروك مقدما

وااااااااااااااو
انا دخلت الموضوع لقافه
بس الاسعار عندكم مو معقوووووووووووووووووووووووووله
احنا الفستان العاااااااااااااااااااااادي واللي مافيه موديل ولسهره عاديه مايقل عن 1000 ريال
من قدكم



والله يوفقج اختي وتلقين اللي تبينه
بس عندي لج فكره ليش ماتصممين الموديل بنفسج او تختارين موديل من النت وتقلدينه

شكرا يا bridetobe بجد بجد شكراااااااااااااااااااا

ممكن اسألك سؤال تعرفي مكان معين في الموسكي او محلات معينه

دلوعة قطر

شكرا يا غاليه على مشاركتك
وبالنسبه للتفصل بصراحة انا معرفش حد مضمون يفصل , بس لو تعبت من التدوير ممكن افصل

بصراحة ما اعرفش حد معين انا نزلت بصيت على كل المحلات وطبعا المحلات اللي في الأول من ناحية العتبة بيكون فيها تشكيلة احلى واغلى ، تعرفي اعرف حد جاب الفستان من هناك نزل النصف من اول محاولة فصال بس انتي خدي معك حد شاطر في الفصال

دلوعة قطرية
نورينا في مصر تجدي ما يسرك ، تعالي هتلاقي حاجات كثيرة تعجبك، بس على فكرة الموسكي ارخص منطقة في البلد من ناحية السواريهات يعني لو طلعتي في محلات المولات الكبيرة هتلاقي موديلات اشيك لكن برضه اغلى كثير ونسبة الخصم والفصال هتكون اقل كثير

حبيبة قلبي اسفه اني زهقتك بس الازواق هناك ايه رايك فيها
في حجات شيك وحلوة

ما تقوليش كده ولا زهقتيني ولا حاجة مبروك يا بنتي عقبال ما تلبسيه ان شاء الله

الموديلات في المحلات الأولى معقولة يعني افتكر يوم ما رحت كان في فستان ب 1500 وكان ظريف قوي وهم عندهم رغبة انهم يظبطوه زى ما انتي عاوزة وطبعا بعد الفصال اعتقد ممكن توصليه 1000 او 800 بس انا كنت شريت القماش خلاص

ربنا يخليكي ليا يا قمر ويباركلك ياااااااارب

ان شاء الله لما ماما تيجي من السفر اخدها ونروح

ولو احتجت اي حاجه هسألك يا اختي الغاليه

تحت امرك يا عروسة