مكرونه ايطاليه بس فضيييييييييييعه

اهلياا بنات
كيفكم انشاء الله بخييير
حبيت انقل لكم طريقة المكرووونه والله بدون مبالغه الكل سألني عن طريقتهااا
صراحه طعمهااا جنااااااااااان ولذيذ
لايفوووتكم..
المقادير
مكرونه (اللي يجي شكلها ملفوفه مثل الشرائط تشبه الشعريه الملفوووفه بس مكرونه)
بهارات ايطاليه وهذي اهم شئ (تلقينها في بنده او جيان )
راس ثوم كامل مقطع بطول
صدور دجااج مقطع بالطول
2 بصل مقطع شرائح
2جزر مبشووور
1 فلفل بارد (احمر)مقطع بالطول
1 فلفل بارد (اخضر)مقطع بالطول
1 فلفل بارد (اصفر)مقطع بالطول
1 فلفل بارد (برتقالي )مقطع بالطول
قليل من الكزبره =قبضة يد
قشطة الخفق
جبنة مبشوره
اولا :
نغلي المكرونه بطريقه المعتاده وتصفينها وتخلينها على جنب
ثاثنيااا
نحمس البصل لين مايتحمر نضيف السمن ونقلبه شوووي بعدها نحط
الدجاج ونقلبه ونحط البهارات الايطاليه والملح طبعااا على راحتك كثر ماتبين
بعدين نحط الثوم ونقلبه ونحط الفلفل بجميع انواعه بعدين الجزر والكزبره
ونخليه لييييين مايستوي ..
اذا استوي نجيب صنيه ونقسم المكرونه قسمين قسم نفرش فيه الصنيه من تحت ونحط الحشوووه اللي سويناهاا
والقسم الثاني نغطي الحشوه فيه.. بعدها نصب قشطة الخفق عليه
وننثر الجبن المبشور فوووقه
ونغطيه بقصدير وندخله الفرن من تحت اذا استوى من تحت تفتحين القصدير
وتحمرينه من فووق بس على خفيف يعني لاتخلينه يتحمر كثير وانتي واقفه بعدين تطلعينها
وتقدمينها والله يابنااااااااااات طعمها مجنوووووووووون رهيب والله
لايفوتكم وعلى فكره ترا انا مره سويتها واستبدلت الدجاج بربيان وطلع طعمهااا خيالي بعد وحلووو
تحياااااااااتي لكم ..
اي سؤال انا حاااااااااضره